569
37
10
港铁铜锣湾站 C 出口, 步行约1分钟 继续阅读
所有分店 (3)
电话号码
31888008
31888009
开饭介绍
日式自助餐餐厅,过百款美食及甜点可无限量任意享用。 继续阅读
营业时间
今日营业
12:00 - 15:00
17:30 - 23:30
星期一至日
12:00 - 15:00
17:30 - 23:30
付款方式
Visa Master 现金 银联
其他资料
网上订座
Wi-Fi
酒精饮料
加一服务费
有关奖赏计划
食记 (671)
等级4 2019-08-22
8862 浏览
这间放题是我的一向首选,除了食物质素高、刺身新鲜外,我非常欣赏食店坐位宽敞,而且店员非常有礼貌。饮饮食食当中,我最睇重食肆的服务和店员的质素,因为这两项元素十分影响食客的心情。眼见这间食店服务殷勤主动,清碟快,对客人有礼貌,所以在我心中大大加了好多分。好了,讲讲食物,食物种类很多,而且质素高而好抵食,有花胶又有鲍鱼,好抵食。而且留意系午饭时段都有,非常之好!刺身新鲜美味,任食!蒜蓉虾同烧鳗鱼非常吸引。黄金翅真系有只鲍鱼俾你食。芝麻鸡翼必食。成碗花胶 任食章鱼丸波波,好开心。(Sorry, 我挂住食,这幅相我影得唔好)烧牛舌真心推介,我第一次饮,好好味!我饮左几鑵。羊鞍又系必食之选。哗哗哗,任食豆腐花。 继续阅读
(以上食记乃用户个人意见 , 并不代表OpenRice之观点。)
等级6 2019-06-25
11502 浏览
啤王老五好耐冇蒲头,原来系闭关搬咗成年屋,XO仔见师兄就快生日就好识做地请佢食饭,等佢可以轻松一吓。地点由佢拣去铜锣湾「极尚大瀛喜日本料理」食放题,明显系要牛一啤一啤佢!由於晚市七点半前离座可享八五折优惠,好多订咗位嘅客人五点几已到步,店子未正式开门走廊经已排哂队。可能见人龙太长,负责人未够五点半就陆续俾食客就座,友善之态度及应变嘅能力更胜从前。用餐大堂极之开扬,空间感好足。两口子被安排入座最舒适嘅卡位。餐桌上有齐备嘅餐具,但就冇咗之前厚厚嘅点菜天书。原来潮流热店早已将落单流程电子化,只要用智能手机扫一扫个二维码,即可快速点餸,效率高,够环保,又可以随时对单,这个升呢绝对值得一再加许。唔够数据唔紧要,因食客可享免费上网服务。放题餐厅於不同方面不断作出改进及提升,能赢取「最优秀湾仔/铜锣湾区开饭热店」之荣誉确真实至名归!电子落单项目主要为最受欢迎嘅刺身、寿司、串烧、炸物、锅物、一品料理等等,厨房入面嘅师傅仔真系忙个不停架!大多食物即点即煮,制作需时,故店子中央亦设有自助区,摆放沙律、开胃前菜、送酒小食、热汤等等,方便食客可以食住等。任饮项目选择都唔弱架,除咗有冻热茶水、纸包及罐装果汁、汽水之外,仲有清酒、梅酒、烧酒、啤酒等,款式都几多。二人主攻比利时大罐装啤酒,不过可能啤王师兄刚出山,两个钟头都只系饮咗五罐,远不及闭关前嘅饮量。。。等待鱼生时,细佬只系以脆卜卜嘅炸鱼皮送啤酒。每张枱上都摆有鱼生豉油、山葵、同骨桶,哥哥仔不时都会更换,感觉极之卫生。嘻嘻,小肥对食放题刺身不再陌生,为咗唔洗点完又点,知道自己最爱食边几款都会叫够十件之多,等师傅砌出嘅烟雾鱼生船都可以震撼啲嘛!多款虾只中以晶莹剔透嘅甜虾最为鲜甜润滑。白里透红嘅赤虾则爽脆弹牙。三文鱼鲜橙肥美有光泽;油甘鱼亦爽润甘香。寿司方面,个人诚意推介雪白幼嫩嘅椒盐左口裙边寿司、厚润甜美嘅酱烧三文鱼腩寿司、及香浓惹味嘅蒜香牛油烧牛肉寿司。师兄话斋,食放题以海鲜鱼生最为回本,故XO仔都只系食咗少少热食暖暖胃。当中天妇罗炸虾因为层炸皮较厚,所以好饱肚。串烧鸡软骨脆卜卜又香口。串烧牛脷松爽惹味,两款均为送酒佳品也!成晚最意外就系有花胶任食。甜品大多都系细细杯,任攞唔嬲。铜锣湾日式放题餐厅「极尚大瀛喜日本料理」环境开扬,服务优质,电子落单方便简易,且快速环保,刺身寿司款多鲜美,晚市七点半前离座更可享八五折优惠,两小时任饮任食实属抵玩之欢乐放题。 继续阅读
(以上食记乃用户个人意见 , 并不代表OpenRice之观点。)
等级4 2019-06-20
7329 浏览
环境4分:放题餐厅地方好大,坐卡位唔迫,张枱都算大,可以畀四分。卫生5分:地方都打扫得好乾净,又有任用纸巾,杯,筷子同匙羮。自助饮品区有各种汽水,绿茶,红茶,啤酒,果汁,大部份独立包装好企理。出面有沙律,热盘,汤,甜品,任攞唔嬲,卫生好好可以畀五分。服务5分:手机落单又快又准又环保,夥记送餐收碟换骨桶都算快,服务一样可以畀五分。味道5分:1) D刺身枱枱都系成只船咁上,虎虾,俄罗斯甜虾,珍宝大赤虾全部都好爽好甜好滑,三文鱼同油甘鱼好肥好鲜,乾冰效果令到视觉同味觉都满分。2)  两只海胆酱黄金虾寿司好浓味又爽口,池鱼寿司就好鲜。3)  鳗鱼烧到好香,呢个一定要encore。4)  比目鱼原块上枱,食落甘香,D皮仲有少少脆。5)   羊架D肉非常之淋,又有肉汁。6)  芝麻鸡翼冇得输,因为好香脆,热气都要食多几只。7)  芦笋炒珊瑚蚌好脆好嘢味。8)  自助沙律D生菜好鲜脆,相睇唔到,但生菜下面D粟米粒同蟹柳丝同青瓜丝,又甜又脆。9)   中华沙律,八爪鱼,海蜇丝好清凉好香辣。10) 鲍汁花胶好似成梳翅咁淋同滑,唔encore对唔住自己。11) 烧菠萝带有少少酸味,饭後食可帮助消化。抵食5分:日式放题嚟讲真系好好食,七点半前埋单仲有85折,足足有两个钟任食任饮,可以叫做超级抵,畀佢满分。 继续阅读
(以上食记乃用户个人意见 , 并不代表OpenRice之观点。)
等级3 2019-11-07
0 浏览
嚟到餐厅差唔多12点3左右,仲未到lunch时间,所以暂时人数不多,坐低就发现呢个餐厅系用QR code去点食物的,都几环保呢出咗去自助区看下有咩嘢可拎嚟食,食物款式不算多也不算少,有两个甜品柜系装细细件嘅蛋糕,啫喱,泡芙,豆腐花等等,熟食有芝士焗西兰花,章鱼丸,薯角,炸鱼皮等,还有沙律区,水果都有数款选择,仲有糖果比小朋友食添,饮品柜:超级多款式,有盒装饮品,罐装饮品,橙汁,苹果汁,啤酒类,同埋仲有梅酒,清酒呀,我都拎咗1杯梅酒饮,都几好饮呀,仲有一个雪糕柜,里面雪糕雪条款式就普通款式,类似士多嘅类型而我喺QR code度点咗d串烧鸡肾,烧虾,炸鸡翼,寿司主要我都系点咗三文鱼,迷你海胆手卷(真系超级迷你),刺身方面就北寄贝,油甘鱼等等,质素放题嚟讲都系差唔多,价钱220左右属於正常👍 继续阅读
(以上食记乃用户个人意见 , 并不代表OpenRice之观点。)
经过呢头入去试下,呢间放题既食物选择不多,其中刺身既质素较高,几新鲜,属於中上,另外值得推荐既系任饮清酒梅酒,配埋烧烤类食品几唔错。如果只系想饮酒聚会可以拣宵夜时段先过黎,都系唔错既选择。不过如果系想食好多种类好野既人就可能会失望。 继续阅读
(以上食记乃用户个人意见 , 并不代表OpenRice之观点。)