東京淺草炸雞專門店 (碧海藍天)

营业中

休息中

主打日式唐揚炸雞定食，配搭多款醬汁選擇，係炸雞控必試之選。🍱Karayama梅定食，配搭簡單但有誠意，整體感覺中規中矩，不過炸雞方面就稍為令人失望。🍲隨餐附送一碗熱辣辣嘅麵豉湯，味道濃郁，係定食中穩陣之選。🍗炸雞一共有4件，另外我哋仲加咗2件炸雞鎚。外型吸引，但炸漿偏厚，口感比較乾，冇預期中咁 juicy，略嫌失色。🧂醬汁選擇反而係亮點，明太子蛋黃醬鹹香濃郁；極醬汁味道濃厚，微甜微鹹。✨旁邊仲有一啲🥗沙律菜，加芝麻醬一齊食，清新解膩。

今次試左香炸雞翼和香脆雞髀肉定食。香炸雞翼外皮金黃酥脆，咬下去時能感受到肉汁四溢，味道鮮美。雞翼的調味恰到好處，微微的香料味增添了風味，讓人一口接一口。香脆雞髀肉則是另一大亮點，外皮炸至酥脆，內裡的肉質鮮嫩，入口即化，讓人感受到炸雞的極致魅力。除了兩款炸物外，還搭配了米飯和味噌湯，米飯粒粒分明，味噌湯則清淡可口，跟炸雞翼和炸雞髀一起吃十分合適。餐廳的沙律也值得一提，搭配一起吃很完美，減輕了炸物的油膩感覺。

講真，今次去咗「東京淺草炸雞」試佢哋嘅醬油紫菜炸雞，真係有驚喜！🍗一上枱已經聞到陣陣醬油香，炸雞外層炸得金黃酥脆，唔會太油膩，啖啖都係肉汁。紫菜包住炸雞，口感層次即刻提升咗，咬落去有種鹹香同微微海味，完全唔會搶咗雞肉本身嘅鮮味，反而係加分位！😋雞肉本身好嫩滑，唔會乾柴，咬落去仲有少少肉汁噴出嚟，配埋紫菜同醬油味，真係一流。旁邊仲有啲爽口椰菜絲，食完炸物再嚟啖菜，啱晒中和返個油膩感。成碟炸雞份量都幾足成個體驗感覺好滿足，價錢合理，環境又乾淨舒服，啱晒同朋友聚餐或者自己獎勵下自己，呢間炸雞真係唔可以錯過！👍

喺香港市區嘅繁忙午餐時段，搵一間既近公司又好味嘅餐廳真係唔容易。最近，我發現咗一間不錯餐廳 — 東京淺草炸雞專門店。呢間店專做炸雞，對於我呢個炸雞控及同區上班族黎講，簡直係天賜嘅福音。食完仲可以快啲返工，實在太方便！今次我試咗 — 滑蛋炸雞丼。一上枱，呢碗丼飯已經用外觀俘虜咗我嘅心。金黃酥脆嘅炸雞塊整齊咁鋪喺軟熟白飯上，上面蓋住一層嫩黃嘅香滑滑蛋，望落去就令人食指大動，期待感十足。
炸雞係呢度嘅靈魂！外皮炸得香脆無比，咬落去「卡滋卡滋」嘅聲音真係好滿足。雞肉內裡鮮嫩多汁，完全唔會乾柴，仲帶有淡淡嘅醬汁香味，令人一試就愛上。滑蛋煮得恰到好處，質地細膩得入口即化，散發出陣陣蛋香。佢嘅香滑同炸雞嘅酥脆互相輝映。白飯軟熟香甜，粒粒分明，仲吸收咗滑蛋同炸雞嘅汁，味道更加豐富。

今日午餐時間到店 兩個人 店內大量吉位 男同事都好有禮貌指示我地店內坐睇緊落咩單 無那那有位女同事 勁無禮貌亦都冇原因叫我地轉位只係不停咁叫我地起身轉位當刻不知發生緊咩事 我地起左身先知原來係有一班大約6個人左右既人其實如果一大班人 正常態度同我地解釋返要我地轉一轉位係絕對無問題！不過咩都無講 只係一味態度極度強硬叫我地起身 我唔理解係咩意思唔通人地係客 我地唔係客咩？唔該貴公司正視下你地既員工態度

一月14日中午第一次光顧，叫了黑麻油雞腿拉麵，當食物送上時嚇了一嚇（見圖二），與菜牌顯示的圖片相差太遠了，看來被食了一半，離譜呀，味道亦強差人意，主角雞腿超細，像雞翼脾，無厘味道，連那片紫菜也與我的姆指差不多，請問廚房可以有點誠意嗎？

平民價錢日式炸雞記得之前開係同一商場係大舖，宜家搬左細舖，見咁耐無食又再試下！睇Menu D 定食都好平，今次叫左：🌟 $59 南蠻他他醬香脆雞扒定食 | 定食都係有跟味噌湯同白飯同椰菜絲，飯係日本米，食炸雞食到膩膩地既時侯可以夾少少椰菜絲食，餐檯都有D醬汁可以配返；同埋呢個餐超好食，好多他他醬，同熱辣辣既炸雞好夾！雞扒都好大塊好厚肉 **BTW記住千其唔好叫外賣，佢無醬碗，D醬得返1/4 💔🌟 $59 KARAYAMA 定食(梅) | 配明太子蛋黃醬 & 極醬汁，仲有其他醬，今次揀左呢兩款，雞肉都炸得好嫩滑。🌟 $36秘傳醬雞軟骨 | 呢個無乜特別，就係普普通通既雞軟骨～炸雞黎講幾好食，同埋都可以食得好飽！裝修就係簡簡單單有D日本平民小店既感覺，店員都幾有禮貌，總括黎講都有下次❣🏠店名：東京淺草炸雞專門店 🚘地址：深盛路8號碧海藍天AEON超級巿場地下L013號舖

一心諗住食燒肉，點知一半點仍然好多人，因為肚餓就去咗附近間炸雞店，見價錢好抵都有擔心會中伏，不過見有明太子同南蠻炸雞，咁就入咗去試喇。🥤巨峰乳酸 (套餐 +$8) ⭐️⭐️⭐️⭐️🥤芒果乳酸 (套餐 +$8）⭐️巨峰香濃唔會過甜，芒果味道太假似香口膠味。🥢Karayama 定食（梅: 4個） $59 ⭐️⭐️⭐️⭐️有6款醬揀，揀咗明太子蛋黃醬同？嘅黑椒叉燒醬，兩款醬都好惹味，特意叫店員比勁多明太子蛋黃醬我，真係同炸雞超級夾，4件炸雞超大件，餓底嘅我淨食雞同椰菜都飽，雞肶肉又滑又juicy，估唔到咁超水準，一定要試！🥢南蠻他他醬香脆雞扒定食 $59⭐️⭐️⭐️⭐️雞扒又係超級大件，又係又滑又juicy，炸到金黃香脆勁可口，配上邪惡嘅他他醬肯定係會食唔停口，如果女仕可以叫少飯，因為半碗飯我都食唔晒。二人共消費：$147

之前執左仲諗住無得再食，好彩附近再開返👍 雖然貴過之前少少，但仍然保持到質素。呢個質素黎講，其實可以話性價比高，因為同價真係搵唔到同級既質素。👍第一次食一定要試最基本既karayama定食，雞夠晒多，又有兩款汁可以選。🥰親子丼、南蛮雞就唔係全炸，怕熱氣就可以試佢。👍芝士滑蛋就膩左啲，唔多岩我。😅期間限定既餐好多都唔錯，有機會就要試左先👍外賣同價，不過會少左個湯，同埋無得用電話或apps叫外賣有啲可惜...

呢間日本炸雞店原先喺碧海藍天商場門口，以前半幫襯過一次都覺得唔錯，搬咗位置之後第一次幫襯，發現食物質素下降了，但係價錢就上升咗。揀咗1號餐有四件炸雞嘅定食，$59再加一，埋單要$64。嗰餐除咗四件炸雞之外，仲有一碗麵豉湯同一碗白飯，店員好好咁攞咗杯水俾我，因為原來呢度係冇嘢飲嘅，記得以前都有啲日式汽水飲吓。佢有幾隻醬俾你揀嚟點炸雞，我揀咗明太子蛋黃醬同埋鹽極汁，明太子嗰隻就有啲聲，鹽極汁就好d。佢啲炸雞都幾大件，而且都有幾多生菜絲，不過炸雞嘅味道就差咗少少，同埋炸over咗。

🍽️食物方面：炸雞外脆內嫩但太大件/太多😂少飯都食唔晒 食晒啲雞都有難度 仲跟麵豉湯🐤南蠻他他醬炸雞丼💲49最愛呢個醬但偏固體 要食🥬椰菜絲解漏🧀芝士滑蛋炸雞丼多芝士 🧅 好多流心蛋汁 撈飯一流🍗香炸雞翼和雞髀肉定食💲55揀咗極醬汁蒜香鹹味 明太子蛋黃醬有啲腥以前飲過梳打好難飲🙅🏻‍♀️唔伏就飲汽水💲8📷打卡方面：Food court咁 上菜快 快食是但影🔈環境方面：轉鋪位細間咗 Lunch要等位枱同枱之間好近 好多路人望👀💬其他資訊：東京淺草炸雞專門店 📍荔枝角深盛路8號碧海藍天AEON超級巿場地下L013號舖⏰1130am-930pm💰收➕1️⃣🥡🦘✅

在附近圖書館做功課，中午時間找到這間從未去過的炸雞店，食物質素以及價錢都比我想像中高。1號餐四件超大雞髀肉，皮脆肉嫩，完全沒感覺炸粉的存在，食三件都已經好飽，下次再食，真係要自己帶個飯盒收起一半當第二餐。侍應有禮兼服務周到，仲記得幫我走蔥，午飯時間有咁嘅水平，我比一百分。埋單加一服務共64元，咁嘅價錢食到咁高質嘅Juicy雞肉真係好難得。午飯時間一點前排隊等咗幾分鐘。推薦極醬汁，不過就算唔蘸汁鹹鹹地嘅雞味已經好好吃🤤不過要提吓大家午飯都好多學生打工仔落嚟食嘢，雖然侍應唔催，你都應該要食快啲俾人轉多幾張枱。坐我對面嗰個人掛住喺度打機就霸主張枱好耐，下午茶時間就算，午餐就真係唔係幾好。

我想講荔枝角Aeon都唔係第一次嚟，今日Lunch過嚟搵食，見到呢間炸雞店喺12點幾都幾乎坐滿，而且行過都有啲香氣撲鼻，咁今日同兩個同事就決定一試。由於同事玩緊斷食兼戒澱粉質，呢度啲嘢都幾啱佢哋食，因為決絕的話可以走飯。由於我哋都係第一次嚟，所以睇完一輪餐牌都係決定叫睇落最basic嘅Karayama 定食，當中包含四件炸雞髀肉、椰菜絲沙律、面豉湯、飯，仲有兩款醬汁配搭；唔食飯嘅同事再外加一碟雞軟骨。餐牌入面都係以炸雞為主，但竟然見到有海南雞飯，呢個顯得少少格格不入。但所有丼飯、定食嘅價錢都非常合理，大概$49-$69，呢啲價位，今時今日真係食個茶餐都唔得。一坐低就發現隔離坐住一枱日本客人，立時覺得無揀錯，日本人都嚟食仲唔係正宗日本菜。😂食物上枱，我哋一行三人都係相同嘅定食，店員亦算細心，問邊個走飯，好等佢送餐正確。椰菜絲係好似去食貴價炸豬扒嗰種，都係自己加麻醬進食，啲絲都切得夠幼身，所以食落都夠爽脆。另外就係炸雞嘞，千祈唔好睇少佢哋，佢哋全部都熱辣辣，咬一口即時感受到嗰股脆香，而佢炸到咁香口嘅同時都無話令到件雞乾身，反而肉質仲係保持嫩口多汁，very juicy!! 絕對超值，性價比

之前不定期都會去荔枝角AEON幫襯呢間炸雞店，但上年執咗，不禁有啲失望。今日經過，見到原來重開了（由門口位搬入咗啲），即刻入去食一轉先。7 Karayama 定食（$59）唔使諗，食番個最基本嘅炸雞定食。4件炸叫即炸嘅雞件，一啲都唔油膩。雞皮脆卜卜，咬開雞肉夠嫩滑，仲有肉汁，適量嘅底味，味道依然不錯，水準仍保持到，很好，十分滿意。1 滑蛋雞扒丼（$49）大大塊炸雞扒，同雞件一樣，外脆內嫩，上面再淋上滑蛋洋蔥汁，輕微減少熱氣感覺。好開心可以再食番呢間嘅炸雞。PS：另收加一服務費

夜晚又乾又凍 入左aeon想買d野食 掀一掀餐廳嘅餐單 發現晚市價錢都好親民 似lunch價可能仲平過自己買餸煮 就入左去試一試 叫左道他他醬炸雞定食 .一上菜發現份量好足 雖然餐單上面係一嚿嚿，但佢上嚟係一大塊切好咗嘅，然後他他醬都比得好多 感恩 🙏🏻 自己煮就煮唔到啦 食落佢個炸皮 應該係有特別嘅配方脆得黎又唔會超級熱 有時食炸野會成日熱辣辣 食多幾件就傷到上咢 🔥最體現到佢係日本黎既過江龍就係佢個cabbage 係簡嫩既部份 夾埋黎食 就岩岩好 中和下炸野既油膩呢餐就價錢、食物都唔錯 幾warm 推介🤜🏻唯一可能個裝修比較開放 堂食可能會同好多路人四目交投 👅👁️👁️