影片
营业时间
今日营业
12:00 - 00:00
星期一至六
12:00 - 00:00
星期日
12:00 - 22:00
以上资料只供参考，请与餐厅确认详情
相关文章
今日带来自上海既朋友黎试香港既传统特色美食车仔面，真系快靓正！六𩠌车仔面（＄72）叫左咖哩鱼蛋、溏心蛋、墨鱼丸 、鸡翼、 狮子狗、 鱼皮饺。 朋友加咗魔鬼辣酱， 真系名副其实， 辣得非常过瘾， 钟意辣嘅朋友值得一试。真系要特别强烈推介溏心蛋， 冇谂过系一间车仔面店食到咁好食嘅溏心蛋， 仲好食过好多拉面店， 溏心蛋嘅调味刚好， 流心程度简直一绝， 食完真系想encore多只。咖哩鱼蛋亦都好入味好弹牙， 鸡翼大大只啖啖肉。六𩠌车仔面（＄72）猪肠(+$2)、猪耳(+$2)、溏心蛋、日式蟹柳、芝士肠、台湾黑椒肠。 食车仔面最爱点油面，呢度既油面面质好爽弹。除左个 溏心蛋 ，猪耳亦都非常有惊喜， 非常爽脆爽弹， 一咬落去就索索声，猪耳用左魔鬼辣酱调味， 一食就上头。 日式蟹柳亦真材实料，食落系甜啲。 台湾黑椒肠唔系间间车仔面都有， 当然要叫黎试下，亦都几好食无拣错。必食辣鱿鱼（$30）原本以为会好辣， 但相比佢既魔鬼辣酱， 佢呢个辣度真系好轻微， 甜甜辣辣几开胃， 鱿鱼亦都算弹牙。秘制鲜猪手（$32） 猪手大大份好大只，肉质厚实，都几扺食。腐乳通菜
继续阅读
来多碗车仔面有几间分店，今次经过旺角分店于是入去试一试，一入门口就是开放式厨房，摆满了四十多样唔同款式嘅𩠌菜一目了然，地方虽然唔系太大但都是卡位坐得很舒服，一边墙身用了富有香港情怀的壁画作装饰，简单得来有特色。👍首先去开放式厨房选择了自己需要的面底、𩠌菜和饮品，付款后再找座位坐低便可以。面底都有好多种选择，有油面、粗面、幼面、米粉、河粉、乌冬和公仔面、濑粉和米线都有，𩠌菜有40多款选择而且价钱唔贵，饮品更有跟餐价优惠。👍💯😋如果喜欢食辣的朋友店舖还有三种带唔同辣度的酱料畀你自助添加，有微辣酱、沙爹酱同埋魔鬼辣椒油，总有一款合各位口味。👍💯我选择了1面6𩠌$74面底要油面，𩠌菜分别是鸡翼尖、鱼蛋🍡、牛筋(加$2)、凤爪、墨鱼丸和鲜竹鱼卷，汤底其实已经够味但我加了少量沙嗲酱试一试，味道即刻变得有层次感带有小辣，沙爹味很香。😋牛筋炆得很淋食落好滑，鸡翼尖卤得入味。🤤😍朋友也选了1面6𩠌$76面底要米粉，𩠌菜分别是牛腩(加$2)、贡丸、萝卜🥕、猪红、牛柏叶(加$2)和菜肉饺。米粉吸收了汤汁很够味，所以不用加其他调味酱，萝卜🥕很甜食落无渣，牛腩炆得很淋唔硬，牛柏叶食落爽口。👍我们还叫了4款特色小食1：必食辣鱿鱼🦑$30用了沙爹酱做调味不是太辣，鱿鱼🦑食落爽口2：猪肠鸭血$30卤水猪大肠卤得很入味食落嫩滑冇骚味，鸭血带有麻辣，食落很开胃3：秘制鲜猪手$32卤水猪手卤得很入味，猪皮煮得很淋一啲都唔硬食落淡淡骨胶原，正！4：蚝油韭菜$13韭菜都算嫩滑冇渣跟餐叫了两杯饮品🥤🥛1：热陈年柑桔蜜🍯$7饮落带有少少咸甜味很润喉2：冻柠乐系列$13我改了雪碧加柠檬🍋，柠檬🍋都有几片很够味这一餐车仔面食得很丰富很饱，而且价钱不是太贵值得在encore。
继续阅读
今日同同事嚟上海街食lunch，选择真系好多，不过今日想食啲地道又抵食嘅嘢，所以就拣咗车仔面！一入到去 老板叫我哋拣咗面底同菜先跟住就开始嗌𩠌 速度都好快 同埋见到佢执𩠌个环境都几干净企理我拣咗六个𩠌 同事就拣咗五个𩠌两碗都打爆晒成个碗 超级大份 嗌车仔面黎讲最开心就系啲𩠌多到冚住咗啲面 🧡我嗌咗生菜、冬菇、豆卜、腩肉、响铃同牛筋腩肉超级大份 而且唔会剩系得脂肪 肉同脂肪层都好分明而且好入味牛筋亦都系我嘅最爱 软腍腍好好咬车仔面嚟讲牛筋炆得咁腍都几出色其他配菜都系正常发挥 但系挂咗个汁就好好味🧡同事嗌咗大肠、鱼皮饺、生菜、午餐肉、汉堡扒钟意食大肠嘅朋友一定唔可以错过 午餐肉比平时嘅正常午餐肉都大份 呢度嘅汉堡扒冇平时食𠮶啲咁咸同油腻 加埋个面啲汁啱啱好 🧡不得不提嘅系呢度有个酱料嘅自助区有得拣落微辣酱、沙嗲酱同埋魔鬼辣椒油仼落唔嬲 同事好钟意食辣劲开心而我就试咗个微辣酱 真系唔错 好惹味唔会辣到好辛苦 但系又钓到味推介食到辣嘅朋友试吓魔鬼辣椒油 几滴已经够晒味我哋仲嗌咗两个小食 必食辣鱿鱼同埋秘汁鸡翼辣鱿鱼口感好烟靭 辣得来唔会好辛苦 食咗一条之后就停唔到 好快见底鸡翼系卤水鸡翼 好入味 有六只 呢个价钱真系抵到烂🤣跟餐仲可以嗌埋嘢饮 我哋加咗必点嘅豆浆同支装茶饱到抱住个肚走☺️
继续阅读
啱啱去完旅行返嚟，第二日就返工，啲行李都仲未执，所以，今晚收工后就出街食，费时嘥时间煮，食完早啲返去继续执拾行李。是夜就嚟到「来多碗车仔面」，简简单单食碗车仔面。店内装修简简单单，而一入门口位就喺点嘢食嘅开放式厨房，客人喺直接晌度落嗌咩食：面底、𩠌料，跟住，收银枱阿姐就会直接计数，非常直接。再望入去，右边整幅墙都喺画咗上海街旧街景，非常有趣。餐牌就贴咗晌近门口厨房嘅玻璃之上，一眼睇晒，两𩠌起跳，面底少有哋有濑粉，𩠌料分$10、$15两个价，仲有啲特色少食，饮品跟餐又有优惠。基本嘅调味料放晒晌枱上，但厨房前枱仲有有沙嗲酱、微辣、魔鬼酱辣，小弟就唔敢试喇，有兴趣嘅朋友可以挑战一下。最后，我哋同样点咗4𩠌面，再加多一个蚝油生菜及豆浆。猪皮、萝卜、冬菇、牛肚米粉 $58睇番以前嘅食评，老婆嘅车仔𩠌又喺拣猪皮、萝卜、牛肚，再加冬菇，好传统嘅组合。份量都好够，猪皮好爽口，萝卜非常之清甜，冬菇够厚伕，牛肚炆得好腍，而且非常入味，米粉爽滑及无话煮过笼，质量皆优。猪肠、贡丸、牛筋、豆卜油面 $58我拣𩠌料就尽量唔撞老婆𠮶啲，咁样可交换嚟食。猪肠内仲有少少肥膏，但就无猪臊味；贡丸好爽口弹牙，牛筋亦都炆到极之软腍，同埋好入味，至于豆卜唔油腻，都算有豆香，加埋心水嘅油面，叫阿姐俾啲腩汁，宁舍好食。蚝油生菜 +$13食得平衡少少当然要多点个蔬菜啦，再者，老婆就钟意食多啲菜，够健康，就简单点一份蚝油生菜，份量唔笠多，但啲生菜渌得仲保持一份爽脆口感。豆浆 +$9以优惠价加配，估唔到豆浆有咁大支，大唔大都唔紧要，最紧要够豆味嘛，而且，唔太甜，好过饮汽水啦！只喺嗌咗两碗4𩠌面，再加碟生菜，好够饱。用餐期间，都见唔少人嗌外卖，亦有人要求加魔鬼酱辣，所以话，车仔面喺唔少香港人嘅至爱平民美食。
继续阅读
最近在旺角朋友推荐下试了「来多碗」车仔面，感觉颇有惊喜。这里主打自选配料，每碗都可以根据自己口味搭配。我第一碗选了米线配鸡翼、鱼蛋、辣牛柏叶、生菜和冬菇。鸡翼卤得很入味，肉质嫩滑。鱼蛋新鲜弹牙，辣牛柏叶带点麻辣感，吃起来不会太腻。冬菇厚身，吸汤力强，和生菜很搭，令整碗米线不会太单调。汤底清中带香，不会太重味精，喝起来舒服。第二碗选了仿鲍片、鸡翼、秘制辣牛柏叶、辣鱿鱼、冬菇和生菜。仿鲍片爽口弹牙，虽然不是鲍鱼但口感不错。鸡翼依然出色。秘制辣牛柏叶辣味突出，爱吃辣一定要试。辣鱿鱼份量足，辣得过瘾又有嚼劲，配冬菇和生菜刚刚好。必试推荐这里的冬菇、牛柏叶、鱿鱼和鸡翼都很有水准。另外，店家自家制的魔鬼辣椒酱一定要试，辣度十足但不会抢味，拌面或点配料都很加分。「来多碗」整体感觉很实在，价钱合理，配料新鲜，辣味有层次。地方干净，店员亲切。无论是喜欢经典配搭还是想挑战重口味，都可以试试看。下次一定会再来「多碗」。
继续阅读