來多碗車仔麵 (民裕街)

营业中

休息中

今晚去紅磡搵朋友食飯，突然車仔麵癮起朋友就帶我去食呢間，佢話呢間好出名歷史悠久，不過見佢裝修咁新淨我就覺得好出奇🤔朋友叫咗豬皮，蘿蔔，魷魚，金錢肚，生菜幼麵加辣我叫左豬紅，豬皮，魚餅，墨魚丸油麵，偷咗朋友少少辣😂豬紅好滑👍 魚餅彈牙平時食車仔麵好少叫墨魚丸，今次食係因為用陳記墨魚丸好彈牙，我不嬲覺得陳記呢個品牌係唔錯， 果然冇令我失望👏 呢間車仔麵店用靚料👍朋友話一定要試佢個魷魚，魷魚用咗秘製辣醬整好惹味，的確好食😋 又爽口朋友冇介紹錯， 下次會再去食👏

當日同舅父阿叔佢哋一齊去hunghom買嘢,玩完電腦好攰於是想搵啲又平又實惠嘅食。於是見到這間賣車仔麵。頭先門面都幾吸引而且哩邊比較整潔,裝修整齊格局。令人煥然一新。我同舅父都分別叫左兩碗。嗰碗油豬紅蘿蔔，鳳爪,韭菜,配上他們的地道油面,舅父要了米粉。整體感覺唔錯。佢哋有辣椒，以及紅醋。整個配搭非常飽肚，加上環境乾淨衛生一流。食落覺得很過癮。由地鐵站走過嚟唔到15mins, 真係唔錯。值得一提佢哋凍檸茶好飲。希望下次再同媽媽嚟。

這天需要加班，但又不想太夜才吃飯，所以決定放工後吃碗麵才回家。本身在家維邨附近，見商場比較多快餐店，所以去了斜對面的來多碗車仔麵。進內後發現它的裝修與一般車仔麵店很不一樣，牆身的3D畫很吸睛，適合影相打卡。一個麵可以選最多五種餸，餸菜亦有不少選擇。選了通菜、秘汁雞翼、鳳爪、魷魚和章魚燒（是章魚丸來的）。通菜新鮮嫩綠，平時吃車仔麵不太吃菜的我也把它吃光。魷魚一直是招牌菜，入口微辣，咬落爽口彈牙，讚！最喜歡的是章魚燒，裏面藏有不少章魚粒。雞翼啖啖肉，而且很入味。湯底則沒有落味精，喝了大半碗都不覺口渴。

紅磡紅磡廣場附近一條小巷入面有幾間麵食，成日行經一直都覺得呢間好吸引，同男人晚上決定一試，點知有驚喜！食物好多選擇，應有盡有！呢個秘製辣醬超惹味，加左落去個麵到超香，成個湯底多左小小既辣香，忍唔住加多一匙！坐底後，我地都係跟大字標題去點菜，一定穩陣！二人都選了一麵五送($46)河粉麵底:牛肚、通菜、魷魚、牛腩、蠔皇花菇牛肚、魷魚好爽口入味牛腩都好香!!重點:個湯底好正，有五香牛肉麵的感覺而且清租甜，不油!食完唔會口乾!!正!米線麵底: 生菜、蘿蔔、蠔皇花菇、豬紅、牛丸蠔皇花菇好入味蘿蔔好清甜!食完個都好舒服，正!!而且環境舒適，幾乾淨!!又唔會好大陣油煙味!!可ENCORE!!

同家姐去開紅磡，想食個下午茶，行到民裕街見到間車仔麵店，感覺乾淨企理，唔似一般大圓枱比較污糟既店，一於就去試下！麵同配料都好多選擇，煮麵姐姐親切有禮，大排長龍都唔會催你，服務態度好好我叫左碗米線，請姐姐煮腍少少都無托手爭！魷魚微辣，好惹味，魚蛋，雞尖幾好，超大隻冬菇一咬就爆汁，正呀！菜心好嫩好新鮮！家姐叫左碗油麵豬腸夠腍又入味，牛筋夠腍滑，冬菇爆汁，豬皮爽口，通菜又嫩又滑另外再叫左份$15麻辣鴨血唔算好辣，不過好惹味，個底舖左韭菜，吸收左麻辣汁既味道，正值得一提既就係入面有埋廁所！唔使走去後巷，夠哂user friendly!!

今日係紅磡開完會都夜，同事推薦呢到有間車仔麵幾好食，諗住頹頹地就去食啦 點知去到有驚喜，環境唔同一般車仔面店好迫好細唔好坐，呢到整齊舒服，環境光猛又有冷氣，餐廳都唔算難搵，係黃埔站附近，收工過去都好方便，岩曬係呢區番工既我地。我叫左個四餸麵雞翼鹵蛋牛肚蘿蔔雞翼好入味，好滑，唔係好食到雪藏味，其實我次次食車仔面，都一定會叫雞翼，已經變左樣必食既送，最慘係唔係間間整得入味，好彩呢間唔會。牛肚爽口唔會太淋，鹵蛋差唔多全場個個都有叫，入味好食，白蘿蔔清甜無渣，盡吸湯汁精華。

之前都食過荃灣既來多碗!! 估唔到原來紅磡都有去之前都有做定功課，知佢個腩汁湯底同啲秘製辣醬好岀名，咁當然唔好錯過啦呢到送既選擇好多，連岀面好少見既章魚燒都有，睇到有選擇困難症既我地都唔知食咩好，樣樣都好似好好食雞翼魷魚墨丸，魷魚最怕好似香口膠咁難咬，𡁻到食曬碗面都未食到，呢到唔會，夠彈牙得來夠入味，份量唔少，推介推介。另一個值得推介就係佢個辣醬，用左秘製配方，辣得來有淡淡豆瓣醬味，夠惹味！唔洗問食到最後當然係清曬先走啦，推介比以為食車仔面會好頹既朋友仔！

***淨餸：生菜，韮菜***淨餸：韮菜+蘿白，蘿白嫩甜無渣！！！***鮑片豆卜獅子狗，墨丸，滷蛋，d餸樣樣都係幾蚊幾蚊，好平好抵食，叫多d碗麵豐富d！！！***湯底偏濃味，最緊要落間店既秘制辣醬！！！***d配料放得幾整齊，制作過程幾衛生！！！***章魚燒，食到一粒粒既章魚，依個章魚丸唔腥，好食！！！***菠菜麵，綠色好靚，用菠菜黎整既麵感覺好似好健康，不過就食唔出有菠菜味！！！***淨餸：雞亦+滷小蛋，全部都好入味！！！***浄餸：韮菜+豬紅，兩者可謂最佳配搭，豬紅好大塊，抵食！！！

今日回到紅磡家維邨，自細住既地方尋找回憶，現在交通發達很方便啊！經過民裕街時看見有間《來多碗車仔麵》突想吃多餸唯有車仔麵可滿足😌裝修挺新也乾淨，座位木長椅讓客人坐得較為舒適。 先簡選食物，五餸只是 HKD 44 ，多加一餸加6元，好抵食！ 款色也有多種，我點了魷魚、漢堡扒、豬皮、菜、丸、獅子餃。豬皮好爽吸盡了湯底，獅子餃外面較為少吃，口感不錯，魷魚爽滑。其辣醬都不錯，不是單單辣椒油！ 原來這裡有段故事，從前座落於觀塘的走鬼檔搬到入鋪頭！好犀利呢！

“夜晚舖外既射燈好搶眼！！！“環境比舊式車仔麵店舒適和衛生得多！！！“食物選擇蠻多！！！“雖然地方細細，洗手間都有兩個，方便大眾！！！“真係要講下依到既辣椒醬，佢既辣好獨特，夠香夠味，要試下啦，重有隻魔鬼辣醬放係點餸個個位，可以叫佢比d, 不過要有心理準備，真係好魔鬼好辣好刺激！！！“蛋好入味！！！“魷魚，爽口，咁岩比曬d鬍位，正！！！“鮮竹卷，較特別既車仔餸，索曬d湯汁，好味！！！“依個章魚丸超好食，必食之選！！！“熱檸檬茶，超濃版！！！識飲一定係咁叫濃d！！！

今晚去睇演唱會，先來個速食，去左黃埔食車仔麵，食飽飽行去紅館都係十五分鐘，又可以順便消化一下。門口位置有餐牌先點餐付費，再坐低，店員為你送上車仔麵，好熱情，服務好好。一麵五餸車仔麵 $44，我點了馳名辣魷魚、特級潮汕牛筋丸、甜心蘿蔔、爽口金錢肚、咖哩魚蛋、生菜、米線。車仔麵配芬達提子 $8，滿足。驚喜是特級潮汕牛筋丸、真的有肉汁、又彈牙，好難得在車仔麵檔找到這款牛筋丸。馳名辣魷魚很入味，加上秘製辣醬，更惹味。

$26兩餸麵，往哪找呢？當現在連譚仔都已經$30多的時間，這間車仔麵真的很超值，每款都是幾元的標價！為食的我就選了5餸湯米線，最抵吃的是他們多餸套餐，即使都點最貴的餸，也不會另外加錢呢！這裡的牛腩很稔軟，菜心超爽口又夠甜，蘿蔔超甜無渣，雞翼夠入味，牛雜也不錯，湯底則是超帶甜的味道，絕對超值！大家想知道秘製辣醬是什麼嗎？答案是...我也不知道～ 不過甜中帶辣的確很香，絕對建議大家試一下！魔鬼辣醬比想像中不辣，只是油香重，而且很能吊出湯底的香味，愛辣的我覺得這個比較讚啦！

今日難得同老公一齊放假，梗係要瞓到自然醒，然後揾好野食，突然間好想食車仔麵，老公話帶我落紅磡食，話又平又好食咁話，好啦！信佢啦！尼間來多碗車仔麵位於紅磡文裕街，由黃埔站行過來只需5分鐘左右，非常方便到左門口有一種似曾相識嘅感覺，我諗起了，尼間車仔麵荃灣都有分店的，我都幫襯過，真係橋五餸麵只係44蚊，真係好抵食，一於揀十個餸share食，yeah店面細細，尚算整潔，熊貓🐼插畫非常生動，另外仲有一幅香港🇭🇰特色油畫，點綴左成個環境，好有feel先在門口點麵揀餸，按口味加秘制辣醬或魔鬼辣醬，個人比較喜歡秘制辣醬，辣中帶甜，非常惹味我揀左雞翼，蘿蔔，豬腸，冬菇，通菜米粉，大大碗好吸引老公揀左㗎喱魚蛋，豬皮，牛肚，辣魷魚，生菜油麵，佢話車仔麵一定要揀油麵先正宗之後我地交換左d餸，每樣試下真係好滿足啊！雞翼好林滑入味牛肚都好好味，辣魷魚🦑必點，尼度最出名架，㗎喱魚蛋好香蘿蔔好林好甜，仲好入味，推薦麵嘅分量都好足這店食物好有水準，店員姐姐又nice又主動，鍾意食車仔麵一定要來試試啊

香港舊式風味@來多碗車仔麵地址：紅磡民裕街19-31號隆基大廈地下6號舖Openrice 網址：https://bit.ly/2PCTKQB 自紅磡通了地鐵後真係方便好多，去探望友人剛生小孩，先在附近吃點東西才上她家. 一個人食要方捷方便，麵食就成首選,5個餸才$44 ，淨餸都只是$8起，要了白蘿蔔，雞翼，青菜，枝竹同冬菇，yeah。白蘿蔔好甜又夠腍身，老水冬菇同枝竹又入味，雞翼一直都是最愛啦！加埋大大碗好足料。飲品凍檸茶$9 呢期車仔麵幫我慳了好多，因過年買年貨又要交稅，平民美食飽肚又便宜。

今日去左紅磡食車仔麵！來多碗真係來多碗，食完之後非常滿足！車仔麵都算係香港既地道主食，自選餸菜、湯底、麵類，師傅用熟悉手藝煮成湯麵，湯底都算係車仔麵既精華啦！好多唔同餸菜，我叫左漢堡排、牛腩、竹笙。漢堡排好少見架，我特登叫一塊試下，肉質鬆化咸香，中間有肉粒有咬口，厚身漢堡排食落充滿肉香，伴隨湯汁好juicy！牛腩係我食車仔麵必叫！牛腩炆到好入味，牛腩汁好濃郁，肉質鬆化香嫩，夾有肥膏油脂香，超滿足啊！竹笙點可以無呢！吸收哂湯底精華，每口鮮甜味美，麵質彈牙充滿口感！食完好想來多碗啊！