影片
喺屯门工厂区食晏，朋友介绍上咗英皇大厦嘅三楼架势餐厅！好有快餐店嘅感觉，座位宽敞冷气超冻，大热天时真系不错嘅选择！食物方面，都种类繁多，有台式、日式、韩式、中式和西式唔同嘅选项，我就选择咗台式炸排骨肉燥饭，仲有汽水送，但攞餐嘅时候发觉，全部都系用环保外卖盒，感觉其实唔环保，因为我其实系堂食嘅，虽然话好难请到人洗碗，但系明明系堂食都要浪费呢啲环保餐具，实在有啲过份！食物方面就真系普普通通！啲菜完全系冻嘅，卤水蛋都系冻嘅，饭就比较淋咗啲，炸排骨就比较硬咗啲，食落淡而无味！应该都唔会再嚟帮衬
继续阅读
平日经过此大厦感觉是一个醒目的攀岩场，里面都是一个个办工室。透过外卖自取平台才发现藏著一间（群？）食肆。平台里显示选择丰富，有川菜、韩国菜、日本菜、台菜、港式本地菜及星马菜。于是想象成多个食肆凑成foodcourt的概念。来到大厦2 楼，出䢂拉门，看到多片落地大玻璃，地方还算寛厂。（笨蛋总是忘记拍下环境照片）原来多国料理都是透过统一厨房制作。最后见坐位舒适，选个位置内用好了。铁路卤排骨便当排骨不会过份油腻，干干的挺喜欢，咬下去不会太重罪恶感南部爌肉便当用上五花腩肉，肥瘦适中亦很松软。值得赞赞配菜们也用上小心思椰菜不是单纯用水灼熟就上菜，简单用上麻油调味已经让人吃不停。卤蛋也非普通豉油老抽卤成全熟蛋，而是带阵阵酒香的醉溏心蛋！大爱炸甜不辣两个嘴馋鬼想念台湾的夜市美食了～所以点一份甜不辣，可惜不是我们俩心心念念的那种q弹的甜不辣，是鱼板/鱼糕那种，小失落。纵然如此，今餐两个人的套餐还附餐饮，总数也不过100港元，十分划算。下次还是会再来试其他菜色是否也藏有小巧思！
继续阅读
已经有一段日子没有写食评了，开始手痕最近行过屋企附近的工业区，发现新开了一间楼上的新式外卖餐厅，决定试下。一出升降机门十分光猛，因为在商厦的关系地方非常阔落，餐牌选择款式非常多，有齐日韩台星马泰，琳琅满目，想了好一阵子才决定好所有菜式都是落单即叫做，欣赏呢点平日晚市人流不多，等了差不多10分钟就准备好，店员态度有礼，拎完就啦啦声返屋企开餐。首先是台式卤味拼盘套餐，有蜂巢豆腐、猪耳、糖心蛋、五花腩和金钱肚，卤汁基底调味适中，不会过咸过甜。虽然食材已经卤得够时间，但豆腐的香料味仍然略为偏淡，比较欣赏是糖心蛋，外层吸收了卤汁味道而内层蛋黄仍然处于流心状态，还带有一点蛋香，个人给予高分!而其他配料则不过不失，亦卤得入味。套餐包括白饭及汽水，可以另外加配台式小食，疫情下很久没有去旅行了，感觉很久没有吃台湾夜市小食，忍不住叫了个惹味塔香盐酥鸡，跟餐加$20，这个绝对是全晚MVP! 炸得香脆之余，外皮厚薄适中，不会像坊间般裹上一层厚粉。而重点是调味，有基本的椒盐调味，感觉到腌肉的时候还加入了一些特别的香料，令整个调味升华到另一个层次! 另外伴碟亦有炸香过的九层塔，配著鸡一起吃完全就是夜市风味!老爸想吃猪脾，叫了个南洋猪脾饭套餐，猪脾卤得很入味，感觉是用了长时间去卤，猪脾的皮与肉都已经非常软淋，容易入口。配著伴菜的青瓜和酸菜十分开胃，特别是酸菜，味道有点像雪菜和外面的米线酸菜的混合体，带微酸又有咬口，不经不觉就吃完了整盒饭XD。看到餐牌宣传四川麻辣干锅，便叫了个香辣牛肉干锅，份量好大，几乎是三人份，有干锅必备的椰菜花及莲藕片，走油后口感爽脆，配上调味刚好的滑牛肉，送饭一流!另加配了土豆片，可惜土豆炒得不太够干身，扣了少少分，但整体来说仍然十分扺食，同一份量在外面的川式餐厅叫起码要二百蚊起。饮品看到有台式饮料，虽然在减肥中，但心痒难耐，最后还是点了炭焙乌龙珍珠奶茶，包装很有趣，是新式的透明罐装，打卡效果不错叫了少甜少冰，甜度刚刚好，如果全糖的话绝对会太甜，建议还是点少甜。茶底是重点，有很明显的乌龙茶味，赞!本人虽然不是专家，但对饮茶还是有点讲究的，炭焙乌龙的确与一般乌龙茶不同，会有一种焦焦的味道，多了一种层次感，配上有咬口的珍珠，是一杯高分的珍奶🧋只是$24，比起宜家外面开到成行成市的手摇饮品店已经是超值了!
早一阵子无意中吃到很久没有吃过的柠檬爱玉，突然挑起了一舖瘾，便叫埋甜品青柠蜂蜜爱玉，味道是青柠味的糖水，有别于坊间的柠檬味，有清新的感觉。爱玉口感有点偏硬，可能这天师傅开爱玉粉时加得比较少水，除此之外就是一碗正常发挥的爱玉。
唯一要挑剔的是位置有点偏僻，位处屯门工业区一座新式的商业大厦，估计是主打做附近的上班族生意，不过性价比高，味道又不错，又不多人排队，下次会再光顾
继续阅读
建发里4号依个地方见证佢由欧化仓变成多样化工商大厦，进入架势厨房更加有点感触，点解会揾依间舖？本身佢地都唔系太多宣传，巧合地睇到YouTube 介绍建发里依个大厦，得知有间餐厅开左当然就要去试下佢菜式话两𩠌三𩠌饭，当初系事先无做资料搜查间餐厅系食咩，去到晚餐系无两𩠌三𩠌供应，但仲有其他同埋价钱系亲民（$36起）真系有点头痛太多选择，最后就叫左台式既鸡排，猪排便当同埋无骨海南鸡饭 简介讲下菜式：鸡排/猪排便当 味道唔错，但可能外卖关系返到屋企淋哂配菜方面有加工唔系白灼，味道都唔错饭方面有个问题系太痴饭盒无骨海南鸡饭鸡滑真系无骨，煮得够入味（唔系新鲜鸡）份量方面好足够 以个价钱系超值酱汁方面只系觉得红色款系辣酱黎，唔系一般市面既酱，但都可以接受怕辣就未得仲有佢系用甜黑酱油同姜葱油等候时间大概10-15分钟，暂时员工唔够，见唔到收银妹妹就要揿钟仔重重重点系唔收现金整体方面都唔错如果堂食既环境都唔错 干净够宽敞同够冷气系附近返工既人可能会当依个饭堂添选择多价钱平环境好
继续阅读
系openrice见到呢间💥架势厨房💥选择好多，价钱又唔贵，即管试试😋有韩式，日式，台式，泰式，川菜，当然唔少得港式。入到去第一个感觉，环境好阔落，啲枱唔会放到密密麻麻👍👍虽然今次系买外卖，但下次有机会都会黎堂食。职员服务态度好好，埋去落单细心介绍午市套餐（我本来想散叫）。佢系类似快餐店形式，先去收银落单，再等出餐。我最后叫咗3个Lunch Set同埋4款小食😊😊1）去骨海南鸡饭 $48 🐔🐔🐔啲鸡好滑，油饭好香，而且啲鸡份量都唔少午市套餐仲包一罐汽水🥤🥤48蚊真系好抵🤑🤑2） 日式生姜豚肉配温泉玉子丼 $48 🐷🐷🥚只温泉蛋熟度整得刚刚好，捞饭一流🤤🤤啲五花腩肉都肥瘦适中，又唔会鞋猪肉最怕有啲整到好鞋口3个主食中，我最钟意呢一个，因为佢啲配料捞埋一齐真系好好送饭，好开胃👍👍由其佢真系食到有姜味3） 台式卤味拼盘套餐 $53 🐂🐷🥚（牛肚，猪耳，五花腩，蜂巢豆腐，溏心蛋）53蚊真系无谂过佢啲料会有咁多😆卤得好入味，啲牛肚唔会好难咬，溏心蛋亦都做到应有嘅熟度个黄好靓，不过挂住食唔记得影相☺️☺️啲酸菜同样好开胃🤰🤰4）韩式泡菜煎饼 $36呢个因为佢入面都几多原片泡菜，所以都辣唔会净系食到得啲粉佢仲有个韩式烟肉薯仔煎饼，好似几特别下次要试😋😋5） 甜甜辣辣年糕杯 $28呢个绝对岩哂喜欢食辣嘅人士，因为都几辣下😂😂份量又系好多，唔应该叫年糕杯，应该叫年糕碗🤣🤣有信心快啲挑战下，爆汗之选🥵🥵🥵6）炸地瓜丸 $246粒大大粒，有别于放题地瓜丸size，佢再大粒啲🔍🔍佢冇平时放题食𠮶只地瓜丸咁甜，地瓜味同质感都重返少少🤏🤏外卖攞返屋企都要20分钟路程， 返到去仲好脆口🥰🥰7） 惹味塔香盐酥鸡 $28盐酥鸡啲盐酥味好香口🤤🤤唔会炸到啲鸡好鞋，仲好juicy炸粉薄，唔会好厚净系食到炸粉鸡大小适中，太大粒容易炸到鞋，太细粒又好似无唛肉嘅口感，呢个岩岩好👍总括黎讲，一班人倾唔掂食咩菜嘅时候，可以黎呢间餐厅试下，因为佢真系好多选择，黎到总有野岩你🤟🤟价钱又实惠，质素又唔错👏👏个肚唔争气，试唔到多啲野下次除咗要试韩式烟肉薯仔煎饼，仲要试美禄恐龙多士同埋佢啲甜品
继续阅读