東京築地拉麵 (已結業)

Book左台但係都要好似walk in甘等其實book唔book好似都冇分別野食唔講住環境正正常常果日好似壞冷氣定係因為佢長期打開大門所以好似冇冷氣甘結果成餐飯滴曬汗甘食冬天應該好d ga講番野食以拉麵黎講都叫抵食之選70左右就有一碗貪特別叫左綠魅拉麵姐係豬骨湯溝波菜湯出面比較少有ga湯底比普通豬骨湯底清新d冇甘肥膩泡菜雞翼餃子懶人之選微辣ga泡菜令到味道更加豐富香脆ga外表 更令人吸引串燒拼盤因為有人 唔食牛 所以我哋揀咗豬同雞個set最出色嘅就係燒冬菇 燒得剛剛好 唔會太乾

東京？築地？聽到呢幾個字係咪都覺得好貴😂 但呢間築地嘅質素唔差之餘 價錢仲好貼地😌----------三文魚綠茶漬 ( 午市定食$48 )茶漬飯用咗濃度高嘅京都綠茶🍶 三文魚用左西京燒嘅做法 有種甜甜地嘅味道😋 再加飯素同少少玉子蛋 極之滿足! 港🐷食食下發現茶唔係好夠 原來可以問職員refill嫁😆 飯量好多一個女仔真係未必食得哂😂 夏天熱辣辣食返碗都不失為個好選擇😬-築地大海老担担麵 ( $68 )日式中華擔擔麵做底 望落好紅以為會好辣 但食落其實只係微辣 豬骨湯底濃得嚟唔會太鹹 反而帶點鮮甜😛 重點係呢隻8吋大虎蝦爽口彈牙 另外有半隻好入味嘅#溏心蛋 同埋#櫻花蝦 等等配料😬-午市供應時間：星期一至五1130-1430 / 星期六日及公眾假期1130-1700担担麵星期一至五1130-1800-*兩樣都係set嘅形式 包飲品同甜品 *另收加一服務費

好耐冇食，估唔到可以唔睇地圖行到，就係搭地鐵到旺角站E1出口，一上到去轉左再轉右，行到見到雅蘭中心再轉右行幾步，就會見到築地（地下鋪）今次1140來到冇咩人，見拉面同牛丼都被人話好鹹，係午市定食揀左岩手県純情豬肉飯，包野飲甜品，我揀左3.6牛乳奶茶，甜品係間鋪定既，係咖啡味蛋糕。岩手県純情豬肉飯汁甜甜地好送飯，洋蔥青蔥細細條細細塊又精緻又入味，味道唔會話過鹹，豬肉半肥瘦，瘦個part好入味，但肥個part真係太多最後執左咁多肥膏出來，忍唔到肥膏就唔好揀呢個呀。3.6牛乳奶茶正常奶茶味，無特別。咖啡味蛋糕咖啡味濃幾特別，cream太多，講真食濃味主食甜品可以唔使咁鹹。價錢：連加一$42算抵，份量（對女仔來講）很足。環境：少人，很舒服，我一人坐左1個鐘4位既卡位都無趕我走。服務：超好，少人都唔會hea， 隨叫隨到，加水快，全部都係男服務生好養眼。食物：呢間拉面太鹹，下次來會都係會揀飯類。

1️⃣築地大海老担担麵 $68 評分: 6.5/10 新出既担担麵，望落好紅但係唔係好辣，麵底係拉麵，上面係大隻老虎蝦同溏心蛋🍳加埋櫻花蝦落去，食落好香😋😋但若果辣d就更好😂跟餐仲有野飲同甜品架 留意係星一至五1130-1800供應 2️⃣唐揚炸雞 $28 評分: 7/10 外層夠脆，唔會炸到好厚，雞肉多肉汁，又唔嚡，跟餐仲有野飲同甜品😂抵過雞FC🤤留意星一至五 1430-1800供應

上星期六又去左食東京築地呢間餐廳係我黎MK SHOPPING時 最常食既餐廳因為佢地既下午餐真係好抵食同埋幾欣賞佢地個marketing 依家都有新既轉每次既新野都唔錯 同埋好平當你以為個湯紅到咁就一定好辣既時候，呢次就係你嘗試克服既時候了! 其實湯底係由紅辣椒油、肉燥而成既豚骨湯底，雖然眼望見到好似辣到食唔到，但其實係一般人能接受到既辣度。另一個焦點係麵上既虎蝦，口感彈牙，浸入了微辣既湯底不錯!

早前在instagram多個美食推介用户看到很多"貌似"很好吃的圖，決定前往探過究竟，點知.....失望而回呢！餐牌上的圖總是美好的....味道就...先說築地牛肉丼👉飯不夠乾身，牛肉質地偏淋，咬下去跟五香肉丁的質地一樣，完全沒有牛肉的感覺，而且牛味不重。整個飯吃下去就跟拿一罐五香肉丁撈飯沒有分别，只是一個豬肉，一個沒有牛味的牛肉。老實說吉野家的牛肉飯比它還要好吃呢。其次點了一個黑蒜油豬骨湯拉麵(忘了拍照不好意思)。它們的日式叉燒大有驚喜，入口即融嘅感覺👍，比坊間拉麵店的日式叉燒領先。至於湯底方面稍為遜息，本身豬骨湯味不重而且黑蒜油比例過多，完全俺蓋豬骨的味道。它們的黑蒜油不夠香，未能帶出黑蒜的香氣，為湯底作點輟。再者，拉麵有"簡水"味浮出，大為扣分。！！！p. s 本人對簡水味很敏感，即使很少也能吃出。不過它的簡水味我尚可接受，真的完全接受不到簡水味的人，建議避之則吉🙈總括而言，推廌的食物只有日式叉燒。可能有機會會再次光臨，試試其他款式食物的味道🤔，今次這兩款令我很失望呢😢

我好中意去日本，暫時去過北海道，鹿兒島，米子，大阪，每個地方既拉面都各有特式，最深刻係北海道既牛油拉面。今次黎到呢間拉面店，係比佢綠色同黑色既湯底吸引。 可能因為岩岩開鋪，入到去我想點綠色果碗拉面，侍應話未準備好，咁無辦法啦，我就試黑蒜拉面。賣相好靚！呷一口湯，咦，味道都唔錯，有好濃既黑蒜味！再試下d拉面，略嫌太軟，不夠彈牙唐心蛋非常入味，蛋味濃。 叉燒非常甘香肥膏位置入口即溶 木耳絲夠爽口，不錯。雖然唔知呢碗係唔係正宗既東京拉面，但環境乾淨企理，會再光顧。

因為之前收到朋友送既東京築地COUPON，免費送月見豚飯一客，所以就去左食。其實之前都食過呢間東京築地，細細間地點唔錯，耐唔時都會去食，不過今次既質素就唔知點解差左咁多。叫左兩個主食，一份小菜，其中一份係月見豚飯，另外兩樣都無咩問題，而且都好快送到，但唔知點解月見豚飯就等左差不多15分鐘，上到黎仲要係燒到好燶，一翻開個底睇係黑色，入口唔係少少焦，而係直情變左炭咁，中間部份就鹹左少少，但好彩無燶，加上唔想再等15分鐘，所以都無特登換過碗，但下次真係唔會再食呢個。

來到旺角行街，突然好想食拉麵，於是上openrice搵下料，見呢間評價好似唔錯咁，所以特登走去試。叫左碗赤神，一夾起叉燒⋯咦？點解得幾條豬皮嘅物體？原來塊叉燒甩皮甩骨咁散開哂⋯ 一口食落去，同白烚豬肉完全冇分別，腦海即刻浮現阿媽拜神時烚果舊肥豬肉一樣，又鞋又冇味 話係赤神，諗住辣辣地，點知BB辣味都冇。朋友叫左特上大盛拉麵，每樣一小片肉，都唔知邊一忽係特上邊一忽係大盛又話濃厚豚肉湯底，完全唔覺有好濃郁豬骨味。都唔知係咪用左「業務用現成湯底」，味道感覺唔太天然。另外叫左個串燒拼盤，其中一串明明話係豚肉串，點知一咬開有血生生地，我懷疑地問侍應究竟係牛肉定豬肉，佢見d肉有血先話幫我地換，如果唔為意一啖入左口就真係一句講哂，完全中伏。睇黎昵間野唔知捱唔捱到租約到期

一行四人去完山頂出番旺角...行左陣見有點餓...來到雅蘭中心地庫的東京築地拉麵...山頂飲完大咖啡...大家好似唔太想再飲...咁我就點一杯...芒之戀人...試一試啦...芒果益力多的味道...酸酸甜甜好開胃... 叫左三個拉麵...不過...忘記左正確名字了...老公的黑鬼拉麵...湯底濃郁...麵質岩岩好...小女的豬軟骨拉麵...小女話豬軟骨好淋...入口即化... 三個拉麵只有我的叉燒拉麵個湯唔夠熱...湯唔夠熱拉麵食落就帶有梘水味...拉麵過唔到我了... 豚肉生薑燒丼...親友讚香氣十足...豚肉嫩滑... 泡菜餃子雞翼同炸生蠔...熱辣辣...炸生蠔唔會一舊粉咁...生蠔算大粒...食落好 JUICY... 泡菜餃子雞翼內有乾坤...一咬就會見到泡菜...雞皮香脆...內裏泡菜讓雞翼帶點微辣...食落啖啖滋味...讓人食到舔舔脷... 牛串燒拼盤...串串可口惹味...燒冬菇燒得岩岩好...菇味四散...燒菠蘿清甜多汁...特別讚芝士牛串芝味濃郁讓牛肉的味道昇華...牛肉車厘茄入面的車厘茄燒到恰到好處...咬落去有爆汁的感覺...除了...燒翠玉瓜同燒茄子...燒得不

呢間餐廳要行落樓梯一層，用力打開門就到，真係要用力打開門，道門好重。係旺角買咗個小蛋糕，跟住去咗呢度食dinner.個職員見到我哋拎咗個蛋糕，就問我哋使唔使放入雪櫃，十分驚訝,喜出望外。冇唸過有得放，實在太開心。呢度既菜式都幾特別，不過同朋友都係揀咗保險菜式黑鬼拉麵有4個味既拉麵，材料係一樣既，有糖心蛋，粟米，日式叉燒等。呢個黑蚊蚊嘅係黑芝麻油，上一菜，就聞到芝麻香，食落更濃味，拉麵不過不失。燒烏串拼盤呢個拼盤有唔同種類既串燒，有串菠蘿，香菇，燒茄子，豚肉車厘茄，章魚餅串，免治雞肉棒等。欣賞燒菠蘿保持水份，章魚餅串有一粒粒嘅章魚係入面，免治雞肉棒入面好似有啲脆骨，有咬口，豚肉車厘茄新鮮。香菇同茄子就偏乾身。總結欣賞職員既細心行為

走在旺角鬧市想吃碗拉麵，發現附近這家東京築地拉麵，走下一層，裝修擺設甚有日本風味。招牌的四款拉麵 - 黃金、黑鬼、赤神、綠魅 各有特色。驚喜的是價錢合理 六十多元碗。我與同行友人分別點了黑鬼及黃金，賣相不錯，黃金拉麵的豬骨湯香濃，卻不會太鹹，反而挺適合我個人口味。拉麵搭配的溏心蛋更是出色另外我們追加一個燒鳥拼盤，有九款現燒串燒，豚肉串、菠蘿、墨魚餅等，新鮮熱辣，風味不俗。下次再以要試其他串燒！性價比高，下次會再光顧！

今日去完油麻地果欄，就同友人討論食咩好。上openrice望下周圍附近有咩好食啦，最後揀佐呢間東京築地拉麵。呢間鋪位置唔難搵，係要行樓梯落去食，對於有bb車既人唔係咁方便。坐低後店員好快就俾佐茶水黎，望望個餐牌，其實選擇種類唔算多，話哂呢間係食拉麵既，咁點都要試試既，最後我地揀佐綠魅拉麵同濃厚豚骨湯味既拉麵，一個牛串燒拼盤同埋一杯芒之戀人。拉麵上黎之後我地互相share黎食，咁就可以試哂兩隻味啦。首先講講綠魅拉麵，呢個麵底係菠菜黎，所以相對黎講比較清d，但都唔差既，至於濃厚豬骨相對就重味少少，但都唔太咸，都叫ok既。至於個拼盤呢，可以試一次就算，d肉全部燒到勁鞋既，冇咩肉汁，我諗單點可能會好食d。至於杯野飲呢，我覺得好似飲緊芒果益力多咁，幾好飲。總括黎講呢間未必會吸引到我再試一次，始終旺角區咁多野食，要搵一間質素好過呢間既大把🙂

夜晚食呢間，入面有好多人。設計好日風，環境舒適。叫咗黄金個款既拉麵係豬骨湯底，湯底味道適中，不會過咸，麵質爽口，糖心蛋就半熟樣，咬落幾入味。拉麵不過不失。芒之戀人呢個既芒果少，味道偏甜，有少少少酸味，欣賞既係芒果新鮮。

拉麵係ms. C既最愛之一（不過為食既ms. C都冇乜乜野唔鍾意食XD），不過周邊既朋友有時對拉麵好抗拒，因為覺得去拉麵店，只可以食拉麵，同選擇唔多既小食，所以拉麵都唔係閨蜜聚會的首選。不過最近行開 MK，發現了新大陸 - 東京築地拉麵。******************************東京築地拉麵係地庫，裝修較為新頴，位與位之間都唔會太迫。有差不多10款拉麵之外，仲有飯 & 烏冬等，加上好多串燒、小食等選擇，數量比一般的拉麵店多，同大家介紹下有咩好食先！******************************芒之戀人 - $28貪陸食野前，先黎杯飲品，水果味既飲品首選都係芒果。呢個味道似係芒果益力多，仲有啖啖芒果肉，酸酸甜甜好開胃。******************************特上大盛拉麵 - $78Menu 上面寫上拉麵的製麵法，用上傳統「七輪製麵法」，選用北海道高級麵粉，加入雞蛋、天然海鹽 & 38度純水而成既拉麵，入口爽口彈牙，配上濃厚豬骨湯，飲落湯頭唔會太膩。加上特上大盛拉麵，一碗有齊多款唔同的肉類配料 - 豬軟骨、味百幔叉燒、築地叉燒。仲有拉麵的