104
1
0
港铁观塘站 A2 出口, 步行约10分钟 继续阅读
电话号码
28160617
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 现金
座位数目
28
其他资料
自带酒水
食记 (108)
等级4 2020-03-09
2438 浏览
跟朋友J到观塘上公司training,顺道Book了一间很多朋友都赞好的Omakase吃。门面就是「很日本」的木条装饰,是高级的感觉。我们坐的是寿司台,另有3间VIP房间,每间约能坐8-10人左右吧,想不到在星期一的晚上,吃Omakase的餐厅也可以全场坐满,因间我们坐得升靠近门口,途中还看到有人walk-in,真昤太夸张了。我和朋友J各点了两份一人餐,一份是铁板,另一份是刺身寿司,打算分着吃,那就可以吃到更多款式啦!*这是两个餐都有的前菜和沙律,前菜是昆布、大根和紫苏叶味的东西,曼喜欢大根很清爽的感觉,酸酸甜甜又脆口,很开胃。沙律的食材都很新鲜,有两款酱可选择,分别是芝麻酱和Wasabi 酱。*Omakase $880第一款刺身是深海池鱼,池鱼一直是我刺身鱼类的前数名,入口质感高级又爽脆,味道鲜甜,好好吃。*第二款刺身是带子,上面洒的是绿茶盐,师傅建议不点酱油吃。带子是超超超肥美,肉厚味甜,极度有弹性,口感是滑和爽口的,可见有多新鲜。*第三款刺身是牡丹虾,洒的是虾粉,配着牡丹虾吃虾味超级出。牡丹虾呈半透明状,色泽很美,外滑内爽的感觉,味道甘甜。*第三款刺身是火炙鰆鱼,我最爱的火炙系列终於出现了!应该是我第一次吃鰆鱼吧,师傅说是属於鲭鱼家族,冬天的时候油脂会丰富很多,所以更适合火炙。吃的时候配着柚子酸汁萝卜蓉吃,中和鰆鱼火炙後的油脂,很不错呢。*最後一款刺身是莹光鱿鱼,底是的酱汁是醋面鼓,我最欣赏反而是醋面鼓,很浓味但又很清爽。师傅说吃完後可以用青瓜清一下口里的味道,准备吃下一道菜!*下一道是葱吞拿鱼蓉饭,份量不算是很多,大概是面豉汤碗的份量,但吞拿鱼蓉的份量是极之慷慨,差不多有一小球吧,最爱是吞拿鱼蓉配着饭和紫菜一齐吃,是个人认为的最佳组合。*接下来是寿司三件,三件都是我最爱的鱼!左起分别是金线鲷、梳子鱼和海立+鮟鱇鱼鱼肝。金线鲷其实就是我们常吃的红衫鱼,口感弹牙,鱼味重,上面有点姜蓉很醒胃。梳子鱼是有点火炙的,油份很香浓。海立寿司是配鮟鱇鱼鱼肝,鮟鱇鱼鱼肝的外表超似海胆,有人说是海底鹅肝,口感绵密细腻润滑,味道不像海胆般浓郁,反而更鲜更甜。*最後是自选的手卷,师传说选什麽手卷都可以,我们很不争气的选了海胆。师传俸出一板海胆,极大方的夜了一排海胆在寿司饭上,卷成直筒形再交到我们的手上。海胆的味道很鲜,不会有海的那种腥味,因为份量太多每一口都有满满的海胆,实在是太美丽的完结。*铁板一人前 $880首先是活龙虾和银鳕鱼,首先份量真的很大,银鳕鱼是外层脆脆的,肉质嫩滑,味道很高级,有点入口即溶的感觉。活龙虾有好几球吧,每一啖都是很厚肉很爽弹的,龙虾的味道也很出色。如果是一人吃的话应该会饱到肚皮炸开吧。*再来是A5日本宫崎和牛薄烧,里面包的是一些葱、蒜之类提鲜的食材,底下是有一块面包,跟牛一齐吃可以减低油腻感。A5和牛本身是有点半生熟的状态,肉身呈现一点点嫩红色,油脂香而不腻,入口溶化,不常吃牛的朋友J都吃得点点头(笑)。*饭类是和牛炒饭,坦白说也不太分得出和牛的味道,只知道用料很丰富,而且炒得粒粒分明,是不知不觉把整碗饭吃完的程度。*两个餐都分别有汤和雪糕,朋友J说牛奶味雪糕很出色,奶味很香。* 继续阅读
(以上食记乃用户个人意见 , 并不代表OpenRice之观点。)
等级4 2020-02-27
1790 浏览
和老公补祝情人节,专程嚟观塘呢间板神食铁板烧,铺头位置近海边,由地铁站行过嚟几分钟时间。一入去先招呼我哋喺寿司吧度坐低,然後比Menu我哋拣,铁板烧同厨师发板都有几个选择,低至$880 /二人起,难得可以两口子出来庆祝,决定食个好少少嘅,点了铁板二人前$2200 /二人(另加一)。跟住店员就带我地入房坐,铁板前面有大概八个位,已经有两位客人用膳中,我哋就乖乖坐好等食啦。先食前菜沙律,一边食一边睇师傅表演,佢先将我哋点嘅龙虾放上铁板烧,虽然见着一只生嘅龙虾被烧熟是带点残忍的。师傅几下手脚已经可以起肉,龙虾壳就攞入厨房熬汤。龙虾膏加上用龙虾头熬出嚟嘅汁一齐炒,最後连买龙虾肉同蔬菜一起品嚐,鲜甜无比,肉质爽嫩弹牙,可以选择点岩盐和黑椒,但原汁原味也很好吃。第二道菜是银鳕鱼,分量有差不多一只手掌的大小,鱼皮煎得香脆,鱼肉滑嫩,鱼油甘香,非常可口。第三道菜是鹅肝,厚切之余仲要相当大件,师傅将佢慢慢咁煎熟,同时烘一块面包垫住索油,每人可以有两件鹅肝多士,香喷喷,口感一流。第四道菜是A5日本宫崎和牛薄烧,好大张「被」呀!在铁板上快速烧好,师傅加上大量乾蒜和葱花,用牛肉卷着然後放上面包上给我们,由於我唔锺意蒜和葱嘅味道, 所以我食嘅时候其实拨开晒,和牛肉质嫩滑,牛味十足,好味。第五道菜是和牛炒饭,用上蛋、和牛粒、葱花、洋葱和红萝卜粒等一起炒饭,一大碗够晒饱肚,味道也不错。呢个时候店员就端上了两碗汤,差点儿忘记这个龙虾壳熬的汤,味道浓郁有点似面豉汤,而龙虾头还有很多龙虾肉,於是我花了很多时间去慢慢吃呢!最後就是甜品,师傅用面包加上砂糖,再烧成焦糖多士,另外加上两球雪糕!冷与热的混合感觉,太正了!店员仲比我地每人拣两款味,所以我和老公夹埋可以试哂红豆、咖啡、芋头、牛奶四个味道,全部都好味,我就比较喜欢红豆和咖啡两个味!师傅话唔够面包可以加添不过已经好饱了。要赞一赞呢度嘅服务,店员好细心,经常为你加茶,甚至见你杯茶冻哂,直接换过一杯新嘅热茶俾你,又有热毛巾递上,很窝心呢! 继续阅读
(以上食记乃用户个人意见 , 并不代表OpenRice之观点。)
呢次系我第二次嚟板神食铁板烧,之前圣诞食咗个一千蚊有找嘅二人铁板烧套餐,性价比劲高(节日价喎),仲记得只鲍鱼郁下郁下添!有见及此,今次再嚟食,我就嗌另一个餐试下😜。餐厅设有多个包箱,私隐度高,无论情侣定一班人都好适合,而且更可以近距离望住师傅喺你面前煮,大饱口福眼福😆。由於朋友唔食鹅肝,所以我哋一人叫咗一份铁板一人前($880/1位),另收加一!价钱唔平啊,无我之前食个餐咁抵,但食材唔同嘅🤭。前菜嘅腌渍有牛蒡、萝卜同用红酒酿嘅荞头!最尾嗰款第一次食,无平日嘅荞头咁浓味,我本身仲以为系洋葱添...🙊,问返个师傅先知究竟。时令沙律🥗,沙律菜上淋上柚子醋同搭配红腰豆,味道正正常常啦,但我自己唔锺意红腰豆☹️。主角出场喇,就系活龙虾同银鳕鱼。龙虾真系超生猛,仲不断反抗!龙虾应该系劏咗无耐,所以当佢被放喺铁板上烧嘅时候,啲脚都仲郁紧🙈。我哋见住师傅将只龙虾由生煎到熟,再拆肉。拆肉後会切开一粒粒,并用上龙虾嘅膏同牛油煮,闻到超香😌。当上碟嘅时候,佢嘅造型已经唔系一只龙虾😂。龙虾肉超爽超弹牙,个汁好香浓、惹味,如果有碗白饭就正,哈哈。龙虾够哂大只,所以有好多肉,唔会唔够喉。跟住就系🐟银鳕鱼,鱼肉好滑,油份好充足,都几好食啊,但煎完觉得好似细件过未煮熟前咁。伴碟有条露笋、冬菇同红椒。A5日本宫崎和牛薄烧(2卷),两片薄和牛片好大块,脂肪分布劲靓。我喺到谂如果块牛肉有五至六片咁厚,变成牛扒,煎嚟食就不得了🤤。师傅有问我哋要几成熟,我哋都系要五成,所以其实好快就食得,牛肉入面夹杂大量蒜片同葱。我相信我只会喺呢个时间食葱😅。和牛薄烧完成✅,放咗喺片面包上面。师傅提我哋面包系用嚟索油,叫我哋唔好食,哈哈。和牛入口即化,好鬼多汁,好正。和牛炒饭,呢个系紧接住和牛薄烧嘅下一道菜,见住师傅落咗好多葱同蔬菜粒去炒饭🥕。炒饭个碗仔虽然唔大,但个量其实都唔少。🍚饭粒炒得够乾身,味道都ok,但就无乜和牛粒...。最後就系个汤🥣,煮返熟个龙虾头,有少许肉同膏食。不过个汤就无咩虾味,系普通面豉汤,应该纯粹系用热汤浸住个虾头咁解。食完咸食,就到甜品喇!首先出场嘅系焦糖多士🍞拼绿茶蕨饼,多士甜甜的、薄薄的唔错,但如果脆啲会更正。至於蕨饼嘅口感同平日唔同,比较似啫喱,唔系好烟韧嗰种。雪糕🍨有六种口味拣,我哋拣咗抹茶味同芝麻味,两者都几浓。呢一餐好丰富,加上菜式慢慢逐一咁上,我食完饱哂;不过大食嘅男仔就可能争少少🤣。店员服务好好,好有礼貌,期间不停为我哋加茶🍵。而且我仲发现茶由一开始嘅绿茶,喺某道菜之後变成培茶,帮助解腻,劲细心👍。另外,埋单时店员问我哋啱唔啱食,佢听见我朋友讲开唔食鹅肝,话下次其实都可以同师傅讲有乜唔食,安排转其他菜式。总括嚟讲,呢间铁板烧相当出色,采用嘅食材非常新鲜,推介啊!今次因为食龙虾就贵啲,但如果嗌返我上次食个二人餐,性价比高好多!我无谂过喺观塘区都有咁高质素嘅铁板烧料理店😋。 继续阅读
(以上食记乃用户个人意见 , 并不代表OpenRice之观点。)
等级6 2019-12-17
18770 浏览
唔知喺唔喺社会事件问题,近来就见唔少餐厅推出好多优惠,继几个月前到过机场嘅「空港居酒屋」大叹铁板烧,今晚同表哥嚟到观塘嘅「板神」,同样因为有超抵食嘅铁板烧推出,点抵法,一阵你就知。观塘区晌呢十年八年锐变咗好多,不断有新商厦落成,就算唔喺新商厦,亦有唔少厂厦变身,好似「板神」位处嗰幢就喺其一。「板神」嘅门面非常型格,又带点神秘感,单睇门面,真喺估唔到呢度喺工厂区。入到里面,第一眼就喺寿司吧枱,设计好有个性,仲刚刚完咗起一条吞拿鱼嘅表演。如果坐晌出面嘅寿司吧枱,当然喺拣「厨师发办」啦,一边睇师傅捏寿司,一边就可以慢慢细味每一件出品。而「厨师发办」有两款选择:「梵」($880)、「神」($1,280),已包埋前菜、沙律、丼饭、汤品、甜品……等等。再略略环顾四周,以厢房为主,周边加入好多垂直绿化,令成个场睇起嚟唔会太冷,而有种悠然感。而我哋被安排近门口嘅一个厢房,里面装潢简约,却又有点粗犷原始味,尤其背後嘅一幅石墙,围住铁板烧个「舞台」可以坐到7个人。小弟坐晌边位,更可以睇到铁板烧枱内部,足证乾净卫生。除环境,餐具亦都好别致,一碟、一杯,甚至筷子托,都好靓、好衬。而服务都好熨贴,侍应既有礼,又不时为我哋添茶及收拾餐具。文初已讲嚟嘅目的喺佢哋新推超值嘅铁板烧套餐「席前铁板烧二人前」,性价比真喺坚高,个套餐包括时令沙律、前菜、刺身五点、银雪鱼、鹅肝、铁板美国肉眼薄烧、炒时令野菜、炒饭、汤、甜品,仲加送南非鲍鱼,只卖$880,更喺二人价添,平常食个有啲质素嘅铁板烧座底六、七百起表啦。时令沙律迎接美食之前,先喺沙後及前菜同步登场。虽然喺简简单单嘅野菜沙律,但蔬菜嘅种类丰富,而且好新鲜,尤其啲露笋,爽脆无渣,淋上胡麻酱,已够晒好食,开开胃纳。前菜前菜就喺几款渍物,包括喺啲腌渍嘅萝卜同蒜头,前者酸香开胃,而後者就最有惊喜,因为一般蒜头食落都喺软软腍腍,除非炸过,但呢粒蒜头入口喺好爽脆,好似食紧「酸荞头」,非常得意。特色刺身五点卖相分精致,而每件刺身都切成刚好一口过,包括有鲜带子、油甘鱼、拖罗、金目鲷及炙烧吞拿鱼,每款睇外观都感觉到佢哋嘅新鲜度,入口果然喺靓料,鲜味爆灯,而且,各有特色。跟住见到年轻嘅师傅登场,就知轮到喺铁板烧时间。先捧上一碟加拿大银雪鱼、澳洲鲍鱼、鹅肝及野菜,睇住啲鲍鱼仲郁吓郁吓,非常新鲜,而鹅肝扑咗少少面粉,师傅话一阵煎起嚟外层就更香脆。加拿大银雪鱼、澳洲鲍鱼睇住师傅将鲍鱼起肉、去内脏、调校唔同火力慢煎、洒水、切片、再放回外壳,真喺一担心机;同样,啲银雪鱼虽然少啲步骤,但要煎得色香味俱全,都有唔少功夫同窍门,实在喺台上一分钟,台下十年功。煎好嘅成品,经过细心嘅摆盘,衬以少少野菜,真喺感觉唔同晒,成道精致嘅主菜咁。先试试啲鲍鱼,入口口感柔韧,唔会有咬唔入嘅感觉,沾沾放晌碟边嘅岩盐及黑椒,鲍味更突出。再试埋啲银鳕鱼先,表皮煎得非常焦脆 , 而啲肉质细致嫩滑,又极富油香,果然极具质素,平常晌出面食一客银雪鱼都成嚿水架。香煎鹅肝与此同时,已见师傅煎紧鹅肝,相对嚟讲,煎鹅肝就无咗多技巧,最紧要喺有耐性,慢慢煎到两面「起焦」。基本鹅肝都几油腻吓,所以师傅特登配件多士嚟食。件鹅肝果然煎得外脆内软,外层好似啲法式焦糖炖蛋咁有层脆壳,里面就嫩滑到不得了,并且充满甘腴油香,细细哋一口,过到口瘾,又唔会太罪恶感。铁板美国肉眼薄烧再落嚟,师傅捧上一盘薄切肉眼,虽然唔喺日本啲雪花和牛,但睇色泽、油花,都已经好靓。肉眼已经简单以盐及黑椒调味,再准备好自家制嘅独子蒜蒜片及大量葱花。师傅三两吓手势,将薄荷薄嘅肉眼烧一烧,再加入蒜片及葱花,卷起後,再轧成两截,方便一口一件,就上碟食得。每位客人可享有两大片肉眼,即喺有4件。薄切嘅肉眼口感柔嫩,有肉香,有点点油脂。由於卷住大量葱花,所以,完全无油腻应,加上蒜片引发嘅香味,每肉眼薄烧味道更具层次。好奇问师傅,垫底嘅块面包有无人会食埋,佢笑笑口话都有架。牛肉炒饭虽然餐牌只喺写住牛肉炒饭,但师傅静鸡鸡讲喺用上和牛嚟做。佢先炒香啲配料及牛肉,再加饭及蛋浆,不断兜,不断炒。饭粒炒至金黄色,粒粒分明,加上配料多,食落饭粒又爽身,入口「暖笠笠」,食埋碗饭就够晒饱肚。味噌汤我哋香港人就喜欢一餐之前就饮汤先,但日本人就相反,食到尾先嚟一碗热乎乎嘅面豉汤。面豉味香浓,但又唔会太浊,内里更混咗唔少海带。甜品餐餐所包嘅甜品可以拣芝麻雪糕、绿茶雪糕、朱古力雪糕或香桃雪葩。表哥就拣芝麻雪糕,小弟就想食雪葩多啲,虽然我嘅雪葩个样衰啲,但感觉清爽,桃味不俗。蜜糖多士以为食埋个雪糕就完,师傅仲额外整多份蜜糖多士俾我哋叹,大量牛油将方包煎香,入口热辣辣,又焦香甘脆。晌一啲传统市中心旺区,食一顿有番咁上下质素嘅铁板烧,真喺无$1000,都要上$600、$700一位,但依家未够$900,就已经喺二人价,加埋一都唔过$500一个人,加上菜式唔少,食材不赖,性价比确喺高。 继续阅读
(以上食记乃用户个人意见 , 并不代表OpenRice之观点。)
等级1 2020-05-21
13 浏览
见到零负评,便和夫人吃晚餐庆生。选了海鲜和牛2人set $1980。事先数天前已预约,6点半入座,和另外一家3口同桌。主要有两款set,没和牛的980,和牛的1980,一心为了要吃和牛便选了1980set。跟活龙虾和活鲍鱼。如之前会员分享,服务贴心,一名侍应负责一桌客,厨师也会和我们互动,和牛熟度我交由厨房拿主意,推介5成熟,厨师和侍应也会指点和推介食法,介绍食品等等,洗手间也附有牙线和濑口水供应,整体无可挑✔️,只是本人觉冷气稍稍冻而已。 继续阅读
(以上食记乃用户个人意见 , 并不代表OpenRice之观点。)