架勢廚房 (數碼港商場) (已結業)

咖喱飯難食，凍檸茶難飲，食咗等於冇食，食到無胃口，凍檸茶爆珠好怪，咖喱飯顏色=🤮，餐具又即棄，非常唔環保，直到一半已經無胃口，一句講晒，有啲難食，食完冇胃口，唔想再嚟食

星期六下午係附近做嘢先被迫去food court 食，但好失望。叫左個炸雞便當，好難食。啲飯又爛，中間仲要係硬嘅，未熟就唔好攞出嚟賣啦。同啲朋友share個飯個個都話難食，檢討吓啦。飯都唔識煮學人開舖？仲要賣6,70蚊，你好唔好意思？炸雞同台腸入面係乾嘅都算啦，飯未熟真係唔掂。。。數碼港冇嘢食，大家食左野先去玩，勸大家食隔離個幾間，呢間真係唔好食，食唔落。成餐飯冇一樣野食讚得落，正常水平都冇。。。。。。

餐廳嘅相片同foodpanda嘅相片都係月石鍋裝住啲飯，我就係睇到呢啲相片就俾佢吸引咗先去落單，去到餐廳落單，然後等攞餐，喺佢嗰度加$10有一罐汽水，但係同一個地方加$7就有啦，貴咗$3都唔緊要，但罐汽水係唔夠凍嘅，唔夠凍嘅汽水係超難飲！最重點係，圖片中嘅石鍋飯喺呢間餐廳現實中係冇出現過！！我收到個餐居然只係一個紙兜裝住一啲唔熱嘅飯，連一隻生雞蛋都整唔熟，可以想像一下啲飯有幾凍，何來石鍋飯呢？我問職員可唔可以唔要呢個餐，餐廳職員話冇寫過係石鍋飯，態度唔好咁話： 睇清楚先啦！咁點解唔用真實圖片呢？食物係凍嘅難食到不堪！！炸雞好厚好厚粉，仲要唔係脆嘅，醬料又唔夠，接近$150食一餐飯換來係好受氣！我係比佢張相片吸引佢落單嘅，雖然佢文字冇寫係石鍋飯但係既然你冇石鍋點解你要用石鍋嘅圖片呢？