有益甜品

营业中

休息中

正宗又傳統嘅中式糖水店越嚟越少，呢間比較傳統，無咩裝修但係食得出糖水吾係開粉（即沖）嘅糖水。今日食咗薏米腐竹白果糖水，甜度適中，腐竹都煲到溶晒，白果都好香，如果再多少少薏米同白果就更加好。

經過見到哩間甜品好多人，店鋪係開放式，衛生情況一般，乜都攤晒出嚟，但見到好多人幫襯，諗住咁多人食應該冇事。點知糖水上到嚟，支匙羹有明顯污漬，即刻叫人換左支。而腸粉完全唔滑亦都乾乾地身 ，食得出係放左好耐 。feel到唔對路，我地冇食晒就走左 。食完第二朝又痾又嘔，全身冇力，急性腸胃炎 。同行朋友都有肚痾情況 。因為前一日只係食左晚餐及糖水，而晚餐係屋企食，唔會有問題，所以只會係糖水出事 。希望店鋪注重食物及餐具衛生情況 。

小編今日來到元朗一間糖水店「有益甜品」，小店在元朗紮根30多年，主打傳統中式糖水，招牌香濃腰果糊、芝麻糊、合桃糊、馳名薑汁燉奶、白果腐竹糖水、綠豆沙等🙌🏻 亦提供有腸粉魚蛋等小食，小店保留傳統的美味和不變的人情味，元朗地區必食宵夜地方🙌🏻「滋補腰果糊加湯圓」濃郁的腰果香，腰果糊口感滑順，吃起來香甜又暖身，腰果具有養顏、降血壓、潤肺和保腰的功效能，能夠預防心血管疾病👌🏻 香甜的芝麻味湯圓相互交融，一碗三粒大湯圓外皮柔韌，內餡醇厚，吃完幸福感滿滿的糖水，令人回味無窮🧡🍽 ：滋補腰果糊加湯圓👅好味指數：8.25/10💰消費：$31📍 地址：有益甜品 (元朗)元朗擊壤路9號金寶大廈地下10號舖.

依兩日天氣寒冷，到元朗辦點事，完事之後打算坐巴士，就被這甜品店吸引住⋯⋯眼見很多食客”食湖” 相信這裡湖類食品都很受歡迎⋯⋯看著餐牌頭一個選項就是⋯⋯馳名薑汁燉奶，於是二話不說就點了。薑汁燉奶$27~當端上枱已經扣分⋯⋯相信在蒸爐已有一些時候，並不是熱騰騰，只是和暖，眼見對面食客湖類甜點，碗碗都熱騰騰的，有點後悔⋯⋯薑汁及奶味未算濃，甜度適中，不愛甜的朋友應該會喜歡，如果熱騰騰的話就會更好。整體來說店舖細細，但甜品種類多，單單湖類已很多選擇，連很少地方有的腰果湖都有⋯⋯而咸嘅小食，如豬腸粉、魚蛋都有，相當合適小小肚餓又唔想吃太飽嘅時候到來。

聽講呢間糖水鋪開左好多年， 而佢地賣既中式甜品好有口碑，某日係同學仔既介紹下， 走左去食左碗合桃糊（$26）同嘗了一口薑汁燉蛋（$25）。 薑汁燉蛋雖說是此店自佯的招牌，但質素乃一般， 反而，合桃糊的質素果然無令人失望，難怪同學仔極力推介。 合桃糊質地濃稠， 口感滑溜， 合桃味夠香濃。 坊間好多糖水鋪製作舊式糖水都是溝得太多粉，以致只食到面粉糊， 除了糖精的甜味，沒有其他味道可言。而這裡的合桃糊以廿多元的售價黎說可算是真材實料， 用心製作！

其實多年前已經食過這間糖水，當時都係因為佢嘅手磨糊類甜品而幫襯。今日亦都唔例外，老闆叫左「熱腰果糊加湯圓，我就因為太熱所以就叫左凍喳喳」凍喳喳材料十足，整碗都係「紅豆、眉豆、黑糯米……」，可惜芋頭就好似唔多覺有，甜度都算幾好，唔會太甜，怕甜而又想食糖水嘅人一定啱。腰果糊加湯圓，我哋要求分開上因唔想湯圓嘅水份令到腰果糊失分。傑傑嘅腰果糊有濃濃嘅腰果香，好滑，亦都唔會好甜，真係好好味，而芝麻湯圓皮薄餡香，加上一少碗薑汁糖水真係兩碗糖水甜度剛剛好。

作為元朗人應該唔會唔識呢間歷史悠久既甜品店，近期我就幫襯過兩次～最近一次係晏晝三點零有啲肚餓然後突然好想食混醬腸粉😅 就醒起呢間甜品店～因為要留肚食晚飯，所以同男友叫左兩樣野share～❤️楊枝甘露 💰3️⃣0️⃣足料，芒果超甜👍👍個底係濃郁既芒果漿兼帶啲椰奶香味，入口順滑，真心好食😋❤️腸粉 💰1️⃣0️⃣好滑👍👍 裡面個窿都吸晒啲混醬，加埋面頭啲芝麻好香，經典港式小食😁今次去係相片中呢個後生仔招呼我地，服務唔錯👍但第一次去係一個比較上咗年紀嘅阿姐，我哋同樣叫呢兩樣嘢，落完單佢即刻黑面話‘夠啦？！’ 到我地食完一放低腸粉支竹籤佢粒聲唔出即刻收走個碟其實如果你嫌客人叫得少野大可以set最低消費，加上你普通一個紅豆沙/番薯糖水都係$20碗，就算我哋每人叫一碗都係等於呢兩樣野價錢，同埋你都只係喺舖頭出面行張枱俾我哋而當時客人亦唔多，我哋食完都走唔會阻你好耐，唔明點解你要咁既態度囉….下次如果見到係個阿姐係度我係唔會食，後生仔坐鎮先會幫襯😤

同老婆晚飯後行過見到好人幫襯，一時興起買碗紅豆沙反屋企食，20蚊得一細碗，反到屋企開黎食發覺質感奇怪結他他似糊仔咁，紅豆唔起沙又無豆味，早知行遠啲去大馬路對面買

元朗老字號 傳統糖水鋪今日下午茶 熱辣辣 都諗唔到食咩之後就去左有益糖水開餐叫左個芒果奶昔 魚蛋腸粉 （魚蛋唔會煮得太耐無晒彈性，重好彈牙）腸粉都蒸得岩岩好 老闆仔好靚仔 人又好 服務態度一流翻食指數

元朗呢間近元朗廣場巴士站嘅糖水舖唔係好出名，但如果你係想食腸粉魚蛋、燉奶、西米露嗰類糖水，呢間都算係元朗唔錯嘅選擇。腸粉、魚蛋、蘿蔔各叫咗一份，魚蛋同蘿蔔要咖哩，不過整體走辣醬。蘿蔔係甜嘅，唔會苦，佢仲會幫你剪細舊少少，幾細心；腸粉份量唔算多，但好在佢哋唔會散開，ok好食：魚蛋係陳皮魚蛋必定係冇得輸，整體嚟講幾好食。熱燉奶暖暖哋得嚟又好滑，甜味唔多，好易入口，好快就不知不覺咁食晒一碗，好滑好好食～

今日去咗元朗揾糖水食，上網介紹有間有益甜品，不妨去試一試，一試難忘，雖然係一間老店，無靚裝修，但係鋪店啲糖水好有水準，我地叫咗 合桃糊，腰果湯圓同 喳咋，合桃同腰果糊香滑又唔甜，湯圓 皮薄餡靚，喳咋 夠晒料，老闆好有心去做，值得一試

好多住係元朗既街坊都應該有聽過「有益甜品」，呢到既中式糖水真係好出色👍🏻早幾日返工忙到冇時間食飯，到左差唔多10點幾收工就諗起好耐冇食「有益」既糖水，決定黎買返個豐富既宵夜先返屋企·魚蛋腸粉 $18魚蛋係我鐘意既陳皮魚蛋腸粉就緊係甜醬、花生醬、辣醬全部都要先好食😛·熱芝麻糊 $24芝麻糊既芝麻係店舖自家磨製，好夠滑溜～而且唔會加太多水令芝麻糊變到好稀，稀結度適中；又唔會加太多糖令味道變到得返甜味，會食到黑芝麻既香。所以每次黎都必叫芝麻糊😋

突然想吃甜品，可是想吃熱的（本人怕冷，而且女生吃熱比較好）。腦子裡想的是中式甜品。我不是住元朗，在元朗大街行很久也見不到一間甜品點。在巴士總站附近找到這間店。這湯圓是自家制的，煙韌好吃。我點的是椰汁黑糯米加湯圓（3顆），有冷有熱，我當然是選熱的。不會太甜，味道剛剛好。店舖是傳統的甜品店，樸實的店面，簡單的餐牌，味道卻是用心制作。老闆人很好，會再去。下次去試試老闆推介的芝麻糊，是自家人手每天新鮮制作。

假日好喜歡同朋友食飯聚一聚，飯後當然唔少得食糖水啦！有益甜品係元朗傳統中式糖水老字號之一👍🏻除咗糖水、甜品，店內仲有小食供應👌🏻本人特別喜愛此店的合桃糊及腰果糊。今日就點咗腰果糊😉🔸滋補腰果糊加湯丸3粒$28一般糖水店較少提供腰果糊，此店的腰果味香、濃稠度適中、芝蔴湯圓甜度剛好😋🔸清潤冰糖燉木瓜$24滋潤首選必然是呢款糖水👍🏻除咗木瓜，其實仲有好多雪耳喎👏🏻店舖不算大，門口也有座位，但有時也需要等位哦！

星期六諗住同老公試下未試過既糖水舖經過呢間野買左碗紅豆沙同腰果糊湯圓外賣，收我$49返到去發覺腰果糊無左d湯圓🙄紅豆沙d紅豆又無味，連我老公都覺得個質地勁奇怪，成碗又得個甜字😨打去諗住同佢講聲無比到d湯圓但又收左我錢本身我都好聲好氣諗住同返佢講有呢個情況出現點知果個所謂員工竟然話你走左都無法喎，你下次黎拎返囉，之後cut線😡一句道歉，唔好意思都無無禮貌，糖水又普通諗唔到再去既理由大飯糖好食好多倍！！起碼人地d糖水真材實料