影片
港铁天后站 A2 出口
继续阅读
开饭介绍
曼谷泰茱提供正宗泰国菜式,员工也有不少泰国人,充满泰国人,充满泰国风味。
继续阅读
营业时间
星期一至日
11:30 - 23:00
以上资料只供参考，请与餐厅确认详情
招牌菜
朋友请食饭，并提议泰菜，选就朋友下班选择了天后店，之前从未光顾些店。失望的是朋友打了整个下午电话订座，均是无人接听或不通，最后walkin 19:30抵达居然不需轮候可直接入座。店舖不大但环境不俗，共二人关系所以安排了单，但当还未点菜待礼貌地告知转四人可以较舒适，服务态度令人欣赏。开始点菜先来泰国啤酒，餐牌上泰式生虾贴上暂停供应标纤，爱生虾的我不禁失望，二人共点了五味菜。泰国啤酒金柚虾球沙律十分多柚肉清甜醒胃，虾肉爽口，配合花生粒、鱼干仔、椰子干片，好食。泰式炒通菜小小辣，非常惹味。泰式小食拼盘(小)有香叶包鸡(味道一般)、泰式春卷(脆口好食)、泰式虾饼(弹牙有虾味)、暹罗炸鱼饼(味道可以)泰式猪颈肉较为一般，味道亦只算普通泰式辣椒膏炒花甲辣味重而入味，好食付账共五百多元算是经济，食品水准亦不俗。
继续阅读
曼谷泰菜都唔喺第一次到访，不过，都喺去湾仔店。今回跟几位朋友移师天后店，都喺方便其中一位朋友夜收工啫。可能喺快乐星期五，估唔到餐厅咁多人，所以，今晚出菜都比较慢，或者，喺师傅慢工出细货 。因为天后店比起湾仔店细好多，加上依晚坐满人，睇上面张门面相就见，真喺唔太方便影环境相，所以，下图环境相都喺事后补影。今趟人少少，唔点太多嘢，志在跟老友聚一聚 ！ 金柚虾球沙律 $92 记得第一次晌湾仔店食都无雕得咁靓，侍应话个师傅一时技痒，得闲雕咗几个，因为唔喺枱枱客都有点依款沙律，整定最后一个送到我哋枱上。泰国金柚清甜多汁，大旧大旧柚肉，虾肉又够爽口，配合埋花生粒、鱼干仔、椰子干片，材料十足，有口感，有层次 ，跟上次一样咁好食。 椰汁红咖喱牛肉 $88．焗蒜蓉包 $36 曼谷泰菜嘅咖喱菜式实在唔少，有黄咖喱、青咖喱、红咖喱，可配鸡牛猪，又有配杂菜、虾球、鱼柳……等等。依道红咖喱牛肉，咪睇佢个样唔喺几红，实质辣度十足，捞匀椰汁，稍稍中和，但辣劲依然，好惹味，牛肉亦都好腍滑 ；咖喱配蒜包都喺走唔甩嘅组合，焗蒜蓉包一客有5件，添上红咖喱牛肉，咖喱味以外，又带点蒜香，好食！此外，酱汁内仲有茄子、车厘茄、豆角等配菜作伴。 泰式炒通菜 $78晌泰国好多人叫「飞天通菜」，因为𠮶边有大牌档将炒完嘅菜飞嚟飞去上碟，真喺神乎其技。依道菜制作比较简单啲，但所用嘅通菜好鲜味。不过，都喺较喜爱之前试过嘅泰式咸肉椰菜苗，大抵因为咸香惹味啲。 泰式虾球炒金边 $82 个金边粉炒得几有风味㖞，味道酸酸甜甜，带点点微辣，少少湿润，加埋银芽，多添几分爽口；主打嘅虾球好弹牙鲜甜，加上蛋丝、花生碎，唧少少青柠汁，真喺口感、香味都丰富晒 。 香芒椰汁糯米饭 $52 「专灯」推介俾朋友试，因为个糯米饭唔单止烟韧软糯，同时用上紫糯米及白糯米，喺其特色。配合浓厚嘅椰浆，清甜嘅芒果，作为一餐饭嘅作结就最好不过。最紧要都喺朋友赞好食嘛 ！晌门面仲见佢有啲丰富啲嘅2人、4人、6人、8人餐，都喺个唔错嘅选择嚟。好钟意同啲朋友饭聚，谈谈近况，讲讲饮食，让彼此晌忙碌嘅工作中抽抽身轻松一下 。
继续阅读
以前返工都会经过呢间泰国餐厅都见几多人食，突然间谂起所以决定去试下。唔知系咪落雨所以无咩人。铺头入面泰国姐姐都会讲广东话。无set lunch只有单点。点左个2人份p既冬阴功$88，同青咖喱虾球$84加白饭$12。冬阴功汤入面只有虾一种海鲜，仲要系得一只同大量草菇。味道唔算好辣，可以话几淡下。青咖喱好多汁用黎饭一流，但妈咪话偏甜，虾都有7,8,9只入面仲有泰式茄子蕃茄同豆角。碟白饭size足够2个人食，如果唔太来食的话。其实好多野都想叫，可惜得2个人，唯有下次啦！
继续阅读
带个女上堂之前, 食了个午餐. 见到这一间的午餐价钱都合理, 就入去食了.炒金边粉, 份量很多而且米粉干身爽口, 虾不多不过弹牙. 很香很好食.勒沙, 汤头很浓郁的椰子汁与香草味, 辣辣的. 札肉与生牛肉都不错.
继续阅读
3月2日, 天后一带都有唔少泰菜选择, 而且间间餐厅出品都几唔错~ 邻近嘅泰姐厨房同泰出色都已经食过几次, 今次决定行远少少去到天后地铁站隔离嘅曼谷泰菜一试.::: 泰式虾球炒金边粉 + 冻柠水 ::: $40+$2泰菜之中, pad thai都算系最试到厨师手势嘅一项~ 而呢个泰式虾球炒金边粉亦都算系水准之上! 首先卖相已经好高分, 金边粉同花生碎等配料分开上, 再加埋三只大码开边虾球, 真系未食已经流晒口水~ 晒上少少青柠汁, 捞埋所有配料一齐食, 金边粉调味甜酸有致, 亦都炒得干爽分明, 难得佢仲要唔太油. 食过唔少泰国餐厅嘅pad thai, 呢度都算系数一数二好味!冻柠水正常, 柠檬片多番d就更好~::: 香茅鸡翼扎肉汤河 + 冻咖啡 ::: $48+$2汤河上枱, 份量唔少~ 有2只鸡翼, 加几片扎肉, 仲有一大块白萝卜~ 汤底好浓嘅香料味, 啖啖嘅汤都浓而不腻, 亦唔觉有落味精~ 鸡翼都好香香茅味, 虽然浸住喺汤都唔会太淋, 而扎肉就几实净, 只会好似一D札肉薄依依咁~ 河粉都几入味, 爽口都有D弹牙~以为冻啡系泰式𠮶只, 不过原来都只系普通嘅港式咖啡. 不过啡味都唔错, 奶味又唔会好浓, 加上好够冻, 一杯水准嘅冻啡~曼谷泰菜其实都已经有唔少分店, 食物出品亦可以话有相当保证, 起码食过几次都无乜失手先! 环境方面亦算几干净光鲜~ 系天后泰菜嘅好选择~
继续阅读