影片
街坊小店，同屋企人饮茶既必到之地唔似大酒楼咁，反而相对比较似系茶餐厅但因为舖头细细，人情味十足又唔洗惊揾唔到位，因为佢地总会为你地揾位点解会拣呢度？因为佢点心系自己整唔系入货架仲有好多怀旧点心牛柏叶好钟意食呢度既牛柏叶佢拣既部位好林，好易入口烧卖比平时既酒楼大粒仲啖啖都系虾腐皮卷炸到脆卜卜，老少咸宜鲜虾肠粉略嫌个皮有Ｄ厚同粉粉地，唔推介鹌鹑蛋烧卖唔系度度有得食，最钟意就将鹌鹑蛋同烧卖分开食而烧卖系猪肉饀架
继续阅读
琴日约左人去上水食烤鱼，原先谂住食巴辣仔不过要等，咁朋友话食过东记觉得唔错，咪排埋啰，入到去烤鱼有3种，分别系鲩鱼 、𫠐鱼同沙巴班，咁我问左佢个沙巴班有几大条，条友话斤零两斤288蚊，咁我地4个人斤零重应该唔够食咪叫个大份鲩鱼食啰，点知黎到条鱼我真系吓一跳，以为上错左菜，我又去问左伙计，佢话无上错啊，细份1斤$168大份就1斤半$238，条烤鱼真系细到又惊又慌，食多次烤鱼未试过条鱼咁细条基本上鱼肉得1斤鱼头半斤，大佬鲩鱼咁平既鱼洗唔洗咁啊，揾笨既，个菜牌明明系成条鱼咁show出黎，直头违反埋商品说明条例添啊😳我地4个人都好无奈同o嘴，问返个fd原来佢上次黎食鸡煲，唔系食烤鱼，不过除左条鱼，其他野都正正常常，d肥牛都几好食，各位师兄师姐如果要点烤鱼绝对唔好点鲩鱼啦😂
继续阅读
发现新大陆 ﹗没有神州来吓淹致，终于可以清清静静叹叹茶，悠然自得一盅三件。全场只得小猫三四个食客，真系好舒服。墙上贴著多款特色羊腩煲，想都无想过，试到无试过，非常好奇又吸引﹗全部点心即叫即蒸无偷懒，滚热辣非常有诚意，请耐心等候。师傅球类好得超美味，鲮鱼球牛肉球，蒸饭类都好得，比街市更胜一筹﹗色香味都比九里香、唐记、点盅皇更出色﹗街市东莞佬、城记望尘莫及，如跟马仔记、新明苑能争一日之长短。早前到访，四眼肥佬是否老板，零晨没招呼？完全行行企企，当我地透明懒得理 ﹗朝早婶婶们非常热情有礼有招乎架㖞。老人家的日常一盅两件，即叫即蒸必须耐心等候。水滚茶靓，叹几杯甘香铁观音醒醒神先，不到十分钟婶婶端上热腾腾喷烟蒸笼。凤爪排骨蒸饭，没有净排骨饭呢 ﹗转眼蒸饭到达，预先煮好正常不过。暖暖的温度满意，凤爪 18 层地狱咸，顶唔紧﹗排骨斩得的骰还可以，半骨半肉半软骨，骨多肉少，松软肉质，甜甜黏黏滑滑，蛮喜欢不错不错。豉椒份量足够，跟甜豉油捞饭，格外香口无破绽。饭粒煮得靓靓，饭香飘逸醒神，干湿适中。甜豉油调得清香不浊，开胃越食越想食 ﹗突然谂起早前上水金都酒楼及红磡宝城不开心经验，极咸豉油吓死朕，现在还心有余悸。东记虾饺皇，太大粒喇麻，好饱啊 ﹗一口点心就最好啦。喷住烟送到，烟雾弥漫满有气氛，非常生猛碌到四散各据一方。我本想移返中间摆得靓靓先影相，但黐得好实费事烦喇。皇者风范够巨形，成粒啪有点压力，分两啖舒服多﹗饺皮湿度高黏黏咽韧，有葱有笋紧抱著虾仁，爽甜水润，味道清新，可口味美，高质无得弹。蟹子烧卖皇，跟虾蛟皇一样巨形 ﹗香喷喷烫烫的品尝，大粒到要慢慢咬，结实像肉丸，大量虾胶，赵得到虾肉粒。虾胶比猪肉份量多，落味有点淡，猪肉香甜欠棒，都满足好味道，如有豆瓣酱会更精彩。淮山鸡扎，鸡柳弹滑，味甜高质。鱼肚吸尽精华，湿爽比猪皮好味，最衰未到绵滑系。火腿咸香爽弹，芋头我不吃的。淮山片干干的不喜欢，咬半条放弃，淮山方条好食百倍。鱼肚鸡柳送排骨饭，一流好好味﹗姜葱牛柏叶，滚热辣出现，芡汁厚薄得宜，姜葱甜美清爽。叶先生 Albert Yip 入口爽爽，但有少少韧，都好味道的。豉椒蒸排骨，骨多肉少，香甜不太油不太肥，松软肉甜食得过。北菇棉花鸡，鱼肚高质爽弹，只甜不腥不嗅。鸡柳嫩滑松化，美味无比。鹌鹑蛋烧卖，巨形不能一啖吞噬，分两口系差少少。甘甜弹滑蛋蛋用多汁可口肉球盛著，淡撞浓、甜撞甘，精彩万分，好好好味呀﹗八宝糯米鸡，数唔到八样㖞？鹌鹑蛋缩水干争争，鸡柳结实油润，肉松夹杂肥猪肉有咬口，冬菇偏瘦削。糯米饭湿润不黏黏干硬，味道单调偏淡平凡，当无𩠌饭食。幸好我有棉花鸡、排骨搭做𩠌，即时好食百倍。蚝皇鲜竹卷，芹菜芫茜顶硬上，免强吞下，由细到大入口就想反胃。香芋鸭脚扎，最讨厌的芋头不吃。鸭脚皮爽筋弹，咸咸不甜的腌味，加上油淋淋肉球及香滑腐皮，还入得口。土鱿蒸肉饼饭，有弹有滑有肉味有鱿味，散发海味香特别开胃。饭粒真的煮得超水准，粒粒饭香非凡，咽韧饱满干爽，热热捞埋清爽甜豉油，非常美味﹗咖哩牛肉饺子汤，死实阴沉的味精汤，散发最可怕的生葱腥味打冷震 ﹗饺子牛肉馅跟山竹牛肉百份百一样，只是多一点咖哩粉味，格硬食不浪费，都几难食㖞。鲜竹牛肉球，用筷子压上一开二，感觉蛋白一般充满弹性，入口湿滑舒服。劲茜味道还顶得住，还有淡淡牛肉香，西洋菜底爽甜多汁。什酱蒸凤爪，酱汁厚薄得宜，包著凤爪每吋肌肤，而且有修甲㖞 ﹗师傅够细心。皮爽湿润微甜香辣惹味，味道复杂的可爱混酱，必食之选。北菇蒸鸡饭，刚刚卖晒 ﹗婶婶问等还是转其他，我唔赶时间当然等啦。期间想起可能系全香港最好食的晓厨轩北菇蒸鸡饭用上顶级靓鸡柳啖啖肉没有骨，不知道东记有骨定无骨架？苦候廿十分钟的即蒸鸡饭。婶婶立即送到，系无骨鸡柳黎架，实在太好太高兴﹗鸡柳放一旁，将豉油跟饭粒捞得均匀，直接大大啖塞入口，惊喜不已 ﹗看似湿淋淋的饭完来全是鸡柳精华，鸡汁鸡油跟甜豉油融合，美味佳肴程现﹗饭香无限，饱满韧性，色香味可媲美晓厨轩顶级鸡饭﹗鸡柳嫩滑，鸡柳腌味浓郁醇香，搭著靓饭品尝，停不了的节奏，食食食食食，完美无暇的演译﹗鲮鱼球，鲜弹嫩滑，足料鱼香，不粉不硬实。鱼汁轻渗甜美，混著胡椒及喼汁，擦出火花，味道被引燃升华 ﹗其实早已经饱饱，但都忍不住其摄人魔力﹗一定一定要全部消灭才可以停下来，鲮鱼球鲮鱼球鲮鱼球﹗叉烧肠粉，劲茜叉肠 ﹗近年免强受得住其独特的茜味，反应不太剧烈，不会反胃呕吐喇。不过依几条芫茜味太浓，其他味道都食唔到咯。叉烧份量够，松软甘甜，肠皮质地微黏微滑蛮不错。煎蛋牛肉饭，煎蛋分开用碟仔另上？罕见密封式牛肉蒸饭，所有精华气味肉香汁液锁得实一实 ﹗豉油似乎落得过多，不过食落味道竟然刚刚好。甜豉油清香不咸不浊，醒神醒胃，使得我食欲全开﹗饭香无比，饭粒咽韧干爽有赵口，搭载滑牛蛋汁甜豉油，一啖两啖大大啖不停输送，忘我地欲罢不能。精彩万分，夹得天衣无缝 1 加 1 加 1 无敌铁三角，小宇宙爆发 ﹗蛋浆、嫩牛、白饭，无可挑剔的佳肴。
继续阅读
东记系一个集各种身怀秘技既叔叔于店内既食店，由点心蒸饭小炒水吧到鸡煲鱼窝都一一供应，重点系24小时营业价钱又抵，仲有自助酱料吧，$5/人头，重口味实好钟意鸡煲（半只）+鸡肾好味道基本上个个黎呢度都系食鸡煲/鱼窝，今次拣左中麻小辣鸡煲（半只），再加份鸡肾大家可以任拣辣度，如果有咩特别要求，可以同舖面既叔叔讲，佢地都会答到你鸡煲够哂惹味，食过咁多间始终最钟意呢度既味，够麻够香，鸡件又够，配料本身已经有啲三色椒，莲藕片，香菜等等，真系好入味，系连啲肉都入哂味，唔系净系得个香字同埋份量好够，可以跟据自己钟意食啲咩加食材落去比师傅炒，今次拣左鸡肾，香脆新鲜，无得输睇想又挂住鸡煲啦重点楼面叔叔见你食到咁上下会主动帮忙换左只碟麻甩既店舖里面充满住细心同贴心，呢样真系街坊味浓，最钟意呢啲小店，叔叔们真系无得输响铃好味道个响铃朋友仔用松化黎形容，真系十万个脆，浸一浸啲汁再食超级无敌好味，重点系仲要脆卜卜推荐蔬菜篮好味道食到咁上下个鸡煲可以用黎打边炉，楼面叔叔会预先比个壶你装住啲清汤（有蔬菜粒系里面！真材实料！）然后自己食到七七八八就可以落汤等佢滚变打边炉蔬菜篮系必点，样样菜都有，但唔系得鸡碎咁少，而系样样都足料，食个篮都可以食饱最好系款款菜都好新鲜，超级好食，嗦哂啲鸡煲汁，谂起又流哂口水春蛋烧卖好味道唔单止鸡煲出色，师傅连点心都识极，标榜自家制，所以嗌完要等一阵先有，即叫即蒸春蛋烧卖一咬落口，内藏玄机！原来有虾肉系里面，仲要好多粒虾肉，啖啖肉弹牙又好味钟意食点心既你真系要试试除左野食，水吧叔叔整野饮都好好味，冻柠茶甜度岩岩好，热奶茶仲会开炉煮十万个欣赏呢间叔叔经营既小店P.S. 店前会有啲即日海产，证明新鲜度100分
继续阅读
屋企人话今日出去食鸡煲，话原来上水有间都几出名嘅，真系佢地唔带我去真系唔知有呢间野。佢可以食烤鱼、鸡煲、火锅。不过屋企人就话觉得烤鱼最好食，所以叫烤鱼。5人食，都几大条，再叫其他配料就够饱了。除左鱼仲加左蚬，虾，萝卜，豆卜等等个汤都ok,辣辣地，鱼肉都几滑鱼肉因为烤过就特别香另外再另加肥牛，色泽都几靓，雪花都算明显，份量都唔算少，食落都几淋，唔错另加唐生菜、西洋菜、水鱿、薯粉。全部都夹到个烤鱼，而水鱿系最推荐嘅鸭血都好多旧，屋企人意食就话正
继续阅读