曉廚軒香港風味 (已結業)

無驚無險又收工，今晚有酒聚，路經大代都係打個底穩陣喇，免得空肚就劈過您死我活，無野劏呢 ﹗近來晚晚都好旺場喎，7 點幾想搵個靚位都難，面壁都照坐啦，食少少野十 多分鐘啫。豉椒蒸排骨，收銀叔叔話剩返一碟都放一段時間唔係太靚喎，不如即刻蒸碟新比您好無？好呀好呀，麻煩晒 ﹗當然新鮮出爐最好味啦。約五分鐘搞掂，香噴噴 ﹗大量蒸氣向上飄啊， 好有氣氛。肉味香濃甜美，肉多骨少又無咩肥膏，啖啖肉愛死您 ﹗豬肉甜美中泛著少許豆豉及紅椒味道，更加好味 ﹗原盅淮山杞子螺頭燉雞腳湯，老實講我有 9 成都係因為個燉湯而黎架乍，足料大碗又經濟。螺頭海味味道特濃，螺頭肉嚥嚥韌韌，燉完湯都仲有攝人既海螺味道。湯汁清徹而香濃，淮山杞子天然甜味併上雞湯底，好味到唔停得口，就連湯渣都好好味呢 ﹗ 膠口嫩滑雞腳、粉口鮮淮山 ！

又黎我個人飯堂開餐先，食飽飽就去 Halloween party 玩個夠！飲個夠！原盅鮮人蔘燉烏雞湯，真材實料無味蒸，湯汁清徹見底，所有精華已溶入湯汁之中！清香甘甜鮮人蔘味，散發著淡淡雞肉香。好味致極，太美味要一飲而盡！連湯渣都給我全收肚中。鮮人蔘有抗疲勞，滋補強壯的作用，仲可以抗衰老， 對心血管有很大好處，可以通血脈補五臟，用來治療麻痺、寒冷、頭痛及心血管之疾病，改善內臟之功能。山竹牛肉球，清香檸檬葉味道加上酸咪咪喼汁越食越開胃，越食越起勁！大大粒牛肉球成粒塞入口，好幸福啊！非常有彈性，牛肉味又濃郁，仲食都大量清甜馬蹄粒增加口感，堅好味呢！檸檬葉化痰止咳，理氣，開胃。治咳喘，腹脹，泄瀉。腐竹輔助降血脂，其含有的卵磷脂可除掉附在血管壁上的膽固醇，防止血管硬化，預防心血管疾病，保護心臟。鵪鶉蛋燒賣，香噴噴！痕痕地完舊啪入口，一咬爆汁！豬肉香甜無比，肉汁澎湃，齒頰留香。質地結實又彈牙，配上質感完全唔同既鵪鶉蛋一齊食，蛋黃既甘香加上豬肉既肉香，不得了！狂吞三粒依然覺得唔夠喉呢！鵪鶉蛋味甘，性平。有補益氣血、強身健腦、豐肌澤膚等功效。鵪鶉蛋中的膽固醇及磷脂含量都低於雞蛋，被人們譽為延年益壽的靈

鵪鶉蛋燒賣，已經唔記得食過幾多次，一再回味！飽滿極具吸引力既外貌，白雪雪滑嘟嘟珍珠般既鵪鶉蛋坐係結實彈牙既肉球上面。豬肉味濃，泛濫著澎湃既肉汁，再撞上蛋黃既甘香，滿足得拍案叫絕！連啪三粒，非常震撼！黑松露醬燒賣，好熱好熱，但都照樣成粒塞入口，不容許有半滴精華走失！先黎個原味燒賣，黑松露醬味道清爽而突出，跟鮮蝦味道夾到不得了！天作之合。豬肉醃得香甜而質地結實併埋爽嫩鮮蝦，無需多講，一掃而空。豆瓣醬跟燒賣味道非常配合，惹味又醒胃，必試！四寶鮮淮山魚肚雞紮，啖啖肉又無骨啱晒我依類食肉獸！最正宗食法當然係大大啖咬落去，四種食材味道同質感完全溶合，豐富致極，美味到頂點！拆開分開食就唔係四寶雞紮啦。厚厚雞柳大大舊，juicy 到肉汁直噴，又鮮又嫩又彈，香甜入味非常，非筆墨能形容。樣樣都係寶，好味又有益，魚肚爽滑，索晒雞汁勁水潤。鮮淮山半爽半粉，用腐皮卷住跟彈牙火腿一齊食勁正。原盅淮山杞子花膠燉瘦肉湯，燉湯最緊要熱到出煙，仲要火喉十足。閘呀！滾熱辣，湯汁清徹香甜，花膠既膠質已完全溶係湯汁裡面，質感濃厚而膠，花膠燉完變得爽口富彈性。淮山杞子天然既清香味道已籠罩整個空間，美味到想黎多盅！梅香咸魚蒸肉餅飯

排骨飯有大埔林記、新明發手屈一指。依家多左銅鑼灣曉廚雞飯可以同佢地爭一日之長短！Lucky 呀，見到師傅剛剛蒸起盅頭飯，新鮮出爐煙霧彌漫呢！款款都好靚仔，發晒光、閃令令、香噴噴！一心黎食排骨飯，食左您先。推出左新燉湯套餐喎，蒸飯加燉湯只係 $48，抵食夾大件！原盅淮山杞子蟲草花燉雞湯，無敵既紫砂燉盅，能夠保持食材原汁原味，一點一滴既精華絕對唔會流失。熱辣辣香噴噴，倒落隻碗度先慢慢品嚐。湯汁清徹香甜，特濃雞湯味散發著淮山杞子既清甜。越飲越想飲，等唔切用匙羹續小續小飲喇，一下子大大啖豪爽地飲先夠𣈱快，拿起隻碗清左去啦。估唔到份量足足有兩碗呢，飲完全身興烚烚，暖笠笠大滿足。豉椒蒸鳳爪排骨飯，食左曉廚咁耐，依次超水準表現！開心死。賣相靚仔唔在講，新鮮出爐肉香撲面，點忍得唔食您落肚呢。色澤鮮豔濕潤立立令，淋上甜豉油點綴一番更加吸引。索一索濃郁排骨香味夾雜清香豉油味，口水直流。因為無油紙供應作墊枱用，油紙可以吸走多餘水蒸氣及油份，可以令飯同肉更加乾爽。無油紙的話，我喜歡畢落個碗度食，方便將豉油跟飯撈得更均勻，每一粒飯都要沾上豉油呢。原盅排骨跟飯一齊蒸熟，排骨既精華、肉汁已完全滲進飯粒之中。係碗度大

師傅大力推介奶皇包，話係進化版爆漿流沙金粒奶皇包！即叫即蒸無得輸既出品！係咪真呀？就等我親身試一試龍與鳳。新出燉湯餐勁抵食，盅飯、點心、燉湯只需 $62 乍！流沙金粒奶皇包，唔洗 5 分鐘新鮮出爐！師傅千叮萬囑食既時候要小心，因為裡面非常之熱架。無緊要，我飲開滾油既。師傅再三提醒唔好成隻啪呀，一定灼到起水泡又甩皮架。仲有要保持距離慢慢搣開，唔好心急大大力，堅會爆出黎架。我知喇，多謝晒，哈哈。個包皮光肉滑好靚女喎，揸揸先。熱辣辣又非常有彈性，勁有手感，揸到愛不釋手，但真係太熱，都係要放低一陣先。係時候開包喇，係中間溫柔地擘開，即時有野流出黎。勁香奶皇味直衝腦袋，金黃色既岩漿不停湧出，急流一樣，圍繞著鬆軟既麵包。忍唔住一定要即刻咬一口，香甜味美，奶皇味特濃而且幼滑非常，仲有金粒夾雜其中添！咸蛋黃跟奶皇味道一向絕配，一咸一甜、一靜一動，撞到精采絕倫！您唔好同我爭呀，兩隻包都係我架，要食自己叫啦！依雙玉包非試不可！蒜香鮮蝦長春卷，甜完又黎咸過，好耐無食喇，成日都賣晒，師傅話太忙，忙到無時間補貨呢，無辦法，要食真係要請早，經常 12 點未夠已沽清。落足本錢、落重料既春卷點會唔受歡迎，從未食過蒜味

收到風曉廚有新燉湯推出立即踩場睇真啲啦！飯市到步，居然要排隊，好采只係三四個係前面，今晚唔趕時間，可以慢慢嘆。淮山杞子鮮人蔘燉烏雞湯，滾熱辣香噴噴啊！倒出黎似飲啲，鮮人蔘、烏雞、淮山、杞子、瘦肉真材實料。湯汁甘香美味，健康補身，飲完暖笠笠。連渣都食埋，鮮人蔘味甘帶爽、烏雞肉瘦而富彈性、淮山杞子清甜。足足兩碗湯水，一啖一碗，無可抗拒既美味！高湯鮮竹卷？進化版？係灌湯鮮竹卷黎架喎，一咬爆湯！濃郁湯汁充滿整個口腔，驚喜萬分！吾，好正！豬肉肉汁、香芹清爽味道跟高湯混和，注入每個味蕾，好有衝擊！連食三條都唔夠喉呢。曉廚荷香糯米雞，一打開荷葉已聞到香濃糯米飯味。挖開睇睇，糯米跟餡料比例機乎一比一呢，連咸蛋黃都有，另味道生色不少呀！火腿超級高質，咸香帶豬肉甜味，仲好彈牙，正！無骨雞柳嫩滑，香甜入味大大舊。貫徹始終足料非常，每個都包得飽飽滿滿！所有餡料都被大量肉鬆緊扣，糯米嚥嚥韌韌，係我食過最好味既糯米雞。豉椒蒸排骨飯，淋上自家清香甜豉油，起動！排骨啖啖肉，肉多骨少勁滿足！香甜質優軟棉帶肉汁，撈埋嚥韌乾爽飯粒如虎添翼，緊好味！stage 1 原味，stage 2 就係加入勁辣辣椒渣，又香又刺激，味道仿

農煎蛋牛肉飯，太陽蛋呀！大愛，仲要係依然暖暖地，師傅仔親切地問要唔要新鮮煎過？溫度滿意，唔洗喇，唔該晒。最怕凍冰冰煎蛋，一係煎到廿成熟老到巢皮，可怕。賣相真係好吸引，色澤鮮明立立令，食慾大增。喜歡撒上大量甜豉油，一插爆醬！外觀平平無奇，估唔到裡面完全流心，甘甜香濃撈飯絕配！細個時一隻荷包蛋幾滴豉油可以送成碗飯，一隻蛋已好滿足。流心滑蛋配以檸檬葉既滑牛肉餅再加埋甜豉油撈飯，太貪心喇麻？剛好一羹滿足晒三個願望，有蛋有飯有牛肉，飯粒乾爽飽滿被甜豉油均勻地包住，質地嚥韌高質，讚！山竹牛肉球，好豐滿呢，比乒乓波還要大，就算係我如果要整粒啪入口都有點困難啊！咬開發現有蔥有馬蹄有檸檬葉，肉質勁有彈性，咀嚼時仲食到爽甜馬蹄粒粒呢，好足料。依家好少食到有檸檬葉既牛肉球，非常清香，配以喼汁同吃，味道特別出眾，酸酸甜甜好開胃。水晶蝦餃，每日高據點心榜冠軍！即叫即蒸新鮮出爐，熱到燙手呀！爽嫩原粒鮮蝦，好甜啊！半透明餃皮滑彈帶嚥韌，點停得口，一口一粒，爽到痺！撈上大量豆瓣醬，刺激又惹味！估唔到味道係咁夾架。古法馬拉糕，一向都唔多食包類，但師傅仔熱情推介，好啦！就試試。雖然其貌不揚，但質感軟塾，清新淡淡甜味又不嗆

白蓮蓉包，我其實好少食包，怕太易飽肚食得唔夠多野囉！胃食既人會好 down 架。不過今次見佢肌膚幼滑，白雪雪，即管試試。揸上手熱辣辣又軟墊，用力摙吓佢仲好有彈性，手感一流，有啲揸到上癮咁，停唔到手。都係唔好再玩喇，要趁熱食，摵開一探究竟。好香蓮蓉味呢！蓮蓉入口幼滑夠漿口，清甜不嗆，我唔食甜既都覺得滿意，如果包皮再薄一點就更開心啦！潮州粉果，見到 display 好靚仔喎，就試試您啦！餡料清香爽甜，嚥韌帶滑既果皮包著粉葛、西芹、肥豬肉、等等，混為一體，整粒豪快地啪入口，塞得嘴巴脹脹的，勁開心！食前先將曉廚自家辣椒渣堆滿粉果，一啖一隻，香辣甜美又刺激，爽乎！豉椒蒸排骨飯，兒時情意結，非常傳統既排骨蒸飯，由我懂性幼稚園食到依家，快靚正又經濟又飽肚，好適合港人忙碌既生活，節奏急速既社會。少量豆豉香而不濁，最怕一大堆。再添幾絲紅椒作點綴，微微辛辣帶甜，跟排骨飯撈得均勻更加惹味。輕輕灑上甜豉油，開飯喇！飯香撲鼻，食慾大增，一啖又一啖，一啖又一啖，不需猶豫！香煎臘味蘿蔔糕，試完個頂級排骨飯後，要平伏一下興奮既情緒，黎個傳統蘿蔔糕。即叫即煎熱辣辣，兩面煎得金黃，微燶香口。食落清清淡淡略帶蘿蔔原味，仲食

麻煩師傅仔所有點心蒸飯都要即叫即蒸，我比較咀刁，預先蒸定不太喜歡，新鮮出爐滾熱辣噴晒煙先係最正最好味架麻，我今日唔趕大把時間，慢慢啦，真係唔該晒您地。山竹牛肉球，要幾彈有幾彈呀！香噴噴牛肉球，自家打做，環環緊扣，纖維緊緻幼嫩，滑嘟嘟！咬啖原味溫柔細嚼，竟然係清香檸檬葉味道在味蕾間滾動，尾隨著鮮牛香氣，juicy juicy！大膽地將整個牛肉球連山竹沐浴在香甜喼汁之中，甜酸味滲入牛肉每吋肌膚。每趙一下，肉汁激射跟喼汁相互呼應，酸甜中帶著肉香，好好味呢！潮州粉果，從蒸櫃中剛剛走出來，冒著輕煙，表面潤澤立立令！急不及待直跳入我溫暖既口中。咬開有肉有芹有葛有花生，全部爽脆香甜，再配上我最愛的自家辣椒渣，好幸福啊！高湯鮮竹卷，賣相已經比人有好清爽既感覺，加上約隱約現既腐皮外衣，令人十分期待。索一索，應該係雞湯香氣。不雖保留任何儀態，大啖咬吧！澎湃既湯汁跟肉汁齊齊灌入口中，甜美非常！木耳、甘筍、西芹、椰菜清香爽脆，美味！滿足！砵仔咖哩魷魚，砵仔？好別緻喎，第一次見用砵仔煮咖哩魷魚，坊間一向覺得用砵仔、瓦煲、燉盅煮食物會特別好味！我都係一樣咁諗。用筷子夾舊魷魚鬚試試先，彈到活既一樣，非常百厭！搞到咖

三個麻甩三個飯！條街勁熱呀，求其衝上大代涼冷氣順便食個經濟 lunch 先，剛剛過兩點有特價，$28 個飯仲有汽水送，哈哈！食豪仲可以升級食多個點心都只係 $38 乍！三個餐夠食咯，加多個湯仲夠三個人飲添，埋單百五蚊有找仲要送三杯凍飲，好飽啊！，好靚仔喎，賣相吸引，飯香勾魂，等我隻碗分開排骨解構一下先。飯面有鳳爪及排骨既烙印，證明係原盅飯跟一齊蒸熟，排骨既肉汁、精華全部保留，滲入飽滿飯粒之中。先撈勻白飯，加入自家調製甜豉油再撈撈，最後加埋自家勁香辣既辣椒渣，非常香口惹味又醒胃！辣味跟甜味異常地合拍，正呀！飯粒夠飽乾爽，不過腍不過濕，合格。排骨肉多骨少無肥膏，啖啖肉既香又帶甜，仲有部份係軟骨添，趙到卜卜脆好過癮。咸魚肉餅飯，咸香撲鼻既咸魚撈上滑彈肉餅加甜豉油，每一啖都混和咸甜於一身，各走極端但撞得美味！肉餅仲加入馬蹄，令口感更為豐富。鱆魚肉餅飯，嘩！居然會有鱆魚肉餅，已經好少茶樓肯做喇。難得再遇，咀啖先！濃郁鱆魚香味滲入肉餅之中，食得到鱆魚肉彈牙粒粒，而且有爽甜馬蹄粒點綴一下。啖啖都要有香甜豉油撈上飽滿飯粒跟鱆魚肉餅一家團聚送入口，好喜歡鱆魚既鮮甜味，齒甲留香！四寶鮮淮山魚肚雞紮

約都無咁啱呢！本打自己一個人走上黎食個孤獨點心餐就返屋企自閉，點知幸運地碰見美女朋友仔！約就約唔到架喇，坐低撐個枱腳啦！全肉點心蒸飯餐啱晒我，但多左位美女就叫個菜食啦！我一個人都食一盅飯五個點心啦，今次兩個人點心加蒸飯同燉湯只係十樣之麻，哈哈！曉廚荷香糯米雞，嘩！巨人版多料到您唔信，大大舊叉燒、大大舊雞柳、大量蠔汁肉鬆、少少咸蛋黃。唔好睇少嗰少少咸蛋黃，令整個糯米雞生色不少，顏色更豐富、香味更精彩、味道更多樣化。清香荷葉味道已完全滲入糯米飯當中，嚥韌飽滿糯米飯黏黏的，搭上每款不同既配料，係齒縫間奏出不同悅耳既樂章！太美味，食到乾乾淨淨，刮到荷葉都差不多爛喇！農家煎蛋牛肉飯，細心地可揀太陽蛋或全熟蛋，連窩蛋都可以，讚讚讚。因為飯同餸都填得飯盅滿滿的，雖然曉廚無油紙供應，不過可以分落碗仔將雞蛋牛肉豉油撈得更均勻。流心蛋醬甘香無比，包裹著彈牙牛肉同香飯不停輸送入口，牛肉帶檸檬葉誘人既味道，彼此打得火熱，正！蒜香鮮蝦長春卷，新奇長長既春卷非常奪目出眾，一望就想試試，咩料呀？從來未食過超級濃厚蒜香味，比一般蒜香春卷濃一倍呢！配上酸甜喼汁，意外地十分合拍，蒜香更突出，甜酸味可減去油膩感，炸得金黃卜

原盅蟲草花淮山圓肉燉雞湯，勁多料呀！湯水香濃而清徹見底，倒出黎用碗飲方便好多。雖然連皮燉會有點雞油，但有雞油會更香更甜。雞湯味特濃，加上淮山圓肉蟲草花既天然甜味，當然好好飲！而且蟲草花與杞子同樣可以抗衰老、調節免疫力、防治腫瘤。圓肉有大量葡萄糖、維生素，有補血、補氣、安神效果。淮山健脾、益肺、益腎、等等。四寶鮮淮山魚肚雞紮，即蒸熱辣辣噴晒煙出場，卷得整齊企理，無話散開晒，賣相非常討好。我最愛成卷咁咬，可以一次過享受到四種味道、四種質感！但今次真係太過熱喇，連飲開滾油既我都受唔住，唯有拆開食啦。魚肚爽滑多汁，索盡雞柳火腿既精華，好 juicy 又好鮮甜！大愛！雞柳嫩滑、火腿條咸香彈牙、鮮淮山夠晒粉口，無得輸！鮮淮山所含有的黏液蛋白，能預防心血管系統的脂肪沉積，保持血管彈性，減少皮下脂肪沉積，降低血糖，並能改善血液循環的功能及改善人體消化能力。北菇蒸雞飯，被賣相深深吸引，聽到佢不停地叫我呢！白雪雪既雞柳上面舖住一大塊香菇再加幾條薑絲，顏色併起黎非常之美觀得體！香噴噴北菇同雞味，成舊冬菇啪入口，非常 juicy 呀！勁濃香菇味又爽彈多汁，正呀！滑不留口既雞柳醃得既香又入味，加上甜豉油點綴一下

超級無敵澱粉質餐，哈哈！咩都試試麻。曉廚荷香糯米雞，嘩！同兩個月前判若兩雞！打開個蒸籠已聞到清香荷葉味，仲包得大隻結實又飽滿添！講多無謂，食左先講！好熱呢！濕潤既荷葉要慢慢用筷子打開，一路揭一路聞到糯米香味越來越濃郁。終於赤裸裸地放係眼前，白雪雪既糯米，側邊仲滲出肉碎餡料，香噴噴非常誘惑！忍無可忍，立即整舊試試先！豐富到無法相信！大大舊滑溜無骨雞柳、大大舊彈牙蜜汁叉燒、半隻甘香咸蛋黃，大量 juicy 醬皇炆肉碎，夾住嚥韌糯米齊齊送入口，好食到企唔穩呢！我差啲連塊荷葉都想食埋，刮到乾乾淨淨，實在太美味！依隻雞非食不可！同舊版完全兩回事，直頭係傳統糯米雞既終極版。蜜汁叉燒包，食過最好食既叉燒包係紅磡金御，唔知曉廚又點呢！Step by Step，依例摵開欣賞一下先。好香叉燒味呢！一啖連餡咬去大半個，香甜味美，叉燒彈牙有咬口，半肥瘦夠晒香口，大愛。如果包皮再薄一點就更加正，人就係貪心架啦，哈哈。白蓮蓉壽桃包，又係包！見佢咁搞笑既黃色壽桃包，試一試先。蓮蓉幼滑清香，淡淡甜味不嗆喉，滿意滿意。最衰無加咸蛋黃啦，有少少吊吊味就更開心，而且包皮再薄啲好麻？香煎臘味蘿蔔糕，剛剛賣晒，師傅仔話既煎比我

今晚無咩胃口，食幾個點心當晚飯。叫個點心餐送碟炒菜，再散叫兩個點心加個燉湯，飽飽。似乎無咩胃口都好大食呢，哈哈。蒜香鮮蝦長春卷，師傅仔話即炸會香脆好多等唔等？梗係等啦！5 分鐘唔洗就新鮮出爐，好熱呀！點少少喼汁降降溫，咬落脆卜卜索索聲，好過癮。特濃香蒜味道，從未食過咁濃既蒜味，而且夾雜著爽口蝦肉，當然好味啦！鵪鶉蛋燒賣，賣相一流無投訴，索一索香噴噴。一定要成粒啪入口啦，咁先原油原味，一滴不漏盡收肚底！香濃豬肉球結實彈牙又 juicy，撞上甘甜鵪鶉蛋，佢地既化學作用無與倫比，連啪幾粒唔洗客氣。淮山杞子螺頭燉雞湯，開呀！個盅熱到辣手！勁香雞湯同螺頭味交雜！睇落以為好細碗，但倒出黎都有兩碗湯水喎。湯汁香濃清徹，最愛淮山杞子既天然甜味，撞埋海味同雞肉味，堅正！份量好夠又足料，連湯渣都食晒，螺頭彈牙味濃、雞腳嫩滑，good！高湯鮮竹卷，酒樓食親都係蠔汁鮮竹卷，終於有款新口味！香噴噴，腐皮滑嘟嘟，餡料包得滿滿，有肉有菇有甘筍有木耳，非常清甜爽口，濃郁高湯灌滿鮮竹卷，味道無得輸！好好食，必試。豉椒蒸排骨，居然係 food court 可以食到高質排骨，比起酒樓肥騰騰既排骨好百倍！肉多骨少無肥膏，啖啖