普洱 (已結業)

今日嚟到荃灣食呢一間叫做普洱嘅餐廳啦，咁入到去食佢都唔算話人太多嘅咁我嗌咗個焗飯嚟食嘅咁我知道點解個原因唔太多啦因為食落其實質素都好麻麻而最大嘅缺陷係佢個焗飯竟然係用白飯底完全破壞晒焗飯嘅精髓所以我覺得個焗飯係完全係唔夾唔好食嘅咁其次佢嗰個普洱朱古力我覺得都OK嘅又唔算難飲，但係亦都唔算有乜特別嘢感覺中低嚟講我係覺得做焗飯唔用炒飯體係一大敗筆嚟嘅咁見到間餐廳人流亦都唔算多，所以相對應該大家都係覺得佢嘅質素一般般嘅啫…查看更多

最近因為疫情再次反覆, 政府宣布禁止六時後晚市堂食, 於是我決定提早些少食夜晚嗰餐。今次食左餐廳入面嘅焗野, 叫咗個焗咖哩豬扒茄子意粉, 嗰碟焗意粉賣相都算ok, 出面啲餐廳通常係咖喱焗豬扒,好少會豬扒連埋茄子一齊, 創意度有分加, 秘製咖哩好入味, 塊豬扒都好大塊, 最有特色係啲意粉, 坊間通常會用啲闊嘅麵嚟整意粉, 呢間餐廳用咗啲又嚟整意粉, 意粉 、咖哩 豬扒、茄子四者配合得天衣無縫, 順帶一提如果六點前落單嘅話好似仲有得減幾蚊添!…查看更多

叫左一個白汁香酥骨飯同一個葡國椰汁排骨雞翼飯。啲肉咬都咬唔開，食啲肉時感覺似撕拉緊樹皮咁嘅口感😓白汁無咩味，葡國椰汁唔香，總之唔會回購。同台灣麵咁飲品選擇比較多，但又唔似台灣麵咁會為左杯野飲特登黎食，例如我叫左香橙綠茶，大約就係茶包沖綠茶再加橙汁咁，無必要食佢，而且個飯真係好難食。另外扣分係，明明去時好多位，佢安排我坐門口。背後就係餐廳電話，有電話黎時，電話聲就係我腦後響。而且全程食飯都有電話黎，職員唔知去哂邊，電話響好耐都唔黎聽😓總結今次午餐體驗非常不良好👎🏽👎🏽…查看更多

今日28-11-2020 (Sat)剪完髮後,同老公臨去探外婆前食個晏,既然喺呢個商場,就試吓老公男友人NT介紹嘅呢間.我哋入去到,其實都未算過食晏時間,但人唔多,由於我哋唔太肚餓,坐低後睇完menu決定要一碗車仔米線share食,我哋要咗:1. $20.00嘅凍朱古力普洱濃濃朱古力味蓋過咗普洱嘅味.味道: 3分2. 熱杏仁普洱同樣,唔多飲到普洱味,只覺得係淡杏仁.味道: 3分3. $43.00嘅雙併車仔米線要豆腐丸子,燒豬軟骨通心米線.嚟到,見到啲餸唔多.豆腐丸子口感鬆軟,ok;燒豬軟骨入味,不過都係乾同嚡;通心米線係特別,不過食唔到同普通米線有咩大分別;啖湯幾好味.味道: 3.75分食完碗米線,又想食小食,於是要咗$24.00嘅南瓜粑粑.呢個等咗幾耐至到,應該係即叫即做,一客4件,size正常唔會太細件.而佢係熱騰騰軟綿綿同煙韌,唔太甜,唔錯嘅.味道: 5分抵食係2.7分其他:原本以為呢喥係食雲南嘢,冇諗到佢哋重有飯,重有啲港式溝西式嘅飯.…查看更多

今日同朋友係青衣行完山，就搭巴士去左荃灣搵好野食。聽講呢到既朱古力普洱好出名，所以就比佢吸引左入去。佢呢個招牌真係無敵，朱古力好滑（應該有加奶）普洱茶底好濃，估唔到呢兩樣材料溝埋個味道係咁夾，好想再返去飲多次。我叫左個豬軟骨米線，佢係用砂鍋載住，同平時好唔同。豬軟骨好軟好入味，米線都幾淋。仲有d一條條腐竹同埋木耳，感覺好養生。👍🏻我同朋友再share左個南瓜粑粑。咬入去無明顯既南瓜蓉，但食落去係有南瓜味。成個糍粑都好軟，如果南瓜味重d就好😂…查看更多

呢到，人多嘅時候係要夾桌嘅，唔中意嘅一係早d黎一係遲d黎啦~~但食物幾好食嘅，而飲品就濃味d~好好飲，黎呢到就係飲佢杯野~~再加上個價錢，仲想點啦~~~~好好架啦如果想飲多杯野飲而有三個人，可以17：30左右黎，可叫兩個飯/面之後叫兩個下午茶包~~就會有多杯野飲，呢到通常18：30~19：00之後先開始多人（5，6，日唔計）中間係香蕉朱古力，左同右就唔記得左邊杯係朱古力咖啡同朱古力普洱。香蕉朱古力係奶昔黎，比較足料~~中意香蕉嘅可一試~~朱古力咖啡同朱古力普洱分別就係濃味D同淡味D~但味道非常夾，但一定要試左普洱先，唔係就會變得淡過頭。黑椒牛筋丸好鬼彈牙，同黑椒味，不過得兩粒，會覺得唔夠皮~~~手撕雞不過不失啦，唔老~~~小弟叫嘅係通心米綫，因為得意同出面少見~~~自己就覺得食落有口感~~芝士焗雞肉火腿厚多士厚厚嘅芝士＋白汁，中間好足料架~~~多士焗得好趣下。魚柳包趣嘅包同熱熱嘅魚柳。咖喱焗薯仔雞扒飯小弟將咖啡汁改做葡汁，對怕咖喱嘅人可以多個選擇~~~味道嗎~~~當然好食啦~~…查看更多

平日多數都係大霸街果間主舖，今次第一次黎食呢間分店，帶埋老豆黎撐檯腳，因為老豆鍾意食類似碟頭飯，老豆點左個茄汁豬排飯，我就叫左個山珍牛肉砂鍋米線，再加 $8 叫左碟生菜黎補充下纖維。上菜速度勁快，老豆大讚佢個豬排飯，話 d 汁好多好岩佢口味，豬排又好淋好易食，好香口，我試左半塊，的確係幾好。我個砂鍋米線，我好鍾意呀，因為個砂鍋一上菜係熱辣辣，個米線湯自己仲起緊泡泡滾緊，然後牛肉份量足，又惹味，唔會癡牙，佢應該加左 d 芝麻油，令到成碗野有種芝麻香，好岩我口味，米線就偏淋少少，但我並不反感，呢個價錢都算係交足貨了。然後個菜既份量$8黎講都好 ok 了。我杯蜜桃綠茶都好好飲呀，整體而言，感覺良好 …查看更多

門口睇到餐牌上食物名稱都好特別，坐低之後發現座位不算寬敞，食物較像茶記。叫左辣子雞醬滷熱撈米線，辣子雞十分鹹，無特別，加上叫左撈米線就更加鹹了。最失望的是餐廳員工好似唔想做咁, 落單上菜全程無笑容。米線包一杯飲品的，但落單員工無提無問我地要飲咩，要之後再問再叫先落！食完之後覺得寧願去普通茶記。…查看更多

💁🏻‍♀️ 普洱 (荃灣) 🍴-之前食過另一間砂鍋米線覺得一般，今次叫左涼拌米線，有驚喜，啲醬撈得唔錯，米線又夠彈牙。反而呢間分店嘅普洱朱古力冇咩普洱味，各有千秋啦～打和～/📍 普洱 (荃灣)#荃灣 荃華街16號荃薈地下30號舖#小丸子搵食記 #小丸子荃灣-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn #西餐…查看更多

晏晝同朋友肚餓，我突然記起我之前食過普洱，啲嘢都幾好食，咁岩又係普洱嘅新鋪附近所以就帶朋友去食...點知一入到鋪面，有個帶頭巾嘅男侍應叫我地入去坐，另外一個金色頭髮嘅男侍應就叫我地出返門口個張枱坐🙄我唯有企喺鋪頭走廊嘅中心，等兩位男侍應用眼神交流完之後用命令式叫我坐喺鋪頭中心嘅圓枱，同另外一位女士搭枱。其實我真係唔明，明明有張沙發枱冇人坐點解係都要我同人搭枱，或者呢個就係佢哋可以做多啲生意嘅方法，非繁忙時間有空枱只要你唔係四個人你都一定要搭枱???諗好食咩諗住落單，我彷彿以為自己去咗普洱嘅員工宿舍，員工細聲講大聲笑😫完全冇人發現我舉手想點餐，我唯有好似平時截的士動作咁大佢哋先見到我...OK，唔緊要，係一間平民嘅餐廳我都唔預你服務有幾好，但平時我喺舊舖食嘅時候，員工都好勤力好少出現呢個情況，唔緊要，我當你培訓不足，去一間餐廳食嘢最緊要都係啲嘢食嘅...坐咗一陣嘢飲終於嚟啦，我叫咗一杯柚子糯米香茶，因為我之前喺舊舖飲過，覺得味道好特別我好鍾意所以嚟到呢邊我都照叫返呢杯野飲，點知一嚟到杯嘢飲裏面全部都係茶葉碎，我記得我之前飲嘅時候係冇茶葉碎，我諗係應該做茶膽嘅時候無過乾淨。味道亦都好淡。🤮🤮🤮🤮🤮到我朋友個杯茉香奶茶，犀利囉，杯野白到我地以為佢比錯野飲，一飲落去有陣茉莉嘅香味，帶完全稱唔上係奶茶，啲冰好碎，溶得好快過咗5分鐘之後杯野完全無味，個感覺真係好核突🤮🤮🤮🤮我哋個米線嚟到，朋友叫左其中一個餸係菜肉餃，一夾起隻菜肉餃發現隻餃子根本無包實，之後啲湯入晒去個餃子度，然後個餡係無味嘅啲皮又勁厚🤮食到一半，有個男侍應撞到我張凳，之後我望住佢原來係通道太窄所以撞到我，之後佢將佢手上一杯珍珠奶茶送去客人枱面，唔知係因為啲咩原因放低好似急急腳趕住走咁，杯嘢飲就倒瀉左，之後個男侍應反咗一個好大嘅白眼之後話麻煩，然後就開咗🤷🏻‍♀️之後有個女侍應行咗出嚟同另一位包頭巾嘅男侍應幫佢執手尾，其後亦都冇沖過一杯新嘅嘢飲比客人，杯珍珠奶茶倒瀉之後其實個杯只係剩返兩啖奶茶同珍珠。如果開咗新鋪之後，服務同食物都變質嘅話，不如都係做返一間鋪頭專注啲比較好🤯…查看更多

這店名叫《普洱》，以為係中式點心餐廳，但原來係台式飲食店。今日中午，就叫咗個醬鹵貢牛肉、滇醬骨薯粉，平日薯粉都係用湯底，今日叫個係用醬鹵（撈薯粉）薯粉係幼身嘅，醬汁有點甜味，撈埋一齊食，好味，鹵貢牛肉，肉質較硬，滇醬骨，似豬軟骨，好入味，但都較咸。朱古力普洱，好似唔關係嘅飲品，但夾埋就都特別同好飲…查看更多

係普洱識食一定食米線。早幾年覺得啲焗飯好好味，但而家人大宣，焗飯咁heavy都係留返俾啲後生。米線會係個好選擇！水餃🥟皮薄餡靚，雞翼好入味，加左3蚊轉野菌湯，冇菇但有菇味，比清湯濃少少，還可以啦醬烤豬肉好味！但今日唔夠脆。全枱都飲朱古力普洱 👏🏻 今日杯野好淡，唔濃茶味，但下次都係會繼續飲 😂 希望下次好飲啲啦…查看更多

香港一共有兩間普洱，都在荃灣，所以荃灣街坊大都知道普洱，而我亦由街坊帶去食午餐。看門面，我曾經先入為主地以為這是一家吃粵式點心的小店，原來裏面是賣焗飯及米線的食肆，有點兒反高潮。我點了咖喱醬焗猪扒茄子意粉，意粉用了n12扁意粉，與普通西式食店用的n5普通意粉有所不同。這意粉是彈牙而且熟透的，但缺點是没有隔除多餘的水份，令意粉過濕，影響了意粉的味道。猪扒切件，煎封了才焗，包裹的煎粉太厚，差不多有一半猪扒的厚度，稍嫌過分的，但猪扒肉汁有保留，肉質亦没有乾及粗的情况，算是不過不失。入面還有茄子同焗，是意料之外的美味，茄子够滑又吸了醬汁的味道，令人欲罷不能。跟餐配一杯熱飲，叫了熱檸水，侍應哥哥表示，他們的熱檸水是預先加了糖的，詢問是否要少糖。我為之愕然，謝謝他的提醒，亦吩咐他要少甜。坦白說，我從未見聞過熱檸水預先加甜的做法，普洱可算第一家，或者這也是它的特色之一。普洱的消費不算高，食物質素不算好，但有特色，可以一試。…查看更多

我想我也算是普洱的常客，每次去到也是食野生餃砂窩米線和飲凍朱古力普洱，野生餃砂窩米線 餃子特別 湯底夠滾，但朱古力普洱還是最好飲的，總括而言他也算是荃灣區的平民飯堂。…查看更多

以前試過一、兩次喝這裡另一間分店的冷巧克力普洱，味道不錯，但不知道正餐是否好吃，網上食評好壞參半。今天下午就第一次來荃薈分店。環境上好像翻新了不久，比較光鮮，座位空間也不會太擁擠。飯麵選擇配搭很多，想吃湯麵的我挑了呈貢牛肉湯紅薯粉，配熱巧克力普洱（$ 38）。醬料帶點甜鹹味，有幾分像紅燒牛肉，能吃出牛肉味，配有少許津白的清湯濃度便恰好。幼紅薯粉份量普通，麵質較軟身但未至於糊爛。飲品方面，巧克力和茶是一個低調但有創意的搭配，可惜巧克力的味道更明顯，喝到最後見不少巧克力粉未溶，稱它為普洱巧克力合適不過。個人來說能再調低飲品的甜度，可能要指定少甜。可能沒抱著很大期望來，食物比我想像中好吃一點，不過不失，偶爾一來也無訪。…查看更多