113
3
0
港铁观塘站 A2 出口, 步行约10分钟 继续阅读
电话号码
28160617
营业时间
今日营业
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master AlipayHK 支付宝 现金
座位数目
28
其他资料
自带酒水
当面支付
食记 (120)
一句做兵既心声,呼唤左几多情窦初开既情坛初哥,甘愿做一世兵,都要为女神效劳。咪傻啦,你估仲系以前个年代呀,而家闲闲地12,13岁已经讲紧A2,A3啦。对佢地黎讲,爱情就真系黎过几秒就无啦,Easy come easy go? Why not?不过有d野就唔系话黎就黎话走就走既。好似今晚黎观塘呢间「板神 · 铁板烧日本料理」就讲慢活态度,一边欣赏大师手势,慢工出细货,然後静心咁细味每一份食材既味道,咁就先对得住餐厅精心设计既菜式,呢样野就绝对唔系凡夫俗子体验得到!👇📌板神 · 鉄板 · 二人前 - $2480 ♦先付け -▪ 沢蟹 · 数之子 · 番茄 -▫ 前菜其实系一个闹钟,提醒你个胃系时侯要苏醒,准备迎接黎紧既美食。呢个沢蟹口感爽脆清新,造型精细,几得意;中间既数之子其实系鲱鱼既鱼春,食落鲜甜,粒粒弹牙,够哂过瘾;番茄清爽,酸甜又醒胃,呢个前菜系夏天黎讲我觉得几好。♦季节のサラダ - ▪ 田园野菜 · 海蜇沙律 -▫ 一碟铺满哂青绿色既蔬菜,够哂养眼,沙律加上自家制酱汁,味道浓郁得黎同时好refreshing。配上海蜇丝,口感爽弹,清新开胃。♦刺身 · 五点 -▪ 带子 -▪ 牡丹虾 -▪ 深海池鱼腩 -▫ 系食主食之前,一定要好好品尝左刺身环节先,Staff建议分返浓淡既程序黎食。先试左带子先,就咁睇卖相肥美,食落肉厚甘甜,非常爽滑,唔错;牡丹虾面头洒上七味粉,肉质透光无瑕,入口虾味浓郁,弹牙爽口;深海池鱼一向系我最爱既鱼类之一,呢到用上鱼腩位置,质感份外嫩滑,弹性丰富,好食!▪ 中拖罗 -▪ 火炙太刀鱼 -▫ 开始轮到浓味少少既,中拖罗鱼油丰腴,香味浓郁,质感嫩滑之余,入口即融既功力绝对唔可以睇少;火炙太刀鱼配上酸汁萝卜蓉,师傅将太刀鱼火炙後既油脂停留系表面,食果阵每一啖鱼香都系口腔里面爆发出黎,呢种浓味得黎又咁清爽既感觉,认真唔话得!♦伊势 · 海老 - ▪ 活 · 龙虾 - ▫ 轮到最佳男主角既生猛龙虾呀!系炒之前仲见到佢郁紧,证明真系非常新鲜。睇住师傅一边将龙虾开边、拆肉、起膏,成个过程好似睇紧艺术品咁,好过瘾。而同时师傅将牛油同虾膏一齐将虾肉捞匀,然後上碟,龙虾肉表面睇落晶莹剔透,食落爽口弹牙之余,因为用左虾膏黎炒,清甜之中带有虾膏既鲜香,份外惹味!♦ホワイトタラ -▪ 白 · 鳕鱼▫ 轮到白鳕鱼既环节,师傅将将外层煎到脆身,而里面肉质相当嫩滑,完全无乾身既感觉,每一啖鱼肉都入口即溶;加上鱼肉里面既油香,令肉质相当Juicy,可以话系极上既体验呀!♦フォアグラ - ▪ 鹅 · 肝 - ▫ 开始进入主菜既中後段,再黎就系香煎鹅肝呀,底部用左烤过既多士做配衬。鹅肝咬落表面焦香,同时里面油香十足,加上用左多士做左少少吸油效果,变相中和左鹅肝既肥腻感,呢点抵赞! ♦わぎゅう -♦旬の野菜の炒め -▪ 日本A5鹿儿岛 · 和牛薄烧 -▪ 南瓜 · 红椒 · 芦笋 -▫ 召唤一众和牛控!师傅开头问我要几成熟,一般我食和牛都会要求3成就好,愈靓既牛煎得太耐等同哂左。所以我要求半生熟既状态,肉身呈现少少嫩红色就可以。师傅将呢块A5和牛先煎香表面,然後再炒熟蒜片、香葱,再卷住。咁样食法可以食到本身牛肉既香味之余,口感唔会太腻,仲将油香带出,认真好食;而旁边再搭配南瓜、红椒、芦笋,呢几样可以减低本身油腻感,加埋底下多士,成个配搭我觉得系满分!♦チャーハン▪ 铁板 · 炒饭 -▫ 最後一道主食,就系铁板炒饭啦,用上青红椒、葱粒、牛肉粒配搭,师傅将饭粒炒得好分明显见,唔会太油腻,加上镬气十足,唔错。♦吸 · 物 -▪ 龙虾头 · 味噌汤 -▫ 整返个龙虾面豉汤,就完成今日龙虾既主题啦。师傅用返头先铁板剩低既龙虾壳,然後再熬成熟。饮落虾膏浓郁入味,成个汤比我想像中无咁咸,饮得过!♦デザート -▪ 豆腐 · 雪糕 - ▪ 焦糖 · 多士 - ▫ 原来个set仲附送埋甜品,今日系豆腐雪糕配搭焦糖多士,师傅建议多士食到最後一旧可以连埋雪糕on top一齐食,咁就够哂邪恶啦。多士入口相当松脆,好似食紧薯片咁,而豆腐雪糕够哂清爽,整体呢个set十分满足。 继续阅读
(以上食记乃用户个人意见 , 并不代表OpenRice之观点。)
等级4 2020-05-30
3000 浏览
#fridayla_kwuntong⠀⠀⠀⠀⠀⠀⠀⠀⠀⠀⠀⠀⠀⠀⠀铁板烧平时都食得多通常都系以熟食为主甚少包埋刺身⠀⠀⠀⠀⠀⠀⠀⠀⠀⠀⠀⠀⠀⠀⠀而两款都做既餐厅,一般都会顾此失彼😭但出奇地今次试食既呢间新店反而两者兼得😝而且性价比好高!⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快语💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣板神积极引进⽇本最时令的⽔产,以每星期四次空运直送的频率,辅以接近成本价出售,让食客在香港也可以相宜的价格尝鲜。每⽇不同的厨师推介餐单,让每次光顾都有最鲜味的惊喜。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品,快快评💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣新席前铁板烧二人前💲1080/2位*️⃣随餐限时附送烧活龙虾一只, 送完即止💭开头先一客时令沙律,清新开胃😝💭刺身五点有三文鱼,油甘鱼,深海池鱼💭另外仲有带子及时令鱼,全都好新鲜💭而且用上即磨山葵,更添香气😍💭估唔到刺身都做到咁有功架,绝不马虎💭跟住就系烧银鳕鱼,鱼肉入口即融💭而鱼皮煎得十分香脆,正💭烧南非活鲍鱼烧得熟度刚好,口感弹牙💭伴碟南瓜亦好香甜🤤🤤💭铁板美国Prime肉眼薄烧包着葱蒜,好惹味💭另外仲有美国Prime肉眼粒💭但脂肪分布就一般,唔怕肥🤣💭而炒饭则炒得粒粒分明充满酱油香,好正💭最後还有一个龙虾面豉汤💭真系超满足!😍💭甜品部分,跟餐有3款小点💭分别系牛乳布丁,青柠啫喱及和果子,各有特色!💭最後的最後,师傅重送多客烧焦糖多士💭真系饱到差D走唔到!⠀⠀⠀⠀⠀⠀⠀⠀⠀⠀⠀⠀⠀🔘环境同食物质素系观塘区都系数一数二😘🔘呢个价钱呢个享受真系极推荐☺️⠀⠀⠀⠀⠀◤板神铁板烧日本料理godofteppanyaki◥ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺∶观塘骏业街45号地下🍟Food:🔥🔥🔥🔥🔥🎆Mood:🔥🔥🔥🔥🔥💰痛快度:🔥🔥🔥🔥🔥🤡趣味度:🔥🔥🔥🔥🔹🔹🔹🔹🔹🔹🔹🔹🔹🔹🔹🔹🔹🔹🔹#hkig #hkigfood #hk #hkfood #hk852 #hkgirl #hkgirls #hkboy #hkcouple #hkfoodie #foodporn #foodie #like #likesforlikes #tea #afternoontea #hkrestaurant #dessert #sweet #pink #铁板烧 #观塘日本菜 #观塘美食 #观塘必食 #观塘 #香港美食 #香港铁板烧 #香港必食 #日本 继续阅读
(以上食记乃用户个人意见 , 并不代表OpenRice之观点。)
等级4 2020-09-10
0 浏览
话说阿妹生日 🎂限聚令当中只能两位吃饭,阿妹想食铁板烧特别order鹅肝,在OpenRice看到很多好食评,所以前来试一试。不知道因为疫情关系还是如何,这个价钱可以食到这个数量的海鲜实在很性价比高,有刺身、(当然刺身的质素麻麻可以唔食)龙虾、鲍鱼、鱼、虾、鹅肝、澳洲和牛 午餐$880两位还有八折优惠,实在好抵食,加上环境不错,我睇咗一下晚上嘅Menu,单点嘅价钱应该比松菱还要贵,清酒Menu都是14代或以上质素,我默默在想在这区的夥伴真富贵。整体午餐也很满意,味道比花盃稍为逊色,但整体感受和性价比高程度很值得推介。 继续阅读
(以上食记乃用户个人意见 , 并不代表OpenRice之观点。)
等级2 2020-07-28
426 浏览
在这个地区上班,高质素的餐厅寥寥可数。这间开了不太久的铁板烧可以算是这里比较高级的餐厅。由佢刚开张就开始一直也有定期光顾,每次光顾都见证住佢嘅进步,客人也越来越多。七月初再来光顾,午饭转了新的菜单,越来越豪华,和同事们一起吃吃看。前菜是固定的沙律及第一次在这里嚐到的明太子。沙律菜新鲜爽脆,明太子配上蛋黄酱咸甜适中脆卜卜,夏天吃很清爽。吃完前菜醒一醒胃,马上就上刺身五点。刺身都新鲜,不过除了梭子鱼鱼味浓郁,其他刺身质素都不算是很高级,但以这个价钱来说也抵食。在享用刺身的时候,师傅开始准备铁板烧的材料。首先出场的是蔬菜、银鳕鱼、鲍鱼。鲍鱼们还在逃走,非常新鲜。说时迟那时快,师傅已经放上第二碟材料,系龙虾。值得一赞的是没有将货就价用波士顿龙虾,而是选用本地的小青龙,肉质细嫩,小龙虾虽然已经被切开,但还在不停挣扎,证明了是用活虾。接下来的时间就是看师傅表演了。看到师傅熟练地把龙虾膏、虾肉等等拆出分开煎,香味渐渐飘出,令人更加期待。很快龙虾已经可以食,师傅将虾膏及虾肉混合在一起,虾肉煎得刚好,味道甘甜丶配上虾膏甘香的鲜味,水准不错。美中不足是虾肉稍为不够爽脆。接下来是鱼,师傅细心地在煎的时候把鱼皮及鱼肉分开,鱼皮更加造型成为盖子,令卖相更上一层楼。鱼皮煎得香脆,鱼肉鲜嫩多汁,一鱼两吃更有两重口感,师傅真有心思。接下来就是鲍鱼,鲍鱼肉质嫩滑,一咬就断,不过鲜味始终不及前面两道菜式。接下来师傅准备了蔬菜给我们转换口味。芦笋爽脆、甜椒软绵甘甜、冬菇鲜味多汁,火候都掌握得很好,蔬菜的多姿多彩成功地为转换下一道菜式提供了一个歇息空间。在师傅准备下一道菜式时,侍应从後面送上了味噌龙虾汤。使用刚刚我们吃的龙虾头熬煮,汤很鲜味,不过始终我更喜欢纯粹的龙虾汤,觉得味噌味道太浓郁,有点掩盖了虾膏的香味。接下来师傅拿出了两款牛肉,厚的牛扒及薄的牛肉片。厚的牛扒烧至五成熟,充满鲜味肉汁,薄牛肉片卷起香葱及炸蒜片,薄牛肉软嫩细致,又是两种不同的风味,真是各有各精彩。最後更用剩下的牛肉炒饭,炒饭乾爽不油腻,镬气十足。最後甜品有红豆奶冻及焦糖多士。两款甜品一冷一热,一滑一脆,对比鲜明。这里每一次来都比上一次更出色进步,看得出师傅有用心烹饪,材料也新鲜美味,绝对值得一来再来,希望疫情快点过去,大家可以再次开开心心自由地享受美食。 继续阅读
(以上食记乃用户个人意见 , 并不代表OpenRice之观点。)
等级1 2020-07-17
474 浏览
半年内第四次光顾,但是第一次午膳,两个人埋单 HKD2,262。 食物依旧新鲜,味道保持高水准,㕑师态度友善。 李嘉琪经理服务尤其严谨,一点半入座,两点半要埋单,公司规矩 ! 还未吃炒饭甜品呢。 开发票枱头不能只写 ‘lunch',必须 ‘lunch for two‘,又是公司规矩 ! 想找她问清楚,未够三点,溜啦。 午餐晚饭收费相若,但经理态度完全两样。 想一试全港最 ‘牛‘ 的铁板烧,我推荐读者去试试午餐。 继续阅读
(以上食记乃用户个人意见 , 并不代表OpenRice之观点。)