朗益燒味工房

营业中

休息中

［📍元朗｜朗益燒味工房］呢間燒味舖唔止一間分店 荃灣元朗都有佢地既分店呢間舖頭因平價燒味飯而聞名 二十五蚊就有單拼/雙拼燒味飯今次試左佢地既瘦叉燒飯瘦叉燒味道不錯 雖然瘦 但唔會太乾 太柴 太韌另外燒味飯既飯粒 粒粒分明 飯粒唔會太爛平價燒味飯黎講 質素非常好

$18燒味仲要雙拼 真系窮人恩物經常都撞到有雞髀 鴨髀 燒肉都唔錯 皮脆叉燒都Ok 嘅邊個話$18實好難食值得一試 認真 真系唔錯 元朗區情願買佢都唔食新舊忠輝得個咸字😂😂😂😂😂

18蚊一盒飯冇得挑剔。😋米飯🍚分量充足，一定夠曬飽。燒肉🐷皮脆，係有啲肥。🐔肉偏瘦。朗益燒味工房最平最簡單嘅午餐之選。                                                                                          餐廳:朗益燒味工房 地址:元朗合財街11-23號鉅發大廈地下1號舖

元朗食市林立，競爭激烈，燒味亦不例外，最近又展開攻防戰，大減價益街坊，沒有最平只有更平，係減價戰嘅情況下，質素又能保證嗎？當然，最大得益者就係我哋呢啲星斗市民。今次我就試吓這間朗益燒味飯，睇下佢會唔會因為價錢而降低質素先。雙拼單拼都係15蚊一盒15蚊一盒，真係無花無假，人流多，輕微出現人龍，果然好多同道中人，質素應該不差，等我又買盒試下先。外賣返歸囉。飯餸份量適中，15蚊唔好諗住大大盒，不過對於一個普通人已經夠食，除非你係百幾磅大肥佬，或者大謂口之人。叉燒燒鴨飯，叉燒肥瘦適中，咬落去有口感，燒鴨就差少少，比較乾身，飯低可以，不是平價米，整體來講以15蚊一盒燒味飯已經物有所值。

元朗市中心仍保留墟市面貌，多矮屋，比沙田，屯門，大埔有風味。食物小店甚多，是「掃街」好去處。見到出爐燒鵝，熱騰騰，有蒸氣冒出。售價300元一隻。應屬低價，故「趁低吸納」。很大隻，要兩盒才盛好，價格是燒鴨的1·5倍。在燒味茶餐廳，雙鵝髀飯要接近200元。300元大大滿足了。鵝肉稍淡，勝在新鮮。最滋味是脆皮。出爐即吃，是一大享受。

今日行元朗、諗住求其買見有人排隊咪買$40蚊燒味，點知中伏.....係咪$40吾多就一定要食難食燒味？其實我只係想食「標準味」既燒味姐....你地甘樣每塊$40甘樣既質素買出去，人既舌頭係吃得出架，人地食完仲會反去買先傻，去得買架d應該好似我甘第一次去你地呢間買，甘既生意你地做吾耐架，回頭是岸吧，賣得$40/$50就俾反咩質素街坊吧還有，提提街坊去買呢間d燒味不如問下佢地$40同$50有咩分別，我覺得係「無分別」