林昌記 (已易手)

之前系尖沙嘴分店食过一次，朋友介绍食佢地既白鱼蛋，食过真系一直念念不忘。咁啱今次经过深水埗买野，见到原来深水埗都有分店，即刻买黎食～佢地既白鱼蛋真系好好食，虽然细细粒但系好弹牙，点埋佢地既秘制辣油真系好正！据闻佢地既鱼蛋每日都新鲜自家制，系咪真我就唔知啦，不过白鱼蛋就真系好少见到有，而且价钱都唔贵，又好食～值得推介～林昌记仲有好多其他小食，每款好似都唔错，下次可以试下！而且冇晒就无架啦，所以经过见到有就买黎食下啦～…查看更多

林昌记鱼蛋真系好好食，每次经过都买黎食，鱼蛋好弹牙，d秘制辣酱好惹味，尤其配白鱼蛋更好，就算食完晚饭，一个人都食到鸳鸯，真系食唔厌，依家深水步有分店仲可以方便左。…查看更多

众所周知，林昌记以日卖十万粒鱼蛋驰名。上次试过其白鱼蛋之后，立即爱上。今次再访，急不及待试其「黄金蛋角」。切成三角形的鱼片头，放入油锅内炸至金黄色，再用手动离心机沥干油分，不消几分钟，已经可以端到我的面前，即叫即炸，很是吸引，咬下去脆口干身带鱼味，不是一般的坊间糊口货色，再蘸了沙律酱，份外惹味！一份黄金角HKD20已经有11粒，经济至极，路过不妨一试！…查看更多

林昌记鱼蛋就食得多 再唔系就食金蛋金角乜乜乜 但你又知唔知林昌记仲有卖----虾子炒面($25) 仲要好好食? 我都系最近先知!!😍你以为系捞面咁简单? 非也 佢系虾子炒面 真系即叫即炒 所以要等一阵 一路整已经传来香喷喷既虾子香 流晒口水🤤面头超多虾 d面炒得超级香口 条条分明 一d都唔油腻同1999 面质少弹牙岩岩好 仲啖啖都食到虾 咬落好脆脆💕 仲有d葱香 btw点可以唔捞返几滴招牌辣油呢😈😈😈留意返 唔系间间分店都有卖呢个虾子炒面 就例如我去开尖东桥果间冇卖呢只面(好sad)…查看更多

之前听过呢间好出名，有好多分店，但就一直都未试过，今次突登黎食。铺头都好近黄金商场，买完电脑就可以过嚟食，佢呢间嘅铺头细细地，但内在俱全。入面有好多嘅鱼蛋味道同牛丸等等嘅食物可以拣，唔只食鱼蛋。10蚊6粒鱼蛋一去到门口，就好犹豫，究竟要拣咖喱味定系要拣香辣味，好想试吓咖喱味，但系难得见到鱼蛋系有香辣味，我就拣咗黎试下。白色既鱼蛋弹弹，香辣味要自己拎，呢个香辣唔系好辣，但够香，值得一试。下次要食埋个咖哩味。…查看更多