曼谷泰菜

营业中

休息中

📍 **餐廳環境** 位於北角的「曼谷泰菜」裝潢簡潔，以木系桌椅搭配泰式裝飾畫，營造出輕鬆的街坊小店氛圍。座位舒適，乾淨整潔，適合一人食或三五好友小聚。🍝 **食物：泰式蝦球炒金邊粉（$68）** 金邊粉炒得夠鑊氣，上色均勻，酸甜鹹度平衡，帶有淡淡魚露香氣，頗具泰國街頭風味。蝦球大隻爽彈，目測有3粒，誠意十足。配料有豆腐乾、蛋絲、花生碎和青檸，傳統搭配齊全。不過芽菜偏少，口感稍欠爽脆，整體份量合理，$68在港島區算中規中矩。 🧋 **飲品：凍泰式奶茶（跟餐）** 茶香濃郁但未至澀口，甜度比泰國當地版本稍低（適合港人口味），奶滑順喉。冰量適中，不會越飲越淡。 💡 **總結** 這間小店主打高性價比泰式家常菜，金邊粉水準對得起價錢，泰奶亦屬穩陣之選。適合想快食地道泰味又不想過海的街坊。 ✅ **推薦點**：蝦球新鮮、調味正宗 ❌ **改善點**：芽菜份量

家人最鍾愛食泰菜！所以專程去北角揾泰菜食🥰馬拉盞炒通菜好嘢味👍冬蔭功大蝦湯好足料👍金柚子蝦球沙律👍泰式小食拼盤原個菠蘿炒飯👍好足料😋泰式炒金邊粉甜甜酸酸😁芋頭蝦球飯太足料👍芋頭又粉又香👍👍海鮮喇沙麵泰式燒豬頸肉招牌咖哩炒肉蟹👍肉蟹大大隻、啖啖肉咖哩汁點蒜蓉包一流👍😘泰式明爐烏頭魚👍珍多冰飯後當然要食埋甜品啦！這一餐好滿足😋😋

人生第一次外賣食到玻璃碎片 真係令我難以置信唔知依家肚入邊有幾多呢啲碎片 😅😅事關我外賣呢間泰國野食 都算係常客 每次都食金邊粉 今次就出左事 一開始食到有啲脆脆地嘅嘢 冇為意以為係啲蝦定點 結果後尾食到勁大塊好硬嘅嘢 吐左出嚟 結果係一塊玻璃碎片 我即刻同客服講左件事 又攞電筒抄d食物 結果搵到更加大塊既碎片 黐線㗎 d廚師打碎左玻璃跟住繼續出餐定點？？ 客服就話我知因為我揼咗單據 只可以比現金券 退錢都唔得 cls 多謝曬 食左d玻璃碎片換返嚟$50現金券 唔該管理下d廚師質素+衛生啦 真係好嘔心呀

其實好少見到北角🈶咁高質素既泰式餐廳！！本身係親戚生日打算去一間可以包房既餐廳！最推薦既係刺身蝦同埋蒜蓉包😭自己真係好難整到呢種質素～同埋間包房可以唱埋k添💘 職員好有禮貌

北角附近有好幾間泰菜選擇，呢次係我第一次幫襯呢一間，午市套餐奉送基本凍熱飲，我地兩個人，一個叫左香葉肉碎煎蛋飯，一個叫冬蔭功海鮮湯金邊粉。味道中規中矩，最唔好嘅就係唔夠熱，尤其而家天氣凍，好想食個熱辣辣午餐嘛🥹香葉肉碎煎蛋飯隻蛋煎得唔錯嘅，肉碎炒得相較附近泰菜無咁有鑊氣，普普通通無咁吸引，好處大概係無咁熱氣🙂冬蔭功海鮮湯金邊粉味道係好嘅，如果可以熱辣辣咁上枱就perfect 喇 。午市仲有嘢係吸引嘅，就係可以加錢要串燒或其他小食，下次肚餓會叫埋試試手勢！

叫左個下午茶～金邊粉～40蚊下午茶仲要泰式餐廳，價錢好唔錯！仲有杯免費嘢飲！係香港租咁貴嘅情況下，小弟我覺得好好了！員工又有禮貌！食物份量大！仲想點！係咪！？比錢比得最值嘅其中一間餐廳！大家真心要試試！

這一夜，少有地在北角吃晚餐，見好一段日子沒有吃過泰國菜，便與太太一起在這間「曼谷泰菜」吃晚餐。這餐廳地方都幾濶落，坐得舒服，裝飾亦非常泰國，就連侍應的招呼也沒有某飲食網站的食評寫得那麼差勁。這裡是有「二人套餐」（$/298/兩位）的，價錢比散叫便宜，只需三百元左右便有小食、肉和菜各一及金邊粉，足夠兩人享用，就叫了這「二人套餐」做晚餐。小食有「醃酸辣去骨鳳爪」（小）和「手撕雞沙律」（小）可揀，我就揀了鳳爪做前菜，酸酸辣辣的鳳爪，十分醒胃，是挺不錯的開胃菜。「泰式海南雞」（半隻）與「泰式豬髀」（半隻）二者選一，兩樣都是吃泰式碟頭飯最常見的餸菜，這天我就揀了「泰式海南雞」（半隻）。這雞雞肉頗多，肉質也及格，蘸以泰式辣汁，跟去骨鳳爪同樣開胃。「馬拉盞炒通菜」雖然是這套餐中唯一的蔬菜選擇，但通菜一向是我最喜歡的蔬菜，以馬拉盞炒，刺激惹味，也是開胃之選。最後的「泰式蝦球炒金邊粉」，材料豐富份量大，味道也不錯，我都幾滿意。這二人套餐是不包飲品的，吃得酸辣菜式多了，自然就想飲返杯凍飲，所以我們就點了走甜版的「青檸梳打」佐餐，以解渴和解辣。要是這套餐有飲品的話，我會更加滿意。

今日同老友行過試吓呢間泰菜餐廳，竟然有驚喜，價錢平（比起其他泰國菜館）但食物質素好。我哋試咗海南雞飯、馬拉盞雞肉炒米粉、泰式鳳爪、芒果特飲，okay 喎。下次會試吓菠蘿炒飯。

今日有時間可以坐叮叮（電車），輕輕鬆鬆由上環坐到北角，其實是去筲箕灣的。不過，中午太陽下要等這尾站車。。。坐到北角再行過去好了。到了這店，一看，見到泰王，而這間的人好似nice war~而我自己鍾意個cup。有d心思。個金邊粉份量是ok的，有紅蝦仔。而蝦球是有開邊，有d工夫。如果蝦球可以大d，當然好d。今次彩蛋和平時不一樣了，好有人性。在電車上，有個女孩子要和父母分開坐，結果到有位時，小朋友已經眼紅紅，楚楚可憐。坐前面的老婆婆都主動想讓位給小孩。可能小孩不太記得食了什麼或看了什麼，不過我都好確定她一定記得這一幕。

從來沒有食過一間餐廳，一坐低掉張Menu俾你就秒速問你食咩。問佢可唔可以轉其他粉 。即刻就西口西面咁對住你都唔想同你講一句 。叫左30分鐘都未上齊啲餐，問佢得未就黑你面。上左15分鐘唔夠就叫你早啲走 。服務水準完全慘過大排檔 。說好的海南雞飯加油飯，點知變咗白飯，連商品說明條例都搞唔掂 。叫少甜冇少甜，叫走甜又變咗多甜 。午市送coupon大大隻字300 送50，點知背面細細隻字17:30 之後先用得 。我從來都未試過落劣評，不過今次真係忍唔住 。

今日嚟試一間曼谷泰菜試下佢下午茶, 佢下午茶嘅款式都多, 而家做緊小食買一送一優惠。咁我哋兩個人分別叫咗個豬扒撈檬、一個芒果糯米飯、另外送嗰個就係泰式鳳爪, 豬扒撈檬份量夠夠兩個人, 食味道唔錯；個芒果糯米飯正常發揮, 冇乜特別；個鳳爪唔係話佢唔好食但係佢嗰個酸汁唔係太啱我個人口味, 係食得落口, 嘅但係未處於話好好食嗰個情況。現場都多人食下午茶而佢哋嘅服務亦都可以講得上係貼心, 地方清潔不再話下, 服務員有錯單漏單會即刻同你跟進, 總括嚟講我會再返嚟食多次。

Went here with with my family for lunch. .I got Thai Rice Noodle in Laksa with Seafood. It came with a lot of spices, but the broth didn't taste strong. The rice noodle was quite sloppy and the seafood like mussels tasted rather plain. My dad got Thai Rice Noodle in Tom Yum Soup with Seafood. Its flavour was much richer in comparison. The hot and sour soup blended in better with the spices and seafood. My mom had Yellow Curry Beef Brisket with Rice. It looked appetising and smelled aromatic. The

今次食海南雞飯和炒金邊粉，整體味道是可以的，蝦也許是雪藏，無乜味道。平時鍾意食黃咖喱牛腩多啲。今次轉下口味。午餐加$12 有兩件甜品，椰汁千層糕，食過好多間泰國野，呢間係整得最好食，軟糯適中，微熱，加埋椰汁perfect !我剛剛坐低等朋友時，侍應細心地提我，若怕凍，可以坐左面，無咁近風口位👍🏼之後見到有個行動不方便的老人家離開餐廳時，可能行得太慢，度自動門慢慢咁關上，旁邊做緊野的侍應即刻禁開口制幫佢，反應好快、細心！

本身全家都鐘意食泰國菜，咁啱屋企老人去新光戲院睇戲，問左係附近返工既朋友佢介紹離新光戲院3分鐘路段既曼谷泰菜。餐廳幾光猛，晚市有幾款餐牌。Set Menu 都唔貴，但係我哋驚食唔晒，所以冇叫到。野食我哋4個人叫左酸辣無骨鳳爪、蝦餅、香葉肉碎煎蛋飯、黃咖喱魚柳同炒通菜。所有食物上到枱都熱辣辣，食物質數以一間平民餐廳黎講真心唔錯。口味比起出面人均消費$200-300個啲泰餐(例：GreyH****d) 更正宗，性價比更高。最印象深刻係個日落雨地下比較濕滑，我婆婆去廁所有個女侍應有幫手扶一扶，叫我婆婆慢慢行唔好急，值得讚賞👍🏻下次經開北角會再訪💯

經過見到下午茶買一送一入去試下，蝦餅三件+芒果糯米飯+飲品$38確係抵，不過個芒果糯米飯勁難食，芒果有渣叫左杯咖啡，難飲到飲左兩啖無飲。不過個蝦餅就的確好食，朋友食海南雞飯都唔錯，但係海南雞飯冇買一送一，下午茶$48。所以係抵，但係要識㨂野食😋