影片
营业时间
今日营业
10:30 - 20:30
星期一至日
10:30 - 20:30
以上资料只供参考，请与餐厅确认详情
📍总店系大埔熟食中心，另外有间新舖开咗系附近，装修充满港式怀旧大排档风格， 座位唔算好逼， 后面假铁闸位置仲可以有挂钩可以放袋。 呢度炸鸡翼系必点!🌀猪扒墨鱼丸上海粗面 首先系必选食材 (炸猪扒/ 炸鸡翼/ 墨鱼条) 3选1，然后再拣一款配菜同面底，价钱都系$50超抵食。猪扒大大块好厚肉，肉质鲜嫩带点咸香， 不过猪扒系唔酥脆， 有d 似香烧猪扒口感。墨鱼丸大过乒乓波， 入面好多粒粒墨鱼肉，真材实料。上海粗面份量超大份好弹牙，食落好似粗身乌冬。 🌀炸鸡翼榨菜肉丝上海粗面真心系被炸物耽误的上海面专门店，个炸鸡翼真系好surprise! 炸鸡翼调味简单惹味， 主要系因为炸得超脆唔会干，一咬开仲会有少少油汁滴出黎。一定一定要点。🌀炸云吞炸云吞都推荐Order! 云吞用咗春卷皮，薄脆香口。 馅料同外皮比例系1:3，虽然馅料只有$1硬币size，但系反而可以食多几粒唔会好滞。馅料包著带点胡椒香的猪肉，配埋甜酸酱更好食。
继续阅读
如果话去沙田系食鸡粥，元朗系食凉粉，咁去大埔就梗系食猪扒啦！东记上海面屹立于熟食中心多年，成为熟食中心内极高人气嘅餐厅，绝对系区内嘅街坊名店，餐厅出品嘅炸猪扒，非常酥脆，真系从来都唔会令你失望！原来喺广福道都有分店，地点更方便。鸡翼拼牛筋上海粗面东记上海面嘅面食单拼定双拼都一样价钱，而且份量十足，真系好抵食。炸鸡翼炸到黄金香脆，脆卜卜，香口又惹味；牛筋炆得够腍，入晒味，配埋弹牙嘅上海粗面，真系一流！墨鱼条拼菜肉云吞上海粗面炸墨鱼条外脆内弹牙，咬落去有咬口又唔会韧；菜肉云吞饱满多汁，粗面够挂汁，真系好满足！识食一定加埋腩汁，更滋味！净炸猪扒嚟到大埔东记上海面，点可以唔食佢嘅炸猪扒，猪扒大大块，够晒诚意！炸得金黄香脆，唔会干柴，肉质嫩滑有肉香，真系好滋味！柑桔柠檬梳打天气咁热最啱饮杯冰冻嘅柑桔柠檬梳打，柑桔加柠檬清新酸甜，加埋梳打水，即刻透心凉，饮完成个人都醒返晒！
继续阅读
呢排成日听朋友讲开呢间米线舖，星期日下午两点左右专程去试吓，点知一去到已经超多客人，部分配料仲卖晒添！好在最受欢迎嘅猪排仲有得点，即刻叫咗个猪排牛丸米线$46，价钱算中规中矩。汤底就系普通清汤，不过可以自己加辣椒油，落几匙落去成碗嘢即刻香好多！重点推介佢哋嘅炸猪排，真系外脆内嫩，咬落去有阵阵肉香，调味又岩岩好，唔会太咸亦唔会太淡，口感同味道都平衡得好好，一试难忘，真系必食！至于米线同牛丸就比较普通，米线口感偏软，牛丸亦无特别惊喜，不过有呢旧超正嘅猪排撑场，已经值得一试啦！记得早少少去，唔系随时食唔到呢个招牌呀！
继续阅读
周末逛慈山寺，平时好少去大埔，所以去完就顺便去食个呢度好出名嘅猪扒面（之前见过有KOL网上介绍）佢哋有两间分店，拣咗呢间地舖，环境比较新净，系80年代嘅香港怀旧风，影相打卡都几靓。五点几嚟到都已经几多人。猪扒云吞上海粗面墨鱼条配鸡翼湘味酸辣汤底米线，再额外追加墨丸3粒，同埋清汤萝卜等。先说炸物，猪扒、墨鱼条同鸡翼三款其实都非常不错，微微咸香，炸得热辣辣脆卜卜，而且份量都比得几多，三款之中个人最钟意就系佢哋嘅鸡翼，鸡肉好嫩滑，而且好多汁，唔会炸得好干，食咗四只都觉得有啲意犹未尽。而汤底方面，清汤比较清淡，个人钟意重口味啲，觉得湘味酸辣汤好香，下次去都会再拣后者。又系买。面方面，上海面比较弹牙，淀粉感重，类似厚身d嘅乌冬，米线就滑溜滑溜的，各有千秋。清汤萝卜香甜香甜的，而且是入味又质感软熟的状态，不错。东记上海面 (大埔)大埔广福道144号地舖
继续阅读
大埔东记上海面💯牛筋牛腩上海面绝对是值得一试的佳肴。面条细滑有劲道，汤头醇厚而不腻，牛筋与牛腩炖得软绵入味，每一口都充满了浓汤的鲜美与肉质的香幂。再撒上一些葱花和香菜提香，整碗面就显得更加鲜美可口。除了招牌的上海面，他们家的炸猪扒拼鸡翼也是不可错过的美味。炸猪扒外皮金黄酥脆，内里肉质鲜嫩多汁，而鸡翼则是经过特制调味后炸制而成，外皮香脆，内里肉质鲜美。这两道菜品无论是单独食用还是搭配其他菜式都极为适宜。麻辣手拍青瓜则为餐后小食的绝佳选择。青瓜新鲜脆嫩，麻辣调味恰到好处，既可解腻又可提神。
继续阅读
您可能会有兴趣的...