影片
以上资料只供参考，请与餐厅确认详情
有关奖赏计划
优惠
招牌菜
上环苏杭街尾呢间迷你两层小店，就咁经过都好容易见唔到门口😂不过帮衬过之后，我的确俾佢嘅美食同美酒吸引住！🤩🤩 我钟意饮酒，最近参加咗佢一个玩嘢清酒pairing😆👍🏼👍🏼 钟意食嘢嘅人自然明，去到某一个位，追求嘅就唔系几好食呀几好饮~而系要有水平又要有新鲜感😆😆🫰🏽食饭吹开水，知道呢度系几位志同道合嘅专业人士一齐经营，店仔细细位唔多，但系佢哋餐单一啲都唔简单🤤 佢哋为咗清酒pairing设计咗一系列新菜，头盘日式蕃茄清汤兵库县生蚝配寒天，生蚝肥美新鲜配冻番茄清汤加强鲜味，寒天清爽~ 呢个配搭作为头盘我都系第一次试😂 有新意，配埋清酒的确系爽嘅~呢个自家制辣椒炒八爪鱼我都好喜欢而家食嘢有时都钟意少少辣，开胃啲~ 个八爪鱼新鲜易食，厨师嘅调味真系一绝，处理干净俐落唔会"立次次"👍🏼呢个三黄鸡髀真系绝对绝对绝对冇得输我系好钟意食香口嘢🙈净系睇佢个香脆外皮，就知咩料😆选用鸡好香,外脆内juicy，配埋个鸡饭其实多一倍我都食得落~ 海胆意粉配咸蛋黄，呢个街外都有食过，店家嘅意粉软硬度适中，加咗海胆同咸蛋黄有鲜有咸，饱满creamy，但系煮得克制唔会用好多sauce俾味，所以唔腻又食到食物原味👍🏼👍🏼纳豆芝士味噌挞系呢间店嘅signature之一，新鲜感惊喜度我畀100分我谂得喺呢度我先食到纳豆挞😂 佩服厨师艺高人胆大，哈哈哈~ 食到纳豆但系唔系净系纳豆味，系淡淡嘅纳豆味配咗芝士味同味噌味，成件事出奇地夹👍🏼👍🏼👍🏼 当然食饱咗之后一个人食半个挞都够晒~我啲朋友有啲开初唔敢试，俾我威迫下试咗都觉得正😂🫰🏽 食嘢有时需要冒险，当然都会有失败嘅时候嘅，不过唔试过又唔知可以咁正！𠮶晚系清酒配酒，楼上十几人混合坐，新知旧友一齐成晚柴娃娃，第一次识都好易吹水，我好享受呢种欢乐气氛~ 而且性价比非常高🤩🤩我都冇摆晒啲食物相，𠮶晚连埋配酒(基本上系饮到你唔饮为止），每人都只系六百几蚊包埋加一😆❤️ 成件事店家摆咗好多心机，遇到识饮识食嘅food buddies，就成就到成件事我好间唔中先至会记得写食评，戚起条筋写系因为啱啱自己去食咗个lunch，二百几蚊高质，饮埋杯白酒，店家自己淆制嘅香浓虾汤，两个特色小前菜，同埋令我娃娃声惊喜嘅自家煮奶鱼汤配鲜带子沾面🤩🤩 仲有个香滑抹茶芝士蛋糕~ 加埋杯磨豆黑啡，都唔记得影~ 喺中上环区呢个价钱，食到呢个劲lunch set，系有心做，真系好难得~ 吹水时我有问过其中嘅老板，佢哋好似冇将自己花心机时间研发菜单配酒同试菜呢啲隐形成本计落去，我心里面𠮶句系虽然有热情，但系香港地都要围皮做生意，佢哋舖头位置又唔系喺开扬大街，要吸客都要加倍努力。老板嘅答案令人好滚动，佢话因为平时大家畀一个价钱出去食omakase，冇理由系𠮶个质素，所以佢哋想做到有水平嘅畀大家。呢间舖头无论系环境食物服务，我觉得都系有要求型格嘅，当然小店经营好难要求人哋做到具规模酒店式水平，出菜都系要啲时间准备，有个性对我嚟讲系优点， 嚟得小店就系轻轻松松，保持开放去试新嘢，啱倾嘅吹两句发掘多D😁 老板们对饮食都好专业，对于我呢啲周围食嘢嘅人嚟讲觉得好难得
继续阅读
话说在餐厅周推介下找到这家小馆，西日fusion听起来好像不错，便决定去呢度同老公庆生。地方浅窄但总算舒服，只可惜食物跟服务都欠佳：上小食时，男老板上菜时本想提我哋小心蟹球烫口，但说得略细声我哋听唔清，我哋以为佢介绍紧份食物，于是问佢「呢个咩嚟话？」佢就开始燥燥地咁大声讲多两次，我哋终于听到，但唔明点解佢咁燥，气氛都搞到少少僵；唔紧要，之后上海鲜饭，食落发觉饭系生生哋、虾又灰灰哋色未熟，我哋即刻唔食，然后男老板过嚟时同佢讲返，不过男老板话呢个dish佢哋系「要煮到半生熟」，之前无讲俾我哋听系「沟通上有问题」…WTH?! 我有个小朋友喺度，你都唔识问吓或谂吓系咪要煮全熟？同埋讲真，你呢个煮法都好特别，特别唔安全同难食㖞，净系个饭都仲生生哋硬硬哋煮唔熟果只，都死啦！系纯粹傻猪出现沟通问题，定系煮唔好仲死撑，自己谂啦！去到呢个moment，毫无悬念我真系拣错呢间餐厅😔老公，对唔住🙇🏻♀️大家去唔去帮衬就自己衡量吓！
继续阅读
喺Restaurant Week Winners Edition偶然发现了一间日本X西班牙菜的清酒吧。它的tapas 及主菜加入了日本元素，仲有多款清酒和葡萄酒选择。Dinner tasting menu HK$298，包括两道前菜、一道主菜和甜品——都几抵！前菜要了 𝙋𝙖𝙙𝙧𝙤𝙣 𝙋𝙚𝙥𝙥𝙚𝙧𝙨 (青椒仔)、𝙋𝙖𝙣 𝙘𝙤𝙣 𝙏𝙤𝙢𝙖𝙩𝙚 (蕃茄多士)、𝙈𝙚𝙣𝙩𝙖𝙞𝙠𝙤 𝘾𝙧𝙤𝙦𝙪𝙚𝙩𝙩𝙚 (明太子炸丸子) 👍🏻👍🏻和 𝙆𝙖𝙧𝙖-𝙖𝙜𝙚👍🏻 (唐扬炸鸡)。最钟意脆卜卜的明太子炸丸子和外脆内滑的唐扬炸鸡！主菜方面，我们选择了 𝙋𝙤𝙧𝙠 𝘾𝙤𝙡𝙡𝙖𝙧 (猪颈肉)和 𝙎𝙚𝙖𝙛𝙤𝙤𝙙 𝙋𝙖𝙚𝙡𝙡𝙖 (西班牙海鲜饭)(+HK$20)👍🏻👍🏻。猪颈肉肥美，有少少咬口。西班牙海鲜饭d海鲜份量都够两个人，个底仲有少少饭焦添。食物质素绝对得住呢个价钱。但佢最 — 最 — 最正的一定是 3 x 60mL 𝙎𝙖𝙠𝙚 𝙏𝙖𝙨𝙩𝙞𝙣𝙜 𝙎𝙚𝙩 (+HK$120)。前两款的吟酿清酒（李白峨嵋山及龟泉)分别用咗花酵母及CEL24 酵母，真系香气四溢❤️ ！最正系佢地星期一免开瓶费，星期四清酒半价🤯。Mokuzai 真系啱晒酒鬼们🍶🍷！
继续阅读
No Air Con, seat condition is bad.Service is very bad, the male waitress has bad manner, scolding at me and makes me feel offended.Food is semi raw, they said it’s the style, i had never see a Spanish Paella with seafood and rice semi raw.In contrasts, some food is burnt like charcoal.I am going home with a ruined night.
继续阅读
偶然下发现呢间小店，于是openrice 订枱试下。店员WhatsApp confirm booking之余仲send埋menu比你预览。我怕嘈于是特别安排corner table，好细心的follow up，未食已加分!食物方便有惊喜。首先我最爱的appetizers 竟然有十几款选择同埋好特别。其实每样都好食，尤其是酒盗变奏，喊喊地佐酒小食最啱! 蒜油虾劲好食! 饺子本身唔系我favorite 但佢哋的鸡皮饺子好特别值得一试! 至于西班牙青椒，以前呢样食物就好特别，宜家成街都有但好明显唔地道，佢哋呢度就做得唔错!至于服务，一流! 我地开左两枝酒唔觉唔觉竟然食到12点。你舒舒服服系二楼食，完全唔知道原来客人走哂! 星期五都完全冇限时 (最憎限时)! 完全冇赶客，我地有点唔好意思，但佢哋满脸笑容还说，唔紧要我地系楼下饮野喳嘛!呀，还有，途中我地食完碟蒜油虾冇留意收左只碟，佢哋竟然再整过蒜片橄榄油再另加一碟番茄酱(好清新!) 等我地可以食埋啲多士，超级窝心!小店加油，下次再带朋友来试main course!
继续阅读