板前壽司 (已結業)

夜收工叫老婆唔好煮飯, 是但響附近食埋野. 見好耐無食過板前, 而且無人唔洗等位.而家用平板電腦落單, 又幾方便.最低消費要$9蚊, 要小心選擇.三文魚壽司, 帆立貝壽司, 玉子壽司, 火灸三文魚壽司四款都新鮮, 帆立貝幾鮮甜, 好鍾意火灸三文魚, D魚肥美有魚油.油甘魚(海鹽)壽司, 油甘魚新鮮, 配海鹽咸咸地都唔錯.加州卷, 蟹子夠多, 包得都算實, 無一夾就散.飛魚子壽司, 蟹子都係夠多, 食落一粒粒卜卜聲, 夠新鮮.龍蝦沙律軍艦, 一粒粒龍蝦肉, 不過沙律醬個味麻麻地.火灸芝味軟殼蟹卷, 面頭D芝士溶左落D飯度幾好, 軟殼蟹都幾好味.軟殼蟹手卷, 個手卷即包, 軟殼蟹都幾大舊, 暖暖地脆脆地, 幾好味, 唔會凍晒乾晒.雖然板前已經無光不再, 不過壽司黎講都算新鮮, 所以間中食下都唔錯.…查看更多

油甘魚刺身塊塊都有根，吃到中途侍應突然走過離青魚賣晒，禁點落單時無人講，迫住要擇吾想食既餐，荃分店越做越差xxxxxxxxxxxxx xxxxxxxxxxxxxxxxxzxxxzzzzzzz…查看更多

今天雨一直在下，四週都是濕漉漉的，只好躲在附近的商場。想來一個壽司午餐，換個角度去渡過這令人煩擾的雨天吧。餐具及點餐機，價錢一目了然，慢慢睇清楚先點，方便快捷。冷烏東: 烏東煙韌，汁料不會太咸，微冷...清清的，很適合今天的天氣。劍魚腩壽司: 充滿魚油脂的香味，入口細滑，米質不錯。帆立貝壽司: 鮮甜肉厚三文魚腩壽司: 魚脂豐腴，像是給很油份包圍了舌頭，讚。廣島珍珠蠔壽司: 經過醬漬的蠔肉，添了一份咸香，配上蠔肉的甜味，不錯。芥末魷魚軍艦: 爽口微辣，惹味。虾天婦羅壽司: 新鮮炸出，虾肉爽口，炸粉不厚。芝士飛魚籽軍艦: 芝士控的傻仔敏，怎會錯過，很有芝士的香濃，魚籽有口感，入口帶滑之外還有卜卜脆口的感覺。鵝肝壽司: 與相片的賣相差太遠了吧~~但味道算是OK，有鵝肝的油香，可以一試。赤虾壽司: 甜美新北寄貝壽司: 爽口鮮甜，讚。火炙三文魚: 香口，魚油比生的更能充份發揮，伴蔥同吃，更添味道層次。…查看更多

真係離譜!  咁既價錢, 比D 咁既野食, 真係冇下次! D 魚生完全冇鮮味, D壽司飯又唔暖, 又細件! 冷氣又唔夠, 食完成身汗! 麵豉湯咸到不得了, 鹽燒三文魚骨腩又係細細件! 到底板前發生咩事, 同幾年前去過比較, 真係差好遠好遠!  好失望! 最慘就係果板所謂由日本空運到港既海膽, 真係攞膽至真, 幅相係一梳梳海膽, 上枱係一pat pat的, 仲腥腥地tim! 完全徹底地失望了! :(…查看更多

知道最近板前 /板長做緊晚市特價優惠，專登來試試。佢有另一ｓｅｔ特價點菜紙，之前都預左好多食物唔會有特價。岩我口味又抵食既有：三文魚剌身、花之戀同吉列芝士，呢三樣都好味！:)另外，必叫我呢度最愛食既特大帆立貝！好正！冇特價都要食丫！再叫多幾碟特價DISH，已經夠飽。大家可以趁呢個優惠黎食下平野，加埋呢間冇乜人，坐得舒服唔迫，但不要對佢既食物要求過高。…查看更多

本人覺得呢間板前, 係板前集團之中唔係咁好食既分店...其中溫泉蛋令我好失望... 因為個蛋黃好硬... 好似食熟蛋咁...三文魚最正常.火炙三文魚上到菜時, 已經唔夠熱...帆立貝唔夠厚身, 亦唔算鮮甜.是日冇海膽.... 午市o乍wor! 搞錯ar!!不過星期六午市冇乜人, 坐左好耐都冇趕我走~…查看更多

真係太難食了!其實上一次黎已經覺得好難食, 如果唔係綠楊得返呢間有得食壽司我先唔會去係呢間板前食野, 次次都話冇呢樣冇果樣, 今次連鰻魚咁基本既食材都冇咁不如唔如做生意啦X(同埋要左一客甜蝦卷, 卷入面竟然得一小粒青瓜..同MENU上面完全唔一樣..其實壽司上面既刺身又唔新鮮, 佢唔怕食壞人嫁咩!上一次食三文魚手卷, 得一片好唔新鮮既三文魚, 入面d飯同一舊普通壽司既份量差不多, 少到可以將個手卷對摺都仲有位..唯一一個優點就係佢上菜上得快, 冇啦總之我唔想再去食, 太浪費錢了:(…查看更多

今日晚飯大家想去食日本野, 於是去了綠楊坊的板前。 之前我去了海港城的分店, 我覺得幾ok, 之前個次有個經理(男)主動介紹我們吃一些特別的刺身, 又同我地介紹好多關於日本壽司的東西!我覺得真係一級棒的服務。 咁我地今日就去呢間分店, 初初我地黎到講6位, 但後黎講7位, 有個經理級o既人係度, 個樣已經口黑面黑咁, 好似得罪佢, 我覺得就算多一個人都唔係太大問題呀?? 駛唔駛咁呀?? 咁我地入去, 我地話要7個位WO, 因為加埋BB係7個, 佢就堅持比到6個我地, 我覺得多一個位又唔係會佔你好多空間, 唔通bb唔係人? 之前係尖沙咀個間, 人地直情囉番BB椅, 你無已經算啦, 重當小朋友唔可以有位, 咩道理, 佢重話:「我地呢段時間比較多人, 唔好意思」但語氣非常差劣!! 呢D係係日本壽司有的態度嗎?之後叫左碗烏冬比BB食, 問佢有無碗就十問九唔應, 好似在考驗我地EQ咁。 我地叫左個三文魚壽司...好難食, 根本就係雪藏魚都未除的味, 非常難吃! 而且超多油, 好明顯係劣級的質素!!! 板前以質素為賣點, 但這樣的質素簡直是在拆自己招牌一樣!!! 鰻魚壽司, 鰻魚淡而無味, 重有D魚質根本係梅的, 我地叫左個特長鰻魚壽司, 佢竟然用兩舊普通鰻魚壽司過骨, 如果我要普通的, 早就要啦, 駛乜特登叫特長呀??擅自改變客人的要求, 嚴重貨不對辦!!!!!油甘魚都係好醒, 我真係食到火都黎!!! 好啦, 之前食食下, 比左一件細細的魚比BB食, 可能有好細好細條骨食左落肚, 雖然最後無事, 但D侍應都好似盲左, 如果係普通食肆見到BB仔喊成咁, 都會問下:「有無事可以幫到你呀??」 .. 當你透明。之後我地再落ORDER, 無端端又比左d唔係我地o既壽司, 重要幾次!!! 個經理無端端行近我地, 好大聲講日文:「yazamaza」, 嚇到BB幾乎跳起, 你叫係你o既事, 但唔需要特登大聲叫呀, 玩報復??我好懷疑, 如果創辦人知道自己旗下分店, 竟然有如此差劣的員工服務及食品素質, 我不知道他用什麼賣點來推介自己的食店。 服務和食物素質一直都是日本食店嚴格要求的, 如果咁都無, 咁同個D平價任食壽司店無異, 我還以為自己入錯了店。…查看更多

食左午市壽司併盤餐,很失望因為餐牌圖片同實際好唔同午市餐牌上面可見,個併盤入面款款都係高價魚類壽司,卷物係波士頓卷點知....出到黎既壽司有一半係平價壽司(尤魚,蛋,蟹子軍艦果類),卷物係最cheap果隻飯卷青瓜蟹柳,仲要散散地上菜既一刻...我真呆左3秒....根本完全同幅圖係兩個level,兩個價位既野!!的確,個餐款係有用豆咁細粒字寫圖片只供參考,所以我都冇追究只係佢用咁樣既手法黎取巧真係令我覺得好有比人呃既感覺,因為成件事同預期之中落差太遠(不論係食既野定係埋單個價)如果早知個餐入面係呢d壽司,我一定會食散叫而唔叫呢個餐!最後我仲因為冇咩高價魚而仲散叫左多幾碟,但可惜味道令人失望(8蚊件真係唔可以期待嗎..)經過呢一次,我諗我唔會再幫襯板前...........第一係誠信問題第二係板前既壽司對我黎講已經到左要稱之為唔好食既地步魚生冇味,乾,唔新鮮,飯太痴不如比多幾十蚊去食高檔壽司店lunch set好過…查看更多

同fd一行6人食壽司咦@@?壽司轉左一件一件咁叫!好處係可以試多d唔同款 不過我就食左好少咋~1) 雞蛋壽司 味道一般 冇咩特別!2) 龍蝦沙律軍艦壽司食到有小小蝦肉既 但唔會再試~3) 辣味三文魚軍艦壽司 x2我不嬲都好鐘意呢隻辣味 但點解d三文魚係熟既= =anyway 可一試!4) 蝦天婦羅壽司ok 意料中既味道5) 野生黃鰭吞拿壽司可以一試!6) 蒲燒秋刀魚壽司好香~ 有機會一定再試~…查看更多

一向不太喜歡連鎖壽司店,原因是對流水作業式下出產的壽司質數不敢認同。平時見人來人往要等位, 難得今日閒日沒太多人便拿票等候,結果吃了又貴又唔好食的一餐。款式是多元化的,看菜單的確很吸引,還點了幾款季節限定壽司。其中點了平貝黑松露壽司,....,一來到忍唔住哇了一聲,雖云實物如圖不相符,但也沒理由差那麼遠,理應一件平貝卻切成兩件,黑松露少到半隻手指尾甲, 極其量只能叫迷你壽司,兩件咁野就盛惠16蚊,味道仲要好似食緊塊塑膠皮咁。在其他小店吃過活北寄貝刺身, 因為即叫即開殼,所以吃的時候還在郁郁下,感覺很鮮。本來這是夏季才有的,見到這裡有便點了一客。一來到又是嚇了一跳,北寄貝刺身亂放一堆,明顯是師傅冇心機去整, 一件放入口, 不但沒有鮮味,還感覺像吃死屍一樣,白白浪費了55蚊。平目魚背壽司, 下年可以應萬聖節改名叫木乃伊壽屍,原因像乾屍一樣。心想以後冷門壽司還是不要點,去貨去得慢,吃著乾屍的機會相對也高一點。唯一叫做好吃的算是芝士飛魚子、芥辣八爪魚。說好吃只因濃味的,可以蓋過其他缺點。其他壽司一般,不值一提,總括吃過的壽司飯,偶然會吃到有點粒粒感覺,像是吃到隔夜飯似的。落order亦不見好,有些點兩件來了4件,點了綠茶冷麵卻沒有來。追單三次才覆, 有位小妹妹回我時只說句,幫你CHECK左,冇落單喎,便走左去,一句唔好意思都唔識得講.如果係大牌檔或茶餐廳我唔介意,至少人地唔會收你加一。埋單也是, 拎張單過黎時,"250蚊丫",多謝都冇句。成間餐廳只係得個高級的叫做有禮貌,到拎番張咭俾我簽名時先聽到第一句多謝。離開一刻,驀然想起入去前太太的一句說話,"不如去樓下美心快餐打邊爐丫...........",...心中不禁泛起陣陣悔意。…查看更多

中秋那天沒什麼好節目,而且天氣又不:(好不能賞月,只好跟另一半吃飯.因為2人都很早收工不感肚餓,吃壽司最好不過.可多可少.沒想到6點左右都要等位,等了差不多半個鐘就有位1.我們選了迴轉枱坐.一直看著迴轉帶上的壽司,都沒三文魚. (最平的都沒有:()唯有拿紙點吃,三文魚不能錯過,$9/碟抵食.金三文魚$6/件.跟著選一D特價和我最愛的北寄貝. 不過落單等了約10分才來第一碟壽司還要是特價的,三文魚一件都沒有來,邊食邊等已經討厭,更討厭是食完坐著發呆還沒有第2碟. 只有三文魚同北寄貝最好食,其他都普通,海膽最差.…查看更多

我同朋友一心去板前諗住坐order枱,可以傾下計但只有迴轉枱,所以我地再等下,等多成7個字先有order枱但我地入到去竟然入面D order枱係冇人,得1-2張order枱係有人真係唔明佢地搞乜鬼我地叫左好多壽司,好好味,好新鮮不過D紫菜好林:(可惜冇dinner set,係咁叫壽司,杯飯......都咪話唔貴:(燈光暗暗地,幾適合傾計係就貴左D,不過都食得我地幾開心…查看更多

今日(16-5-2010 Sun)男友過o黎前o係o度買壽司,我估唔到佢係買呢個辣辣壽司遊戲版,我就同佢邊玩邊食啦.一盒有15件,有啲只有一件,有啲兩件,我覺得最搵笨o既係脆皮腸壽司,咩o野都唔使整,只係烚熟條腸攤涼就放o係壽司飯上面.而呢個遊戲只有我同男友玩,我食o左右邊三文魚同帆立貝中間o個件唔知咩魚壽司,味道都可以o既.近乎瘀黑色o既吞拿魚,睇見都唔開胃.玉子可以.右上方脆皮腸同生帶子之間唔知咩o野,我覺得一般可以.鰻魚好難食.而所有壽司飯都散散地,板前似乎越o黎越退步喎.睇返menu至知呢個壽司應該有: 大蜆肉,龍蝦,沙丁魚,金月鯛,吞拿魚,金三文魚,帆立貝薯片,日本玉子,原條海鰻同鹿兒島脆皮腸但男友實際買o既又唔同,帆立貝都冇薯片o係底.…查看更多

第一次係呢度寫食評,有咩錯既希望各位體諒解小妹啱啱搬黎荃灣當然第一時間去搵我最愛既壽司啦!!!我知綠楊坊有間板前,梗係第一時間去搵食啦..........黎到門口見到張好幸福既海報已經流晒口水:)等左差唔多30分鐘入到去,第一時間叫D幸福俾自己好快D幸福就到左.....點知見到第一件帆立貝就有D失望:(!!!又爛又細(可能個盆大啦)!!!之後黎左個豚拖羅個樣好正咁,點知見到D飯咁多點點既,叫左個哥哥仔幫我換....仲有我叫左一個我最愛既吞拿魚腩!!!!個肥仔經理竟然話無好失望.........點知突然有個姐姐攞左件疑似我的至愛黎!!!!我梗係好開心啦!!!不過都要問一問先:" 我想問呢碟咩壽司黎咖?" 個姐姐竟然話:" 吓...我都唔知wor" 我真係呆左囉!! D員工連俾D咩人都唔知!!唔係掛.... 跟住我再問第二個啦, 個哥哥仔又話:" 咪吞拿魚腩囉" 跟住好快就走左去.....大佬ar...係甘依都要問問有咩問題呢!!真係無諗過佢地d服務咁差....就算d嘢好食都無用啦!!!!!食左唔夠30分鐘已經唔想再係度啦!!!真係唔會再有下一次!!!!!!!!!!!!!…查看更多