影片
从粉岭火车站乘56k小巴到鹿颈总站, 沿海边步行45分钟便可到达
继续阅读
电话号码
26799148
营业时间
*暑假休息
星期六至日
11:00 - 18:00
公众假期
11:00 - 18:00
以上资料只供参考，请与餐厅确认详情
相关文章
几年前已经想来，订好枱却遇风球。今天终于成功到来。先从鹿颈停车场沿海行到来，风景优美，中间有一小段梯级，是最低难度的行山。未到松记已感肚饿了！我们吃了黑䲞/蚝饼/半走地鸡/半醋鸭/豉油王吊筒/芥兰/肉丝炒面。所有都非常正，咸淡刚好。尤其是条黑䲞，朋友好惊喜，成斤重咁大条，但肉身很滑，蒸得刚好！
继续阅读
山友们钟意行山揾美食。久闻谷埔松记大名，特登编条路线途经谷埔食好西。星期日有巴士入乌蛟腾，方便啲唔使搭好疏嘅小巴。乌蛟腾系多条山径起步点，可环湖出咀，去三桠村、荔枝窝、蛤塘呢三条村都有好野食。今次由乌蛟腾起步，行初级简单路线，由田心（乌蛟腾小巴站）经亚妈笏、分水凹，行荔谷古道到谷埔，再沿海岸行去凤坑出鹿颈终点。慢慢行两个钟内到谷埔，肚饿要医肚😛食完行多一粒钟到鹿颈搭车走人。已早几日订位，人少少，只系订半只走地鸡。叫咗几道菜：1. 走地鸡半只——有鸡味都算滑，水准以上；不过可能因为走地，肌肉稍为实少少，比较大澳海韵就输个马鼻。2. 猪肉砵——好得！五花腩有肉有肥膏够腍，唔怕邪恶成旧食；埋枱已闻到豆豉香，豆豉入口即溶，个豆豉连汁送饭一流！同荔枝窝的记不相伯仲！3. 姜汁芥兰苗——够鲜嫩。4. 蒸墨鱼——店家推介新鲜返货，够新鲜但唔算惊艳。牙菜垫底预咗，墨鱼份量都算正常。叫咗两碗白饭，加一罐啤酒，盛惠$580三人摊分当日食客都多，几乎满座！同隔篱食客闲聊，佢哋叫咗蒸鱼，都赞新鲜好食。留意海鲜逐両计。招呼好、服务态度值得一赞👍🏻望住沙头角海，有海景。食完行去宋伯食豆腐花，去财记凤坑小食买埋客家茶果，做饭后甜品😋大满足！可能入多过出，卡路里超标😛
继续阅读
难得星期六天气好，去咗鹿颈行山，行咗半个钟左右见都开始肚饿又有呢间私房菜餐厅喺度，所以就停低咗食晏昼啦！店主好友善，仲叫我地去坐「海景位😂冬天有太阳坐系度系几正！我地点左半份鸡，鸡好有鸡味😂😂👍🏽唔错！猪肉砵好香，送饭一流！入口即溶，值得试。不过好肥呀最好揾多啲人share 😂😂一人食少少会好似冇咁邪恶。炒芥兰都出色，好香好好味，不过油左少少，都可以接受！鱼肚汤略嫌咸左啲🥹🥹🥹总括黎讲呢度环境清幽，食物质素新鲜，老板好友善，值得再食！
继续阅读
今次同朋友一齐行山去鹿颈，尾站谷埔，朋友们带咗我来食呢间隐世客家菜😋虽然都几多人，但食饭既地方系望住海景，可以对海食饭，感觉真系几舒服☺️💬由于当日我哋无预留海鲜，所以无缘品尝到了，其实重有三款食物虽然已有预留，但由于我们慢人几步😌所以也沽清……招牌菜😋客家猪肉砵，真系大惊喜👍🏻好食到不得了，连平时完全怕食肥肉的我都觉得真系好好好食呀，重要食咗好多添吖🙊虽然肥猪肉真系比较多油😈劲邪恶，但猪肉软香，炆到入口溶化状态，豆鼓都好香好好食，味道唔会死咸、同平时食开嘅豆鼓好唔同，呢个猪肉砵老板话要花好多时间去炆，要反覆炆两至三次，而且每次要数小时才出到个效果，厉害👍🏻难怪咁好食😋醋鸭都系不可不点既菜式😋鸭肉好嫩👍🏻熏得又系够入味，配自家调制嘅柠檬米醋好开胃🤤💬不过提一提大家，松记只开假期、红日，想食就系一定要订位，订位时也一定要预留𩠌菜，尤其是海鲜，真系好多人，最好尽量早点到达，因为太迟去到会好多食物都会无哂🙄💬下次有机会想再来试试其他菜式😋因为今次食唔到海鲜同埋多款招牌菜式
继续阅读
朋友用郊外美食，吸引我呢个懒人去远足揾食！听到对方推荐有好好食的醋鸭/走地鸡/鱿鱼…炸南瓜…OK！滴起心肝，豁出去！周六早上自然醒，带著同样为食的儿子，母子二人，午间12:00,西湾河MTR出发，金钟转车….. 13:00到达粉岭火车站，C出口外，即系专线小巴56K总站！方便！之前1小时啲MTR，再20-30分钟嘅郊外亡命小巴 ……终于到达了鹿颈站（本次远足d起点), 由此，需时个几钟，开始了攞我命之远足！目标：沙头角谷埔村- 松记士多！说好此程是0基础0难度，对我呢个0心理准备啲人，经已洗湿个头，开始咗，就冇得放弃了！沿路，小小风景都有啲嘅～原以为全程都系阳光大道，点知有草地泥地，有上下石阶…我一路后悔，呼哧带喘，精疲力尽时，到了！大排档！风尘仆仆中，坐低，虚心学习餐单两张👇🏿招呼伙计落单，点知笑盈盈啲伙计走上前来，送俾我更大啲崩溃：醋鸭？卖晒！走地鸡？也卖晒！吊筒？都冇了！原来我千里迢迢得个吉！😳😤店家话：就来过年，攞货少…🤯🤬……既然招牌菜都冇晒，按伙计推荐，拣咗：1）墨鱼片 HKD140.-2）客家猪肉钵 HKD100.-3）肉丝炒面 HKD70.-共计： HKD310.- 墨鱼鲜甜好味！喋喋大份！都算抵食！但系！我山长水远来松记，往返用咗7个钟+全身气力, 目标尽失，真系好鬼遗憾！😓提醒有心来食嘢啲朋友，记得打电话做booking喔！
继续阅读
您可能会有兴趣的...