東喜茶 (已結業)

今日路過又新街發現元朗間東喜茶已經結業~~~上星期二我收工路過見到東喜茶半價，所以幫襯，當試新野~~~店內有可愛的圖畫教點飲芝士奶蓋飲品~~~第一次我買芝士桂花烏龍奶蓋，芝士奶蓋味道幾好飲，但下面個茶就感覺幾淡口，可能係叫凍飲啦~~~去到上星期四我再去多次光顧~~~呢次我叫咗熱的芝士烏龍紅了~~~分開飲會飲到奶蓋的芝士味和烏龍茶原有的味，但下面的烏龍茶比較熱，所以我就用飲管攪拌來飲，味道幾好飲~~~在元朗呢類的飲品店差不多有一間在左近，競爭越來越大，但我們又唔可以日日飲這些甜的飲品，所以只能靜靜觀看最後有那些可以經營超過一年~~~…查看更多

呢日下午食完好辣嘅野, 條脷好似畀火燒咁, 拿拿林去買杯野淋熄D火先我去左- 東喜茶!東喜茶喺又新街都開左一排了..我都未試過~因為又新街太多飲品店了..分薄左 所以未算係好多人, 唔洗等好耐~飲品大都分為茶, 奶茶, 水果茶同芝士水果飲品。而我, 熱愛芝士奶蓋,最後揀左芝士桑莓~ 落完單就等叫no拎飲品, 店內仲有2張長椅, 客人可以坐低等叫no呀~芝士桑莓 ($48)上層係芝士奶蓋,下面係生果smoothie來的~係桑莓同士多啤梨smoothie~飲得出係新鮮生果整, 唔係藥水味來的~味道唔錯~ 酸酸甜甜的!芝士奶蓋身為一個芝士奶蓋怪, 我覺得佢個芝士奶蓋嘅份量少左d..薄左d.然後, 奶蓋係ok嘅,只係ok囉~ 唔係話好出色, 但亦一d都唔差~我覺得芝士味唔夠濃..(相比起我之前飲過其他店的)總括, 味道ok, 但唔係話好出色~加上要$48, 其實都幾貴..間唔時口痕飲下都ok的~…查看更多

😋元朗東喜茶買一送一(限時優惠)人人都飲生果茶，就等我試下飲珍珠奶茶啦！珍珠奶茶☕️味道原來都唔錯牛奶和紅茶的比例適中。重點係又唔甜(冇特別叫少甜)至於珍珠都好有咬口同彈牙。珍珠並不是普通的珍珠，而是自製不甜的珍珠！大家不妨一試😋…查看更多

今日又去左增肥！一杯甘香甘滑嘅布蕾奶茶我相信一定落左勁多cream!都係個句元朗開左好多好多間飲品店，但我真係唔太鍾意淨係得珍珠奶茶，所以有一d好似好出名個d,我反而冇咩衝動去幫襯。呢間東喜茶門面係靚嘅，鍾意影相打卡嘅佢都set左好多唔同嘅位置俾大家，本身想試芝士系列，但極愛甜食嘅我發現到有布蕾奶茶！就決心一試。成品冇廣告相甘靚，不過都預左嘅，有圖未必有真相。雖然個成品睇落唔算出眾，但入口又出奇地ok wo!布蕾其實即係蛋糕味，再簡單d即係奶油忌廉，知道真相後就算好好飲又會有幾多人去飲呢？🙈…查看更多

［係芝士奶蓋呀💓💓］Yahoo做緊團購，$28買到$35現金券，比平時單買抵食！！.#桃子小姐 $39 張相好pink好吸引～實物接近玉色🍑桃子小姐用左好多蜜桃，配上綠茶，感覺幾清香！💦 #芝士火火 $42 🌸火火其實係火龍果黎，顏色好鮮豔，火龍果味香甜，沙冰手打得奶細，奶蓋都幾重咸香!!______________________________📸#東喜茶地址：元朗又新街7-25號元新大廈地下3及10號舖.…查看更多

元朗開完又開，開到一條街四五間飲品店，真係我地既口福，話説上次見幸福堂太多人吾想排又有排等之制，過東喜茶發現原來用八達通有買一送一，oh my god，真心好低，三十幾蚊有兩杯，老實講，仲要比足料，叫左一杯芝士奶茶同芝士火火，甜度同濃度配合得岩岩好，即便影相send 灑去朋友group，荃灣都有，lunch完同同事一人一杯拎反公司，飯後飲品好似成為了近排日常任務咁，自動波食完飯就去買杯，希望香港開更多，等我地有更多口福…查看更多

今日下午天氣幾熱好似熱天回來了。行過又新街見到呢間好似新開所以想試試佢。 聽聞東喜茶出名芝士蓋茶但今日我哋lunch已經爆左quota唔想再攝取咁多卡路里所以就決定試試佢嘅水果茶同齋茶！ 心諗一間茶為主嘅鋪頭應該個茶底先要有水準，如果今次覺得個茶底OK下次先叫芝士蓋！我哋叫咗個凍齋桂花烏龍，茶味夠濃，唔會因為有冰而覺得淡，清新解渴一流。另外叫咗個凍超級水果四季春，甜度剛剛好，茶底同生果味好襯，另外有隻差可以食埋裏面啲生果。都滿意生果份量及新鮮程度尤其是西瓜🍉其實另一滿意點係店內有座位比客人等！ 雖然唔係等左好耐但係有得座座係熱天都幾好！…查看更多

東喜茶終於開到元朗了！裏面挺大的，還有椅子給客人們坐一下，等候飲料，它真的挺細心的現在憑全日制學生證到元朗東喜茶分店即可享有學生優惠八五折，如果我是學生就好了整家店主打芝士口味的飲料這裡的芝士瓜瓜是由西瓜跟芝士造成的，更是這裏的top one最後我選了芝士哈哈，它就是哈蜜瓜跟芝士的組合，上層是濃烈且軟滑的芝士，大力用口一吸，芝士的咸味跟哈蜜瓜的甜味混在一起，對於我這個芝士控，真想再來一杯我還選了芝士桃桃，看來是新產品，餐牌上還沒有它的蹤影，裏面還有不少桃肉…查看更多

東喜茶原來開到元朗都有，今日同爸爸食完飯，經過見到，諗住同爸爸試新野，見到好多選擇，爸爸同我都企係度諗左好耐，好在店員都好有耐性。 最後，買左杯no.1芝芝火火同芝芝石榴。 芝士奶都濃，水果味配搭夠味又夠冰涼，一啖試晒芝士加水果。火龍果味道較濃，石榴味較清。舖頭唔大但勝在細心有位坐住等，傾傾下就等到野飲。最重要唔洗用飲管同時個杯質料好又可以重用黎洗畫筆或做裝飾😂可惜人多 唔係都幾多打卡位可影相。 雖然宜家茶飲店開到周圍都係，不過要搵到自己合味道既都真係要試多幾間先 。 暫時呢間芝士都幾滿足到我呢個芝士控 👍…查看更多

先聲明，這不是廣告，絶對沒有收錢的。今日經過又新街，看到東喜茶門口，有一塊牌，寫著買一送一。東喜茶的芝士味飲品，我十分喜歡，可惜價錢略貴。趁著買一送一，買了一杯芝士OREO可可及芝士奶茶，選了少甜及脱脂，其中一杯是孝敬我老爸。味道雖然不錯，但我還是喜歡，芝士配生果的口味。抵玩指數:2+/3 ，如果沒有買一送一，就比較貴。東喜茶地址: 元朗又新街7-25號元新大廈地下3及10號舖…查看更多

一條又新街，大大話話五六間手搖飲品店，間間都大排長龍！如果要數比較有特色的，個人覺得東喜茶最出眾，因為主打鮮果和芝士奶蓋，健康與否不在討論範圍，反正除了水以外現在喝甚麼吃甚麼好像都不是好事...（這個世界怎麼變成這樣...？）東喜茶的生果是100%真生果，非合成糖漿，的確是吸引。這杯是桃子小姐，海報上是粉紅色的，但實物時黃色，不過這樣也很合理，桃肉是黃色嘛。可以選擇甜度，我要了微糖，令桃味更自然，不俗不俗。東喜茶用新鮮茶葉，之前飲過玉露芝士奶蓋真是一試難忘。見到餐牌新推出這杯琥珀珍珠奶茶，一於一試。琥珀珍珠呈翠綠色，好像吃到淡淡的桂花味，煮得彈牙，沒有黏成一塊塊，非常不錯，重點是不過甜，感覺良好。奶是鮮奶，個人覺得稍稍蓋過茶味。又新街競爭十分激烈，可能因為這樣，這裡間中會做八達通買一送一優惠！可惜的是他們的facebook好像沒有特別提到各分店的資訊，看來只可以碰一碰運氣了～…查看更多

元朗一向是美食的集散地，難得東喜茶在元朗新開張，吃完晚飯心思思落樓幫襯。店鋪內都擺設了各種飲料的宣傳海報，各鄜各樣的生果配搭，令人欲欲想試。等了5分鐘，茶已經弄好，大大杯，超過我一隻手掌的高度，份量非常多。芝士芒芒頂層是芝士奶蓋，打成泡狀的芝士，芝士味香濃。底下的芒果很鮮甜，與芝士味道配合得天衣無縫。超級水果綠妍有多款不同的鮮果，橙、西瓜、百香果、蘋果、青檸等，全部都非常新鮮，果味香濃，但又不會掩蓋當中的茶味。…查看更多

東喜茶開到元朗喇，仲要係美食集中地嘅又新街。附近仲有幾間台飲店，見唔係甘多人就試下先。無飲一段時間而家出左好多鮮果奶蓋新口味，可惜好多都賣晒喇!店內仲有吧台同椅子俾客人係店內飲用或等候。桃子小姐 $39 天然嘅清甜嘅水蜜桃口味沙冰配綠茶底都幾fresh嘅，飲到粒粒果肉不錯。超級水果綠研 $42第一啖飲落西瓜佔嘅味道比例較多，之後先飲得出檸檬同橙嘅感覺。等佢浸耐d 先飲，果味濃郁番好多，橙同檸檬味突出番晒！…查看更多

元朗的台茶店像雨後春筍般，一間接一間的開張，是日來到東喜茶，飲番杯至愛的芝士奶蓋先。落雨天人潮不多，店內只有十人左右在等飲品，旁邊有一排櫈可坐，仲有兩張高枱，方便打卡拍照用芝士火火（$42）拿不定主意的朋友左揀右睇，在眾多水果選了火龍果，原因來自前一位買家，哈哈，前買家沖進店內話芝士火火第二度飲唔到，個鼓氣勢吸引左朋友選呢杯飲品啦。雖然叫芝士火火，但都有茶成份，不是果汁來的。芝士奶蓋香滑，火龍果香甜，加上四季春茶清香，加埋一齊又真係好好飲喎芝士奶蓋玉露茶后（$39）自己揀番飲開的茗茶系列，試過幾隻不同的茗茶，個人覺得玉露茶后最正，茶味最清香，飲過後茶味在口內回甘，再配上香滑鹹香的芝士奶蓋，真係無敵好飲。無論用45度角飲，同用飲管攪拌後飲都咁正，好幸福啊元朗台茶店競爭激烈，要好好加油站穩腳跟嘞…查看更多

又新街一向係小食店飲料店既戰場，最近我最愛既東喜茶，都黎左呢度開分店！作為粉絲既我當然要狗沖，除左平時經常飲既金鳳茶王配芝士，今次朋友仲買左杯綠妍配芝士，試試佢！金鳳茶王配芝士金鳳茶茶底我一向最鍾意，原因係佢有傳統茶茗既甘香，但又不會太濃烈，淡淡迴甘，配合樓上鹹香既芝士奶蓋，入口既濃度就剛好。綠妍配芝士這個是第一次試，估唔到都有驚喜。綠茶茶底顏色碧綠，喝下去清香撲鼻，茶杯中浮晃著一抹淡碧，跟上面既芝士相映成趣。連芝士一併喝下，滋味甘醇濃稠，感覺又與金鳳茶不同，又是另一種味道。…查看更多