李錦基越南餐廳

营业中

休息中

叫左火車頭湯河（牛腩、牛筋、牛肉、牛丸、牛柏葉），食完只覺得自己白白浪費咗$100（$90加一）。我好中意食越南嘢，特別係牛肉湯河，心裏有個排行榜，呢間絕對可以排第尾。牛腩牛肉牛筋都唔得，特別係牛筋，淡茂茂得黎，口感係「散開」，都算係開眼界😨😨河粉都唔得，食落口好似糊左甘….但係有一說一，牛柏葉幾爽口，牛丸算係唔錯！不過都係抵銷唔到，弊多多多於利。打食評時諗番起呢個進食經歷都替自己覺得傷心，自己唔算嘴刁，但食左幾啖放棄了。避雷，幫大家慳錢

成班同事去食，點知道試食後好失望，價格貴，質素普通，所以已經再沒有去了，而且成間鋪好像有什麼秘密不能給外面人知道一樣，所有玻璃也用廣告遮住，根本外面人完全不能夠知道店內情況，真的好奇怪呀😅⋯⋯

叫咗一個火車頭，入面嘅金邊粉係一舊嘅完全冇煮開嘅湯底難飲到不得了，完全冇牛骨湯味。叫另外個朋友唔好叫湯粉呀好難食，咁佢唯有叫咗一個雞翼撈檬，一樣都係難食。我都係抱住之前食過嘅心態嚟再食完全不一樣。

不要帶著在舊店吃的心情來，一如以往 。一進去已經看到老闆熱情的招待， 不過在午飯時間， 全間餐廳只得三， 四台客，已經不禁心中起了懷疑， 在細看餐牌，最低消費每人$80 ，沒有午市套餐，只是午市飲品可以半價， 正好想像很久沒吃過海南雞飯，就試一試， 職員一放下，已經心感不妙， 這樣的成色， 分量，已經即時聯想到沒有人光顧的原因。當然，假如你們是來吃越式炒飯，味道和之前相若，但假如是選擇吃碟頭飯，我建議不要嘗試，因為質素和性價比實在太低了

之前老闆喺窩打老道已經成日幫襯，後來租約期滿，一直好懷念呢間餐廳嘅食物。最終等佢搵新地址重新開業，真係等咗好耐。今天兒童節，終於可以一家人再喺李錦基餐廳堂食！味道依然出眾！老闆等人依然係熱情招待，我哋會常幫襯！扎肉湯檬依然係最愛，扎肉蒸粉卷健康美味！蔗蝦亦十分好食！今次獲店員溫馨提示中間嘅甘蔗都可以食，甘蔗好甜！我兩個仔最喜歡食佢嘅越式炒飯！下次如果我自己嚟可以食咖喱雞配法包！餐廳環境裝修風格一樣，地方大咗，坐得舒服咗。一邊有卡位，另一邊有大枱，適合不同的類別嘅朋友光顧！

李錦基係早年嘅越南餐廳，舊鋪喺白加士街；意想不到咁多年後再喺佐敦開鋪，新鋪喺童軍總會對面。老闆冇變，味道同當年一樣。最鍾意佢哋嘅越式湯河，湯底香醇但係唔油膩，火車頭有齊生牛肉、牛腩、牛丸、牛百頁、同牛筋。牛腩尤其出色，冧滑得黎唔會散開。牛丸亦有濃郁牛肉味，冇雪味、唔會味嚼蠟，絕對唔係一般坊間貨色。看似簡單嘅一碗湯河，其實都係滿滿誠意。另外飲品叫左椰汁三色冰，椰汁夠濃夠香，另外就係唔太甜，完全戒甜嘅亦可以要求走甜。