普光齋

营业中

休息中

呢間食過2次，覺得幾好食就介紹下朋友😋一班🌼C9就快去濟州島旅行，今日下午開茶會☕於是就食下齊又可以坐耐D😂女人最中意坐底有得食又吹下水😋😂時間過得特別快架😅不過今次好失望囉～食物差了很多呢？又唔多款式😥友人叫了煎餅，煎餅亞姐話坐下等煎完送過來，以為好服務啦！點知個亞姐唔好禮貌咁放底！友人話無果醬嘅！亞姐就回答，你自己無講要咩醬，要就行出去攞！搞到大家有點有奇怪！唯有再行出去取果醬！埋單等取收據又問了3次和3個火記先比到我。唉～真係無下次了！

我和J小姐放學，去了佐敦普光齋吃宵夜，因為晚上9時半後，有平價小菜，每位茶位是9元。，最後決定點沙拉素雞柳 （味道不過不失，配了太多沙律醬，配上生菜一齊，都OK 好味。依30元來說，份量大碟。）另外，點了個香椿南瓜芝士焗飯，賣相不太吸引，吃唔到有南瓜味 ，因為是切粒關係，有濃烈香草味 ，有少許芝士味，有粟米作配料，飯太過軟身，味道一般。原先諗住這個飯是用南瓜汁來焗，但事實上，用香草汁焗，反而蓋過南瓜的味道，完全是香草味。

齋舖就在佐敦港鐵站出口，十分方便！一小時半的自助餐，食物款式不多，一張長枱擺晒。熱盤：粟米珍珠筍粥、碗仔翅、炒瓜菜...中式點心：叉燒飽、燒賣、粉果、咸水角、春卷、炸芋卷片糕點：馬荳糕、馬蹄糕、晶餅...小食：自製梳打夾餅甜品：碗裝蛋布甸(估計)總括：食物少油少鹽少糖，很健康，價錢實惠！

一連幾日假期大吃大喝，今日想同家人清清腸胃，去咗位於佐敦嘅普光齋食下午茶自助餐, 交通方便。店舖闊落光猛, 裝修似酒樓格局。食物款式多, 蒸炒煮炸, 甜酸辣味道樣樣齊。有炒麵, 飯, 各式素菜, 點心, 甜品, 應有盡有, 可以媲美酒樓及酒店。大部食物嘅味道適中, 不會太鹹或太多油, 可能師傅知道客人去食齋, 目的係想清清地, 所以有 heart, 自然煮出好食物。而且食物材料新鮮, refill 得好快, 唔會因為價錢平而將貨就價, 整體係物有所值。

經過見到入去試試，侍應好好，除了自助區還有火鍋，不過個人下次會叫她們不要上一籃菜，因對一大一小實在多了點！聽侍應說，天氣冷就自助區加火鍋，夏天是炒小菜！我有機會一定會在熱一點的時間再去！外面自助區的食物，補給好快，亦在補給時有換款！個人在自助區推介：芋頭魚，好好食，又不怕一個人食唔曬！三絲粉皮撈花生醬，超正！沙律有薯仔，好傳統的味道！有湯，我那晚係西洋菜湯！亦有粟米粥⋯⋯有得煎薄餅，這個甜點由老闆娘煎，超細心！

身邊越嚟越多朋友食素。 最近太凍想打下邊爐 ,朋友介紹在一間喺佐敦屹立多年嘅齋舖普光齋， 原來係地晚市做緊半自助火鍋，當然係全素火鍋 。打邊爐比較有睇頭嘅係四個湯底入面其中一個比較特別嘅就係藥膳當歸湯，難為有一男士陪我哋三位女士食當歸湯， 好彩當歸湯唔苦反而好香。全素打邊爐係咁玩法嘅，首先佢會畀一份基本食材籃， 入面有幾嚿豆腐四粒水餃一堆生菜一堆南瓜一堆金菇。 食曬基本菜籃之後就係出去攞一啲新鮮蔬菜及其他傳統齋菜例如酸齋，鹵水齋 ，素叉燒。另外亦都有沙律， 冷盤例如涼拌蓮藕 , 涼拌木耳， 甜品就有蛋散等等。邊爐配料選擇唔多，就算連蔬菜都唔多，菇亦都唔多。雖然我都唔太贊成食肆用過量嘅食材招攬客人引致浪費，但精明嘅香港人如果要用一百四十幾蚊食一餐飯都真係未必會揀譜光齋。希望各齋舖繼續提昇香港素食水準。

我人生食齋絕對不超過十次。一直沒有什麼好感，菜就菜、肉就肉，搞咩素食扮肉品。有一位朋友見我們平日少接觸這範疇，所以推薦傳統齋舖。地方大、有兩層。光是環境已經覺得好經典。點了1）咖喱魚排煲：幾香！上枱時個煲熱到滾。塊排好食。質感似魚蛋加肉丸。由於好多咖哩汁，所以成煲飯好濕潤。本人較喜歡軟而濕潤的飯，因此很喜歡這煲。2）脆片鴨：外層炸腐皮，係好脆口的。但個涵我真心麻麻🙈我唔慣甜的，而且本身對芝士奶油興趣一般。(原來我都是食古不化，比較抗拒創新食物😂😂😂)3）雙拼炸密瓜奶加炸蝦：好多年前食過其他店的密瓜奶！這間做得真心不錯。至少我不會覺得自己是食緊人造化學食物。炸蝦都幾好，質感頗有蝦肉的爽快口感。炸粉的調味恰到好處。4）欖油炒菜：正常炒菜，足夠鹽味。是我們最快清完的餸😆👍🏻就算全部都是齋，但又油炸又多麵粉類的碳水化合物。強烈建議大家記得點一碟清菜喔！

印象中 讀書時 佢啲齋名物黎...突煞好想飲茶 諗起佢 所以 就入咗去...開心仔落完單後...望望附近啲枱 無一枱叫點心 全部叫小菜...我地有啲擔心...好嘢食黎喇, 樣子如常的~入口真係好麻麻...我同自己講 因為素 爭小小 唔緊要 唔緊要 唔緊要直至食到呢個燒賣...真係伏到 不能 不能 不能!!!一陣嘔吐物怪味... 軟爛得黎膠彈... -..- 真係要吐出黎...價錢唔平 呢餐近二百... 真係唔好受... 對唔住 side 嘢 + 令朋友對素留下陰影...  

近排試過幾間新派西式素食店...質素吾錯而且菜式新穎! 今日就同家人去咗間傳統老店食生日飯! 呢間齋鋪好多年前都曾經幫襯過...裏面有兩層! 不過內裏裝修依舊,冇做過翻新! 但餐牌多咗啲新款式! 佢哋有多種套餐選擇, 亦有散叫! 因為我哋人多關係, 所以叫咗個10人套餐; 另外再加多兩個餸同一籠壽包! 埋單大概$3000! 飯後仍然有免費甜品 ~ 陳皮紅豆沙! 整體食物質素同味道不錯! 唯獨是個蜜瓜炸鮮奶同粉絲什菜煲比較遜色...炸鮮奶食吾到蜜瓜嘅香味! 另外個什菜煲就唔夠味!!

星期五同同事去左普光齋食自助午餐，$67加一，尚算抵食，呢間齋舖開左好耐，店員服務態度很好，間舖有2層，中午去食都易搵位，除了自助午餐，仲可以叫餸食嘅，自助午餐食物選擇頗多，有約10款主食，e.g. 通菜，四季豆，咖哩薯仔，炒雜菌等等，再加多款甜品，當中椰汁糕好好食，仲有碗仔翅，炸春卷，咸水角，酸甜齋等等，食物refill得都算快，而且味道不錯，比較清淡，食得健康，餐廳不另收茶錢，想食素嘅朋友可以試下！

有個同事是個食素者，她經常推薦素食很好味，對喜歡食肉的我，完全不能理解，近日被她多次游說下，決定午餐試下素食。我們叫了不同素食。齋滷味似用麵粉制成豬肉身體不同部份，食落煙煙銀銀，有口感。小食如鹹水角、蘿蔔糕及水晶卷，做得很近似平日飲茶的味道，水晶卷嘅皮唔會好厚身，入面好足料。特別主菜牛肉炒烏冬及乾炒牛河，味道當然同平日的小炒有分別，但食落係別一番味道，超級入味。第一次試完素食，對以往對素食是淡而無味改觀了！

平时家庭聚餐都系粤菜多，但系全斋菜就好少。普光斋吃完后发觉，原来斋菜可以甘多变。［位置］佐敦站地铁口b1/b2就系，要行比较企的楼梯上去餐馆。香港地地方狭窄，楼梯都窄。［环境］地方唔大，所以台都不会太多，少少窄，订佐位去吃比较好d。［菜式］份量唔算大，味道几好，唔会油腻。初以为斋菜都系比较多豆制品，但其实可以配一些常见蔬菜，都一样甘出色。芋头鱼把芋头整成融再炸成鱼型，吃时配上酸甜酱，开胃又香口。菠萝牛扒真系整得好真，好似牛肉的口感的豆制品，连卖相都一样给力。虽说话去吃斋，但系色香味绝对唔差于一般的中餐。值得推荐去试试

上年的年中, 朋友設紀念齋宴, 請我們到佐敦的普光齋, 感覺食品很一般.   今年紀念日期又到了,  我又參加在此餐廳的齋宴, 看來廚房有進步, 食物大大碟, 份量足.  材料好.今晚這道齋宴是套餐, 七個主菜, 一湯, 飯, 麵, 甜品, 生果, 好豐富.第一道菜是:錦繡大拼盆  ~ 店員送拼盆上檯時, 有向大家介紹食物資料, 及可點醬汁, 服務不錯.  錦繡大拼盆, 擺碟靚, 顏色及食品組合很出色.    齋燒味好香口, 炸齋魚片, 叉燒, 燻魚, 吃完想再吃.熱葷1 :  雀巢海中寶  ~ 擺設吸引, 雀巢夠脆, 其他材料爽口.熱葷 2:  竹笙扒富貴花 ~ 菜名優雅, 調味適中.上湯雲吞生翅 ~ 雲吞皮略覺太厚, 內餡是粉絲和菜, 入口滿意.法輪素卷 ~ 不太油膩, 配搭得宜.鮑片炆海參 ~ 無特別驚喜.香草芝士會真菌 ~ 碟邊擺設和以上熱葷有重覆感, 幸好香草芝士味濃, 有些像西式的黑松露味道, 較討好 ! 金沙鴨拼鳳尾蝦  ~ 金沙鴨做得皮薄外脆, 很好.    齋蝦肉夠爽彈牙, 只是外炸皮稍硬比不上天婦羅啊.  太極鴛鴦炒飯 ~ 做到太極和鴛鴦效果.  炒飯也滋味.幸福炆

星期日心血来潮想食齋,所以嚟咗呢間食放題,可惜食品質素比當年有下滑,除咗齋菜選擇不多之外,味道亦參差不齊,齋鹵味唔夠味,但反而小菜既大豆芽豆泡就太咸。以前有小炒纸可選擇炒小菜食,依家只有齋火鍋提供,变相食客選擇少咗。

平時經過商務買書都會去哩買腐皮卷食，但係次次都凍冰冰唔好食今次放假試下佢地個下午茶先，喺門口見啲炒野好平，都唔洗30蚊碟，同老婆食啦。由於平日關係，哩度人唔算多，我見冇咩人，求其坐算啦，不過侍應再三提醒如果多人就要搭枱，哩一點我稍為覺得煩左少少。哩度好得意既，無論餐牌或一張類似點心紙既野我地都冇準備比我地睇，但係又冇筆比我地填，要我地主動問先有，哩度佢地要改善下啦。黎到哩度，我除左叫炒野之外，梗係叫啲平日喺茶樓唔可以食既野啦。等左大約20分鐘到，我見人唔多，同埋隔離枱啲點心都上左啦，點解我地仲未有呢～ 同埋我地已經好肚餓啦，於是乎忍唔住問啦，如是者總共等左大約25分鐘，實在太耐啦。 由於小弟有海鮮敏感，正常茶樓根本食唔到燒賣，今次喺度下次一嚐久違既味道！哩粒燒賣如果係茶樓既燒賣既話，哩粒係大大粒燒賣。 當然唔少得魚翅海鮮餃啦干炒三絲河，炒河其實都預左多油，但係冇諗過啲油仲多過干炒牛河，個人覺得唔應該喺哩啲咁多老人家去既地方，仲放咁多油。裡紅金菰炆米哩個比干炒三絲河少油之餘，仲好味過佢，份量亦都比預期多，味道有少少似喺茶餐廳食既炆米煎南瓜餅，味道一般，需要幾大力先可以廝開。