景城冰室

营业中

休息中

面嘅軟硬適中，仲好入味！唔會淨係得豉油嘅鹹味，而係真係食到配菜嘅味道，好香。😋配菜嘅紅蘿蔔絲都好甜，而芽菜都好好味。唯一可以改善嘅係可以落多啲芽菜，咁就更加好！

今日去火炭食下午茶，去咗一間叫景城冰室，餐廳位於山尾街沙田商業中心對面，火炭嚟講係相對熱鬧嘅地方，門面橙色有發光招牌寫上餐廳名字，好典型工業區格局，餐廳店內都幾乾淨整齊，比一般工業區飯堂好。門口餐牌望一望都啱食。門面搶眼。沙嗲牛肉包配沙律，沙嗲牛肉味香濃，牛肉有味軟腍，上面仲插支旗仔明顯有誠意，味道係好，不過個包賣相就差啲🤣，沙律一樣唔錯有擺盆。豬扒煎蛋飯豬扒醃料重手咗，有啲過份軟塾，影響口感，半煎炸外皮香脆，蔥油豉油好食，煎蛋半生熟可撈飯。

今日約左fd 交收,因為早到左,所以去食返個早餐先叫左個肉丁米粉配餐肉腸仔 飲茶走(少甜)米粉好食,係煙靱既多士係厚身既,烘得剛剛好,唔會好干茶走(少甜) 都真係唔甜

星期日就係外賣或食茶餐廳的悠閑曰。。我哋五個人叫咗幾個常餐同星期日午餐，個午餐有幾樣野選擇，我哋揀咗肉片炒麵，個餐跟一杯嘢飲，真係估唔到茶餐廳午餐有這個水準👍🏻👍🏻最驚喜係個西多士，外脆內軟，厚麵包仲要係新鮮嘅。。。性價比十分高，值得寫食評支持下👍🏻👍🏻仲有會有湯飲，有個嬸嬸會每枱去問要唔要湯，係free 嘅👍🏻👍🏻佢仲要滿面笑容😊真係好難得，值得一讚👍🏻👍🏻

去過三次，沒有失望。第一次點了咸牛肉蕃茄三文治，足料。第二雪菜肉絲炆米，OK。今次點了葱油雞扒撈丁，先上炒蛋多士，賣相佳蛋煎得剛好且滑；撈丁方面份量剛好，葱油撈丁味道不濃且香，雞扒亦不錯。

今日第一次幫襯，諗住叫碗鸭腿湯飯試下但食到成肚氣，原因如下面2點其一 碗湯飯放左吉枱(冇人坐)上足足6分鐘都冇職員發現，最後全場問有冇人叫湯飯才攞比我，雖然我係一般食客，都冇理由比碗凍湯飯俾我食架其二 個餐$56，我埋單比$66，個老闆娘顧住同職員吹水，收左錢居然話啱數就望都唔望放入收銀機，冇諗住找錢比我，我企喺度等佢找$10比我，佢仍然話$56啱數，話我可以離開，我即刻話我比左$66，佢才找番$10比我，好似好唔情願咁今餐真係食得超級唔開心，職員打工唔怪佢地，連老闆娘都收錯錢，拜託d服務可唔可以做得好一d? 我其實好簡單，食到我想食ge餐，唔駛等完再等，我比錢果時都點清楚，唔係收左錢就算，我唔會再幫襯，但唔會阻止人去幫襯如果景城冰室d職員見到呢篇食評，拜託之後做番好d，檢討下，否則以後唔會只係我一個比劣評

住係火炭，都聽聞城景好抵食，西多士尤其出名，不過夾唔啱下午茶時間，見佢啲粆粉麵飯都好吸引，就叫左個乾炒牛河外賣， 盛惠$56外賣自取有九折。可能午巿時間或者即炒關係，都等左好一段時間，我諗15分鐘以上啦，一拎上手，嘩！乜成個石頭咁重😂😂返到屋企一打開，你有無見過叫炒野個粉係成個盒蓋咁嘅形狀？！我梗係唔夾硬食晒，盛起一大半都重有大半盒。不說份量，質素都不錯，牛肉好多，而且有肉味，又不是用鬆肉粉過度醃製，河粉條條分明，豉油味濃，配有芽菜洋蔥，減少油膩感，真心不錯。只可惜午餐晚餐都係牛河，吃到成個腦都係牛河味，睇黎有一個月唔洗再吃了😂

近近地去公司附近景城冰室醫肚。同事叫了是日快餐：黑椒汁火腿雞扒飯，快餐果然「快」，落單不用2分鐘就放在餐枱上，火腿好大塊，雞扒相對比較細件，咸道適中，黑椒汁有點辛辣，啱晒冬天食！可惜溫度唔算好熱。同事差不多吃完的時候，我點的茶餐「沙嗲牛肉炒烏冬」姍姍來遲的終於送過來，火候十足，好有鑊氣，香噴噴的沙嗲味烏冬熱辣辣的放在面前，雖然等得比較耐，可能要湊夠數先炒，但係冬天叫「即叫即炒」嘅食物比較好。至於餐飲熱好立克及熱朱古力正常，冇偷工減料。

過了一個月，又光臨火炭 ，這次是修車！等師傅驗傷之際，我又來這心水茶餐廳 hea一hea。已是下午茶時分，所以點了一份經典茶餐廳小食，“西多士”；醬汁有幾個選擇，不一定是蜜糖，今天我點了 “奶油西多士”。Presentation夠精緻吧，牛油不是隨便一塊，切成三角形的，加支旗仔，雖然老土，但絕對用心！多士夠厚，蛋漿夠厚，足料，100分！花生醬當然少不了，口感味道絕對一流，再沾一點旁邊的煉奶，邪惡感、滿足感皆滿瀉！

偶然於白天路過沙田，也會在火炭吃午飯，無它，質素高，夠平民。除了那些大排檔，這茶餐廳也是我的偏愛，如下午茶餐的西多士、菠蘿油都蠻精緻，插支旗仔便可提升两個層次，雖對味道沒幫助，但起碼在擺盤花了心思，絕非一般茶餐廳的hea出品。這天是個正常的午餐“豉油皇肉絲炒麵” ... 不會太鹹，味道適中，碟底沒什麼多餘的油，夠乾身，麵上面還有光澤，葱段銀芽還爽脆，賣相、碟邊整齊乾淨，大酒家標準，色香味都交足功課！這雖未至於蔗渣價錢，但肯定是燒鵝味道！性價比高！

今日雖然係紅日，但工作上需要，我都係返左公司做下野。之後就去左景城度食個 lunch，入去即刻有位…唔使等。咁我就睇左一睇餐牌…見到平時少食開既野食～諗左一陣…就叫左星洲炒貴刁加一杯凍奶茶…大概等左十五分鐘左右…野食就已經送到餐台上…食落去…唔算辣…對我嚟講好似淡左 d，可能係貴刁本身就係濕濕地～就算加左星洲既配料～炒岀來都係比較濕…溝淡左 d 味道…對我嚟講…下次可以試下其他野食既…至於凍奶茶…和岀面餐廳一樣…無乜特別。