影片
更多
2008-08-25
8 浏览
成個下午係屋企大掃徐﹐攪到有少少肚餓﹐所以臨急同老婆決定來呢度試試佢地既日式放題。打電話問佢地價錢時先知道佢地用$270做單位﹐話8點前埋單有半價連加一係$162/位﹐如食整個第一場時間到8﹕45就六折連加一$189/位。心諗﹐佢地尊登set到個原價咁高來用什麼半價﹐六折作招來﹐真係有些多如。講真﹐如果佢地個價錢係原價﹐以佢地既食物﹐款式﹐服務同環境絕對唔會幫襯。但以$162/位折價就尚可接受。食物方面﹐分5大種類 - 刺身/壽司/卷物﹐串燒﹐一品料理﹐雪糕 & 飲品。刺身/壽司 – 吞拿魚﹐“魚立”魚﹐劍魚全部唔得﹐又韌又有筋﹐根本咬唔爛。鮑片乾乾地同有d霉。唯一好味既係三文魚﹐魷魚同馬刀貝。但有幾輪d三文魚有魚鱗癡係上面。牛油果軟殼蟹卷就飯多料少﹐得幾條籤籤幼幼既蟹腳係面。串燒 – 覺得呢間餐廳做串燒做得幾出式﹐好多款都燒得剛好﹐味道亦不錯。整餐差不多都係食串燒飽。本人覺得佢地做得不太出式既刺身/壽司有點似陪襯品。講番燒物﹐番薯係紫心品種﹐好香好濃既番薯味。雞翼﹐海蝦﹐雞腎, 冬菰&鵪鶉蛋係必叫。煙肉車厘茄比想像中好味﹐煙肉唔係燒到脆卜卜超級熱氣果隻﹐反而係好淋好juicy﹐連酸
食物方面﹐分5大種類 - 刺身/壽司/卷物﹐串燒﹐一品料理﹐雪糕 & 飲品。
刺身/壽司 – 吞拿魚﹐“魚立”魚﹐劍魚全部唔得﹐又韌又有筋﹐根本咬唔爛。鮑片乾乾地同有d霉。唯一好味既係三文魚﹐魷魚同馬刀貝。但有幾輪d三文魚有魚鱗癡係上面。牛油果軟殼蟹卷就飯多料少﹐得幾條籤籤幼幼既蟹腳係面。
串燒 – 覺得呢間餐廳做串燒做得幾出式﹐好多款都燒得剛好﹐味道亦不錯。整餐差不多都係食串燒飽。本人覺得佢地做得不太出式既刺身/壽司有點似陪襯品。講番燒物﹐番薯係紫心品種﹐好香好濃既番薯味。雞翼﹐海蝦﹐雞腎, 冬菰&鵪鶉蛋係必叫。煙肉車厘茄比想像中好味﹐煙肉唔係燒到脆卜卜超級熱氣果隻﹐反而係好淋好juicy﹐連酸酸地既車厘茄一齊食好夾。但有幾款例如大蔥豬肉同鴨肉串就燒得比較乾同硬﹐可能因肉粒size比較細既關係﹐所以一燒就乾灑身﹐好似石頭咁。但夾係中間既蔥粒就好好味。照燒雞串個汁亦太甜太杰﹐但本身肉質唔錯。多春雨燒得過火﹐太乾身。
一品料理 – 炸豆腐﹐芝麻雞翼好好味。炸得剛好﹐一點都唔“火農”﹐兩者都外脆內滑同好juicy。炸蠔其實都炸得不錯﹐外層好脆身﹐可惜蠔肉好細粒。金菰牛肉卷同蝦天婦羅都不錯。枝豆都幾新鮮﹐尊等叫來解解舌頭上各種濃肉味道同埋係呢餐多肉多油既一餐中尋找些有益既營養令心理好過些。
雪糕 – 有四種﹐芝麻﹐綠茶﹐紅豆同士多啤犁。每款都不錯﹐但把本人鐘意綠茶同紅豆居多。叫左兩round。
飲品 – 差不多有十種選擇。啤酒亦任飲。
最尾實在太飽﹐無法再試其它食物。總括來講﹐服務幾好﹐主動收碟同冇漏過單。雖然呢度以日式為主道﹐但可惜刺身/壽司/卷物全部都做得麻麻﹐強差人意。反而串燒做得比較出式﹐亦有好多日式放題冇得任食既雪糕。如比較喜歡熟食同串燒﹐呢度係一個好選擇。但嗜刺身既朋友﹐就最好另選一間吧。
张贴
