木槿韓國料理 (已結業)

土瓜灣有3間所謂韓國菜，其余两間偏貴，這間價錢算是經濟，所以去了試了。但味道真係差😞非常失望。首先，前菜係冇味嘅，一般韓店是用菠菜，佢好奇怪用西洋菜，又冇味。泡菜味道也是古怪。例湯像水一樣清，配一薄片籮白，而且重味精😪前菜+湯算是送的，都算了。談談主菜：石頭飯也是没味的，飯好濕。炒粉絲算是唯一味道可接受的，但都好油。播着嘈吵的Rap歌，又大聲，完全影响食慾。用韓式碗筷，但食物一點也沒有‘韓’味，完全A貨感覺，不會再去的

#支持良心餐廳豆腐雞肉粉絲湯 配白飯$42呢間店簡直係深黃！店入面貼晒文宣仲有個menu啲野食都好抵食仲有幾多選擺下不過略嫌就雞肉份量比較少🤧 但係呢個價錢黎講都真係算好抵食㗎啦😋會再黎支持！仲有土瓜灣嘅黃店真係唔多 大家經過真係要支持下！

剛從美食節返到土瓜灣，想吃韓國菜，在食評發現這間餐廳，好壞參半，本無期望卻有驚喜。宵夜時段點了一客燒豬肉石頭鍋飯，一客泡菜粉絲豬肉湯飯。味道不錯，材料充足，上菜及時。點餐後，很快上了兩款前菜，一客蘿蔔湯。前菜跟一般韓餐相似，分別韭菜泡菜及冷青菜，味道不過不失。蘿蔔湯温度適中，較易入口。燒豬肉石頭鍋飯會附上兩支醬汁，貌似甜辣醬及辣油，本人只嘗了甜辣醬，配上石頭鍋飯，十分可口。泡菜粉絲鍋口味不錯，適合港人口味。下次會再光顧。惟一不足是，沒有想吃的紫菜包飯。

朋友話想食韓國嘢，係佢帶路之下就嚟咗呢間小店😛午餐時分，細細間既店舖爆滿，得一個店員做到踢曬腳服務唔會話特別好架啦🤪店內大多數都係年輕既面孔，再望下餐牌原來大部份食物，無論飯定麵都係五十蚊樓下，難怪成為左學生哥同學生妹既飯堂🤗▪️石鍋什菜牛肉拌飯 💲42前菜有泡菜同蘿蔔湯，拌飯就有芽菜、青瓜絲、蘿蔔絲、生蛋黃、份量少得黎帶乾柴同嚡口既牛肉，啲牛既質素唔太係我杯茶，另外呢兜無連同泡菜或者辣醬係入面，鍾意既話要自行再加，不過唔太食到辣既我加麻油仲正😏整體除左牛其他屬於正常，亦做到飯焦算係咁😂🔎 整體評分（6.5/10）

一直有光顧這家韓國食店，價錢唔貴，質素可以，土豆餅最好食。以前一直是肥仔店員/店主負責樓面，隔了一段時間再去，變成兩位女侍應，其中一位穿熱褲的女侍應更令我留下深刻印象，今後亦會因這這女侍應未必會再來這間店。在落單，上菜，吃飯的過程中，這位熱褲女侍應三番四次對我男伴身體距離太過貼近，甚至取桌上餐牌時，差不多要把胸部貼到我男伴的臉上，而身為女子的我，只能從這位女侍應的背感受服務，同場另一正常女侍應則會保持正常距離，對比下更覺明顯。事後訪問男伴感受說非常尷尬。這是我吃過這麽多次餐廳最奇葩的經驗，謝謝。

第一次寫食評，真是要為尼間野獻出我嘅第一次 ，話說今日中午我同2個朋友去尼間韓式餐廳食午餐， 環境同一般舊式快餐店冇乜分別， 食左2份韓式炒粉絲同1份豬肉拉麵，拉麵係比較幼身嘅平價韓國公仔麵質地，豬肉3塊，標價48蚊，到埋單找錢嘅時候就話啱啱加咗兩蚊齊頭收我50仲要冇嘢飲， 味道方面就公仔麵加打邊爐用既豬肉片3塊，結論係人人可以做大廚，而炒粉絲嘅份量只係畀粥舖既炒麵大少少，而且都係冇嘢飲， 42蚊只有菜同粉絲，味道方面得2個字……好油， 總結係絕對無下次

行到土瓜灣北帝街， 想搵間韓國餐廳試下， 見到呢間門面唔錯，走入去試下。叫咗一份牛肋骨同埋一個石頭鍋飯， 雖然份牛肋骨味道濃啲，但係都好好味。個石頭飯就認真抵食，加埋啲韓式辣醬， 熱辣辣咁，非常惹味。加上價錢唔貴經濟實惠， 侍應服務態度殷勤，下次一定再幫襯。

餐廳12時開始營業， 12:10鋪外仍然是半拉閘狀態，進到裏面問是否今天照常營業，得來後生女服務生一個非常之不情願的眼神及冷冷的態度說：「坐吧」。點餐時服務生仍然一臉不屑，反而我唔該前唔該後。送上食物沒有任何交流，重力放下然後掉頭就走。漏了單，只是很串的說「整緊」，也不道歉。點了雜菜石頭飯，土豆餅，炒粉絲及炒年糕。食物普遍油膩，而且太甜，明明是四款食品，味道卻差不多，詭異。同區內已經越來越多韓式餐廳，此店若想繼續生存，需要在食品上，尤其在服務態度上多多改善。

區外人成日話北帝街好多嘢食，論數量的確幾多，但如果考慮埋質素，其實沒有太多選擇。呢間「所謂」韓國餐廳就係一個「好」例子。價錢確實幾平（所以幾受學生歡迎），但論食物論服務就........如一般韓餐廳，湯品是有很多選擇，但無論你選牛肋骨，海鮮，定係其他，湯都是一律一個疑似味精味的湯，食物都沒有韓國料理的味道。有一次叫套餐，附上的例湯，也是一樣味的，還是凍的，我問侍應「你們的湯是凍的嗎？」侍應完全沒理我，只緩步行返廚房大叫，「今晚唔好出湯喇」，索性連例湯都唔給，態度差劣，開個火煮熱啲湯都懶。難道價錢稍平就等於將貨就價？

飢寒交迫, 決定食韓國野諗住辣辣地暖下身, 呢間野比起其他食肆多人, 可能因為價錢唔貴。我地叫左個鐵板烤肉飯+ 蔥餅。鐵板烤肉飯: 我地揀左辣豬肉, 仲以為係自己烤, 原來= 鐵板炒豬肉, 用鐵板上可以保溫, 熱辣辣岩哂冬天。辣豬肉其實是BB辣, 中意食辣GE人會失望, 但就岩我BOR, 甜甜辣辣的, 好食!蔥餅: 好似細GE PIZZA咁, 都是用鐵板上, 但都幾快凍。入面有蔥同羅白, 蔥味唔濃, 餅好似係用蕃薯粉整? 帶少少煙UN的口感。味道幾清淡, 可以點醬汁食, 隻醬有D 似點心用果D O急汁, 幾醒胃。

今日屋企人話同我補食生日飯，係土瓜灣區行左成條街就決定食呢間估唔到呢間餐廳都幾好食我地3個人叫左個2人餐，首先有石板燒雞肉，個雞肉都幾滑，岩我媽咪佢既牙唔好，都唔會難啃海鮮豆腐湯入面有蟹柳魚肉青口，個湯都幾甜泡菜餅甜甜地幾好食，帶有小小辣，好香口石鍋牛肉拌飯就係自己撈醬，想要幾辣自己調配我地另外叫左個燒青花魚，呢條魚係無骨既，配埋個甜鼓油幾好味呀去到8點幾見到呢間餐廳已經坐滿人，總結我覺得呢間餐廳都唔錯呀可以試下

假日來到土瓜灣，土瓜灣譚公道附近食肆臨立，絕對是為食一族的好去處。這一次，我們挑了木槿韓國菜。這家店子的門面很有趣，門口是一大道磨沙自動門，自動門的兩旁貼上大型招紙菜單，在街上走著的行人不能看見店子內，很有神秘感。店面座位數目尚算足夠，我點了韓式鐵板套餐。店員先上韓國小食，有泡菜，芽菜等。小食味道不錯，只是份量略嫌太少。上菜了，熱騰騰的鐵板上放上了燒牛肉，香噴噴的。可是肉質一般，過份柔軟，缺乏牛肉的應有質感，味道也太甜。店子標榜自己簾價質優。的確價錢非常相宜，只是味道還有不少進步空間。

首先，一進去，空間很小，人很多，餐桌之間只有窄窄的一條通道，環境不好。這不是問題。第二，點了三項:海帶湯，炒粉絲，土豆餅，全部重味精，勁鹹，吃了一半不夠就吃不下了。這也不是問題。最重點，伙計因所謂土豆餅不夠空間放，要搭台的人轉到另一張台，卻極不小心地摔下泡菜，弄髒了我白色的波鞋。紅色的泡菜汁濺在我白色的波鞋。我吃一頓百多塊的飯，賠了上千塊的波鞋。我很生氣，但我有教養。在這裡評論除了小部分的洩憤，更多的是想提醒各位食客和店舖本身，這絕非偶然。我記得上次用餐不是這樣的，至少，我對這家觀感不錯才會再光顧。豈料今次不但大失所望，且留下極不愉快的回憶。總結問題，是店舖空間不足，客流管理不善，伙計過度忙碌導致的。我知道我的波鞋十有八九救不回來，但至少提醒各位，提醒店舖，別重蹈覆轍。唉！我的波鞋！！！

今日下晝經過北帝街，正喺度諗緊食咩好嘅時候，見到呢間門面幾韓國 feel 嘅餐廳，就入去試吓!坐低見到個午餐餐牌，發現午餐選擇有10幾款，價錢大部份都係38蚊左右，有石鍋拌飯、韓式炒粉絲、炒年糕、炸醬麵、辣豆腐湯等等俾你選擇，由於太多選擇，最後就叫咗石鍋拌飯。等咗一陣，前菜-泡菜同白蘿蔔湯先上，泡菜唔會有一陣發酵嘅酸味，少少辣，幾啱我；蘿蔔湯好清甜，飲完唔會口渴，好味；之後主角石鍋拌飯上場，一上枱就聽到熱辣嘅滋滋聲，有菠菜、大豆芽、青瓜絲、紅蘿蔔絲做配菜，加埋牛肉同埋放喺中間嘅生蛋，賣相十分吸引，再配埋佢哋嘅甜辣醬，撈埋一齊食，十分滿足，甜辣細帶少少辣，幾開胃。順帶一題，呢間舖頭嘅凍韓國咖啡都有水準㗎 (套餐加8蚊)，咖啡又濃又滑，味道唔會過甜，沖調得啱啱好，好味過茶餐廳嘅咖啡多多聲。由於係小店關係，人手唔多，未必可以及時處理客人嘅要求，基本上店員都係好有禮貌嘅!!