影片
开饭介绍
地处沙田科学园的临海地段，以独特的欧陆佳肴呈献给喜爱美食的人。到朗厨坊除了享用美食，更欣赏蓝天碧海的美景，为进餐平添悠闲和写意。
继续阅读
附加资料
无肉餐单详情: 每天供应少量素食菜式
营业时间
星期一至日
11:00 - 22:00
以上资料只供参考，请与餐厅确认详情
食家推介
招牌菜
Rons kitchen 同时叫 I-cuisine(爱海轩）一啲都唔好食食物质数基本上就同超市买嘅冷藏食品加热一样完全无心思技巧可言肉酱意粉 衰过大家乐Pizza 硬过石头西多士 无味炸到胶袋咁总之 去的话自求多福基本上科学园佢唔算贵一分钱一分货 唔好食环境系好 踏开单车嘅系海旁几方便不过一定唔值得系开车揾佢食服务尚可以啦 坐出便基本上叫天不应埋单就好快食物经已唔好食仲要等劲耐半个钟问服务员被回答等下啦 劲串 中晒伏 失败
继续阅读
今日又尼科学园hea下，拣左衣间系海边既餐厅食lunch,平日午餐时段都几多人，不过唔洗等位。午餐选择几多，又有牛扒，猪扒，fish and chips,又有burger意粉汤面，岩晒同朋友尼大家拣自己想食既野我叫左北欧烤脆猪肉，其实系烧腩仔，好似食紧放大版烧肉咁，好得意，不过就怕肥猪肉既就咁好拣啦配菜有薯菜，意粉同饭拣，我拣左薯菜，中意佢真系比薯仔，唔系薯条，不过薯仔同菜份量唔多，想食饭d建议叫就饭或意粉，个肉配左白汁，唔惊太干
继续阅读
科学园沿海有多间餐厅，但我每次经过也发现这餐厅是较多食客的。餐厅室内部分有冷气，炎热天气时人较多，而室外部分算是卖点之一，食客可面对著无敌大海用餐而不需额外收费，感觉如置身外国般享受生活，单车客也可直接把单车泊左坐位旁。食物方面相当有水准，牛肋条罗宋汤乌冬，汤底非常足料，番茄味道浓，牛肋条也有数条，乌冬弹牙，整碗面食有95分，值得推介一下。而我也留意到附近的食客，通常也点了炸鸡髀薯条，卖相也不错的，鸡髀偏大只配粗薯条，我也想试试，但怕太热气，还是留给年轻人吧！
继续阅读
趁着假日去科学园享受下阳光同新鲜嘅空气, 由于前一晚临时决定, 见呢间餐厅可以OpenRice订座就一于试下。龙虾汁烩海鲜意粉($85): 整顿午餐最高水准嘅主菜, 绝对可以话香港平民餐厅嚟讲数一数二有水准嘅意粉。首先, 海鲜份量绝对唔孤寒, 有齐青口、虾、墨鱼仔、蚬肉、带子粒! 另外, 意粉烹调时间控制得好好, 做到al dente效果之余, 挂汁能力亦好高。汉堡包薯条($85): 虽然卖相唔系特别吸引, 即炸薯条热辣辣, 最啱小朋友, 汉堡扒亦juicy。朋友叫嘅其他主菜质素都好高, 绝对会再嚟科学园回味一下。
继续阅读
睇到个标题就知呢间餐厅系位于海边🌊，坐喺露天位就可以吐露港景色，有啲海风吹住，好写意咁。🌬室内嘅环境亦都好舒服，绝对唔会好逼，餐厅装修简洁，有落地玻璃，就算喺室内都可以睇到出面嘅景色。喺日头仲有啲阳光晒入嚟☀️，好舒服！😚餐厅环境就100分喇，食物嘅质素绝对唔差。由于每次都系食lunch...每次可以点嘅食物有限，所以我特意食多几次，试多啲唔同嘅菜色再打呢篇食评。🌟（评分：5⭐️为最高）龙虾汁烩海鲜意粉（评分：⭐️⭐️⭐️）意粉嚟讲，呢个就真系冇乜特别嘅。海鲜亦唔会有冰鲜味，青口亦冇沙。份量适中，唔会太少。炭烧肉眼扒配意粉(黑椒汁)（评分：⭐️⭐️⭐️⭐️）肉眼扒系成个lunch menu最贵嘅一款，承惠$138咁当然要试试啦。同普通扒房一样，肉眼扒可以拣几多成熟。我今次就拣左5成熟，肉眼肉质唔错，不过有啲筋位就比较韧，切唔开又咬唔烂。意粉不过不失，正常烚意粉。黑椒汁唔会太辣。👍🏽炭烧肉眼扒配薯条(黑椒汁)（评分：⭐️⭐️⭐️⭐️）肉眼扒同上面嘅描述一样，想讲讲佢个炸薯条。可能因为太多人叫薯条嘅关系，所以啲薯条食落都似系啱啱炸起，亦都无翻炸过。丹麦驰名烤鸡半只配忌廉焗薯（杂菌汁）（评分：⭐️⭐️⭐️⭐️）呢个烤鸡嘅卖相绝对要赞一赞！见到都觉得都流晒口水🤤非常吸引👍🏽可能有鸡髀位，所以食落唔会”干争争”，有啲部位仲好滑添。所以真系食得又睇得。仲要价钱比起牛扒同羊扒平好多。🤑总括而言，呢间餐厅嘅环境同埋食物质素都非常好。唯一缺点可能系有时午饭时间会比较多人，因为附近都系写字楼，会有好多人食饭。不过总括嚟讲，各方面都好好，所以我都好推荐呢餐厅👍🏽
继续阅读