來來小吃店

营业中

休息中

今天专门来西湾河吃吃吃，首先来这个，芋圆，还不错，沙沙比较细腻，但是我觉得万华糖水也不差哦，别的还吃了隔壁鸡蛋仔和炸红肠之类，都还不错，可以多来太安楼，这边好吃的很多，冰室也有，烧烤也有！

唯一在香港食得返台灣既芋圓，軟硬適中，令我想起九份同埋台北夜市。在香港試過其他芋圓，大多質感太粉。豆腐花亦都係台灣果隻，會硬身少少同埋好有豆味，配合埋清甜既黑糖水，超好食。今日已經連續第二天幫襯。

同朋友食完晚飯口痕想食甜品，不約而同諗起順路去太安樓食芋圓呢間來來小吃店大家都食過幾次喇但係仲成日好掛住好想食今次嗌左呢款三種冰，配搭手工芋圓、布甸同手工愛玉。店員仲特意提醒要加埋煉奶先好食。嘩果然無介紹錯喎，成碗冰真係即刻昇華左！另外嗌左呢個最近周圍都好興嘅鮮奶珍珠，都有咁上下水準架，又唔洗排隊排餐死咁又冇出面賣得咁貴三種冰/五種冰有以上呢d配料簡，煉奶加多兩蚊，但好值得加!!每次黎親都淨係order芋圓冰，冇咩留意原來仲有魯肉飯賣。另外順帶一提，小店冇提供座位，周圍都冇提供枱比人企豈度食，所以每次買完都直接喺隔離求其搵個角落捧住食就算～或者都見過有啲人會偷偷用附近保安員張枱食

上次黎碰門釘，今日咁啱行過見到佢開門，梗係要試下係咪真係咁好味。嗌咗碗黑糖冰，好似係$30？(忘記了）入面有黑糖，芋圓，珍珠，芋頭同刨冰。攞上手一打開即食，前後都無五分鐘，啲刨冰已經溶得七七八八，只食到兩三啖冰，其餘已經化成水。刨冰量不足的確有啲失望，但幸好有其他配料搭夠，特別係珍珠真係幾好味，有嚼口，珍珠大小啱啱好👍🏻👍🏻。芋圓味道天然，份量都夠，至少有五粒(無數實際數量)。唯獨芋頭有啲腍有啲太硬，要注意返。總括黎講$30一碗係抵食，但真係好希望刨冰可以多返少少，因為天氣真係好熱。就咁企係條走廊到等都流曬汗🙁🙁。

太安樓一直出名，專登試下好出有名既芋圓冰。好多人排隊，老闆做到停唔到手。今次先試仙草冰，仙草汁底有芋圖、仙草、粉圓（珍珠）、芋頭。芋頭好大舊好粉🤩芋圓同粉圓好有咬口，我好中意佢D芋圓好大粒而且又有有咬口！ 仙草冰好解渴，夏天食一流👍🏻下次要試黑糖冰！

夜晚行過太安樓，見到好多人大排長龍，諗住跟隊試下呢間主打台式糖水，外賣左一個紅豆綜合湯與女友分享。結果有意外驚喜，芋圓與小圓子有咬口，紅豆湯頗甜，適合我個人口味，值得再試。惟獨排隊時間有點時間，太安樓擠迫會有點熱。

在太安樓這個平民美食天堂食完海南雞飯，當然要食甜品啦！所以選擇了在海南雞飯附近一間賣台灣食品的食店，店外亦是被正在等待的食客重重包圍著的。這店疑似是台灣人經營，點餐也需要用上國語，店內職員都是以國語交流。甚有台灣的風味。這次點了一份清涼透心的仙草冰和一杯最近大熱的黑糖珍珠鮮奶。這裡的仙草冰的材料有包括了芋圓，芋頭，仙草還有珍珠。這碗完全滿足了的我所有的要求，芋圓跟珍珠軟韌非常，芋頭雖大，但已煮透，而甜度適中的黑糖糖水亦已完全滲透芋頭之內。而黑糖珍珠鮮奶黑糖味濃，珍珠軟韌，奶味甚香，亦是不俗之選，加上價格平民化，性價比頗高，令人有下次想再來一杯的感覺。

食完飯又覺得個胃仲有位，咁岩經過西灣河，就前往太安樓碰下運氣，睇下呢間去咗幾次都撞正冇開既來來小食店有冇開啦！點知真係有開，人龍都唔算太長，有6,7個人排緊隊落單。呢間小食店係出名食芋圓冰既，但都見有好多人買咗佢既黑糖珍珠鮮奶飲，望落又同最近好紅既老虎堂一樣，所以除咗五味冰，我都買咗杯黎飲下五味冰有好多配料揀下，我揀咗芋圓、地瓜、芋頭、粉粿、紅豆，呢度就40蚊。煉奶就加多2蚊，因為我唔知本身個冰會落咗黑糖所以都加咗，結果有d太甜(只是本人不太吃甜)。芋頭好林好好食，蕃薯都煮到岩岩好，唔會一pat野，紅豆配煉奶冰一流可惜主角芋圓真係好普通，只係有一粒紫色大粒啲，味道就同一般雪藏芋圓冇分別。。粉粿就第一次食，不是我的菜~ 至於黑糖珍珠鮮奶，佢寫明’固定甜’，即係冇得較甜度。但連飲開甜野既友人都覺得好甜，我更係覺得甜得誇張。。如果冇咁甜，應該好好飲。

今天放工來太安樓想吃很久沒吃的芋圓，叫了一份仙草冰加芋頭 （$30　+$6） 本來寫著裡面已有芋頭，所以期待著加芋頭外會是更多滿滿的芋頭，重點是有另外加$6要芋頭。人很多等挺久的，但沒什麼關係。終於拿到仙草冰，高興地回家打算品嘗，打開一直吃，芋圓仍舊qq有芋香，仙草還是很好吃，但整碗都沒有芋頭！一塊都沒有！加六塊卻變成走芋頭，很失望。覺得好吃是好吃，但人太多老闆顧不了，單子都錯了，錢都額外給了卻一塊都沒有☹️應該不會再怎麼去，老闆可能要看看人流問題，不要再發生同樣情況讓服務變差☹️

收工約肥髀去西灣河，就是為了要同佢去太安樓搵食，食兩間已經夠飽，糖水要買外賣，呢間在太安樓食評不錯，去到店面貼滿圖片介紹，只留一個小窗口做收銀！我同肥髀各揀一樣甜品後，我去嫩銀落單，因為出菜同落單得一個人，所以要等一陣！一個講台腔國語嘅女仔落單同出菜！佢好禮貌有笑容！燒仙草（$30）普通發泡膠碗，有一包另外分上嘅花生，食時落埋花生，黑媽媽賣相，用匙𢳂有啲杰身，芋圓煙韌，紅豆大大粒又淋身，仙草嫩滑，又唔會好甜，花生有點硬，炒咗應該放咗一段時間，唔夠香，最後無食到！黑糖三色豆花（$27）肥髀食台式糖水比台式飲料更合我心！

今日有人買外賣糖水好耐冇食呢間舖既燒仙草所以就買黎食啦仙草類有分熱同凍熱既就係燒仙草 Texture介乎於Jelly同埋水中間既d燒仙草唔會太甜 食落剛剛好凍既就係仙草冰 不過我比較少食燒仙草有跟一包炒過既花生就咁食係冇咩味既但撈落去就會令燒仙草有d咬口平時食開都係得芋圓 地瓜圓 紫薯圓今日有埋綠茶圓我覺得綠茶圓最好食 因為佢茶味好濃但整體我覺得退步左偏淋 冇以前食落咁煙un入面仲有紅豆同埋粉圓但我覺得今日既燒仙草整體既配料份量少過以前 以前冇咁好食今日唔係平時個事頭婆睇舖 唔知係咪因為咁質素比平時差呢

太安樓我成日都黎試過好多間小食店但始終都改變唔到來來小吃店喺我心目中既地位我平時成日喺度買芋香珍珠$16一杯真係好平而且佢芋頭味超重 飲落唔會有陣粉味珍珠都超煙un今次我就食左三款配料既冰芋圓係必揀呢度d芋圓好煙un而且好大粒份量一d都唔少 食到停唔到口紅豆都好甜 配埋淡淡地既黑糖冰好夾另外仲叫左仙草凍 都好好味我有時如果想食甜d我會加買煉奶呢個黑糖冰其實好大碗三個人share都一定夠食我冬天既時候好鍾意食呢度既燒仙草佢唔會死甜 我覺得剛剛好配埋珍珠芋圓呢d有咬口既野就係一個perfect既糖水啦

太安樓又一長龍店一場黎到點可以唔試下呢間主要食台式傳統甜品而最出名就係芋圓(甜品款式實在太多選擇😍)最後揀左仙草冰(以仙草汁作為冰底，配料: 芋圓，芋頭，仙草，粉圓)等左成粒鐘終於食到我一心以為係有座山嘅刨冰🍧點知原來只係面頭有少少冰😂仙草汁底好正常無特別，但好清涼仙草亦都好滑嘟嘟🤤😋芋圓同粉圓口感都好煙韌(只是間中有一兩粒比較實)但成個甜品最正唔係佢地係大大舊嘅芋頭芋頭口感綿密，好正😋整體黎講係幾好食，同埋真係好足料

太安樓掃街緊係要掃台式小店，一去到就半度閘落左以為賣哂，諗住一場黎到居然無得食，點知過多陣岩岩就見到佢開番即去排隊，排左一陣之後已經勁多人。有好多人都係外賣拎走，應該唔少街坊都黎打包番屋企慢慢嘆，熱既會係旁邊即時整好拎出黎，但係冰既刨冰就要等耐少少，因為即叫即整係入面需時耐啲。一定要試《三種冰》($34)，一出黎真係成座冰山咁超大碗，加上彈牙芋圓好有咬口，不過份量偏少得幾粒一陣就食哂，再加左仙草凍好滑好清爽夠天然，冰感較碎本身有黑糖汁少少甜熱氣全消。店名：來來小吃店地址：西灣河筲箕灣道57-87號太安樓第二街A33B號舖餐牌:

大大碗的消暑黑糖冰☺️ 呢度有3種or 5種配料可選擇。聽講好多配料都是自家制☺️選擇有好多仙草、紅豆、椰果、地瓜、蘆薈、愛玉、爆爆珠等等。我揀左3種配料 愛玉、芋頭、芋圓芋頭超大粒芋圓煙韌愛玉滑嘟嘟加了煉奶、黑糖既刨冰好好食，不會太甜。下次要再試埋蕃薯同仙草。