會所1號 水中天

营业中

休息中

2018年7月3日早上11:30一行三人到這間原來開幕已有一段日子（5月1日）的會所1號水中天飲茶兼食飯。環顧四周環境相當優雅走西式路線，接待處著我們上一層，因為沒有訂位關係都沒有窗邊位。我們坐下點了4個點心加上一個双寶。點了魚肚滑雞扎（頂點）、义燒包醬同义燒配合得恰到好處、魚肉腐皮卷、牛肉球（中點）、双寳（C生炆龍㚄頭煵-內有火煵冬菇薑蒜等料頭。加菜粒炒飯）。茶錢每位$15。整體來說中矩中舉，沒有太大驚喜，雞扎啲雞肉有雪味及斑煵有點腥，有些人未必接受到（不過已經加了很多薑、蒜配料辟味，份量亦都多的。）注意双寶星期一至五七折，六日及公衆假期八折。還有店員溫馨提示：會員埋單有七折優惠。大家可以先行到接待處同接待人員表示要求會員卡。此行埋單折扣後$333。

水中天開咗一段時間，好幾次心血來潮想去試吓都book唔到位飲茶。今晚要出街食飯，試book晚飯，估唔到有位，於是扶老攜幼去試新嘢。當晚全層大概只有10檯人左右，有點冷清。費事諗，坐定叫左個4人餐加個蜜糖雞翼比仔食。叉燒同雞味道唔錯，但略嫌咸咗d呢碟蜜豆帶子好好味，有好多粒帶子，d帶子大粒得嚟夠鮮味這個粉絲煲都好惹味，d蝦又多又大隻，夠鮮。呢碟菜其實味道唔錯，不過唔夠嫩好多渣。輪到荷葉飯，比較失色，d飯濕濕哋，無乜味，唔掂這個蜜糖雞翼食到阿仔，個人覺得有少少乾，但可接受

今日家人生日，特意前來一試。燒腩仔似是燒得太久，口感硬如石頭，無法入口。杏汁豬肺湯，售約$4xx，但份量只夠五個小碗，入口有真酸餿味。放下湯匙，我望向家人——果不其然，全都黑臉。我們即時把經理招來，欲退湯，經理滿口答應，卻又立刻把湯帶入廚房，讓員工試味。一會兒，經理抱歉地向我們解釋：「嗯，也許是食材比例不對，湯應該沒有大問題。」語氣猶豫，說話間多有支吾，令人難以信服。南瓜炒蝦球，味道「創新」，又甜又腥。廚師們真的有嚐過自己的手藝嗎？

ClubONE開設喺一間歷史悠久既石舫度，坐落沙田城門河畔，景色優美，夠曬浪漫。由佢開始裝修時我已經期待要黎呢度食一餐咖啦～菠蘿咕嚕肉咕嚕肉香香甜甜，肉質有層次唔會有"嗱"過既味道，菠蘿令成個菜式更清新魚籽桂魚酥烘到暖暖既酥皮盒盛載住桂魚沙律，魚子夠新鮮，咬落卜卜脆，有驚喜豉油皇大虎蝦虎蝦Size夠曬大型！好似隻碗咁大，蝦肉口感紮實啖啖肉。酒樓既廚房夠曬穫氣，豉油皇連蝦殼都炒得好香～紫薯濃湯泡時菜咁夢幼既薰衣草色湯我都係第一次飲咋紫薯帶自身既淡淡香甜，無太多特別調味。個湯望落好稀但其實飲落係幾creamy幾夠味，清清地一道特色蔬菜。

已經好耐無寫食評，但今日食完不得不寫，不吐不快！踏入這所謂會所，第一感覺「很嘈」最前的部份好似有甚麼宴會，大約8-9圍。坐低後好似冇冷氣咁！成頭汗😥我朋友想去洗洗手，問那女侍應洗手間在那？那小姐居然答不知道😑會所今個月一號開業，已經差不多一個月，乜理由會唔知！好啦！係時候點菜。廚師推介「叉燒脆鱔」請問這是甚麼？但侍應小姐不知道，急忙走去問另一位。開咗成個月，自己會所賣嘅係乜都唔知🤦🏻‍♀️太冇水準了！叉燒脆鱔～上枱一睇大小不一，有大有細、有高有矮，好明顯唔係原條的。食落鱔不爽，只係好超甜蜜糖味，抵部硬到咬唔入菠蘿咕嚕肉～肉的粉槳炸得好硬（介口的）汁亦太多粉絲蝦煲～不明白！全煲都冇味的！蝦都冇味。失敗薑米菜遠～$118 應該18條菜都冇，但如果好食都冇所謂啦！薑切都相當大粒，賣相唔掂👎🏻食落D菜又老條條有渣。老實講，食碟$18 蚊嘅油菜都冇咁差。做飲食嘅自己都要試吓菜啦！本人並不挑剔，但論服務、論食物質素真係不敢恭維🤭中伏了