東街咖啡

最近有個習慣，如果去小店又好食我都會打返個食評支持大家小店生存又到星期日想去一間Cafe chill吓，今日難得要上嚟上環，就上網搵吓邊間Cafe好上環其實好多間Cafe ，我都食過唔少其實呢間嘢嘅食物質素質素都真係幾好尤其是食佢個櫻花蝦辣油意粉其實幾惹味仲要一碟意粉加咖啡其實為起先百幾蚊我覺得性價比都幾高下All day Breakfast 整體所有嘢都好恰到好處Croffle 有少少失色所以對一個週末早餐怪嚟講，我覺得呢一間嘢我都會俾幾高分咁諗住OpenRice留個好評見大家就一面喺度投訴，服務態度差我唔知大家講緊個一男一女係咪我見嘅一男一女全程好好禮貌客人入嚟問可唔可以快少少都好有禮貌嚟講要等幾耐另外，有小朋友客人，佢都會特登問小朋友客人可唔可以加黑椒，我覺得好細心。另外個廁所香噴噴，我覺得店主好用心如果係針對pet friendly 呢件事店面係真係窄嘅，唔俾多過一隻狗入，都覺得可以體諒真係會經過踩到，咁岀面有位架麻，好多pet friendly 餐廳都係咁。…查看更多

上網睇到東街咖啡諗住過嚟試下未遇過服務態度咁差最正係男女都咁差打開門做生意，唔使用咁西嘅面口對客咖啡好唔好飲唔知，因為pick up行到一半已經漏到成個紙袋都係唔會有下次…查看更多

一啲都唔值得幫襯嘅餐廳！網上見到介紹呢間coffee shop好似幾chill，而且重點講明歡迎狗狗一齊入座，於是約朋友帶埋「一隻」狗狗嚟，但個服務體驗超差！我強調只係帶咗「一隻」狗狗，係因為我哋去到嘅時候，其實coffee shop入面只得我哋一枱客，即係「兩個人+一隻狗」，但餐廳嘅一男一女不時向我哋表現出不滿嘅眼神，話我哋隻狗阻住走廊位，叫我哋綁好隻狗，最後我哋要將隻狗綁去入面嘅位置。我真係想問如果我係要同我隻狗分開坐，咁點解我要帶狗狗過嚟？然後佢哋又話我哋個袋放咗落旁邊個位，會搞到其他客人無得坐，但當時場內只有我哋「兩個人+一隻狗」，係去到之後先多咗一男一女入座，但都唔係坐我哋附近，所以當時係無客人需要坐我哋旁邊個位。至於食物質素，sorry，真心評論唔到，因為個服務態度係會令你想即刻離開，唔想再order任何食物，所以用1分鐘時間就飲完一杯凍Cappuccino，然後拜拜！而果杯Cappuccino其實都唔係特別好飲。總結係：一男一女全程態度勁差，語氣勁無禮貌，肯定唔會再幫襯！(如果有負分嘅選擇，直頭要俾負分）…查看更多

永久BLACKLIST ：STUDENT UNFRIENDLY 只係會配合熟客要求嘅餐廳，同樣係對菜式有要求，後面台熟客嘅意粉走黑椒就和顏悅色，我叫沙律汁另上就反曬白眼。未入嚟已經話90分鐘用餐時間上左菜10分鐘已經要客人協助，盡早離開。我哋已經一而再再而三話明白90分鐘用餐時間，仲要指責返我哋唔願意配合盡早離開。明明後面有兩台客，就係催我哋五個人一切仲要係成間餐廳唔係FULL SEAT 既情況發生。野食方面正常，但激心到食唔落！…查看更多

嚟過幾次 次次好食～意粉🍝係手工意粉 食落有口感 Sauce 係多 但不會令意粉變淋 煮食時間有掌控過👍🏻所以可以一啖意粉一啖醬 好滿足～😋墨魚餅好食！入味～～ 齋啡好飲 嗰house blend 係同其他不同☕️咖啡呢家嘢每人口味不同 🙏🏻我覺得啱我口味～環境小而明亮cozy 工業風灰泥牆 加上彩色的掛畫 感覺很平衡 裝飾恰到好處 和朋友聚、一人清靜都好適合～🤍 同埋見到有啲人拖狗仔來 都幾pet friendly 試過店內已有一枱人帶咗一大一小狗之後嚟咗嗰客人又係拖狗仔來店入面都冇乜位比佢坐低了 唯有走～寵物人士要注意～ …查看更多

今日lunch想食pasta, 就搵左呢間cafe, 同同事黎試下。我地行左好多樓梯，不斷向上行，由好嘈吵人多既街道，走上到呢度好清悠安靜既街。店內都好清雅，黎既多數都係一個人，黎到呢度都可以暫時遠離煩囂，得到一刻寧靜。店舖做緊一個promotion, 係叫一杯飲品，可以半價$49有一個 carbonara。我同同事都叫左呢個餐。我叫左香橙朱古力,佢叫左抹茶latte。我杯朱古力都一般，啲泡有啲‘鞋’，朱古力都唔濃。同事個杯明顯啲泡正常啲，味道都ok。carbonara就唔太creamy。如果想靜靜坐都係唔錯既選擇，食物就一般…查看更多

鋪頭唔大，星期六2點幾去已經接近full house..家庭式cafe。3個大人3個細路叫左3個手工意粉1個all day breakfast，嘢食嚟到，勁快食晒。3個小朋友食到清哂碟。手工意粉煙un唔會係出面硬掘掘煮唔熟果d。叫左杯金檸檬蘇打，酸酸地好開胃。牛角包窩夫必食。再加單叫多1個意粉1個all day breakfast..又係清哂碟。大人細路都岩食，調味岩岩好。檸檬忌廉煙三文魚手工麵酸May may好開胃，唔同平時d忌廉汁咁漏。另外收銀位置擺左自家製曲奇，又係必食。最愛開心果味同橙皮朱古力曲奇，唔會太甜岩岩好。…查看更多

禮拜六通常鍾意去太平山街行下今日落住毛毛雨, 好多想去嘅coffee shop都坐滿人🤷🏻‍♀️唯有周圍行下睇下有邊間 可以畀我哋坐低hea下路經呢間coffee shop見冇乜人就膽粗粗試下, 嗌咗兩杯咖啡一杯用regular milk, 一杯用oat milk, 但係個milk form兩杯都打得唔係咁好咖啡味道正正常常價錢唔算貴如果平時想搵個地方歇後腳, 呢度都可以係backup plan但係下次我都應該都唔會再嚟😅…查看更多

pasta係手工意粉🍝必食!!😋飲左杯hot mocha 朱古力味好濃 又唔會太甜😋仲試左croffle 一定要嗌蘋果肉桂味🍎 加埋vanilla雪糕 夾埋牛角包🥐 超鬆脆 勁正😍推推!!好似係家庭式經營 環境好warm 好舒服 老闆娘超nice💕走嘅時候仲買左home made cookies 🍪😀…查看更多

聽朋友講呢度有手工意粉唔錯，所以今日特登嚟試一試見到佢都有幾款手工意粉好似都唔錯咁諗咗一陣見到佢有個墨魚餅蕃茄手工意粉好似幾特別咁就叫咗個嚟試食第一啖就覺得有驚喜喎 本身都好少食到墨魚餅係意粉入邊今次就真係第一次試 墨魚餅煎到好香又真係同個甜辣蕃茄醬幾夾😋 同埋佢個意粉食得出真係手工意粉 好彈牙 加埋佢吸晒啲蕃茄醬唔錯唔錯👍🏻見到佢個Menu仲有其他意粉好似都唔錯 仲見到有唔少人點咗All day Breakfast 都好似好豐富咁 下次都可以試吓！…查看更多

我做好research先帶狗狗去，平時見佢都無咩人幫襯，諗住同朋友+兩隻中細size 狗狗去試下。一入到Cafe, 兩個一男一女職員拒絕做我哋生意，話舖入面已經有一隻狗，哥基黎。職員：搞唔掂，你哋唔可以入嚟我：咩叫搞唔掂？我控制到啲狗唔騷擾人米得？職員：都唔得，因為佢地要留返啲位serve其他客個陣係星期日嘅2:15左右，而cafe入面只有兩枱客，一共6個人。其實平時都見佢地無咩人先想帶狗去幫襯下，無諗過會拒絕做生意+態度好差，好串，好無禮貌，我而家明點解佢地會無生意…查看更多

經過上環唔知食咩好， 喺斜路仔見到呢間cafe， 門面擺設幾得意， 即刻睇吓有咩食， 見食評話呢間手工意粉好食， 就試一試佢，喺門口排咗一陣，點完餐就入去坐低等食，我哋兩個人叫咗辣蕃茄墨魚餅手工寬條麵 + Ginger Latte， 黑松露蘑菇炒蛋雜菜三文治 + Mocha，嘢食賣相幾靚， 個墨魚餅寬條麵真係要讚！ homemade 真係好好味 👍🏻 高質！好難得！ 價錢唔算貴，一定會再幫襯！ 辣蕃茄墨魚餅手工寬條麵 必食！ 係必食！…查看更多

太平山街一帶, 環境清幽, 予人寧靜的感覺。是日光顧的小店座落東街, 入座時正值平日的下午茶時段, 人潮已去, 高枱矮枱任擇, 本想坐近門口的高枱, 向街外望, 感覺開揚些, 但老闆娘得知我會點吃後, 建議我坐矮枱, 枱面寬闊些, 會更舒適, 感覺體貼。1) 辣蕃茄醬墨魚餅新鮮手工闊條麵 $1382) 抹茶拿鐵 (冷) $503) 經OpenRice訂座享9折優惠小店提供全日早餐, 吐司, 沙律, 窩夫, 三文治, 意粉和甜品等, 研究了一會, 心儀小店推介的拿波里燉牛肉新鮮手工絲帶闊麵和辣蕃茄醬墨魚餅新鮮手工闊條麵, 因天氣寒冷, 最後選了辣的辣蕃茄醬墨魚餅新鮮手工闊條麵, 感覺暖和些。辣蕃茄醬墨魚餅新鮮手工闊條麵辣度輕微, 即使額外加黑椒也不覺得辣, 不能吃辣的也可一試。雖然用上不少juicy的番茄烹煮, 但醬汁不會過稀, 而且甜味滿滿, 甚是開胃, 當中加入數粒番茄乾, 增添口感。墨魚餅扎實有咬口, 掛滿醬汁, 份外滋味。手工闊條麵質感爽身, 每條麵條均掛滿番茄醬汁, 份量不多不少, 感覺滿足。抹茶拿鐵 (冷) 綠白相隔, 隨著時間流逝, 綠色由上而下慢慢沉降, 顏色漸變, 有點治癒。拌勻呷了一口, 鮮奶味道明顯, 抹茶味道略淡, 如抹茶味道濃些, 味道將更平衡。…查看更多

成間鋪吉嘅話我一個人請坐單人枱咁無所謂我坐啦 但佢啲單人枱屁股貼屁股係拉都拉唔到張櫈出嚟嗰種貼係收左鋪啲櫈全部緊拍喺鋪頭一邊嗰種貼入都入唔到去 點坐？？我拉左後面張櫈出嚟坐入去張枱設計十級反智個膝頭完全頂住張枱我內心真係十個無奈，完全做唔到野跟住個店員又同我講叫我搬番後面張櫈入去話阻住通道OK, 但咁我到底要點坐呢？佢同我講啲位係預左人打側坐，對住咖啡機咁坐吓？！即係如果我同個fd 黎 我地好似CIA 咁扮唔識對方但坐喺同一張枱，望住前面咁同對方講野？？ 係唔係搞笑呀？最後佢話幫我拉前啲張枱拉嗰陣倒瀉左1/3 杯咖啡算我再坐低又同我講用餐時間90分鐘擺明趕客，依間野永無下次…查看更多

今日約咗個賣家去呢間Cafe交收件皮褸，我問職員洗手間有冇鏡，因為我想試身。職員好快答我：我哋洗手間唔外借！我同佢表示我2位朋友喺度食緊嘢，加上間Cafe只得賣家兩位。就沒有其他客人了。職員再回覆：咁你係咪會食嘢啊？然後我已經唔想再同佢講任何嘢我好奇問吓賣家啲食物如何？佢話好一般。你哋自己考慮去唔去幫襯一間咁冇人情味嘅Cafe啦！其實已經不斷有香港人返國內消費，真心想香港嘅餐廳員工諗吓，自己嘅服務態度有冇問題？！ …查看更多