影片
作为一个连续帮衬咗两年几嘅熟客，真系忍唔住第一次写篇食评讲吓。见证住佢由好味到难食，由排长龙到而家门口无乜几个。每个星期至少食一次，多数叫半肥瘦叉烧，但近一年嘅质素真系跌到谷底，今次就同大家分享下我的真实感受！ 食物质素：由惊喜到失望🧐头一年嘅有运确实唔错，叉烧半肥瘦比例啱啱好。但自从加价后，质素直线下滑，叉烧硬过石头，烧肉干过柴，所谓「半肥瘦」根本系全瘦，咬到牙都软！最离谱系，乳猪冇乳猪酱、烧肉冇芥末酱、鸡冇姜蓉、烧鸭冇梅酱，唔问就当你唔需要，连基本配套都悭皮，点食？ 服务态度：比钱买难受😤堂食同外卖都试过，但服务真系不敢恭维。负责收银嘅阿叔次次都「睇漏眼」，我明明畀足三蚊银，佢都可以话我冇畀，仲要当众质疑我呃佢！大佬，如果真系睇唔清，可以慢慢数，而唔系急住收钱再怪客人，仲要每个月都至少有一次！总结：唔值得特登去试😓曾经嘅好味烧味，而家只剩失望。如果你喺附近返工，建议试吓其他选择，隔离茶餐厅$35就有交易。拜拜
继续阅读
我觉得好好食，好软，一D都唔柴，至于卤水鸡翼就实在太咸，一D都唔好食，不过如果食烧味饭呢就起值的，因为会送饮品，其中会送1支水或者纸包饮品、包括：道地乌龙茶和道地绿茶等。不过油鸡可以一试，其实我今次只系第三次黎，它不差过太兴叉烧，不过有点稍肥，太兴和有运叉烧的分别就系有时太兴的叉烧会给的部位会起硬、食不到，而有运的叉烧就全部食到，正。不过下次再来可以试试其他烧味，因为这间有运我都系来过几次，例如：烧鸭和切鸡等。
继续阅读
食物差,侍应服务差，宁愿揾其他舖头食，d侍应呀伯d态度差到呢，我系黎食饭梗系揾间服务正常而唔系咁差，食物呢烧味又硬㖞，真心唔值得去e间食饭，强烈建议唔好试e间揾第2间试
继续阅读
寻日经过见到好多人排队.今日我就去排.条龙好长.我问前面嘅”街坊”点解会咁多人.佢话好味又抵食架. 双并饭只系$40,仲有得拣纸包饮品. 我叫左叉鸭饭. 原来排左成30 分钟.我食完觉得超好味.叉烧肥瘦平均,软淋淋. 劲多料. CP值超高. 难怪咁多人去.竟然我冇同事食过.
继续阅读
有日lunch突然间好想食烧味就揾到佢 铺面唔算大就决定买外卖番去食午饭时间12点几去到已经见到人龙超级长目测应该已经有20-30人(挣扎左一下但觉得多人等都应该系好野黎 就决定排队)最后都大概排左20分钟 但食完之后觉得系值得的因为双拼烧味饭只系$40 仲送一包纸包饮品今次叫左叉烧烧鸭饭叉烧肥瘦适中 唔会干到嚼唔到个种 而且烧得有焦香 好香口亦都好好彩 烧鸭佢俾左鸭脾我 同样唔干身$40呢个质素绝对值得排队等一等
继续阅读