影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
相关文章
一直觉得杉玉同寿司郎差唔多冇去食，到新年发现周围揾唔到食又见到杉玉有开就试吓（仲冇收加二），一食真系相逢恨晚🔥咁高质性价比高嘅居酒屋点解冇人讲！！！—— 寿司✅ 欲罢不能盐烧厚切大吞拿鱼腩寿司 $38✅ 特玉盛合 $158拖罗雪花超靓，鱼生厚切大块，带子大到见唔到嚿饭🤣最重要够新鲜！完全同寿司郎食嘅唔一样！俾贵啲都值！—— 烧物✅ 银鳕鱼西京烧 $58✅ 特上盐烧间八鱼鲛 $58收咁平以为会伏，点知好有惊喜！鱼鲛西京烧依啲出去食一百蚊，依到半价就食到，鱼鲛腌得够咸香，烧个皮烧到金黄香脆，再黎一定叫！—— 天妇罗✅✅✅ 赴汤蹈火的萝卜 $28依个跪求你地一定要去叫：赴汤蹈火的萝卜完全系将天妇罗推到next level！首先炸得唔油腻，一咬脆皮食到萝卜清甜水水的，真系太适合做天妇罗！！！自己一个食哂半碟～其他温物甜品都唔错，店员service好热心，4人埋单人均二百几，去居酒屋咁嘅价钱食到饱饱，唔怪之得埋单个店员都赞cp 值高（feel到佢系真心唔系 hard sell），杉玉真系太underrated！！！ 推介俾大家平民价食居酒屋！🌟推荐指数：10/10‼️‼️‼️▫️▫️▫️▫️▫️▫️▫️▫️▫️▫️▫️▫️▫️ 📍 杉玉 (鲗鱼涌)华兰路12号惠安苑地下3-5号舖🔎分类搜寻：#FTCN_鲗鱼涌 #FTCN_日式
继续阅读
系鲗鱼涌同太古附近嘅餐厅位置唔算方便但附近做野唔错嘅午餐选择<吞拿鱼生饭>成碗饭有赤身同埋吞拿鱼蓉个餐跟埋个汤刺身不过不失 合理价钱同味道<大盛set>碗嘅size同吞拿鱼饭一样个set有白鱼,鱼子,带子等嘅刺身带子系几鲜甜其他刺身都唔错
继续阅读
进店被一位年轻店员随便带到一张好细的二人枱，我问另一个店员，想坐对面的四人卡位，对方说是四人枱的….隔离好多空枱又话唔开住，总之就系唔想满足我呢个小小嘅要求，但好快已经又被其他人客坐。我现场目测坐四人卡位的都正是两个人吧！下一秒有两个人客，被另一店员带到我原先想坐的卡位!!!!再问店员为何会这样，对方的解释根本是九晤答八! 我坐了很久都无人来，又未给我QR code成班店员都无经验，十分赶客。我们二人首次来帮衬，已经有很差的观感，亦不会再去，食完呢餐未返到屋企已经成口味精及十分口喝今时今日的服务态度，是重要过食物，人客来是享受美食，不是被你们去随便摆布。
继续阅读
今日中午要去港岛东工作，经过太古坊附近位置见到呢一间舖头门口好鬼多人排队，起初心谂：「都系日式店有无咁好食啊。」当我完成工作都差不多午市结束，走个时见到呢间铺无咩人流，而且又见佢个门面都几日系，就即管入去试试...... 佢哋款式未算相当多，但都有好多重点推介。由于我唔识得鱼生，所以最后点咗一份天妇罗丼，等咗大约十分钟所有食品都已经上晒枱啦~~~ 杉玉豪华天丼：天妇罗炸粉相当薄入口酥脆可口，非常够热。𩠌茶有五款：天妇罗虾新鲜弹牙，三只都好够大，口感相当好；沙鮻鱼肉质新鲜嫩滑没有碎骨，成条食真心嫩口；鱿鱼新鲜弹牙做到好软身，一啲都唔韧；番薯及茄子都很新鲜清甜，每口都多汁不会太干身，再配合珍珠米及天妇罗汁，整体配合得相当好，非常满意。 荔枝梳打：份量普通得八成满，感觉比较少。但味道方面清甜荔枝味再配合梳打水，整体上都好解渴。 杉玉坚强布甸配云呢拿雪糕：布甸口感未算Q弹，配合焦糖酱入口都算清甜，云呢拿雪糕非常够冻，入口甜度适中，质素正常。整体性价比合理，但天妇罗我觉得系必点之选。
继续阅读
恐怖经历！一入去同佢讲两位,一个黑口黑面嘅四眼女服务员完全冇反应,几个女服务员服务超级差,都唔紧要啦,可能佢哋心情唔好.嗌咗个寿司,啲饭一夹落去散嘅...叫咗啲嘢食谂住攞枱上面啲碟嚟食..一反转只碟仲有上手啲豉油渍喺度.都唔知点样洗碟！都费事同佢讲.反正都唔会有下次.叫咗个啤酒小食套餐佢就嚟咗个小食先,杯啤酒十世都未到,啲所谓嘅服务仲衰过庙街大排档,好心请人就揾啲正常啲㗎啦.全部都系啲咁嘅师奶阿姐.唔顶得几耐.台面啲碟系有积㗎！污渍呀！豉油渍呀！你哋睇唔睇到呀！瞓醒啦！
继续阅读