影片
以上资料只供参考，请与餐厅确认详情
一晚九点几，我一个人入去呢间餐厅食饭，见到二人位全满晒，OK啦，我都识做，一入去就问阿姐：「我一个人可以坐边？」点知个阿姐带我去个超垃圾嘅四人枱位，仲要配张胶凳，坐得真系唔舒服！既然系四人枱，我都预咗可能要搭枱，于是我自己转咗去另一张正常啲嘅四人枱坐。点知坐低冇耐，连嘢食都未点，佢即刻带个客过嚟搭枱！喂，周围明明仲有其他四人枱空住，使唔使咁急住揾人搭我呢张枱啊？我即刻同个阿姐反映：「周围咁多四人枱，使唔使咁急要揾人搭呢张？」点知佢串到爆，回我一句：「你边度见到有其他位啊？」喂，大佬，我眼唔盲㖞，明明周围有空枱！呢种垃圾服务态度真系令人火滚！茶餐厅又点样？唔系话要五星级服务，但咁嘅态度真系完全唔掂！最离谱系，点解我哋要成日忍受呢啲咁差嘅服务态度啊？仲要好似变咗理所当然咁！饮食业成日话生意难做点点点，但老实讲，服务咁垃圾，系咪自己攞嚟？点解我哋要当呢啲系正常啊？
继续阅读
唔系住附近根本唔想食，次次食感受一样，嘢食好一般，价钱比其他茶餐厅贵少少，但其他好食过呢间啰，之前街坊已经话呢间啲员工服务差，初时唔觉，我今日好有同感！炸猪大肠唔脆好多肥膏，米粉无得转米线(鱼蛋云吞面果D除外)，不知所谓。意粉又硬，煲仔饭D饭好多㶶啲，放上枱已好浓的㶶味，咁的质素，半价都唔想食😑厨房煮得唔好食，服务差，收银员又串咁，价钱唔扺，只系舖因为经营几年，所以尚算新D。有得拣，无需试，唔想再去😪
继续阅读
今次第一次食，装潢有特色，光猛感觉干净，卡座位坐垫舒适，几阔落，坐得舒服。今次点左二人餐，套餐可以㨂2个𩠌，小食可㨂5㨂1，送汤同白饭两碗，餐饭半价。炸虾饼：有4片，食落小脆，沾泰式辣酱，好食既。菠萝咕噜肉：见到呢个𩠌都几多人食，我地又叫黎试下，果然跟大队无死错人，上菜速度比较慢，但食物是热辣辣的，份量偏小，菠萝新鲜，酸甜开胃，咕噜肉肥瘦比例均匀。豆豉蒸䲝鱼：即叫即蒸，要等耐些小，热辣辣，食落鲜甜，但系size 偏细，调味都几好。🔎东南亚冰室 (将军澳)📍将军澳坑口银澳路1号新宝城商场地下G04-G10号舖
继续阅读
坑口 「东南亚冰室 」（新宝城）原来系有规定客人用餐时间，食完就要走！我哋食完坐多阵，比个紫色头发阿姐不礼貌叫埋单走，话有规定用餐时间！🙄 无问题！埋单走啰！在门口问经理（图中阿姐）是否有规定用餐时间？经理叫我哋自己找老细，我哋咪返入去找老细问个清楚问个明白，返到入到去经理又改口话无叫我哋入去找老细🙄，又一大堆废话，又话紫色头发𠮶个先系经理，又话系收银叫你找老细，大姐我有拍片录低嫁，经理你咁淆底又解决唔到问题点做经理啊！我唔会再去光顾这间餐厅！各位街坊如果去光顾，最好食完马上埋单走，免得受到不礼貌对待！
继续阅读
服务态度差员工冇卫生意识 唔剪鼻毛，突晒出嚟即刻冇晒胃口上餐速度慢落完单啲嘢卖晒又唔同人讲，要追先同返我哋讲话原来卖晒餐具又唔refill 冇哂筷子乜都要自己攞落单又落错啲嘢又难食 煲仔饭讲咗话要加蛋讲咗两次，加蛋要多$10到最后都系冇加到俾我哋椒盐鲜鱿 送白饭+例汤，最后白饭同例汤都冇上到嘢饮嗌少冰，完全冇少冰，冻柠茶少冰 半杯都系冰火腿奄列唔俾走火腿，又唔俾转炒蛋咖央多士唔俾走牛油煎蛋有蛋壳要个外卖盒，叫咗10分钟都未俾到，最后都系要自己行去攞超级差的体验，呃钱！埋单$636，食完一肚气唔建议嚟食唔建议嚟食唔建议嚟食重要嘅事情要讲三次！
继续阅读
您可能会有兴趣的...