影片
第一次去湿地公园食午饭。点咗个$59东坡肉饭。加$18换多个movenpick雪糕。饭品系热奶茶。个东坡肉好美味，汁多肥肉少。混入白饭一齐食，好美味。出面食唔到咁靓既东坡肉。杯热奶茶好重港式茶餐厅风味。另外个movenpick雪糕系士多啤梨味。微甜，入口香滑。间餐厅最好既卖点系可以对住个湿地公园。全景好正。
继续阅读
那天圣诞节，跟两位好姊妹在酒店 check out 及食完早餐之后，我们3人便行过去湿地公园！在湿地公园，这里有不少餐厅，我们经过看似美食广场格局的 <Spot Cafe 会所1号 红树林岸>，便走入去看看 menu，价钱合理，就决定这里食 lunch 吧！赏红树林Menu由于，早上的沙嗲王早餐令我未饱完，所以点一份小食餐已足够！小食餐 鸡脾配杂果沙律 $35鸡脾不算细只，热辣辣多汁又入味！杂果沙律包括：最多是粟米、菠萝、蜜桃肉、车厘子...等！热好立克 (热饮+$5)中规中矩，没有什么特别！
继续阅读
12月底又到湿地红叶🍁见顷日子，第一次来湿地公园参观。一直知道入面有间餐厅，座位很多，比较密集，餐厅感觉似茶餐厅，但其实种类丰富，有健康的沙律餐，圣诞限定的烧鸡餐，连酸辣米线都有😍，加15蚊仲有movenpick 雪糕食！总之，实揾到岩食既野！我地叫左⭐️卤水鸡翼蛋捞丁同⭐️酸辣米线。⭐️鸡翼非常大只入味！⭐️酸辣米线够酸！肉碎多，米线份量足！盲点两样都好食，下次参观会再光顾！可能本身对餐厅冇咩期望，所以食完真系有惊喜。其实湿地公园近年周围多左好多新餐厅，可能有良性竞争，质素都唔可以太差先可以生存落去？问过朋友，都有食过呢间餐厅，都觉得唔太差。如果可以装修下室内环境，唔好浪费左个靓景就更好
继续阅读
住左系天水围二十几年都未黎过湿地公园，咁岩有远朋拜访又唔想出咁远，就带朋友顺便自己第一次黎湿地公园行下睇下，平日唔会好多人，但最多人影相既浮桥暂停开放略可惜。餐厅唔算多人评价所以我都详细讲讲流程，虽然已经有人提过，希望可以帮到第一次黎既人。以公众设施黎讲算系唔错，系大门左边买完飞就可以直入展览馆，拍完飞一入黎左边有饮品同零食贩卖机，系左边行入少少就系园内唯一独市既餐厅喇~餐牌都算多野食，类似茶餐厅既食物类型，大食既可以叫个二人餐，仲有俾小朋友既儿童餐，望落几吸引，但两个女仔食唔到咁多，叫左个杂锦海鲜乌冬+无糖青柠梳打+$15 Movenpick士多啤梨味 (跟餐叫雪糕比出面买平！）、瑞士鸡翼+薯条（可转沙律）+红豆冰，价钱无特别贵算系有良心。餐牌隔离就系order+取餐区，有两个阿姐负责但望落有啲唔够人手，态度算好，右手边有自助区自取刀叉筷子等，呢度我要重点要求改善下，因为自助区缺左好多野，比如餐纸巾、豉油、辣油、蕃茄酱都无，一定要自备纸巾，因为无酱点个面有啲淡、薯条都要干食。然后等叫号就可以了，平日无乜人个个都系坐窗边，可以顺便欣赏美景，坐位几阔落。食物方面呢就普通唔会难食，但上面有提无酱点所以较淡，但以独市黎讲算系咁，比普通学校饭堂好啲，如果黎湿地公园太赶时间无食野入黎、或者行行下饿都可以入黎顶下肚，有时间就建议系附近私人屋苑wetland楼下或者对面天一商城既餐厅食完野再入去玩。
继续阅读
某一天的周末，心血来潮说要同小朋友一起来湿地公园玩一天。那我们就一早出发，左转车右转车之后，入到来湿地公园已经是食中午饭的时间了。买了门票，入了场，第一时间就是去找场内唯一的餐厅。找到了，位置很显眼，同N年前的基本上一样，不过，经营者就变成了《会所1号》，而餐厅的名字就叫做《Spot Cafe》。这是一间老少咸宜的开心餐厅，有专为儿童而设的套餐，也有专为素食人士而设的餐单。而我就点了一个儿童套餐给女儿，包括了白汁火腿烩意粉，牛油粟米，薯条，鸡翼，啫喱同一杯橙汁。意粉好食，虽然小朋友食到污糟邋遢，但看得见是食得开心的，更开心吃的当然是薯条同鸡翼，但啫喱同牛油粟米，对我的那位小朋友来说，就一般啦。此外，我发现这一个儿童餐好受年轻女士欢迎，尤其是有一台似是来做私影 model 的女仔，基本上是人人一份儿童餐。太太点了一个咖喱薯仔素火腿饭。好味的就是咖喱汁够香够美味。不好的，就是这一个所谓的素火腿好颓，根本就是不作加工的素火腿浆加咖喱薯仔汁就制成一个饭了。如果没有素火腿浆，只是咖喱薯仔，会更好食。我点的是咖喱牛腩饭。同一个咖喱汁，但没有薯仔，味道同样地香口及微辣。牛腩够腍，而且是啖啖香香腍腍瘦肉，我更可以说，这是一份零肥肉的牛腩。个咖喱汁够香口，用来伴饭吃是绝等的 superb。儿子永远都系眼阔肚窄，系都要叫份巨形的鸡扒汉堡餐。不过，这一次佢食得晒，亦证明小朋友开始发育。本来阿仔要鱼柳的，而我目见 open kitchen 整紧的鱼柳汉堡，比起这鸡扒汉堡更加之大。炸鸡扒香脆多汁，薯条香脆，沙律新鲜，好味道。这一餐，整体的评价是美味啊。餐厅，虽然是快餐店格局，但胜在坐得舒服，窗外的湿地公园景也是怡人的。再者，免费饮水机的水绝对是透心凉，出发游园前，回来游览展厅前同临走前都装一壶冰冻的水.....咦! 我好似赞水多过赞野食啊。
继续阅读