杉玉

【杉玉居酒屋食评】荔枝角呢间「杉玉」居酒屋（寿司郎旗下）环境几有气氛，Happy Hour时段叫饮品有折扣，但计返其实唔算好抵，不过放工嚟chill下都唔错。🍜 主食类蚬肉乌冬胡椒味偏重，白汁浓稠，味道较咸，蚬肉量足但汤底略腻，适合重口味人士。🦐 冷盘甜虾需自己剥壳，稍嫌麻烦。部分虾头食到有疑似发酵嘅气泡感（似雪碧），新鲜度存疑；虾肉靠碟底冰镇保存，室温口感较平庸，建议店家留意海鲜处理。🍘 小食 & 煎炸类大阪烧煎饼存在感低，纯碳水充饥之选。南蛮炸鸡出色！外脆内嫩锁满肉汁，调味平衡。全场最佳是喜次郎烧鱼饺！鱼肉熟度完美，外微焦内软嫩，香而不干，必点推荐！🍣 寿司拖罗海胆鱼子寿司卖相精致，食材新鲜，属正常发挥，但未达惊艳。总结：环境服务合格，食物质素略参差——避开海鲜冷盘，集中点烧物、炸物较稳阵。烧鱼饺绝对回头之选！…查看更多

隶属「寿司郎 Sushiro」集团旗下的 「Sugidama 杉玉」 认真好味，大件夹抵食！超推介！我们俩条友因为第一次来帮衬，见到餐牌有很多选择，花多眼乱，样样都想试，就点了 吞拿鱼丼、鳗鱼玉子烧、烧鳗鱼肝、盐烧喜之次鱼鲛、杂锦天妇罗及一些寿司 .... 暂时任性一点，狂吃一餐 ~寿司郎集团的出品，果然就有返咁上下质素，食物样样都新鲜好味，尤其是 吞拿鱼丼，CP值超高，真的冇得输！ 盐烧喜之次鱼鲛，烧得火候恰到好处，咸香味味，我太太吃得津津入味 ~食物实在太好味，要逐一陈述的话，真会花我很多时间，且我都懒得去讲 .... 自己来帮衬，体验一下吧！包你有惊喜！本篇完 ~…查看更多

通常谂唔到食咩，就会去杉玉食～因为menu 选择多，有寿司，炸物，刺身，沙律，熟食，饭面等。 仲要价钱好抵！杉玉薯仔沙律，出面有好多紫菜，入面有只流心蛋黄，好食！醋鲭鱼面头有好多洋葱同葱，俾好开胃，钟意食葱一定要order!!荔枝乳酸梳打，几好味唔会太甜。中意饮酒嘅朋友可以嗌生啤/sake, 有埋配小食嘅套餐。…查看更多

下午茶时段，响门口等左一阵入座，男员工发呆扮睇唔到唔郁，女员工磨左好耐先出黎带位好啦，终于坐底左（未够5点），想叫下午茶餐，等左一阵女员工飘过，我指一指话想要下午茶餐牌个餐，女员工又问多次拣咩嘢，终于入机就话5:01pm 停下午茶（带位𠮶阵你唔讲？！） 女员工摆明玩嘢，因为见佢咀角微笑紧（应该系好开心咁玩到个客）😏好啦，唔想做早讲嘛～ 今时今日呢啲服务生系害死间餐厅既原因之一😇…查看更多

今次我去咗位于荔枝角D2 Place TWO嘅杉玉食日本菜，呢间餐厅一直都好受欢迎，今次行过咁啱唔使等位，终于有机会试下。我叫咗个海陆峰汇天妇罗套餐，仲有全吞宴同埋豪华极寿司三贯，每样嘢都有佢特别之处。
首先讲下海陆峰汇天妇罗，呢个天妇罗真系几唔错。炸粉唔会太厚，保持到食材本身嘅鲜味。无论系虾、鱼定系蔬菜，都炸得好脆，食落口一啲都唔油腻，真系好食。
再嚟就系全吞宴，呢个系以吞拿鱼做主题嘅套餐。刺身嘅质素几好，新鲜又肥美，尤其系𠮶啲拖罗，入口即化，真系一流。不过，有一样嘢就系泪崩吞拿鲜岛，呢个有啲辣，可能唔系个个都顶得顺，但系钟意食辣嘅朋友应该会好钟意。
豪华极寿司三贯都几正，每一件寿司都好新鲜，饭同鱼嘅比例啱啱好。刺身嘅质素真系冇得弹，完全感受到师傅嘅手艺。
不过，唐扬鱿鱼就有啲失望。虽然鱿鱼炸得好脆，但系炸粉有啲厚，食落去有啲油腻，感觉有啲漏。希望餐厅可以喺呢方面改善下。餐厅做紧follow IG有嘢饮。 
总言之，杉玉嘅刺身同寿司真系好高质素，天妇罗都几好食，虽然炸物有啲油，但系整体嚟讲都系一间好值得一试嘅日本餐厅。钟意食日本菜嘅朋友，真系要去试下。
…查看更多