影片
以上资料只供参考，请与餐厅确认详情
朋友介绍这一间很出名，所以特别揸车去购买来试一试，但价钱偏贵，$112 牛筋丸一斤大约只有32粒，平均 $3.5一粒。但系我食过最好食嘅牛筋丸。另外，购买了半斤普通墨鱼丸，$34 墨鱼丸半斤有16粒， 平均 $2.2一粒，味道冇乜特别，只系冇乜弹牙，墨鱼味不厚。另外，购买了鱼扎一盒 $50，完全唔好食，冇味道，老板说可以放2-3日，但盒上没有注明生产日期，何时到期，见佢喺雪柜攞出嚟。我不会再购买，不建议购买。
继续阅读
第一次经过时，俾一袋袋嘅炸鱼皮吸引住，心谂呢间嘢自己整鱼蛋，啲鱼皮应该唔会差得去边。当时见到4~5个人排队买嘢。第二次经过时，仍然有4~5个人排队买嘢。心谂咁犀利嘅，keep住有人排队帮衬。第三次经过时，又有5~6个人排紧队。再一次心谂，呢间嘢应该系好嘢嚟，唔系点会唔同时段都有人排队。最后，除咗买咗半斤「炸鱼皮」（$38），另外再买多半斤「顶级鱼蛋」（$50），同埋4两「超级鱼片头」（$20）。炸鱼皮，又大块，又薄片（比坊间少粉），超脆超松化，又有鱼味，除咗打边炉，当零食都一流。顶级鱼蛋，系用新鲜鱼打的（「超级鱼蛋」就系用冰鲜什鱼），差廿蚊，咁梗系试顶级啦。半斤有18粒。超级弹牙爽口，但鱼味冇预期中咁出，但绝对系好食嘅。超级鱼片头，4两有9件，同样好弹牙，味道正常。
继续阅读
买吉士挞嘅时候发现旁边鱼蛋档不断有街坊排队🤤身为食物搜寻队队长当然吾可以放过💥加上难得大西北出城当然要有手信拎返去🤣同大只仔拣左最想试既3款每样买左四两拎返屋企整黎食🙆🏻♀️同大家介绍下先❗️特别想讲超多人买炸鱼皮呀‼️💁🏻♀️如果都系出城去探索既朋友记得买手信返大西北呀~~~打边炉必买💥❐ 顶级鱼蛋 $25💁🏽♂️💁🏻♀️推介❗⟰大概有10粒，大细同普通鱼蛋差不多，形状就似不规则🍡⟰一咬落去劲弹牙🌟大只仔心心眼左，小妹觉得质感好似手打鱼蛋系超❗️弹❗️牙❗️可以用弹弹波黎形容💥加上无鱼骨又吾腥，但有鲜鱼旦咸香味✨的确系正既‼️❐ 黑椒牛筋丸 $25💁🏽♂️💁🏻♀️推介❗⟰大概都系10粒，算大大粒而且外面会见到有少少牛筋✨⟰呢个超赞🌟仲好味过鱼旦！一咬爆汁💦💦💦💦💦💦入面肉质又嫩又弹牙而且仲有粒粒黑椒同芹菜调味，好惹味🌶‼️无论口感同味道都满分💯‼️❐ 超级墨鱼丸 $25⟰ 好明显系比超级呢2个字吸引既小妹🙌🏻大概都系10粒但系就细细粒⟰食落弹牙有少少粒粒墨鱼🦑而且好香墨鱼味🌟但系比起另外2只无咁惊喜
继续阅读
您可能会有兴趣的...