影片
今日嚟到荃湾食呢一间叫做普洱嘅餐厅啦，咁入到去食佢都唔算话人太多嘅咁我嗌咗个焗饭嚟食嘅咁我知道点解个原因唔太多啦因为食落其实质素都好麻麻而最大嘅缺陷系佢个焗饭竟然系用白饭底完全破坏晒焗饭嘅精髓所以我觉得个焗饭系完全系唔夹唔好食嘅咁其次佢𠮶个普洱朱古力我觉得都OK嘅又唔算难饮，但系亦都唔算有乜特别嘢感觉中低嚟讲我系觉得做焗饭唔用炒饭体系一大败笔嚟嘅咁见到间餐厅人流亦都唔算多，所以相对应该大家都系觉得佢嘅质素一般般嘅啫
继续阅读
最近因为疫情再次反覆, 政府宣布禁止六时后晚市堂食, 于是我决定提早些少食夜晚𠮶餐。今次食左餐厅入面嘅焗野, 叫咗个焗咖哩猪扒茄子意粉, 𠮶碟焗意粉卖相都算ok, 出面啲餐厅通常系咖喱焗猪扒,好少会猪扒连埋茄子一齐, 创意度有分加, 秘制咖哩好入味, 块猪扒都好大块, 最有特色系啲意粉, 坊间通常会用啲阔嘅面嚟整意粉, 呢间餐厅用咗啲又嚟整意粉, 意粉 、咖哩 猪扒、茄子四者配合得天衣无缝, 顺带一提如果六点前落单嘅话好似仲有得减几蚊添!
继续阅读
叫左一个白汁香酥骨饭同一个葡国椰汁排骨鸡翼饭。啲肉咬都咬唔开，食啲肉时感觉似撕拉紧树皮咁嘅口感😓白汁无咩味，葡国椰汁唔香，总之唔会回购。同台湾面咁饮品选择比较多，但又唔似台湾面咁会为左杯野饮特登黎食，例如我叫左香橙绿茶，大约就系茶包冲绿茶再加橙汁咁，无必要食佢，而且个饭真系好难食。另外扣分系，明明去时好多位，佢安排我坐门口。背后就系餐厅电话，有电话黎时，电话声就系我脑后响。而且全程食饭都有电话黎，职员唔知去哂边，电话响好耐都唔黎听😓总结今次午餐体验非常不良好👎🏽👎🏽
继续阅读
今日28-11-2020 (Sat)剪完发后,同老公临去探外婆前食个晏,既然喺呢个商场,就试吓老公男友人NT介绍嘅呢间.我哋入去到,其实都未算过食晏时间,但人唔多,由于我哋唔太肚饿,坐低后睇完menu决定要一碗车仔米线share食,我哋要咗:1. $20.00嘅冻朱古力普洱浓浓朱古力味盖过咗普洱嘅味.味道: 3分2. 热杏仁普洱同样,唔多饮到普洱味,只觉得系淡杏仁.味道: 3分3. $43.00嘅双并车仔米线要豆腐丸子,烧猪软骨通心米线.嚟到,见到啲𩠌唔多.豆腐丸子口感松软,ok;烧猪软骨入味,不过都系干同嚡;通心米线系特别,不过食唔到同普通米线有咩大分别;啖汤几好味.味道: 3.75分食完碗米线,又想食小食,于是要咗$24.00嘅南瓜粑粑.呢个等咗几耐至到,应该系即叫即做,一客4件,size正常唔会太细件.而佢系热腾腾软绵绵同烟韧,唔太甜,唔错嘅.味道: 5分抵食系2.7分其他:原本以为呢喥系食云南嘢,冇谂到佢哋重有饭,重有啲港式沟西式嘅饭.
继续阅读
今日同朋友系青衣行完山，就搭巴士去左荃湾揾好野食。听讲呢到既朱古力普洱好出名，所以就比佢吸引左入去。佢呢个招牌真系无敌，朱古力好滑（应该有加奶）普洱茶底好浓，估唔到呢两样材料沟埋个味道系咁夹，好想再返去饮多次。我叫左个猪软骨米线，佢系用砂锅载住，同平时好唔同。猪软骨好软好入味，米线都几淋。仲有d一条条腐竹同埋木耳，感觉好养生。👍🏻我同朋友再share左个南瓜粑粑。咬入去无明显既南瓜蓉，但食落去系有南瓜味。成个糍粑都好软，如果南瓜味重d就好😂
继续阅读