影片
影片
相片
慢煮叉烧拉面（加叉烧）
慢煮叉烧拉面+叉烧
小店日式拉面 可回头
+136
+8
食家推介
系「功夫」买完珍奶，差唔多12:00，「木屋」都就快开门。慢煮叉烧拉面（$45）加叉烧（+$10）同样都系一人店舖，但同样快手快脚，大约五分钟就有得食。先试一啖汤底，酱油汤加少少鲜味，味道不错（饮咗接近成碗，之后都无劲口渴情形）；叉烧有六片（加咗叉烧），每片嘅size都几大，系咪慢煮我就唔知，但食落好软嫩，而且因为都有啲厚度，所以口感十足，好味道；糖心蛋有半只，蛋白软滑，蛋黄流心；荀大约有六条，煮得爽口，最重要无怪味；最后拉面，是偏幼身嘅白直面条，煮嘅时间控制很好，面条唔会太淋，有咬口，没有碱水味（但个人都系喜爱粗身黄曲面）。结论：呢碗拉面CP值爆灯。$55有如此质素，坊间同样份量及质素应该好难揾到。但可能因为地点问题，佢先可以做到呢个价位，如果地点方便啲，租就会贵啲，成本高咗要卖贵啲，咁就另外讲法了。
继续阅读
虽然舖头得两个人，不过水准一啲都唔差，叉烧唔错，都算腍，拉面弹牙，酱油汤底香得黎，唔会好咸 。虽然舖头得几款食物，更加证明食物质素高。可惜舖头唔算近地铁站，所以唔算好方便，平时都冇咩机会去附近。
继续阅读
小店面积好细，只有几个座位，所以好多时都要等位，个日我都等左成半个钟先有位。而且依间系一人小店，由店长一个人收银，煮嘢同收拾餐具。慢煮叉烧拉面$45拉面价钱好实惠，面条质感有咬口，自家制既慢煮叉烧有四块，质感好腍又好食。拉面配有半只溏心蛋，味道都好好食！拉面汤底唔会太咸，味道啱啱好，性价比好高！玉子烧味道同卖相都几好，但唔系自家制，系入货既。不过，小店既位置实在太偏僻太隐世，如非必要都唔需要特登入去试🫣
继续阅读
同其他人既食评一样，地点偏远，不是街坊就行咗好多冤枉路。有需要到青衣一转，又唔想食连锁店，上网揾「青衣食乜好」，即刻弹出木屋小食店、隠世拉面、支持小店、老板用心经营… 字眼，再快睇人地试食片。写住中午12点开始营业，即刻揾地图，行22分钟到。就经过青衣公园，上行人天桥，经过村屋（唔记得叫咩村），过马路再上约30级楼梯，距离目标好近都又唔觉个市集建筑物，于是又兜个大圈，始终地图显示附近，不断咁行核心既外围….见开始唔对路，流晒汗，中学生们放饭，即刻问途人，路在口边，婶婶话坐电梯地地下向前行就系市集（：救咗我，咁行法，真系热到冇胃口）到店外已见3位朋友等候中，女店长好熟练咁问我食乜，（费事嘥人时间唔准谂）即话义烧拉面加蛋，再答系度食，盛为$50 （超抵）！坐系近门口位好快已经满坐了，5分钟已有面食，即饮啖汤（正！） 好快手咁食啖面、咬啖义烧（簿切、腍，好味）、再食啖溏心蛋（跟面已有半只，我冇睇相，但都食得落），蛋就系凉，个蛋好流（正👍🏻）一边食一边听到后面落单既人，佢地应该食开，加面，加义烧….最后用10分钟食晒（汤都饮晒！）下次我一定要再去（应该记得条路点行），再加个牛肉饭，或者两碗拉面🍜总之一个字 - 劲好味（唔口渴）
继续阅读
街市嘅隐世拉面终于过嚟试一试青衣呢间出名嘅拉面，喺街市内亦好好生意，12点去到已经排紧队，前面有七八个人，等咗差唔多15分钟终于轮到我。鸭胸拉面（$45）$45就可以得到呢碗大大碗嘅拉面呀🥰鸭胸份量比得大方，面头有葱花点缀，令成个面睇落卖相吸引。而配料有埋竹笋同埋糖心蛋，糖心蛋整得好靓，汤底系属于清新嘅汤底，唔会好似出面嘅拉面舖咁油，所以一啖汤一啖面咁样食落去都唔会觉得好邪恶😋拉面嘅质地系直身嘅拉面,个人比较钟意曲身嘅拉面，如果可以有得拣拉面嘅款就更加好啦❤️
继续阅读