影片
以上资料只供参考，请与餐厅确认详情
食家推介
小弟首次执笔写食评，皆因不吐不快之故。昨晚同家姐点了香茅猪扒汤河及捞檬各一客，猪扒全无香茅味，肉质又鞋又柴，又有点过咸，好似隔夜食净咁，旧肉连普通茶记的炸猪扒都比唔上，感觉十分无瘾！就算𠮶碗汤河其实也好一般，河粉略嫌淋了一点，连加一实收百六蚊，食物质素完全对唔住呢个价钱，印象中我已经是第二次帮衬，如无意外应该唔会再有下次，免得又再中伏。昨晚因除夕关系，好多食肆提早打徉，去食呢间似乎真系命中注定！
继续阅读
李锦基真系卖好多广告，一开个电视就见到佢。住咗附近咁多年，梗系点都试吓啦。佢喺窝打老道渣打银行隔离，真系好易揾，地点都好方便。入到去就觉得系普普通通嘅茶餐厅，完全觉得冇咩特别，谂住试完个小食就走。我自己一个就叫咗个炸蒜蓉牛油鸡翼同埋叫咗个虾仁猪肉卷。虾仁猪肉卷味道都好唔错，只虾都仲系好弹牙，猪肉味唔系好重，佢里面有啲青瓜红萝卜丝，咬起上嚟好多馅喺个口度，口感好丰富。炸蒜蓉牛油鸡翼就等得比较耐啦，佢有4只，估唔到咁大份。每一只都好大只而且好脆口，咬落去啲鸡又喺个口腔到爆晒出嚟，即刻要揾张纸巾垫住个下巴。唔系夸张，真系好多油飞出嚟，原来都真系几好食。不过一个人食，食唔到好多，有机会再向大家推介。
继续阅读
今日姑仔提议去‘不漏洞拉’(李锦基越南餐厅，窝打老道65号地下D舖)午餐，佢话好耐以前见到老板卖广告已经打算去试，而我就系第二次到访此店。店内座位尚算寛敞，环境卫生比合格高分，食物保持水准，价钱合理而份量亦足够。我哋三个人叫咗三杯椰汁绿豆蓉冰，值得推介；姑仔想食茄汁牛腩汤河，我就钟情扎肉拼蒸粉包及生牛肉汤河，最后加多个咖喱鸡面包；以上份量三个人都食唔晒。小插曲：今日用餐有幸由老板亲自上饮品，我就即时要求合照以作留念。✌🏻
继续阅读
海南鸡饭其实系白切鸡饭，猪颈肉饭得四块猪颈肉，仲要冇汁，摆明揾傻仔，连埋两杯涷饮，够胆死收二百二十几蚊，呢间嘢再系咁做落去，睇嚟一定好快会发达，而家谂起呢间嘢，真心要讲句，冇下次
继续阅读
咖喱非常入味，咖喱汁点法包一流，有牛腩和鸡可选，牛腩很嫩，牛筋够淋。蔗虾鲜味弹牙。春卷很脆，新鲜炸的。粉卷都不错，函料很香，粉皮有咬口。牛肉粉都好味，汤底浓，牛肉新鲜，粉都够滑。价格算平，服务都 ok, 值得推荐。
继续阅读