杉玉

营业中

休息中

今次我去咗位於荔枝角D2 Place TWO嘅杉玉食日本菜，呢間餐廳一直都好受歡迎，今次行過咁啱唔使等位，終於有機會試下。我叫咗個海陸峰匯天婦羅套餐，仲有全吞宴同埋豪華極壽司三貫，每樣嘢都有佢特別之處。
首先講下海陸峰匯天婦羅，呢個天婦羅真係幾唔錯。炸粉唔會太厚，保持到食材本身嘅鮮味。無論係蝦、魚定係蔬菜，都炸得好脆，食落口一啲都唔油膩，真係好食。
再嚟就係全吞宴，呢個係以吞拿魚做主題嘅套餐。刺身嘅質素幾好，新鮮又肥美，尤其係嗰啲拖羅，入口即化，真係一流。不過，有一樣嘢就係淚崩吞拿鮮島，呢個有啲辣，可能唔係個個都頂得順，但係鍾意食辣嘅朋友應該會好鍾意。
豪華極壽司三貫都幾正，每一件壽司都好新鮮，飯同魚嘅比例啱啱好。刺身嘅質素真係冇得彈，完全感受到師傅嘅手藝。
不過，唐揚魷魚就有啲失望。雖然魷魚炸得好脆，但係炸粉有啲厚，食落去有啲油膩，感覺有啲漏。希望餐廳可以喺呢方面改善下。餐廳做緊follow IG有嘢飲。 
總言之，杉玉嘅刺身同壽司真係好高質素，天婦羅都幾好食，雖然炸物有啲油，但係整體嚟講都係一間好值得一試嘅日本餐廳。鍾意食日本菜嘅朋友，真係要去試下。


工作一星期終於嚟到呢個令人期待嘅放肆午餐時光🧘‍♀️ 今次再次嚟到杉玉，為咗慰勞自己一番，揀咗佢哋性價比高、穩定發揮嘅天婦羅壽司定食。雖然杉玉唔係會令人驚艷，但就好有信心每次都唔會踩雷，啱晒唔想諗太多嘅上班族中午快閃一餐。🍤 天婦羅方面略為油膩。不過魚件仲保持到淡淡魚香，外脆內嫩，調味亦唔錯🐟。相比之下，魷魚天婦羅就明顯過鹹，幾乎淨係食到鹹味。反而蔬菜類炸物有驚喜，茄子同蕃薯都帶出自然嘅甜味，算係炸物裡面比較討好嘅存在🍆。🍣 壽司表現中規中矩，但勝在穩定。三文魚腩夠油脂香滑、甜蝦唔算頂級但都算新鮮、魷魚壽司有界花處理加分，睇得出有少少心思🎏。其他款式雖然冇太大驚喜，但勝在冇腥味，食落安心。呢個價位嚟講，唔可以投訴太多。📌 整體黎講，杉玉作為壽司郎集團旗下品牌，穩定係佢最大賣點。你可能唔會記得邊一件好食到回味無窮，但每次黎都唔會失望，無論係質素定價錢都處於一個舒服嘅位置。如果你想喺中午快快手手食返餐飽而又想少少儀式感，佢會係個唔錯選擇🧾。

今日約了朋友在荔枝角杉玉食晏，因為2pm入座所以無60分鐘交枱限制，可以慢慢傾慢慢食。我地點左2份杉玉御膳午市定食（每份$148），有鮮甜既海鮮茶碗蒸、麵豉湯同埋5件壽司之餘，仲有令人眼前一亮既主菜‘’寶箱‘’，每格放唔同食物好吸引。雖然2份都係杉玉御膳，但配搭既3小碟同埋天婦羅款式略有不同，賣相超吸引之餘亦好有驚喜，唔會完全相同。另一位朋友叫左原條海鰻蝦天丼（$108），雖然蝦無餐牌張相咁澎湃，但炸漿都做得好薄好脆，而且食完無頸渴。我地食緊飯期間有段小插曲，值得讚賞前線員工同埋廚師。話說食左一半杉玉御膳時，突然有2隻蚊飛左去刺身小碟中。我就同前線同事講，碟刺身比隻蚊降落左食唔到，麻煩廚房換過。結果幾分鐘之後就換左另一碟比我，服務很到位。我第一次幫襯，覺得整體服務很好，包括斟水好頻密，所以食得好開心。

純路過荔枝角速食。壽司10貫，烏冬定食$98+10%。迷你烏冬都算足料，2片豆腐乾，蔥花和天婦羅碎片。壽司嚿飯偏細，合我。而且不是純白飯，應是漬過，微啡色。魚生片size適中，新鮮。醬油用shisiro，吾知是否其連鎖店？在等吃時，對面枱問服務員是否like 社交平台，便有飲品送？一枱送一杯，定每個like送一杯？當下才發現筷子盒下有一貼圖😂，我即時便跟著，叫了杯乳酸飲品。😪杯飲品有3大嚿冰，味道好淡，辛好免費。不像其它定食，冇蒸蛋，亦冇味噌湯送，整體OK。

今日放假，去行D2諗住搵啲好嘢食，千揀萬揀真係揀着個爛燈。味道其實OK ，但當你食天婦羅魚柳時，食到有條咬唔開嘅長長嘅膠，應該係包裝膠掛，不過唔知包裹啲乜，就即刻已經冇晒胃口，所以唔會有下次！佢有補返另一舊魚柳，都有句對唔住！

中午farewell同事，到D2杉木食lunch，這家不能book位，不過位置都幾多，12:15到都唔洗等位。我地點了壽司+天婦羅，味道中規中矩，價格88蚊不貴，環境乾淨舒適其中，吞拿魚壽司碎蠻特別的，不同於其他家店，而三文魚亦很新鮮天婦羅的炸色很白，不需擔心油的品質，炸地瓜特別好吃。另外，加購的茶碗蒸料也很充足

Staff are condescending, young, and don't take feedback or criticism very well. Even when a customer is wrong, they are still CORRECT. Even if your bosses are wrong, they are still correct - life lesson. I don't need your staff smirking and laughing on their microphones in the background. The issue is that your english menu is wrong and shows two sushi sea bream upon sets. The order, as recorded on the phone, also shows the same. If only one sea bream udon arrives, then of course the customer wi

事原係因為見做優惠，身分證有某相同號碼，食滿150減50。見仲係某受歡迎嘅居酒居，所以就去一試⋯⋯價錢都偏向中上上，諗住都有高質食物供應，都入去試吓。叫咗5樣嘢：甜蝦刺身 $78話有20隻，但有5-6隻都係不完整，又不新鮮，收呢個價錢，仲要自己剝殼，都要俾啲對得住客人嘅食物㗎⋯⋯高湯玉子燒三重奏 $68上面的海膽、三文魚籽、明太子發揮正常，無乜驚喜，最驚喜係玉子，又細又凍，仲要睇得岀係返熱返俾你，上面個面都去到乾乾地咁。。。蟹膏鯛魚湯拉麵配紅楚蟹肉 $48呢個小得可憐，麵嘅份量連正常一個都無，小食來的嗎？當然味道又係⋯⋯開岀嚟，正常無驚喜。並玉盛合 $88八件壽司，平均每件$11，不值⋯⋯海陸峰會天婦羅 $58串味得好嚴重，食茄子、蕃薯有魚味，炸粉淋晒漿糊咁，最重點嘅蝦，炸到老晒，無蝦味，難食。

呢間喺D2 Place都算係一間新開嘅日本餐廳，有時午市係非常多人，令到我有啲興趣試吓呢間餐廳。嗰日我去嘅時候因為時間尚早，慶幸唔使等位。坐得就唔算太舒服，如果 full house 嘅時候會幾逼，不過員工嘅服務態度都幾好，至於餐廳嘅衛生狀況都令人滿意。我就嗌咗個號稱每日得20份供應嘅舟盛丼，會附送一客麵豉湯。個舟盛丼都有幾款魚生嘅，主要係吞拿魚，整體嚟講還算新鮮，至於賣相就請參考我嘅圖片。最後埋單都係大概130幾蚊，我覺得還好。

D2開了新的食店，踴躍一試，換來一肚氣。食物質素一般都唔緊要，始終覺得都要支持吓本港食店，但欺騙食客及服務態度惡劣，替其可恥亦可悲。桌上寫上like 社交平台有小食，其實沒有小食優惠是不重要的（只是小碟枝豆），只要和客人說便可，問了店員兩次，只答好，但從沒送來，最終亦不等候了，買單時告訴店員，只係冷淡地說，好的，我替你取消，一句抱歉都沒有。（態度上係和你鬥氣）其實沒有小食優惠是不重要的（只是小碟枝豆），不要浪費客人時間等候，甚至最後以奇差的態度對待客人告終。可恥亦可悲。

荔枝角D2商場地下刺身丼飯，同朋友行街經過見到新開就食下睇下質素如何，佢嘅套餐唔算貴，套餐會跟個麵豉湯，加錢可以有埋野飲，同朋友一人叫一個，套餐個飯可以自由選擇大細，細食嘅可以叫細d，唔好嘥嘢，刺身感覺正常，唔會覺得好好味，但新鮮，刺身丼價錢合理，所以味道都合理經過睇戲可以試下食，佢地午市都好多人，可能要等位

✨️今日我地想介紹這間日本餐廳是「杉玉 Sugidama」，這間店是在荔枝角D2 Place 全新開張，我們是第一次來吃，發現食物質素也好，服務又好。我們也是在逛街時看見的，當時不用排隊等候，直接入座坐卡位，離開時已經大排長龍了。🥰現時餐廳採用QR Code 自助落單系統，真是非常方便。餐廳人氣也比較多，建議大家黎食之起記得訂位‼️‼️✨️今天我們分享以下美味下次可以一試:1️⃣大啖滿足茶碗蒸 $28即叫即蒸，內含有蝦和三文魚子等，蒸蛋蒸到好滑。2️⃣三文魚刺身 $48師傅切到雖然唔夠厚身，但新鮮。3️⃣淚崩三文鮮島 $58我個人覺得這是本店的特色，在其他日本餐廳好像沒有這款吃法，壽司放滿了粒粒三文魚和蟹子，也有Wasabi (山葵)在內，好像吃辣辣壽司的感覺，很辛辣。4️⃣鯛魚湯蜆肉拉麵 $38拉麵很爽口，蜆肉也多，算抵食。5️⃣原條海鰻壽司 服務員會在你眼前用火槍燒一燒海饅，真是很長，有細骨但已經軟到可以完全吃下了，味口可以。6️⃣卡達拉娜 $28在這裡吃服務員會在我們眼前用火槍燒一燒它的表面，焦糖味會更濃郁和香脆，這是甜品建議飯後吃更佳。7️⃣花之戀 $24由於本人不太喜歡吃海膽，如果大家喜歡可以吃豪華花之戀有海膽

行街見到新裝修都唔錯，又乾淨寬敞所以決定食佢做午餐門口已經放餐牌，望到都好吸引價錢唔係貴每樣都好吸引諗咗好耐終於諗到食咩嘢啦一個係10件壽司配牛肉烏冬餐$113一個係鯛魚湯拉麵餐$98另加配西柚汁就咁睇外觀，已經好吸引 而且睇到飯係日本正宗落咗醋嘅調味飯全部魚生，玉子，鰻魚 都係好大件同埋厚切食落去完全係好新鮮鮮甜 非常驚喜蜆肉係鮮甜，冇沙，仲要係大大粒 拉麵，冇鹼水味10件高質壽司配一碗麵，完全足夠午餐兼抵食反而牛肉烏冬就普通質素啦西柚汁拎隻好靚嘅玻璃杯裝住都幾開胃場內都比較多卡位坐 所以都坐得好開心舒服仲好貼心個底有個籃可以擺袋食用時間60分鐘，另需加一都準時提示我哋食飽飽因為門外真係好多人等緊下次係會再嚟食過☺️

今日約咗個朋友喺公司附近食飯，所以去咗啲D2 two行下睇吓有咩食, 見到呢間新開嘅日本菜門口排咗幾個人，睇到門口價錢牌唔係好貴，所以決定攞飛試吓。入到去環境乾冷乾淨，之後我見到有支壽司郎是油，所以我諗依間應該係壽司郎嘅附屬餐廳。最後，我哋嗌咗一個指火鍋，同埋一份壽司及茶碗蒸。呢個價錢嚟講食物算不錯，壽司都新鮮試，紙火鍋我第一次食所以覺得幾得意同埋味道不錯，我仲加咗一份烏冬，烏冬口感好好，好煙韌。下次我會再試吓佢嘅下午set lunch。

安康魚肝最好食，無諗到會唔腥，甘甘地😋😋直得試🥳，另外，其他食物都幾特別😄，食材新鮮，再無諗到日本餐廳會有法包食😆，有趣😁。服務態度幾好👍，值得一試嘅餐廳😄！