柞木炭家

营业中

休息中

這家韓國餐廳的菜式時不時會更新，每次來都有驚喜。前菜有蓮藕片、芽菜、菠菜和薯仔沙律。前菜質素都很好，選擇還算多。最上等的牛肋骨肉質鮮嫩，油花分佈均勻，每一口都充滿了肉汁的香氣。棉花糖壽喜燒和牛西冷則是創新的組合，加熱後棉花糖會融解在棉花糖裡面，柔軟的和牛在甜美的壽喜燒醬中散發出獨特的風味，很美味。大蝦肉質彈牙。炸雞金黃酥脆。泡菜豬肉煲則是另一種風味，泡菜的酸辣與豬肉的鬆化相互交融，加上年糕、芽菜和泡菜十分新鮮，很美味。為了平衡這些豐富的味道，我們選擇了青檸梳打和柚子檸檬梳打。青檸梳打清新爽口，完美解膩；而柚子檸檬梳打則帶有一絲果香。

最上等牛肋骨網燒好快就聞到牛嘅油脂香氣，同迷迭香草味非常夾。牛肋骨都啖啖肉，牛雪花分佈均勻，有口感。升級棉花糖壽喜焼和牛西冷（2件）兩片油花滿滿嘅牛西冷薄片，以壽喜燒湯底煮熟，配上蛋黃及一口日本米，口感柔軟香滑！大蝦充滿蝦膏嘅大蝦，肉質雪白彈牙，啖啖肉。泡菜五花肉煲微辣嘅泡菜豆腐煲，煮沸後泡菜更顯甜味，豆腐豆味香濃仲好滑，五花肉～肥瘦有層次，豬皮部份彈牙，豬肉柔軟，肥肉香口。韓式原味炸雞（半隻）雖然同我想像有啲唔同，但炸雞鬆脆唔油膩，無雞皮，都好嫩滑。韓燒必點梳打～ 柚子檸檬梳打水，青檸梳打，兩款同樣清清淡淡甜，非常合適清新口腔嘅燒肉味。餐廳仲有五款前菜

一直都好想去呢間高級人氣韓國餐廳《柞木炭家》，我被網上的打卡照片吸引來了！🔹棉花糖壽喜燒和牛西冷說的就是這個了，幾乎每一枱都是這個為了打卡而叫的，當然我也不例外！店員在我們面前烹調，先把棉花糖煮溶，令到壽喜燒汁加上甜味，再把和牛輕輕灼熟，然後配蛋黃及飯團去食，完全係高級享受！🔹最上等牛肋骨淨係聽個名都知勁，高級食材，我們把牛肋骨燒好後，沾上醬汁，味道一流！🔹炸雞叫了半份炸雞，外皮不是坊間一般的質感，十分酥脆，沾上蛋黃醬味道好夾！🔹泡菜五花肉煲好有驚喜，以為係五花肉片，誰不知佢原來係成塊五花腩，好腍好入味！這裏的前菜、飲品亦相當出色，店員服務態度有禮，會再來訪！

近排最好食嘅韓國餐廳一定係佢，除咗食物豐富多選擇之外，味道都係好正！前菜也好豐富🤩燒最上等牛肋骨牛肋骨燒得恰到好處，外焦內嫩，肉汁四溢，搭配特製醬汁，仲要唔使自己郁手，都有人幫你燒埋，真係正！❤️❤️🤩棉花糖壽喜燒和牛西冷係超打卡嘅菜式啊！棉花糖溶咗入壽喜燒，又唔會太甜，真係意想不到。吃上一口，既有肉的鮮美，又有甜蜜感😍😍🤩大蝦大蝦新鮮，肉質彈牙，輕輕一咬便能感受到海鮮的鮮甜😎😎🤩醬油炸雞（半份）炸雞外皮金黃酥脆，醬油味唔會太鹹👍👍👍🤩炸醬麵醬料濃郁，搭配彈牙麵條，鹹香適中，十分開胃。荔枝梳打同柚子梳打甜甜地，作為飲品都唔錯😛😛

完全冇諗過韓國餐廳竟然可以有壽喜燒和牛西冷即刻有少少返咗日本高山嘅感覺最開心就係全部都唔使自己燒完全都唔使擔心燒過龍最特別係佢個壽喜燒係好似燒棉花糖咁樣非常之適合打卡佢個最上等牛肋骨同埋大蝦都好好食又大份又新鮮真係停唔到口個泡菜豬肉煲熱辣辣咁上我勁鍾意啲豆腐同埋泡菜再加埋勁大嚿肥豬肉真係好鬼正再加埋韓國菜唔少得嘅炸雞半份已經勁多同埋梳打兩個人食真係飽到阿媽都唔認得我下次會想試埋佢個八爪魚同埋水冷麵

今次嚟到銅鑼灣嘅柞木炭家，終於有機會一試，見到佢成日都好多人。燒肉🥩：牛肋骨 & 大蝦🦐首先梗係要講吓主角 — 燒肉！我哋叫咗最上等牛肋骨同埋大蝦。牛肋骨油脂分佈幾平均，燒完之後好香口，肉質都算嫩滑，唔會好靭。不過略嫌調味可以再重手啲，如果醃得再入味啲就Perfect池喇！至於大蝦就大大隻，好新鮮彈牙，燒完之後好惹味！👍棉花糖壽喜燒和牛西冷☁️呢個係柞木炭家嘅招牌菜之一！真係好有噱頭！店員會先放一舊大大嘅棉花糖喺個鍋上面，然後淋上壽喜燒汁，等棉花糖慢慢融化，真係好得意！😍 和牛西冷嘅油花都幾靚，淥熟之後入口即溶，配埋甜甜哋嘅壽喜燒汁，真係好正！不過份量就略嫌少咗啲，如果可以多啲牛就更好啦！炸雞🍗 & 泡菜豬肉煲🥘炸雞我哋叫咗半份，炸得金黃香脆，外皮好薄，雞肉好嫩滑多汁，唔會乾柴，調味都啱啱好！💯 泡菜豬肉煲就酸酸辣辣咁，好開胃！豬肉好入味，份量都好多，送飯一流！🍚飲品🍹：柚子檸檬 & 青瓜青檸飲品方面，我哋叫咗柚子檸檬蘇打水同青瓜青檸梳打。兩杯都好清新解渴，啱晒配燒肉！柚子檸檬蘇打水酸酸甜甜，好 refreshing！青瓜青檸梳打就比較清新，有淡淡嘅青瓜香味，幾特別！

本身個壽喜燒和牛西冷可以加個棉花糖打個靚卡，可惜我去當日賣晒😟不過本身塊和牛都好好味，油脂感重🥰壽喜燒和牛西冷 $268最高等牛肋骨 $308慶州黑毛豬盛合配生菜 $280提子米酒 $158

想靜靜地享受韓式燒肉，這間高質版韓式燒肉餐廳絕對是不錯的地方。裝修高檔優雅、座位非常寬敞，環境寧靜舒適，同朋友用餐好舒服，還有店員幫忙燒，座定定就食得😋前菜 泡菜、醃蘿蔔、豆芽菠菜、蓮藕片、薯仔蓉、芝士粟米，可以免費添加～🐮最上等牛肋骨份量十足、原條牛助骨上枱，肉味香濃。由店員幫手燒，燒到剛剛好，還好細心分成一小塊。☁️棉花糖壽喜燒和牛西冷打卡一流🤩賣相吸引!!!棉花糖好可愛😍由店員慢慢倒上壽喜燒汁，即時瞬間融化，壽喜燒汁味道香甜，和牛西冷大大塊，雪花❄️紋平均，入口即溶，點上蛋汁包住小小的飯團一齊食，口感好滑溜。大蝦2隻🦐手掌般咁大，肉質新鮮彈牙，仲有蝦膏。炸雞(原味）🐔無骨炸雞🍗，炸得好酥脆，肉質鮮嫩有肉汁。炸醬麵🍝麵質好彈牙，撈埋香甜炸醬一齊食好惹味～🥒青瓜青檸梳打🍊柚子檸檬梳打 味道清新，解渴一流

第一次到訪餐廳的銅鑼灣分店，這裡的環境比旺角分店更大更舒適✨✨ 店員細心有禮，也會主動幫食客烤肉，服務相當不錯😉✂︎❥$𝟯𝟬𝟴 最上等牛肋骨：店員熟手地將上等牛肋骨放入烤盤，兩面輕微烤熟，再擺放在碟中方便客人進食，動作純熟👍🏻 牛肋骨肉味濃郁、肉汁飽滿，讓人垂涎三尺🥩😻✂︎❥$𝟮𝟲𝟴 壽喜燒和牛西冷：❥$𝟯𝟬 升級棉花糖：棉花糖淋上壽喜燒汁慢慢融化，吸引著食客的眼球👀 和牛西冷油花細緻均勻，在壽喜燒汁中烹煮後甜甜的味道滲出豐腴的油脂香👅 沾上一層蛋黃一併吃下，口感軟嫩滑溜，美味得令人欲罷不能🫦👍🏻✂︎❥$𝟭𝟱𝟲 大蝦：兩隻大蝦呎寸都頗大，也是由店員幫忙烤熟🦐✂︎❥$𝟭𝟮𝟴 韓式炸雞半隻(原味、醬油)：炸雞的外皮炸得酥脆不膩，雪白的雞肉幼嫩一點都不柴🐥🫶🏻 無論是原味或是醬油味，都肉汁滿滿，讓人吃得津津有味😚✂︎❥$𝟭𝟰𝟱 泡菜五花肉煲：熱氣騰騰的五花肉煲加了泡菜和年糕，酸酸辣辣很惹味🍲🔥 五花肉大得誇張，需在店員幫助下剪成塊狀才能進食🙊 滿咀油脂好不邪惡🐽✂︎❥$𝟰𝟮 荔枝梳打：❥$𝟰𝟮 柚子檸檬梳打：清新解膩，飽足後喝上一口身心舒暢🍊🍹

銅鑼灣金百利廣場超多食肆，想食燒肉又懶得落手，呢間係唔錯嘅選擇，全程有店員幫手燒，坐定定就有得食，仲可以加多幾味韓式料理，全部都好啱胃口🤤！一坐低會先上五小碟韓式自家製小菜，最鍾意佢哋嘅泡菜🥬，甜口微辣，每人加$40仲可以無限追加！——————————🐂◖最上等牛肋骨◗ $308牛肋肉醃漬過，肉質軟腍但有甜味，食落仲要好juicy，超推薦🌟！店員會先將牛肋肉切塊，燒到七成熟再切成一口大小，一啖咬落去，肉味同埋肉汁喺口腔爆發，超幸福🥰！🥘◖棉花糖壽喜燒和牛西冷◗ $268+$30有兩片和牛西冷，油脂同肉味均衡，另外可以加$30轉棉花糖壽喜燒煲，令和牛片更黏口甘甜，配上一口白飯同蛋黃飯，夠晒漿口又香！🦐◖大蝦2隻◗ 78兩隻蝦都手掌咁大隻，呢個價錢真係超抵！燒完出嚟帶少少焦香，鮮甜彈牙🐓◖炸雞（半份）◗ $128估唔到仲有炸雞，有幾款口味，炸雞外皮唔油膩夠香脆，肉質唔會乾柴但唔會話好入味～🍝◖炸醬麵◗ $98炸醬有粒粒肉碎好香，撈麵一齊食，爽口又有彈性，麵質彈牙但相對上軟身，略嫌未夠煙靭～🍋◖青瓜青檸梳打水◗ $42🍊◖柚子檸檬梳打水◗ $42呢兩杯梳打水味道清新，甜味都啱啱好，青瓜青檸整

韓燒平時食得多，呢間係香港首間柞木炭作韓式燒烤嘅高級餐廳！必食壽喜燒和牛西冷升級綿花糖，打卡一流！店員先將牛油壽喜燒加綿花糖煮好放入和牛西冷之後就可以包住飯團配蛋液就食得！口感豐富，帶少少壽喜燒甜味，蛋液令和牛更滑！之後就到韓燒，最上等牛肋骨同大蝦，牛肋骨有豐富嘅油脂，但又不失濃郁嘅牛鮮味，大蝦成隻手掌咁大，口感彈牙鮮味！另外仲泡菜五花肉煲同甜酸炸雞做，泡菜五花肉煲必食，五花肉脂肪同肉質比例剛好，泡菜湯微辣好開胃！炸雞半份都幾大件，夠香脆又juicy,酸酸甜飲品柚子檸檬梳打水同荔枝梳打，2款都好岩韓燒飲，甜甜地 !

壽喜燒都係我最愛日本菜之一!! 最近聽朋友講最近食咗間好好味壽喜燒,仲要有棉花糖, 即刻心心眼喇~餐廳位置超方便,係金百利廣場樓上咋, 每枱都係卡位座得好舒服, 8點左右見已經滿座, 果然好人氣啊!𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ𓐎壽喜燒和牛三筋肉 (4件） $225-升級棉花糖 $30棉花糖記得打卡要快手, 因為一開爐好快會溶架喇! 壽喜燒配油花均勻和牛三筋肉, 入口即溶, 而且啖啖肉，絕對無敵🥰 而且, 因為壽喜燒汁和融入咗煮溶咗嘅棉花糖，略帶有少少甜味，再配日本蛋黃入口，真係超好味!𓐎韓式炸雞半隻 (原味） $128小妹私心推介韓式炸雞, 炸皮炸得薄薄的酥脆可口, 一啲都唔會油膩！𓐎泡菜五花肉煲 $145份量好大, 肉質軟林, CP值好高嘅一道菜!𓐎最上等牛肋骨 $308最上等牛肋骨比較大，店員細心地剪好4塊，又會預先詢問想煮幾成熟，非常好貼心☺ 牛肋骨肉味濃郁，岩晒真正牛肉控朋友。𓐎大蝦兩隻 $156大大隻蝦又爽彈，真係叫多兩隻都食唔晒🤭𓐎提子梳打 $42𓐎菠蘿梳打 $42 值得一讚! 店員雖然不多,但都好有禮貌, 而且繁忙時間都仲會願意詢問要否幫客

最近喺銅鑼灣食咗間幾好食嘅日韓餐廳，同大家分享下🤪🐮壽喜燒和牛三筋肉棉花糖平時壽喜燒個汁會加糖調味，佢地就用左棉花糖，令視覺更加有趣😁而個汁鹹甜適中。牛肉有筋腱，口感有腍又少少爽口，加上蛋同白飯，味道上豐富得嚟又夾。😙🐂最上等牛肋骨肉質幾彈牙，牛味同油脂感都突出。🤓🦐大蝦重點真係好粗好大隻，口應非常彈牙札實，仲有蝦膏。🤩🐓韓式炸雞 (半隻)外皮都香脆，肉質算嫩。😇🍜炸醬麵炸醬味道甜甜哋，唔會太濃；麵好彈牙，烹調時間掌握得不錯。😌🍹荔枝梳打🍹青檸梳打梳打同青檸都好解膩，幾推薦配香口食物。🤲🏻

又掛住韓國 好多嘢都想食柞木炭家食物有好多選擇 小菜 鍋物 壽喜燒 燒烤都有啱哂我想食燒肉又想壽喜燒又想食炸雞前菜都好豐富🍡棉花糖壽喜燒和牛三筋肉賣相好吸引 一大舊棉花糖加牛油同壽喜燒汁煮溶之後再加入和牛三跟肉一齊煮和牛油脂豐富 肉質嫩滑 加上日本雞蛋一齊食 肉質更滑更香 🥩最上等牛肋骨食韓式烤肉必點牛肋骨好大塊 肉質粉嫩 充滿油脂 又唔會太肥膩食落好軟腍又香滑 肉味濃郁🦐 大蝦好大隻 好多蝦膏味道鮮甜 肉質仲好彈牙除咗烤肉同壽喜燒🐔仲揀咗半份炸雞同泡菜豚肉煲炸雞外皮香脆 肉質嫩滑泡菜豚肉煲味道夠晒香辣有好多配料 豚肉肥瘦適中 好入味🍹荔枝梳打 / 青瓜青檸梳打飲品味道清甜又夠冰凍

#mkeats_cwb #mkeats_korean@thecharcoalroomhk 環境舒適 昏暗有格調 地理位置方便 食物質素亦好高 已經回訪多於兩次了呢😋🤍前菜嘅薯蓉沙律尤其出色 口感細滑其他都不過不失______________________________✩ 棉花糖壽喜燒和牛三筋肉 $225店員為我地將和牛燒到恰到好處牛三筋肉薄片入口即溶帶有棉花糖同壽喜燒嘅甜☁️配蛋同埋飯團 口感更豐富✩ 最上等牛肋骨 $308牛肋骨肉質有嚼勁 帶有濃郁的牛香~✩ 炸醬麵 $98推介!! 味道濃郁 帶有微甜 麵質感剛好🤍✩ 炸雞(半份) $128醬汁非常開胃 外皮厚度適中 雞肉嫩滑✩ 柚子檸檬梳打 $42味道清新 燒肉時飲用最適合不過🙂‍↕️✩ 大蝦 $78爽口多汁 ______________________________𝘀𝗲𝗿𝘃𝗶𝗰𝗲 𝗰𝗵𝗮𝗿𝗴𝗲: ✔️𝘀𝗲𝗿𝘃𝗶𝗰𝗲: 9/10𝗲𝗻𝘃𝗶𝗿𝗼𝗻𝗺𝗲𝗻𝘁: 9/10𝘃𝗮𝗹𝘂𝗲 𝗳𝗼𝗿 𝗺𝗼𝗻𝗲𝘆: 8.5/10