會所1號 大舞臺

营业中

休息中

今晚參加朋友婚宴, 設宴 於上環 會所1號 大舞臺, 中式酒樓,  在西港城2樓, 上專用電梯, 裝飾美侖美奐.大舞臺夠派頭,  地方大, 可用作表演臺. 場地大, 足夠跳舞活動.  大水晶燈, 拍照一流.侍應招呼好, 座位寬闊, 大圓台, 每台有婚宴花球, 好漂亮.鴻運脆皮乳豬, 大方得體, 很香口.水牛芝士條拼蝦餅,  賣相吸引.京爆炒蝦球, OK.瑤柱扒瓜脯, OK.高湯海皇竹笙魚翅, 食材可以, 調味 OK.  每人一大碗.脆皮吊燒雞, 金黃色炸皮, 賣相亮麗, 入口香脆, 雞肉嫩滑.清蒸海石斑,  很大條, 蒸得時間剛剛好, 肉質新鮮.冬菇扒菜苗,   味汁不錯, 口感佳.瑤柱蛋白炒飯,  鮑汁炆伊麵, 份量大, 調味適中,  口感好.這裡系婚宴好地方, 只有一樣要改善, 散席離開時大約十點, 但行人電梯己關了, 要客人自己踏步落

今次去咗一間食肆試嘅茶點，真係令人眼前一亮！🌟首先講下個杏仁燉白肺，飲落去香滑得滯，仲有淡淡嘅杏仁香，真係夠晒涼口。嘗咗口四寶雞札，佢嘅豬皮彈牙得嚟唔肥膩，食落有種嚟自內心嘅滿足感。香茜牛肉腸保持到外皮嘅彈性，喺咀裡慢慢咀嚼，每一啖都好似在品味生活嘅精華咁。再嚟就係蠔王叉燒包呢個大熱門，喺這間嘅叉燒包真係有料到爆炸，每一啖肉餡同麵皮嘅比例配合得剛剛好，食落去唔會覺得有得味，就算係呢啲平時細細啲嘅細節，都做得非常好。總結，這間食肆嘅點心真係不錯，每樣野都保持得恰到好處，食物質素真係好過癮，每一啖嘅滋味都令人回味無窮，值得再去添飯💯！下次約埋三五知己再去，攞返個位置，慢慢嘆，享受個悠閒飲茶嘅時光😊🍵🥢。

西港城club one～環境夢幻、食物好味😋好多打卡位，在充滿香港歷史嘅建築物中，吃著地道香港美食 特別有感覺！喜歡💕點心都是即叫即做，新鮮熱辣！必點腸粉 勁滑！燒賣、炸魷魚鬚必吃！另外不妨試試這裏的灌湯餃，香濃上湯很香甜，還有魚翅呢！😋😋再配上巨大又飽滿的鮮蝦豬肉餃，很滿足！🔸芥末籽黑醋蝦舂卷🔸🔸椒鹽魷魚鬚🔸🔸豉蒜虎皮椒🔸🔸晶瑩蝦餃皇🔸🔸蟹籽蝦燒賣🔸🔸混醬白腸粉🔸🔸魚翅灌湯餃🔸

西港城是著名古蹟景點，古色古香。經常經過，來飲茶都是第一次。❤️💗環境非常華麗，有個大舞台，仲有水晶吊燈。😍☕🍵開壺香片，享受品茗的寫意。🥢芥末籽黑醋蝦春卷炸得鬆脆，裡面的蝦仁餡料新鮮👍🎃流心南瓜球拼綠茶流心球 外皮煙煙靭靭，裏面流心好正。🍤蜜糖芥末蝦球炸蝦鬆脆，蝦肉結實彈牙。😍懷舊馬拉糕新鮮出爐，非常鬆軟。😋鮮肉小籠包 皮薄餡靚，爆曬汁💦😍魚翅灌湯餃灌湯餃大大隻，仲食到魚翅。

今天途經上環西港城這幢大樓，早年是舊上環街市但於1990年後已獲古物古蹟辦事處列為法定古蹟，好奇地往上跑，看見一間酒樓名「會所一號大舞臺」，決定內進取位午膳。這間酒樓，地方寬敞有著高樓底的氣勢及無柱式設計，佈置仿似教堂式古堡，枱與枱之間擺放闊落，空間感十足，私隱度亦極高。服務員親切有禮，並介紹 菜牌上的佳餚；在他殷勤招待下我選了兩道菜，先來了乾蔥醬油雞半隻，雞肉鮮嫩，入囗清新有濃郁的蔥味；繼而來了蝦片咕嚕肉，啖啖肉又無骨的豬肉，很軟滑爽口，砌成一吋長條狀，炸得很脆口，味道微微酸甜，又沒有肥膏，爽口彈牙，配上蝦片及脆樂樂的脆餅，中和了咕嚕肉的軟滑。意猶未盡追加鮮蝦炸雲吞，熱辣辣卜卜脆，蝦真的鮮甜可口，令人垂涎欲滴。能在這麼雅典的地方享用午膳，打咭位多，性價比極高。

朋友約茶聚，到西港城「會所1號」。沿着扶手電梯去到二樓，就被其懷舊裝潢所吸引。桌上還有一個別具特色的座枱燈，帶來不一樣的環境氛圍。❣️ 蝦片咕嚕肉表層粉薄香酥，咕嚕肉的芡汁酸甜味道均衡，更是開胃。內裏豬肉肉質新鮮爽嫩，甘香不膩。❣️ 鮮蝦炸雲吞酥脆炸雲吞，內裏鮮蝦爽口。炸雲吞表面撒上椒鹽，帶來了鹹香味。❣️ 脆炸黃花魚廚師推介當然要試試。整條黃花魚，味道鹹鮮。炸得酥脆非常，即使魚骨也脆口，口感不油膩。❣️ 晶瑩蝦餃皇飽滿的蝦餃皇，蝦肉清鮮。❣️ 鮮肉小籠包肉質新鮮，湯汁豐富。

事隔數年再次到訪大舞臺，真係冇諗過差左咁多。。。點心同食物選擇少左好多，以前signature既野冇哂，可能想主打小菜或套餐啦。炒牛河，成碟得幾條河，一堆配菜同好肥牛肉，以為叫左炒肥牛。點心咸水角，皮厚冇乜餡。上菜極慢，落單廿幾分鐘都未有影，而且大部份送到時係完全唔熱的。最差係追菜時，黑衫哥哥職員極冇禮貌，一副唔care既態度，話廚房堆哂單要等，一係幫你取消。食唔飽又一肚氣咁走! 咁既價錢，咁既服務，咁既質數，冇下次了！

第一次來，就是朋友的婚宴了！今天是聖誕節 x 朋友大日子，特別高興！以前在上環上班，經過西港城都覺得很特別。但從來未光顧過這間的Club One去過了其他Club One，覺得燈光影出來不太好看這間卻真的令我眼前一亮真的是聞名不如見面很華麗、復古的裝修設計非常古香古色適合朋友的性格婚宴場地的服務、食物也是比club one其他分店好一點，誠意推介食物不算了不起，不過不會太難食頭盤的金豬有點肥，失望豐富呢鮑魚花膠算大份，不算非常濃味最愛這個soup同枱一致讚好味我最愛食蒸魚！可是不夠入味！不夠滑雞皮夠脆！好食！這頓飲宴 我吃足全頓！由頭至尾！有movenpick雪糕，十分驚喜！

Weekend 通常同親友黍飲茶，貪佢坐得舒服，侍應正正常常（年輕D，好似快手好多）有會員卡有優惠，discount 左ok 啦次次會叫蝦腸，腸粉得4 條仔，每條一隻好大的爽口蝦（試過一次有甘爽而且細）同老人家吃就通常叫雞球大包，普通冇乜特別，只是出面比較少地方有。芒果布丁也是必叫，連續老人家們也非常喜歡，⬆️面加左D果汁珠珠，一咬就爆芒果汁，幾👌🏻味試過叫餐，係幾大份量，不過，點心好負好多

中午食左個4人餐，有個湯，有白菜，有炒排骨，有一份煎三文魚，有荷葉飯，有一籠燒賣同春卷，仲有是日甜品。首先呢，所有野食一上到枱都唔熱既。個白菜望落去都未索晒水，未食已經知唔夠熟。排骨幾乎淨骨。個煎三文魚，自己買急凍貨煎仲好食。到荷葉飯，呢個經典喇，我12:45落單，13:45先到，例牌都係唔熱既。其實我埋左單，食埋個甜品先上荷葉飯。講真，我早三分鐘閃連個飯都 miss 埋....為左唔想浪費食物，荷葉飯外賣啦...有位中年侍應姨姨話個飯放唔落食物盒度，直接擺落膠袋.....我地堅持放落食物盒，個姨姨仲要話「唉我理得你」.....(補充:個膠袋係厚滑身，唔係街市可以綁埋嗰款）呢個四人餐未計加一幾乎八舊水.....

今日和幾位同事來到上環西港城大舞台ClubOne 吃午飯，這𥚃環境古典優雅，三兩個人一枱用饍也比較清靜，不像其他食肆嘈雜，可以一起閑聊和享受食物，今次叫了幾個點心和一碟肉絲兩面黃炒麵，特別推介一下這個炒麵炒得非常脆口，加上紅醋一起吃，別有一番風味

酒樓唔一定係中式，西式古蹟都有一間酒樓---大舞臺。我喺ClubONE官網轉載左幾張場地相，相信大家都會明點解喺呢到嘆茶，有爽歪歪既感覺。講返野食，平日好少飲湯，一於點好多餐廳都冇既「杏汁燉白肺湯」。呢個湯做得唔錯，豬肺處理得好，冇血腥味。我仲點左「蟹子蝦燒賣」、「山竹牛肉球」、「叉燒腸」、「奶皇流心包」、「雪嶺餐包」「蟹子蝦燒賣」既蝦好彈牙，同好大粒。「山竹牛肉球」調味幾好。「叉燒腸」既炒皮好滑，豉油白甜。「奶皇流心包」幾好，真係有流心奶皇。「雪嶺餐包」又係比較少地方有供應，

來過這裡喝喜酒，那時覺得食物不錯，也知道這裡平時主打商務午市，價錢屬中上檔次。今天契媽請飲茶做冬，小資女如我也可以試一試這裡的點心。我想說這裡的春卷是意外的好吃。平時多數吃到的不是滴著油，就是皮已淋，這裡的即使放涼了依然皮脆，沒有滴油，也沒有我最怕的油膉味（我吃到有油膉味會反胃）。還有這裡有供應 " 菲林筒 " 芝麻卷，在市面已不是隨處吃到。這裡的芝麻卷都夠芝麻味，也不會太甜，我喜歡。蝦餃也是意想不到的實淨，皮沒有穿，蝦也算彈牙，不是有時飲茶中伏那些肉質霉霉的那種。奶黃包餡算香，量也足夠，不是空心冇料，也不會一咬就濺到滿身都是（你應該試過這情況了吧？）。百花魚肚，蝦膠爽，魚肚滑，這個也不是隨處吃到。煎腸粉和前面說過的春卷一樣，也是夠乾身不會油淋淋，也夠脆口。馬拉糕一上桌就是覺得造型很懷舊有feel，入口也不是一陣風好像甚麼也沒吃過，還不錯哦。我不喜歡吃腸粉，不過契媽則說喜歡這個叉燒腸，叉燒算多，腸粉也夠滑，鼓油微甜帶得出鮮味。最後這個燒腩仔也不錯，皮真的脆，脂肪層份量恰當，不會乾得像柴也不會一咬便滿嘴是油。當然我有多謝契媽帶我來見識見識及請我飲茶啦。

金錢應花則花，是我的態度，偶爾豪一次犒賞自己，絕不為過；如果有位有紳士風度的男士請你共晉午餐，更是卻之不恭。今天他請我來西港城吃午餐。如果是吃裝修，這裡以法定古蹟的牌頭，絕對夠照；但他毫不吝嗇點了鮑魚炒飯和魚翅，卻是我意想不到的。我並非鼓吹吃魚翅，但他請我吃飯想體面一點，我是理解的。看上來也真的很夠體面吧！翅、湯及銀芽絲金華火腿絲分開上，你要各種材料多少隨你喜好。或許魚翅撈飯的黃金歲月已不復再，但用筷子夾著一排魚翅的感覺，還是有少許震撼。想不到有那麼多銀芽絲，正合喜歡吃銀芽的我的心意。那個上湯，吃翅當然不會用盡，我叫了一個白飯拌上湯吃，原諒我稍有失儀。接著是鮑魚炒飯，賣相相當精緻。午餐當然不可太heavy，鮑魚size不算大，但夠入味夠啜牙，美女們一口一隻可能還是會有少許難度；炒飯應該是有加入鮑汁炒，所以不會太乾身，也很美味，很滿足。曾有某專欄作家說過，一頓飯可以更了解一個人，今天我對他也了解多了一點點；如果下一次他再請我來這裡吃飯，我想我應該會應約。因為，真的有點回味。

呢度收費唔平，所以醒目的話一定要做餐飲會員，恆常有折，有時仲會有突擊優惠。講返今次食個魚翅鮑魚餐啲食物。首先上雪嶺餐鮑，叉燒餡，焗得幾好，係食嗰陣小心啲糖粉跌到周圍都係，最後dun一dun先食。叉燒燒肉拼盤，每人每樣兩件，叉燒燒得幾好，唔會乾爭爭，仲有肉汁；燒肉皮脆，係脂肪層比較厚，不過肉都多，點左芥辣就唔會覺得漏。仲有一籠蝦餃燒賣，燒賣冇乜特別，不過老實講燒賣好難會難食，right？啲蝦餃好食，彈牙，我唔知係唔係鮮蝦，總之唔會話有雪味 ，最重要塊皮薄得來唔穿。肉絲翅，啲翅唔算粗，不過起碼唔使摷就咁睇都睇得到，合格。松露醬炒彩椒雲耳西芹帶子，呢碟真係好味，好香，帶子煎得啱啱好。冬菇海參鮑魚，冬菇大隻，唔韌；海參夠淋，唔會似食橡膠；鮑魚老實講比較細隻，不會煨得夠火候，入味，都夠鮑魚味，ok。肘子白菜湯，啲湯鹹左啲，好在塊金華火腿冇膻味，啲白菜仔都算嫩，冇渣。最後個甜品係芒果布甸，唔太酸唔太甜，多芒果肉，好食，算係個完美作結。總括而言，有會員咭的話，用來請客唔錯，份量剛剛好，記得打電話預訂就得。