木椰餐廳

員工培訓需要改進本人在餐廳用膳剛放下食物講電話，食完就過嚟要收碗，當時佢沒有詢問是否用膳完畢，一行過嚟就伸手要收碟，我就馬上喝止他問他為什麼沒有詢問我的情況下去收碟？員工到很不禮貌地回答：你仲未食完咩？我覺得真好笑，超級無禮貌，公司培訓不足，我當時坐近水吧的位置，水吧內的員工大聲粗口問候樓面員工，我坐咗位置完全聽到晒，雖然木椰餐廳不是什麼高級餐廳，但都不至於有咁嘅環境比到顧客！另外餐牌內容都應該要轉下，2年都無變過！…查看更多

老公出去買外賣，提議食木椰餐廳，話因為餐廳無乜人可以唔駛等咁耐，我仲講笑咁講話無人食係咪因為難食？最後都幫襯左。明明係叫照燒汁雞扒拼鰻魚飯，拎到返屋企打開個飯盒，照燒汁變咗我討厭的黑椒汁，唯有淨係食餸同飯，點知白飯仲要硬到鐵釘咁，無汁根本吞唔落肚，結果淨係食鰻魚同雞扒，個餐成$72，食完半飽都無，真係劣劣劣😡最後食埋阿女食剩的卡邦尼野菌仿蟹柳意粉，雖然不論外表和味道都唔卡邦尼，但係起碼叫做味道正常。…查看更多

第一次去依間食嘢，叫左下午茶，雙拼三文治（蛋+蛋）照計應該多蛋。但係又唔係，同單拼冇分別。叫左焗芝士火腿雞扒飯，飯梗，雞扒有腥味。凍奶茶冇奶茶味，已經唔掂！嘢食真係麻麻地！講真唔會再幫襯。廣場唔大，冇嘢好行！仲要特登揸車去食嘢，以為唔差啦！真係失望😞。…查看更多

港式餐廳，午市頗多客人，而街坊客為主。QR code自助落單星期一枝竹牛腩牛筋飯$58連餐湯飲品餐湯可以揀中湯同西湯，我揀咗中湯，木瓜雪耳湯，湯內邊有大大件雪耳同一小舊豬肉，搵唔到木瓜，亦都飲唔出木瓜味😅，味道偏淡。餐茶叫左熱奶茶多奶，不過飲落唔算滑，茶味OK。枝竹牛腩牛筋飯，冇諗過係勁多枝竹，牛腩牛筋偏小，只係得三小粒牛腩，2小件牛筋，炆得好腍，醬汁味道適中，係好食，但肉的份量真的太少了。是日午餐消費$58…查看更多

今次再次幫襯卓爾居嘅分店，今次食早餐，佢只不過都係一份普通嘅早餐，但係屯門區太多劣食，呢一間相對嚟講比較正常，早餐佢有埋麵包跟，+$5嗰兩個包唔建議大家加，因為個多士好食好多，另外嗰餐係普通正常嘢，冇乜嘢值得一提，若果大家飲奶類製品會屙既話，大家就唔好叫，因為佢嘅奶茶同朱古力，我都會乳糖敏感。我已經親身幫大家試咗。…查看更多

下午茶食左個豬扒炒烏冬 塊豬扒生嘅叫佢換佢碟新嘅 等左十五分鐘都未嚟 再催先肯話等多三分鐘炒過碟比我 真係black list呢間野未見過豬扒都可以整唔熟 以後都唔會再去。…查看更多

New restaurant opened in Chelsea mall, ordered my favorite dishes againRoasted pork chop rice in cheese is niceee, eating too many evil foods lately sad, my throat getting a bit dry…and almond drink is not as good as the one in milk cafe sadly and the taste is pretty strange here… outsides:insides:menu:the service is pretty good here though:)…查看更多

近排幫親咗卓爾廣場木椰幾次,食物美味，價錢合理,落單app寫得好,服務員有禮和效率，桌上食具清潔整齊，真是讚管理和服務員。 但風光背後另我失望是當客人臨cut單前10分落單,廚房傳來不滿，說話大聲到客人耳邊,食物雖未全上,我已想埋單。我都是打工，我都會埋怨當準備轉檔時有客人要服務是有點抱怨,但我一定唔會比老闆和客人聽到,因為是白紙黑字寫明，客人沒錯,app 還可落單,希望不滿的說話可代客人比咗錢走人後才鬧。…查看更多

今日經過發現有一間新開張餐廳，咁啱有小小肚餓於是就去食個下午茶。價錢唔太貴，亦都好多款式選擇。叫咗兩個下午茶餐分別係蕃茄湯午餐肉通粉配奶油脆豬同埋三絲乾炒意粉。本身以為奶油脆豬只係得半個，因為好多餐廳都只係會比半個脆豬，點知原來係有成個奶油脆豬！煉奶份量適中，亦都成個脆豬都有搽上牛油，味道啱啱好！而且佢選用既麵包唔係平時見到嗰種帶啡色脆皮包，而係選用白雪雪嘅麵包，口感偏軟熟。蕃茄湯午餐肉通粉，蕃茄湯都非常濃郁，好好味！三絲乾炒意粉唔太油，炒得好乾身好食！…查看更多

豬扒包份量十足，洋蔥汁好味！薯條炸得不錯，香脆金黃熱辣辣！味道超出預期。環境舒適，收銀收完錢會講多謝！依家真係好少有。😂性價比高的茶餐廳，下次再嚟試吓早餐先。…查看更多

琴日去卓爾廣場，見香港達人執咗新開呢間餐廳望落好似唔錯，類似百分百集團就去試吓睇完餐牌侍應阿姐問係咪叫嘢食？諗住開口落單，阿姐叫我哋自己掃code😒咁你一開始叫話掃code咪得囉！落完單兩杯嘢飲好快嚟，杯「熱」朱古力微暖，底有啲朱古力，但係攪完杯嘢飲落去係極甜怪味奶水，之後換過杯侍應話係即沖嘅小心熱，但杯嘢極其量叫暖嘅朱古力，味都係一樣咁難飲。XO醬豬扒炒烏冬份量少到得半碟、成碟嘢油浸咁，油到完全唔想擺入口，停油等到屋企人食完再換落佢個碟度先勉強食到食完好似無食過嘢咁應該好快會步香港達人後塵。。。…查看更多