東南亞特色美食

呢間位於上環信德中心中澳門廣場唔顯眼既東南亞餐廳。 唔好睇佢唔顯眼，野食份量足夠，味道偏少濃。今次叫左全日特餐，沙嗲牛肉出前一丁配牛油厚多士，火腿奄列配飲品。先唔講味道，就咁服務已經一流，佢本身幫我落單，問我要唔要辣椒油，我話我自己網上落單亦可以減1蚊。我忘記係備註寫辣椒油，估唔到店員記得幫我攞埋辣椒油。而且話驚我路途遙遠，怕倒寫啲湯汁，特登包好哂，店員十分貼心。美食方面，意想不到沙嗲牛肉個汁咁濃，份量又大又多，起碼7到8塊以上。湯汁分開幾次落，等啲沙嗲汁同湯底慢慢融落麵到。最後加啲辣椒油，同時食到沙嗲濃香亦油辣椒油香。火腿奄列都係份量十足。以上環黎講，50幾蚊有啲咁既份量，服務同味道質素好，好值得試…查看更多

因為在上環上班，此商場比較方便，所以常常到來幫襯！店並不大，但光潔明亮，用白色做主色，給予人乾凈利落的感覺⋯⋯在此商場內亦頗有名氣….各款菜式，味道沒有欺場，價格中肯！其中最受歡迎是焗飯我最愛是芝士咖喱豬扒焗飯，初次食驚為天人，從來沒有估到芝士與咖喱的味道係咁夾，甘mild ，甘出色的，食左第一啖已經停不了口…外觀頗吸引，上枱時熱辣辣的，芝士係半熔．混合小小辣嘅咖喱汁，味道很調和，很配合，豬扒切成一條條的，頗入味，肉質很不錯，再配上薯仔，及焗飯柔軟可口…. 吃得很有滿足感！$60 包熱飲！大衆化價錢！絕對值得推介的小店！…查看更多

東南亞特色美食餐廳的環境簡潔舒適，餐廳內的裝潢簡單雅致，是適合與家人或朋友一同品味美食。今次外賣下午茶的確是一個十分平的選擇，餐廳的服務態度良好，工作人員熱情友善。並且能夠迅速應對客人的需求，餐廳的菜量十分豐盛，一份餐點能夠滿足飢餓感。而且價格合理，物超所值，絕對是一個性價比很高的餐廳。🍝XO醬雞扒炒公仔麵 HKD$43：這道菜的XO醬是它的亮點之一，醬料辣味十足且具有豐富的香氣。雞扒炒得恰到好處，肉質嫩滑多汁，而且唔油，配合公仔麵炒得香脆，整道菜色香味俱全。 ⚡️ 好味指數：🌕🌕🌕🌕🌘🧀️  約800-1000 kcal 卡路里/份🐔乾炒雞絲烏冬 HKD$45：這道菜以烏冬為主角，烏冬炒得有彈性，入口爽滑。雞絲的炒製也非常到位，鮮嫩多汁，與烏冬完美融合。整道菜的調味恰到好處，帶有微妙的香料風味，令人愛不釋口。 ⚡️ 好味指數：🌕🌕🌕🌘🌘🧀️  約700-900 kcal 卡路里/份📍東南亞特色美食 - 上環信德中心3樓澳門廣場3019號…查看更多

次次經過依間東南亞特色美食，都大排長龍，好好奇點解日日都咁多人排隊。今日難得早放lunch，同同事試吓依間長龍店，睇吓係咪真係咁值得排⁉️🤤 招牌日本叉燒飯 配特製豉油標榜全港第一間用日本蛋嘅茶記！食落第一啖。嘩！啲日本蛋真係超級滑～ 超級濃蛋味～！同平時食開嘅滑蛋飯有好大分別。而叉燒係半肥瘦，肉質好嫩。佢最有心思係個特製豉油，甜味同鹹味剛剛好，而且會分開上，可以比食客自己調校份量。蛋，叉燒同豉油三樣嘢配合得天衣無縫！超級夾～ 超級出色～ 💛💛💛🤤 魚香茄子炆伊麵依個伊麵真係好野味！肉碎同茄子夠晒鹹香，茄子亦都唔會炆得太淋。伊麵落咗少少辣椒吊味，非常之有鑊氣🔥。好似係酒樓炒出嚟咁，完全超乎茶餐廳嘅水準！好有驚喜！🤗 另外想讚一讚落單嗰位哥哥仔👍🏻 平時喺中上環食飯，落單都會趕頭趕命。但係依位哥哥仔唔催我地不特止，重介紹我哋有咩好食，俾我地慢慢揀。服務態度真係唔錯🤣！…查看更多

個收銀好似你殺左佢全家咁，成日口黑面黑。找錢俾你個下好大力將啲錢放落找錢兜度。食早餐落單諗一秒都唔得。岩岩訓醒慢少少，就比個waiter一句”得”埋嚟”諗下先啦”，跟住就行咗去。我唔使你好好態度，但係而家係態度惡劣。…查看更多

食物味道一般。勝在夠快。侍應超級醒目。一個眼神已召喚到佢地嚟幫手落單。成間餐廳最大特色係個收銀大媽。稍一係銀包拎錢拎慢咗少少。即刻怒啤住你。佢差啲未幫你打開銀包。幫你攞埋錢。電話柯打落單5次有3次錯。無樣資料正確。似乎大媽同老闆有仇。想倒米。…查看更多

上環信德有好多都係連鎖餐廳，唔係貴就係唔抵食，茶記好少。但呢間在信德角落的茶記永遠都大排長龍，原因好簡單。因為食物質素高，食物種類多，上菜快，價錢相宜。😃今日早收工，5:45來到呢間茶記，都仲有TEA 食，就立刻叫左芝士咖哩雞扒撈丁。芝士舖滿成個麵，芝士加咖哩汁唔會太杰，撈丁份量剛則好，加埋杯凍OT，完美的下午茶。🤤朋友叫左芝士焗咖哩雞扒飯，其實賣相味道都一樣，只係變左飯，但由於呢個係常餐，所以要俾多十幾蚊🤨 知慳識儉的你識揀吧😝私心全日KING餐，蕃茄薯仔排骨螺絲粉都是我常點。上環返工的你可以一試。…查看更多

我本身係中環附近返工，一直都唔知有呢間小店嘅存在，直至同事帶我去先至試吓，點知試完之後令我一試難忘。雖然我嗌嘅，係海鮮炒烏冬。但係呢一間茶餐廳嘅海鮮炒烏冬，一啲都唔馬虎，食得出係新鮮嘅蝦肉，而唔係雪藏嘅蝦肉又或者係質素參差嘅蝦肉。再加埋師傅嘅道行十分之高，食得出係充滿鑊氣嘅炒烏冬，再加埋呢間餐廳部份嘅位置係見到海，係返工時候對住海食飯令到人哋有一種舒緩壓力嘅感覺所以無論係環境，食物質素以致其他各方面我覺得都10分滿意有額外嘅驚喜，估唔到喺中環呢一個地方入邊竟然會有一間價錢貼地，但係食物質素好食到離晒地嘅一間餐廳。…查看更多

《 上 環 茶 記 》唔知大家鍾意食快餐店定係茶餐廳嘅焗飯呢？🔹王牌焗鮮茄豬扒飯 $58焗豬扒飯嘅醬汁調味得好好，唔會太酸不失蕃茄味，而且醬汁份量好足夠，仲可以用埋黎撈飯食。飯底唔會焗到過硬，入口夠軟熟同時粒粒分明。最欣賞係豬扒切好左，無麻煩嘅骨而且肉質好腍，入口易咬。焗飯面仲有隻日本蛋，可以話係畫龍點睛，蛋黃配茄汁撈飯好好食，蛋味又夠，我比100分！🔹日本滑蛋叉燒飯 $57老實講上碟我以為芙蓉蛋飯，哈哈。就咁睇會「以為」滑蛋炒得太熟，但其實唔係架，滑蛋好香滑，蛋味好濃。特製豉油汁好惹味，配滑蛋撈飯好正。可惜係叉燒切得太散，炒完太爛冇乜咬口，差咁啲囉。雖然賣相麻麻，但味道搭救啦！…查看更多

在2020年11月25日早上7點45分。我第一次光顧這店，初時見職員用噴壼噴灑枱面再用布抹，相信是消毒，感覺清潔。但在進食期間，聽到隔離枱女士向職員講，點解有薯餅又有多士。職員回覆：咁你要邊樣？女士：咁要薯餅喇。職員二話不說用手就攞走件多士返回水吧，放左碟上。隔了一會，水吧職員見有份多士就收回吧枱內。當然我不知道他是如何處理，但見狀應該會再使用它，因為如果是棄掉的話，應該就不會放在碟上而是直接棄掉。大家有機會去請自行判斷，可能有很多人唔介意嘅。…查看更多

又到食茶記嘅時間啦，每日到午市都有人龍，坐位唔多，乾淨企理，服務員態度，正常，位置較窄，叫左兩份餐，干炒免治豬肉飯，沙嗲牛肉炆烏冬干炒免治豬肉飯，一上枱望落個樣雖然非常之頹，入口味道都算有少少驚喜，太陽蛋好嫩滑，店家稱蛋係嚟自日本嘅，蛋味濃，豬肉粒都算多，夠味適中，配料有好多種，雜豆，蘿蔔，薯仔同茄子，撈勻一齊食之後味道都唔錯，有啲似楊州炒飯沙嗲牛肉炆烏冬，沙嗲味偏淡，無左茶記即炒熱辣辣個種吸引，牛肉都算多，不過有啲老同硬，烏冬炒得都算乾身，可以接受，但係整體份量唔算多，如果男仔食就可能有啲唔夠飽。奶茶嘅茶底一般，沖出嚟嘅奶茶比較淡，冇乜味。每日午市咁多人，應該平同多選擇同近，上環依個價錢食依啲野算係咁。#A餐B餐頹餐 #上環信德 #茶記 #東南亞特色美食…查看更多

今日嚟呢度搵食, 發現呢個地方相當之唔錯, 地方夠大, 食物種類多, 真係有好多款可以選擇我哋叫咗三款午餐 ：麻辣口水雞咖哩海鮮魚腩飯滑蛋叉燒飯+特製日式醬汁三款都整得好好味, 下次可以再來試其他…查看更多

午飯時段見到呢間餐廳排曬長龍，應該味道不會太差，到5點幾同老公一齊幫襯下。見到餐牌碟叉燒抄蛋飯影得咁靚，當然要會一會佢啦，仲要多份柚子骨。叉燒抄蛋飯註明係用日本雞蛋，對我嚟講唔係吸引之處。其實每次買日本食品時，我會查閲來自哪個縣，因為怕來自污染縣府，雖然有點自欺欺人的想法，但可説是自我安慰。叉燒抄蛋飯的叉燒是廋叉，不是我鍾意，蛋抄得很滑，而加上秘制醬油的確是好好味。飯餸的份量相當多。而且柚子骨的份量適中，味道一般，略嚴肉比較乾，欠缺肉汁，亦吃不出柚子味。可以是長龍店，所以有些期望。…查看更多

大家唔好俾佢個名呃到🤣其實佢都係普通一間茶記嚟！近排叉蛋飯癮起既我，瘋狂發掘香港既叉蛋飯嚟食😍呢間既叉蛋其實我bookmarked咗好耐，又真係幾好食喎😆！蛋量超多同埋好滑，絕對同四寶有得揮！佢地用既係日本蛋，所以蛋味濃係不在話下的🤤至於叉燒呢佢地就切成條狀，選用較瘦既叉燒但又出奇地肉質唔鞋架喎！隔離兜汁佢話係秘製醬汁😂其實未又係甜豉油，不過我就嫌佢唔夠甜囉~.大家有冇好食既叉蛋飯推介？或者想我去試咗伏先😒？可以cm/dm話我知架！…查看更多

#茶餐廳 #速食味道: ❤️❤️❤️❤️賣相: 🌸🌸🌸環境: 🎪🎪🎪服務: 👍🏻👍🏻👍🏻..............................價錢: 💸Lunch 人均消費~$58🏷東南亞特色美食📪上環信德中心3樓澳門廣場(行到最入)*澳門乾炒免治🐽豬肉飯 $58連熱飲✔️色澤好靚而且好香, 增加食慾望到都想食✔️望落以為會好油，食落又唔會喎✔️日本太陽蛋🍳 加左蛋果然好味好多 呢度d太陽蛋整得好好, 👍🏻次次食都係同一水準架沙丹豬扒飯 $58連熱飲▪️呢個根據同事所講都好好味，下次我都試下叫呢個. 沙丹即係咩味呢？🤔*呢間我最愛的仍然是焗豬扒飯🥰======================#foodreview_junjunjunko#hkworklunch_central#junjunscore7.5/10…查看更多