影片
港铁佐敦站 B2 出口, 步行约1分钟
继续阅读
电话号码
23842833
开饭介绍
一间提供斋菜的餐馆，除了一般小菜外，更是供自助斋菜及茶市点心。店内灯光充足，并有三尊佛像供奉著，是佛门善信吃斋的选择。
继续阅读
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
上星期约咗朋友仔去佐敦嘅普光斋食午餐. 呢间斋舖晚晚都好多人去食, 仲有佛书畀有缘人带走颂读. 约会当日咁啱系闲日, 楼上雅座环境比较静, 倾计舒服！☺️点咗皇帝菜盐酥鸡捞粗面同埋斋卤味.粗面嘅味道配搭得好好, 盐酥鸡香脆脆口, 又唔会好淡. 斋卤味就好多款式拼埋一齐, 质素比附近嘅斋舖要好, 所以平时间中都买盒外卖返屋企食.😃
继续阅读
寻日星期二经过弥敦道，见到普光斋，都有多年未曾食过斋，一于试吓帮衬老斋铺。虽然快下午四点钟，店舖楼下坐满八成左右客人，斋舖都有下午茶餐优惠，所以叫咗个下午茶套餐，再多叫一碟斋卤味拼盘。斋拼盘斋叉烧质地好实，颜色红当当微甜，口感不太接受。斋鸭肾质地有咬口，甜甜地似咬一旧硬粉团嘅感觉，味道都系略甜。咖喱斋只带咖喱香味，软腍度较为挺身，口感都可以。圆形斋鸡就腍腍软滑，似食德国Frankfurter香肠，味道清淡。甜酸斋软腍腍，适量甜甜酸酸非常易入口，系我最喜欢嘅一种。豉油斋味道稍淡，烟烟韧韧，口感同甜酸斋非常相似。素鹅稍为煎炸个皮面，质地烟靭味道浓郁，比较好食兼有特色。罗汉斋炒面就只有炸过嘅面，炸面好韧又襟𡁻而且有少少脆脆口，冬菇腍身好味，冬菇木耳同草菇味道略为清淡，整体好一般。萝卜糕粉多糊口，食到最后𠮶块终于俾我食到有几粒萝卜粒。斋店装修似去返70年代嘅时空，枱凳摆设空间较为狭窄，碗筷杯碟及店面清洁整齐，店员服务态度殷勤尽力，对顾客非常有礼貌。并且留意到佢哋有派免费饭盒比街坊，值得一赞！虽然食物水准质素一般，有机会我都会再去帮衬佢哋。
继续阅读
不知不觉，普光斋的半价优惠，已经持续经年，想享用丰富素食又想悭钱，普光斋绝对是理想好去处🤗今晚又再第N次（已经多到数不清了）享用半价晚饭，是晚美食如下：1）羊腩煲--大件而有口感，配上清新蔬菜，感觉健康一些。滚烫的煲盛着热辣辣的食材，在这略带凉意的日子，带来丝丝暖意。2）锦卤云吞--十分爽脆，配上酸甜汁，增加开胃感。3）糯米饭--软糯口感固然是吸引之处，不过对版主这个“花生友”来说，数量颇多，味道爽口的花生也是重要的。#众里寻素千百道 #veggieEverywhere #veggie #gogreen #普光斋 #佐敦素食 #九龙素食 #半价
继续阅读
今日约咗个auntie一齐去食斋, 最后决定去佐敦嘅普光斋度食, 普光斋历史悠久好出名,听就听得多今次系第一次去, 入到舖头地方好大有两层, 不过睇得出有历史嘅痕迹😂, 我哋简单叫咗个 杂锦斋拼盘同帝王菜盐酥鸡 捞粗面， 捞面都几大碟， 唔会太干身几好味， 不过个杂咁斋拼盘， 我要求 酸斋比例多啲 其他少少就得， 第一次畀咗正常比例，我再同佢讲一次要酸斋多啲，佢拎入厨房再拎返出嚟𠮶碟嘢冇改变过🤣， 不过好多人食， 中午时间全场满座， 可能太多客人侍应们都忙忙碌碌 服务一般。
继续阅读
大家都喜爱吃素菜, 感觉健康吾油腻, 今日在佐敦普光斋订了台约朋友一起食斋. 锦绣大拼盘: 共有五款食品. 好受欢迎, 因为大家正肚饿.素榄角叉烧好惹味, 叉烧真像度很高, 色泽卖相同广东叉烧好相似. 口感很好.素猪扒煎得香, 像肉质般有咬口, 点上沙律酱, 美味 . 东坡肉, 调味正, 刺身卖相吸引, 色泽鲜明, 组合满意, 味道好均衡. 正中那些脆波波, 香脆可口. 雀巢海中宝: 好传统菜式, 手工吾错, 香口满意.碧绿皇帝卷: 摆碟颜色靓, 这个手工菜好特别, 用薄甘笋片及腐皮卷上皇帝菜, 再蒸熟, 好好味. 金沙海皇翅: 有好多仿翅, 翅很有咬口, 口感不错. 浓稠适中.法轮素卷: 用腐皮包上材料有冬菇, 笋片, 云耳, 鲜菇, ......等. 调味好, 芡汁打得适当.香煎猴王菇: 猴王菇好巨型, 煎得香.葡汁焗四蔬: 葡汁味刚好, 内有四款蔬菜, 材料丰富, 蔬菜新鲜, 西兰花, 菜芯, 生菜, 黄芽白, 煮得不会太腍. 草菇, 鲜菇, 食落有口感. 金沙鸭拼凤尾虾: 凤尾虾炸粉薄, 不油腻. 炸得香脆, 虾肉爽弹, 比活虾不相上下, 配上味道酸酸甜甜的酱汁, 很醒胃. 金沙鸭: 感觉吾太似鸭, 像腐皮包但煎得好好食. 翡翠美国果炒饭: 饭粒饱满炒得干身, 有腰果, 露笋 粒和葱花等一起来炒饭, 油分不多, 非常可口.幸福炆伊面: 用上草菰伴伊面, 炒得香, 有镬气 .合桃露: 好香浓合桃味, 不太甜, 多食补脑.厨艺及摆碟有进步, 用料优质, 见这店常做慈善派食物给街坊, 好有爱心, 人情味浓厚.
继续阅读