影片
之前试左第二间既大闸蟹放题唔掂，今晚同几个朋友再战大闸蟹套餐顺嫂鱼羮好味，够热，入口滑溜蟹粉小笼包唔太觉得有食到蟹粒既感觉醉鸡唔太醉，无咩酒味，鸡亦无咩鸡味，应该系冰鲜鸡大闸蟹唔太爆膏，无好香既蟹糕味，仲有一只坏既，好彩店员都肯换一口牛，牛肉肉质可以，都有牛味，但个炸蒜唔脆既浸菜苗，清清地，正常发挥，无咩特别另外加钱食既叉烧，呢个叉烧超好食，够热，肉质够林好好食，大家都赞不绝口，个虾唔新鲜，肉质唔弹牙无鲜味个餐仲有个乌冬包，但我地想食糯米饭，好彩店员话可以转，糯米饭都好食👍🏻姜汤汤圆正常发挥
继续阅读
同同事食$398一位的大闸蟹餐，系因为同事之前食过，都觉得不错。餐包左每人都两只蟹，好过大量流行的大闸蟹放题。野食黎得快，一边吃一边有𩠌上枱。蟹今年都不错，有不少膏，亦鲜味十足。估不到系牛柳粒，茄汁虾等都好味😋一边食，一边看海景，晚上夜景加美食，都令同事们好满足。去到糯米饭，汤丸都令我地好饱满足地离开。比起放题，不用担心质素，食蟹系要慢慢食，急唔黎，套餐相对性价比十足，慢慢食，认真拆蟹真开心🥳
继续阅读
19/11夜晚，第一次嚟呢间食大闸蟹餐，真系去咗一间服务差得嚟又奇怪嘅餐厅，真系去咗咁多间餐厅从冇见过呢个情况。我哋食紧蟹嘅时候，传菜员把一碟茄汁大花虾送到我哋台面，过咗大概5分钟，突然有个男部长攞住碟及筷子走过嚟，话俾多咗只虾，要拎走一只，随即就夹走咗，我哋全部人见到都好愕然，真系从冇见过呢种情况，碟虾已经摆咗系我哋张台一段时间，同埋真的确保我哋冇食过碟嘢吗？虽然虾数冇少，但或者我哋食过啲汁而你唔知，而佢夹走嘅𠮶只虾，或许已分发到另一台，好唔卫生啫。同埋装蟹壳𠮶只碟，满咗啲服务员会收，但又唔俾番只新嘅返嚟，搞到食紧蟹冇得装壳，次次都要问佢攞，湿纸巾又剩系俾得一张，食蟹一张根本唔够用，冇水冇茶，个壶盖揭开咗好耐都冇人嚟斟。至于啲食物，啲大闸蟹唔大只，最主要蟹膏超少，蟹无咩味道，浓汤菜苗其实系白菜仔几棵，其他𩠌都麻麻。总括，佢呢个夹走虾的过程，真系令我哋全部人＂长知识＂，真系经典，同埋嚟咗一次，唔会再有第二次。
继续阅读
很期待吃大闸蟹，叫了$2388六人餐，超级失望。一人两只蟹，唔大只，蟹糕唔多，蟹完全没有味！未试过吃大闸蟹可以冇味！全个套餐其他食物也很难吃😭茄汁大花虾一啲都唔大，同埋虾肉一啲虾味都冇😨酸辣肉酱手打乌东仲衰过茶餐厅雪菜肉丝米。牛柳粒唔知用左几多梳打粉腌，个质感成旧胶咁，难食过花园餐厅铁板餐嘅牛扒，冇牛味可言。浓汤菜苗讲就好听竟然系白菜仔😖连汤圆个姜汤都可以淡如水。真的唔使钱都不要来😑吓死人😰唔怪得一打嚟就有位，完全中伏😭好少写食评都忍唔住要写咁大段！真系唔想有人再中招！🥺
继续阅读
刚食完大闸蟹，拿拿声岀番先🤭我地点了两个大闸蟹盛宴套餐$1688x2，八点入座有七五折。笼仔蒸大闸蟹每人有两只公蟹，餐牌写话每只有五両，我觉得四半应该系有嘅。上年系另一分店食，系食完一只再上另一只，唔知今年系咪全部分店统一，费事送两转蟹，八只蟹一次过拎嚟，所以食第二只嘅时候已经放凉了🙃，其实已经影响左食物嘅味道同口感😒食大闸蟹重点当然系蟹膏啦，唔算爆膏，膏呈淡橙黄色，透明白色嘅膏亦少，所以没有黏口嘅感觉，蟹膏甘香味唔太浓，同期待嘅有岀入，但都新鲜冇苦味，可能要十一月啲蟹先会靓啲？蟹肉都结实新鲜，蘸上蟹醋，几好食。极品花雕醉鸡 半只鸡肉尚算嫩滑，但酒味唔太浓。京沪顺嫂鱼羹热辣辣，浓稠度适中，入口顺滑，有蛋花，荀丝，木耳丝，鱼🐟肉丝，火腿丝。蟹🦀️粉小笼包小笼包个皮超级厚，蟹粉味唔岀，亦都冇汤汁，偏干，似系🐽肉小笼包🤔。整个餐最差系呢样😩蒜片安格斯牛柳粒🐮牛肉软腍，有牛味，炒得惹味。茄汁煎大花虾🦐个汁够浓，酸酸地几开胃。虾🦐亦好大只兼爽口。浓鸡汤千层菜苗🥬系白菜，都翠嫩。酸辣肉燥手打乌冬🍜我想食乌冬，但呢个唔系乌冬，系普通嘅白色面，质地爽滑但唔烟韧，而且个汤唔系酸辣，系冇味😩，呢个真系唔合格。姜茶汤丸🍡酒楼又赶收工同灭虫，未食晒枱上嘅野就送上汤丸😒😒姜茶偏甜有姜味，但如果姜味再重点会更好。汤丸软糯。总括嚟讲，食物质素同服务都麻麻地，下次食蟹应该自己系岀面单买会好啲😌
继续阅读