朝火鍋

营业中

休息中

明明個任飲任食列明係手切鮮牛肉，再睇openrice 食評嘅相，同我食嘅就有好大分別，完全唔係手切鮮牛肉，而其他食物就數蒸海鮮 ＆ 雞煲最正常，個花膠雞湯都幾好味，飲品同雪糕都多選擇。

母親節，比左8人open rice 要人俾晒全數先可以訂位，比左2仟幾蚊，坐低咗等咗20分鐘先有人幫我嘟個QR code確認，跟住又走咗去，冇人落單，3小時內只上了3份雞煲，追到扯火，慢到無法想象，追火計只係話唔好意思，淨係話廚房唔得閒，火煱湯底追到埋單都未出現，牛肉一碟都冇見過，埋單要求免+1，完全冇服務，附近幾張枱嘅人都喺度等！經理最後先出現，佢仲問我地飽唔飽😡我都嬲到飽啦。最後仲要俾+1服務費😡蒸海鮮又唔掂，蠔又臭。真心明白香港人點解北上食嘢，香港食飯得個嬲字，又貴又冇服務，連自助醬區都冇辣椒，叫佢攞辣椒叫咗40分鐘。

相隔n咁多年再次係黃大仙食到冇限時任飲任食火鍋算係一個唔錯嘅體驗👍🏼佢哩個火鍋前後分開左5食，分別係小食，跟住係雞煲，然後係海鮮，之後係花膠雞湯，最後係火鍋。講真佢個小食同火鍋就好一般，不過個雞煲同蒸海鮮同花膠雞湯確實係唔錯👍🏼順帶一提佢個雞煲之後有興趣再食係可以番轉頭再叫的😂店員服務態度都好好，食到最後一枱佢收緊工都冇問題😂👍🏼坦白講用openrice卷連加一250蚊左右一個人你仲想點，近近地可以行去食慳返泊車同停車場錢算係咁啦😋👍🏼

雞煲火鍋竟然係無限時，任飲任食。雞煲的材料有走地雞，紅棗，薑絲，雲耳，即席炆煮，重覆4次，每次1分30秒左右，雲石煲又幾好，唔黏底，主要煎香雞皮，薑絲鋪墊下，加入黃酒，真係勁香。雞件很嫩滑，黃酒又好補身，天氣涼涼地甘食真係好暖身。食完一次，再食下轉既話，想食少辣都可以。海鮮大拼盤有鮑魚，海蝦，生蠔，扇貝，大蜆，海斑，萵筍，讚岐烏冬和粟米。用大荷葉鋪墊，再加上粉絲，粉絲吸收海鮮的鮮味，仲有蒜蓉，好香。朝飲花膠雞湯食完雞煲，蒸海鮮，再飲返啖湯，真係夠曬養生。半隻走地雞，好多花膠一齊熬湯，飲完個嘴都有黏黏的質感，膠原滿滿，仲有蟲草花，很養顏。呢個湯仲可以用黎打邊爐， 社交平台打卡盡享任食鮮牛肉及黑豚肉，牛同豚肉都唔錯，色澤嫩紅，仲有多款火鍋配料，呢餐真係勁抵食。

🫧今日放工同男朋友去黃大仙屋邨區小店食嘢，質素幾唔錯，仲無限時任飲任食雞煲火鍋，一定夠飽，性價比極高🥳✨朝食·一任食多款小食，選擇多樣，有蝦🦐、雲耳，泡菜，炸魚皮等😋✨朝食·二御前黃酒煮雞煲，味道濃郁，雞肉嫩滑🐓，配合黃酒嘅香氣，一食就令人陶醉，真係非常滿足。🥰✨朝食·三6款時令海鮮大拼盤，我哋食咗蝦🦐、扇貝、鮑魚、魚🐟、蠔，蜆🦪。全部都鮮甜多汁，正😋🤤✨朝食·四朝飲花膠雞湯，湯底清甜，花膠嘅口感軟滑，加上雞肉嘅鮮味，飲落去好暖心，真係唔可以錯過🐓🥣✨朝食·五打卡賞任食鮮牛肉同黑豚豬，肉質鮮嫩，特別系牛肉，真係好正！🐖🥩