影片
港铁观塘站 B2 出口, 步行约5分钟
继续阅读
营业时间
星期一至五
10:30 - 17:00
18:00 - 22:00
星期六
08:30 - 14:00
18:00 - 22:00
星期日
全日休息
以上资料只供参考，请与餐厅确认详情
呢间餐厅我同同事lunch 都变左做半个饭堂咁济， 早两日见到佢摆左d 宣传单张， 原来佢地开左晚市做日式串烧， 楼面姐姐话因为人手问题， 所以暂时只接受预约既订座先。 食完个lunch , 同事都话有兴趣试， 佢地话星期五可订位， 见佢menu 都唔算贵， 于是就book 黎试试佢。 我地3条友book 左6:30 ， 可能唔多人知， 所以唔算多人， 可以慢慢倾下计。 个晚倾得太开心， 所以头round 先有影相：烧蒜头同露荀个蒜头可以间生d 同熟d , 我地比较钟意熟d , 无咁辣口。 好味露荀都唔错汁烧鸡肝 鸡软骨黄金烧鸡肝烧得外脆内软，至于个鸡软骨黄金烧， 原来系用咸蛋黄炒出黎， 真系好香三重芝士炸鸡本来以为系鸡胸肉， 因为个外形似， 谂住都好鞋， 但又估唔到佢系鸡肶肉做， 而中间夹左既芝士好香， 亦都唔算好干身极辛翡翠螺本身佢地个lunch 既极辛炒拉面我都食过好几次， 原来佢地用返个辣汁底去做呢个螺， 辣度亦都可以小辣大辣。 D 螺都算入味， 亦食到个螺既甜味荔枝豚肉/大葱鸡肉/柚子味噌秋葵三款串烧都不错，特别个柚子味噌秋葵， 真系食到柚子个个清香甜味！我地仲有叫到芝士蚝， 烧鸡皮，鸡肾，牛舌同五花腩， 不过挂住倾计就无影底了。埋单7xx ， 200 松d 可以慢慢一路食野一路倾计， 确实系唔错既选择
继续阅读
观塘食肆林立要突围而出当然要天时地利人和，环境要舒服食物质素要好先可以留住客人。一上去环境干净光猛舒服，赞！过左lunch高峰时间只有1台人坐位好松动。叫左set lunch胱炸猪柳饭，上台快唔使5分钟值得一赞。不过见到食物感觉中伏，首先食物卖相同份量都好一般，成set上台微热，饭偏硬要用力"𡁻"有少少食胶感觉，猪柳...啊...唔够热好厚粉而且干身无肉汁，比人感觉系炸左放系度好耐有人叫就放上碗再淋酱汁，食落去食落粉食唔到猪柳味道，另外酱汁都出事，既偏少唔可以捞饭又偏咸！讲到隐世......啊...不了，真系谈不上，希望只系呢款set lunch比较一般而其他人推荐会既食物会好d。希望！
继续阅读
本人其实好小写评语，但系今次好想同大家分享呢间食店。我系观塘区工作咗一年时间，每到lunch time就烦唔知食咩好。虽然观塘好多野食但系味道真系唔系好掂直到呢间店都开咗，我终于揾到失去嘅味觉我大约每月必去2-3次；原因系同事钟意出街外走走（呢间在我公司楼下），但系只要我同事放假我就一定落嚟呢度食饭。因为食物真系好食尤其系卡邦尼意粉简直冇得输有酒店水准。今日就食咗咖喱吉列炸🦐饭又系一个超惊喜⋯非常正嘅日式咖喱大家有机会可以试吓
继续阅读
观塘打工仔又多一个食堂|•'-'•) ✧日系料理价钱亲民，环境简约日系ฅ •ﻌ•♡餐厅座位不多，下午一时半去到只剩下一张二人枱和bar枱两个位置楼面只有一位美女做嘢，但都好快手!虽然忙碌但佢都好友善(⸝⸝•‧̫•⸝⸝)出餐速度不会等很久!!Menu选择丰富，而且价钱唔贵。$50左右就有一个饭连饮品~除了日式料理，还有西餐意大利面等选择☁️滑蛋牛烧丼 $52牛肉份量并不少，不会煮得过老。滑蛋亦好嫩~洋葱煮得好淋，易入口，配上烧汁刚刚好*⸜( •ᴗ• )⸝*珍珠米粒粒分明，好食!!☁️脆炸鸡配日式咖喱汁饭 $52炸鸡都有六七件，份量算多!!但咖喱汁浸过后，外皮变得有点软，食落没有炸鸡香口的感觉，但味道是可以的!!咖喱味都是平时食开日本咖喱砖的味道~有少量青红椒配菜⚗︎·̫⚗︎青红椒反而好好食!!好淋~☁️玄米茶(跟餐 冻饮加两蚊)偏淡
继续阅读
临近岁晚，同同事喺街谂紧lunch食乜好，咁啱有个姐姐派单，原来丰利中心新开咗间餐厅，咁就一致决定上去试试佢。同事叫咗个汁烧牛柳糖心蛋便当，盛惠$78，小弟就冇份食，但同事就话啲牛烧得够入味又淋，好好食㖞，等小弟下次就试下。我自己就叫咗个蒜油海蚬意大利面，再加2件忌廉蟹肉薯饼，个意粉好好食呀，好香蒜油味，意粉软硬度又啱啱好，$48都好抵下。加$12加咗2件忌廉蟹肉薯饼，又几好食㖞，啱啱炸起，卜卜脆，入面又够味，正！好彩咁啱收到姐姐派传单先知开咗间好嘢，以后观塘开饭又多个选择。
继续阅读