影片
第二次来食，估唔到就快结业，未试过一定要食，好食过深水埗排队既车仔面。午餐肉虽然得一块，但厚切好食。牛腩软硬适中，味道中上。萝卜够稔算甜。鸡翼有两只，够大，卤味够味。墨鱼春卷香脆，中上。木耳正常。沙嗲汁同麻辣酱好惹味。食左个fd既叫既猪手，皮够哂稔，唔错。打呢篇食评时先发觉原来漏左猪皮，上次食过一次印象都ok, 未结业前应该会再去食多次。虽然营业时间写到1930, 但我两次都系1930先去到食，未关，仲有客人同外卖单。亦可以打电话去问下关门未，唔识路都可以问，个铺位都几难揾，上次乱行去到，今次行左两圈都揾唔到，要打电话去问老板。见到snap 24/7 fitness, 留下有间7仔，对面有间聚兴楼同百乐饼家，就系望住聚兴楼既右边有条L向上斜路，上去就到。希望快d出post, 等未试过既人去试下。
继续阅读
今日一返工居然就谂到下昼好想食车仔面，于是就同同事去食，本身系食开另外一间，但原来有一间相对比较街坊嘅，于是就决定嚟试吓呢间车仔面嘅铺面就比较细啲，而入到去呢就发现都系比较街坊嘅装修，一入到去都系一月以往take飞仔叫𩠌，今次叫咗猪红，午餐肉，卤水鸡翼，舖头入面嘅店员相处模式会比较特别一啲，你唔好以为系嗌紧交，其实系一个深层嘅沟通。叫咗之后都要耐心等待，味道真系好好食，个汤底我自己加咗腩汁同埋加咗少少辣，佢个辣系会用一匙羹笔俾你，我自己一开始唔唔敢捞开佢，因为惊会好辣，但系直到最尾其实都唔会。最推介嘅𩠌系猪红，因为完全冇声嘅味道，而且质感好好。
继续阅读
时新系沥源已经好多年，我估系附近读书嘅学生或者邨内外嘅街坊好多都有食过，真系咁多年都保持到咁抵食，仲要好有良心加价都加得好手紧，当然做到咁抵舖头人手永远唔够，所以时有甩漏哈哈但食惯食熟嘅大家都冇唛所谓，出声就得架喇好casual的最钟意系有得拣净𩠌，有时唔想太滞就会咁拣，尤其因为正常个面底真系好大碗架🤣净𩠌普遍啲𩠌会多一半份量咁最钟意叫手撕鸡肉、煎蛋、卤水猪手、萝卜等等蕃茄汤同咖喱汁都系至爱加埋生蒜仲滋味！
继续阅读
今时今日，食车仔面绝对系高消费餐点去完宝福山，原打算去饮下午茶食点心，忘记咗佢哋会落场。一家大小失望而回。就系附近睇下有咩食系openrice见到附近有呢间小店，就行去试吓。门面系旧式屋村小店，地方浅窄。但成4:30都仲有好多街坊不停帮衬。心谂应该今次拣啱地方啦😂$40三𩠌一面，著校服仲$34🙀再送饮品好耐未试过食车仔面每个𩠌都有各自嘅味道。猪皮有咖喱汁味，猪肠有卤水味酸斋煮到入晒味，淋度同酸甜味刚刚好梅菜扣肉饭$47包饮品𩠌同饭分开上，梅菜炆到入晒味，净用梅菜捞饭都已经够你清碟。扣肉仲要系肥瘦梅花间竹柠乐加$8，柠冰杯底满晒冰，好耐未饮过咁凉浸浸嘅柠乐小店细细，但街坊温情味满泻⋯⋯
继续阅读
$38 3𩠌车仔面，真系好抵食必食推介 猪手，鱿鱼同酸斋猪手入味又够淋鱿鱼系咖喱鱿鱼酸斋味道刚好，酸酸甜甜一碗车仔面加枝可乐，真系好Perfect 叫外卖可以WhatsApp 落单，好方便👍🏼👍🏼
继续阅读